1 Timɔtée 1:8 - MAWUXÓWÉMA

⁸ Nǔgbó ɔ́, mǐ tunwun ɖɔ sɛ́n ɔ́, nǔ ɖagbe wɛ é nyí, nú è zě dó wa azɔ̌ ná lě e é jɛ xá gbɔn ɔ́ nɛ́.

1 Timɔtée 1:8 Iomraidhean Croise

Nɛɛmíi 9:13

A jɛ te bo wá ɖɔ xó nú yě ɖo Sinayíi só jí. A ɖɔ lě e yě ná wa nǔ gbɔn bɔ é ná sɔgbe é nú yě. A nǎ sɛ́n nǔgbó nǔgbó lɛ́ɛ yě. Kplɔ́n e a nǎ yě kpó nǔ e a ɖɔ yě ní wa lɛ́ɛ kpó nyɔ́ bɔ nǔ bǐ vɔ ɖ'é wú.

Hlɔ̌manu 12:2

Mi ma nɔ wa nǔ lě e gbɛ ɔ́ nɔ wa nǔ gbɔn é ó; lo ɔ́, mi jó Mawu dó, nú é húzú mi gbɔn ayi mitɔn sín hǔzúhúzú gbla mɛ. Énɛ́ ɔ́, mi ná sixú tunwun jlǒ Mawu tɔn: é wɛ nyí nǔ ɖagbe; nǔ e nɔ nyɔ́ nukún tɔn mɛ é; nǔ e sɔgbe bɔ nǔ bǐ vɔ ɖ'é wú é.

Hlɔ̌manu 7:16

Ée é nyí ɖɔ nǔ e un ma jló ná wa ǎ ɔ́ wɛ un nɔ wa ɔ́, un mɔ ɖɔ sɛ́n ɔ́, nǔ ɖagbe wɛ é nyí, gbɔn nǔ e un nɔ wa gbɔn mɔ̌ ɔ́ gbla mɛ.

Hlɔ̌manu 7:18

Đó un tunwun ɖɔ nǔ ɖagbe wiwa kún ɖo ayixa ce mɛ ó; é wɛ nyí ɖɔ nǔ ɖagbe wiwa ɖo hwɛhuhu sín ninɔmɛ e un ɖó ɔ́ mɛ ǎ; ɖó un jló bó ná wa nǔ ɖagbe; amɔ̌, un ɖó hlɔ̌nhlɔ́n e ná wa é ǎ.

Hlɔ̌manu 7:22

Đo linlin ce mɛ ɔ́, Mawusɛ́n ɔ́ wɛ nɔ dó xomɛhunhun nú mì.

Galatinu 3:21

Sɛ́n ɔ́ gbɛ́ akpá e Mawu dó lɛ́ɛ ɖɔ wɛ è ɖe a? Gbeɖé kpɔ́n. Ényí è dǒ sɛ́n ɖé, bɔ sɛ́n énɛ́ hɛn ɔ́, é ná ná gbɛ jɔ gbɛ gbɛtɔ́ lɛ́ɛ ɔ́, hǔn mɛ bǐ wɛ sixú nyí hwɛjijɔnɔ ɖo Mawu nukɔn, gbɔn sɛ́n ɔ́ gbla mɛ.

2 Timɔtée 2:5

Wezunkántɔ́ e yi agbahwlɛ́nhwlɛ́n tɛnmɛ ɔ́ ma kán wezun lě e sɛ́n ɔ́ zɔ́n gbɔn ɔ́ ǎ ɔ́, é sixú mɔ ɖuɖéjígbákún yí ǎ.