1 Timɔtée 1:6 - MAWUXÓWÉMA

⁶ Mɛ ɖé lɛ́ɛ lɛ́ kɔ sín walɔ énɛ́ lɛ́ɛ gúdo, lobo kpo nú xógbló kɛ́ɖɛ́, káká bó bú ɖ'é mɛ.

1 Timɔtée 1:6 Iomraidhean Croise

Matíe 18:12

“Ani mi ka lin dó xó élɔ́ wú? Ényí mɛɖé ɖó lɛ̌ngbɔ́ kanwe ko (100), bónú ɖokpó ka bú sín mɛ ɔ́, é ma ná jó kanwe afɔtɔn-nukún-ɛnɛ (99) ɖě lɛ́ɛ dó nyi fí ɖokpó ɖo sókan mɛ, lobo ɖidó ɖokpó e bú ɔ́ ba gbé ǎ cé?

1 Timɔtée 5:15

Đó asúkúsi ɖé lɛ́ɛ kó gosín ali jlɔ́jlɔ́ ɔ́ jí, bó xwedó Satáan.

2 Timɔtée 2:18

Yě lɛ́ kɔ sín nǔgbó ɔ́ gúdo, bó nɔ ɖɔ mɛkúkú lɛ́ɛ ko fɔ́n, bɔ xó énɛ́ ɔ́ ko wá yi. Nǔkplɔ́nmɛ yětɔn énɛ́ ɔ́ zɔ́n bɔ mɛɖé lɛ́ɛ sín nǔɖiɖi jɛ ayǐ.

2 Timɔtée 4:10

Đó Demási jó mì dó, bó yi Tɛsaloniki, ɖó é yí wǎn nú gbɛ din tɔn ɔ́ dín. Klɛsáan yi Galati, bɔ Títu ka yi Dalumati.

Titu 1:10

Đó yě sukpɔ́, ɖo tají ɔ́, gǔfɔ́ntɔ́ e nɔ ɖɔ xó maɖótaɖé dó blɛ́ mɛ lɛ́ɛ ná ɔ́ sukpɔ́ ɖo Jwifu e húzú jɛ Klísu li jí lɛ́ɛ mɛ.

Titu 3:9

Amɔ̌, hɔn nú nǔdindɔn e nɔ hwɛ́n xlonɔ xó lɛ́ɛ, bó hɔn nú kanfifɔ magbokɔ lɛ́ɛ, bó nɔ hɔn nú jlɛɖiɖɔ kpódó adɔndindɔn dó sɛ́n lɛ́ɛ jí kpán. Nǔ énɛ́ lɛ́ɛ ɔ́, yě nyí nǔɖéwanú ǎ; nǔ nyanya wɛ yě nyí.