1 Timɔtée 1:9 - MAWUXÓWÉMA

⁹ Đo tají ɔ́, è ka ná flín ɖɔ é kún nyí nǔjlɔ́jlɔ́watɔ́ lɛ́ɛ wú wɛ è dǒ sɛ́n ɔ́ ó; lo ɔ́, mɛ e wú è dǒ sɛ́n ɔ́ lɛ́ɛ wɛ nyí nǔnyanyawatɔ́ lɛ́ɛ, tónúmasetɔ́ lɛ́ɛ, mɛ e ma nɔ sí Mawu ǎ lɛ́ɛ, hwɛhutɔ́ lɛ́ɛ, mɛ e ma nyí mɛ mímɛ́ ǎ lɛ́ɛ, mɛ e ma ɖi nǔ nú Mawu ǎ lɛ́ɛ, mɛ e nɔ hu tɔ́ yětɔn abǐ nɔ yětɔn lɛ́ɛ é, mɛhutɔ́ lɛ́ɛ.

1 Timɔtée 1:9 Iomraidhean Croise

2 Samuwɛ́li 16:11

Bɔ Davídi ɖɔ nú Avicáyi kpódó gǎn hɔn-yitɔ́ tɔn lɛ́ɛ kpó ɖɔ: “Vǐ e nyɛ ɖésúnɔ ji ɔ́ ɖíe ɖo kú ce ba wɛ e, étɛ́ ká sɔ́ nyí Bɛnjamɛ́ɛ ví énɛ́ tɔn? Mi tin dó e nú é ɖɔ nǔ e jló é nú mì, ɖó Mawu Mavɔmavɔ wɛ ná gbe tɔn ɛ.

2 Axɔ́sú 19:37

Gbe ɖokpó tíin, bɔ Senakelíbu ɖo kɔ́ ɖe nú vodún tɔn Nislɔki ɔ́ wɛ, bɔ vǐ tɔn Adlamɛlɛ́ki kpó Salɛsɛ́ɛ kpó sɔ́ hwǐ i, bó hu i, bó hɔn yi Alaláti; ée é kú ɔ́, vǐ tɔn Asaaxadɔ́ɔn ɖu axɔ́sú ɖó tɛn tɔn mɛ.

2 Tan 32:21

Bɔ Mawu Mavɔmavɔ sɛ́ wɛnsagun ɖokpó dó ahwankpá Asilíi xɔ́sú ɔ́ tɔn mɛ, bɔ é hu ahwanfuntɔ́ syɛ́nsyɛ́n lɛ́ɛ, ahwangán lɛ́ɛ kpódó gbɛtɔ́ nukúnɖéjí lɛ́ɛ kpó. Nǔ énɛ́ ɔ́ hu winnyá nú axɔ́sú ɔ́, bɔ é lɛ́ kɔ yi to tɔn mɛ. É ká wá su gbe ɖokpó bɔ é yi byɔ́ vodún tɔn xɔ mɛ, bɔ vǐ é ɖésúnɔ tɔn lɛ́ɛ hu i kpó hwǐ kpó.

Tíntɔ́n 20:13

Ma hu mɛ ó.

Tíntɔ́n 21:14

Amɔ̌, nú mɛɖé tunwun, lobo sɔ́ sísɛ́ ɖó nukɔn bó hu mɛ ɔ́, nú mɛ énɛ́ ɔ́ ná bo hɔn yi cí vɔ̌sákpe ce kpá ɔ́, mi ná yi dɔn ɛ tɔ́n, bó hu i.

Nǔnywɛ́xó 20:20

Mɛ ɖé dó nu tɔ́ tɔn abǐ nɔ tɔn ɔ́, gbɛ tɔn ná cí zogbɛ́n cí ɖo zǐnflú gɔngɔn mɛ ɖɔhun.

Nǔnywɛ́xó 28:17

Mɛ e hu mɛ ɔ́, hɔn wɛ é nɔ́ hɔn káká yi byɔ́ yɔdo mɛ: mɛɖé má ɖó e te ó!

Nǔnywɛ́xó 28:24

Mɛ e nɔ ja ajo dó tɔ́ kpó nɔ kpó, bó nɔ́ ɖɔ é kún nyí hwɛ ó ɔ́, é kpó ajotɔ́ axánsúnxó kpó wɛ nyí nǔ ɖokpó ɔ́.

Nǔnywɛ́xó 30:11

“Mɛ ɖé lɛ́ɛ tíin, bó nɔ́ nylá nu dó tɔ́ yětɔn, bó nɔ́ ɖɔ nɔ yětɔn sín xó ɖagbe ǎ.

Nǔnywɛ́xó 30:17

Mɛ e nɔ ko tɔ́ tɔn ɔ́, mɛ e ma nɔ se tónú nú nɔ tɔn ǎ ɔ́, avǔnsákɔwó tɔdo mɛ tɔn lɛ́ɛ ná tɔ́n nukún i, bɔ gangan lɛ́ɛ ná vún lan tɔn ɖu.

Jelemíi 23:11

Mawu Mavɔmavɔ ɖɔ: “Gbeyíɖɔ kpó vɔ̌sánú-xwlémawutɔ́ kpó bǐ wɛ ɖu kpa. Un mɔ dǎka e yě nɔ́ xo ɔ́; yě nɔ́ xo dǎka káká bó nɔ lɛ́ wá xo ɖo xwé ce gbe.

Ezekiyɛ́li 21:25

Ali we lɛ́ɛ ɖokpó yi Hlaba ɖo Amumɔ́ɔ ví lɛ́ɛ to mɛ; wegɔ́ ɔ́ yi ahohó Jeluzalɛ́mu toxo ɔ́ tɔn kɔn, ɖo Judáa.

Levíi ví 20:9

“Nú mɛɖé dó nu tɔ́ tɔn abǐ nɔ tɔn ɔ́, è ɖǒ ná hu i dandan. É ɖésúnɔ wɛ kú tɔn kan, ɖó é dó nu mɛjitɔ́ tɔn lɛ́ɛ.

Matíe 10:21

“Nɔví ná jó nɔví tɔn, bɔ è nǎ hu; tɔ́ ná jó vǐ tɔn, bɔ è nǎ hu; vǐ lɛ́ɛ ná fɔ́n gǔ dó mɛjitɔ́ yětɔn lɛ́ɛ jí, bó ná zɔ́n ɖɔ è ní hu yě.

Hlɔ̌manu 1:30

bó nɔ́ ɖo xó nyanya ɖɔ dó yěɖée wú wɛ; Mawu sín kɛntɔ́ wɛ yě nyǐ. Yě nɔ sí mɛ ǎ; yě nɔ ɖo go yí wɛ, bó nɔ́ ɖo ajɔ̌ jlá nú yěɖée wɛ. Yě nɔ ɖo nǔ nyanya wiwa sín wlɛnwín yɔ̌yɔ́ lɛ́ɛ ɖe wɛ; yě nɔ́ vɛ́ tóli nú mɛjitɔ́ yětɔn lɛ́ɛ.

Hlɔ̌manu 4:13

Mawu dó akpá nú Ablaxámu kpódó vǐ tɔn lɛ́ɛ kpó ɖɔ gbɛ ɔ́ ná nyí yětɔn. Sɛ́n e é nɔ nyi ɔ́ wútu wɛ Mawu dó akpá énɛ́ ɔ́ ǎ; lo ɔ́ hwɛjijɔnɔ e é nyí ɖo Mawu nukún mɛ ɖó nǔ e é ɖi n'i ɔ́ wú wɛ Mawu dó akpá énɛ́ n'i.

Hlɔ̌manu 5:20

Sɛ́n ɔ́ wá, bónú hwɛhuhu ná sukpɔ́; fí e hwɛhuhu ka sukpɔ́ ɖe ɔ́, fɛ́nú Mawu tɔn nɔ túnflá ɖo fínɛ́.

Hlɔ̌manu 6:14

Đó hwɛhuhu ná ɖó acɛ ɖo mi jí ǎ; ɖó mi sɔ́ ɖo sɛ́n ɔ́ sín acɛ mɛ ǎ; lo ɔ́, fɛ́nú Mawu tɔn mɛ wɛ mi ɖe.

Galatinu 3:19

Étɛ́wú è dǒ sɛ́n ɔ́ lo? È dǒ sɛ́n ɔ́ bónú é ná ɖe zǐnzán e gbɔn vo nú jlǒ Mawu tɔn ɔ́ xlɛ́; é ná ɖo te káká jɛ hwenu e Ablaxámu ví e è dǒ akpá ɔ́ na ɔ́ na wá dó é. Wɛnsagun Mawu tɔn lɛ́ɛ wɛ hɛn sɛ́n ɔ́ wá gbɔn mɛ ɖokpó jí .

Galatinu 5:18

Ényí Yɛsinsɛn ɖo ali xlɛ́ mi wɛ ɔ́, sɛ́n ɔ́ sɔ́ ɖó acɛ ɖo mi jí ǎ.

Galatinu 5:21

mɛnújlójló, ahannumú, nǔɖudíngan kpódó nǔ hǔnmɛ énɛ́ lɛ́ɛ kpán. Un ɖo ɖiɖɔ nú mi wɛ din lě e un ko ɖɔ gbɔn nú mi ɖ'ayǐ ɔ́, ɖɔ mɛ e nɔ wa nǔ mɔ̌hunkɔtɔn lɛ́ɛ kún ɖo axɔ́súɖuɖu Mawu tɔn mɛ ná byɔ́ wɛ ó.

Galatinu 5:23

fífá, mɛɖéejíɖuɖe ; nǔgbó ɔ́, sɛ́n ɔ́ gbɛ́ nǔ énɛ́ lɛ́ɛ ǎ.

Sɛ́nflínmɛ 27:16

“Heelú mɛ e dó vɛ̌ nú tɔ́ tɔn kpó nɔ tɔn kpó é!” Bɔ togun ɔ́ bǐ ná yí gbe ɖɔ: “Amǐ.”

2 Tɛsalonikinu 2:8

Hwenɛ́nu ɔ́, Mɛdídá ɔ́ ná tɔ́n, bɔ Aklúnɔ Jezu ná zé funfún e nɔ́ tɔ́n sín nu tɔn mɛ ɔ́ dó hu i, lobo ná sɔ́ wǐwá tɔn sín kínkɔ́n dó vívá kún tɔn.

1 Timɔtée 4:7

Hɔn nú xlonɔ sín tan e kpi wɛ nyɔ̌ɖaxóví lɛ́ɛ nɔ ɖe, bɔ é ma sɔgbe xá nǔɖiɖi ɔ́ ǎ lɛ́ɛ é, bó kplɔ́n hwiɖée dó xɛsi ɖi nú Mawu lɔ jí.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

2 Timɔtée 2:16

Jǒ xógbló kpódó xó e ma sɔgbe xá Mawuxó ɔ́ ǎ lɛ́ɛ kpó dó; ɖó mɛ e nɔ ɖɔ xó énɛ́ lɛ́ɛ é fɔ́n tɛgbɛ ɔ́, yě ná nɔ ɖo zɔ sɛ yi nú Mawu wɛ;

2 Timɔtée 3:2

Hwe énɛ́ nu ɔ́, gbɛtɔ́ lɛ́ɛ ná nɔ ba ɖɔ émítɔn jɛ́n ná nyɔ́; yě ná nɔ yí wǎn nú akwɛ́; yě ná nɔ mɔ yěɖée; yě ná nɔ́ yí go; yě ná nɔ́ nylá nu dó Mawu wú; yě ná nɔ́ vɛ́ tóli nú mɛjitɔ́ yětɔn lɛ́ɛ; yě ná nɔ dó alɔgúdokpɛ́ nú mɛ; yě ná nɔ ɖó sísí nú nǔ e nyí Mawu tɔn lɛ́ɛ ɖě ǎ.

Titu 1:10

Đó yě sukpɔ́, ɖo tají ɔ́, gǔfɔ́ntɔ́ e nɔ ɖɔ xó maɖótaɖé dó blɛ́ mɛ lɛ́ɛ ná ɔ́ sukpɔ́ ɖo Jwifu e húzú jɛ Klísu li jí lɛ́ɛ mɛ.

Titu 1:16

Yě tunwun Mawu bó ɖɔ; lo ɔ́, nǔwiwa yětɔn ɖe xlɛ́ ɖɔ yě kún tunwun Mawu ó. Mɛ e è nǎ gbɛ́ wǎn ná wɛ nú yě; yě nyí gǔfɔ́ntɔ́, bó nyí mɛ e ma sixú kpé nǔ ɖagbe ɖěbǔ wú bó wa ǎ lɛ́ɛ é.

Titu 1:6

Agunmɛxó ɖó ná nyí mɛɖé, bɔ è nǎ mɔ nǔjɛdo ɖě ɖɔ dó wú tɔn ǎ; asi ɖokpó géé wɛ é ɖó ná ɖó; vǐ tɔn lɛ́ɛ ɖó ná ɖi nǔ nú Klísu; yě ɖó ná nyí mɛ, bɔ è nǎ tunwun yě dó tunwun gbɛnyanyazántɔ́ ǎ, yě ká ɖó ná tlí tó ǎ.

Titu 3:3

Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

Eblée 11:31

Nǔɖiɖi e Hlaxábu nyɔ̌nu agalɛtɔ́ ɔ́ ɖó ɔ́ wɛ zɔ́n bɔ hwenu e mɛ e ma se tónú nú Mawu ǎ lɛ́ɛ kú ɔ́, éyɛ́ kú ɖě ǎ, ɖó é yí dobanúnǔtɔ́ e Izlayɛ́li ví lɛ́ɛ sɛ́ dó ɔ́, kpódó xomɛnyínyɔ́ kpó.

Eblée 12:16

Mɛ ɖé ní ma nyí agalɛtɔ́ abǐ suɖunúmawutɔ́ Esawu ɖɔhun ó; Esawu e kpɔ́n dó nǔɖuɖu ká ɖokpó wú, bó sa vǐɖaxó sín acɛ e é ɖó é.

1 Piyɛ́ɛ 2:7

Awǐnnya xɔ akwɛ́ ɖaxó ɖokpó wɛ nyí awǐnnya énɛ́ ɔ́ nú mi mɛ e ɖi nǔ lɛ́ɛ; amɔ̌ nú mɛ e ma ɖi nǔ ǎ lɛ́ɛ ɔ́, é nyí: “Awǐnnya e xɔmɛtɔ́ lɛ́ɛ ma dó mɔ nǔɖéwanú ǎ, bó xo nyi kɛ́n, bɔ é húzú awǐnnya e ɖo tají é”.

1 Piyɛ́ɛ 3:20

Mɛ e ko vɛ́ tóli nú Mawu ɖ'ayǐ xóxó ɖo hwenu e é ɖó suúlu bó nɔ te káká bɔ Nɔwée bló tɔjíhún ɔ́ fó lɛ́ɛ sín yɛ lɛ́ɛ xó ɖɔ wɛ è ɖe. Mɛ kwín we ɖé wɛ byɔ́ tɔjíhún ɔ́ mɛ: yě mɛ tántɔn wɛ nyí mɛ e byɔ́ mɛ bó gán ɖo sin xó ɔ́ mɛ é.

1 Piyɛ́ɛ 4:18

Lě e Mawuxówéma ɔ́ ɖɔ gbɔn ɔ́: “Ényí mɛ e nɔ wa nǔ jlɔ́jlɔ́ lɛ́ɛ ná hwlɛngán ɔ́ ka vɛ́ wǔ sɔ mɔ̌ ɔ́, nɛ̌ é ka ná nyí gbɔn nú mɛdídá lɛ́ɛ kpódó hwɛhutɔ́ lɛ́ɛ kpán?”

Nǔɖexlɛ́mɛ 21:8

Amɔ̌ nǔvɔ́nɔ lɛ́ɛ ɔ́, nǔmaɖitɔ́ lɛ́ɛ ɔ́, suɖutɔ́ lɛ́ɛ ɔ́, mɛhutɔ́ lɛ́ɛ ɔ́, agalɛtɔ́ lɛ́ɛ ɔ́, majíkiblótɔ́ lɛ́ɛ ɔ́, vodúnsɛntɔ́ lɛ́ɛ kpódó adingbannɔ lɛ́ɛ bǐ kpán ɔ́, tɛn yětɔn ná nɔ myɔ togotogo e mɛ hwemí ɖo jiji ɖe wɛ é mɛ; é wɛ nyí kú wegɔ́ ɔ́.”

Nǔɖexlɛ́mɛ 22:15

Amɔ̌, avǔn lɛ́ɛ, majíkiblótɔ́ lɛ́ɛ, agalɛtɔ́ lɛ́ɛ, mɛhutɔ́ lɛ́ɛ, vodúnsɛntɔ́ lɛ́ɛ, kpó mɛ e yí wǎn nú adingban, bó nɔ wa adingbanzɔ́ lɛ́ɛ bǐ kpó ná nɔ toxo ɔ́ gúdo!