1 Timɔtée 1:5 - MAWUXÓWÉMA

⁵ Nǔ e wú un ɖɔ mɔ̌ ɔ́ wɛ nyí ɖɔ nǔkplɔ́nmɛ mǐtɔn lɛ́ɛ ɖó ná d'alɔ mi, bɔ mi ná ɖó wǎn yíyí e nɔ tɔ́n sín ayi mímɛ́ mɛ é; wǎn yíyí e nɔ tɔ́n sín linlin ɖagbe mɛ é, wǎn yíyí e nɔ tɔ́n sín nǔɖiɖi jɔ nǔɖiɖi mɛ é.

1 Timɔtée 1:5 Iomraidhean Croise

Ɖɛhan 24:4

Mɛ e ma nɔ wa nǔ nyanya ǎ, mɛ e ayixa tɔn mɛ́, mɛ e ma nɔ ɖó adingban ǎ, mɛ e ma nɔ xwlé nǔ dó blɛ́ mɛ ǎ ɔ́ wɛ.

Ɖɛhan 51:10

Đɔ nú mì ɖɔ émí sɔ́ hwɛ kɛ mì, énɛ́ ɔ́, xomɛ ná hun mì bó ná túnflá, bɔ xú e a cɛ́ dó lanmɛ nú mì lɛ́ɛ lɔ ná ɖú we.

Jelemíi 4:14

Mawu ná ɖɔ: “Jeluzalɛ́mu, ɖe linlin nyanya sín ayi mɛ, lobo gán. Káká hwetɛ́nu ayi towe ná nɔ jikwíkwí mɔ̌ yi jɛ?

Sofoníi 3:7

Un ɖɔ dó ayi mɛ ɖɔ: ‘Jeluzalɛ́mu, é nyí a ɖǒ sísí nú mì ɔ́, é nyí a sɔ́ kplɔ́n e un ná we lɛ́ɛ ylɔ́ nǔ ɔ́, un ná gba nɔtɛn towe hánnyá ǎ. Un ná kplɔ́n we gbɔn alɔ bǐ mɛ có, nǔ baɖabaɖa wiwa jɛ́n a nɔ hwlɛ́n dó.’ ”

Matíe 12:35

Mɛ ɖagbe ɔ́, nǔ ɖagbe e ɖo ayi tɔn mɛ ɔ́ wɛ é nɔ ɖe tɔ́n, bɔ mɛ nyanya ka nɔ ɖe nǔ nyanya e ɖo ayi tɔn mɛ ɔ́ tɔ́n.

Matíe 5:8

Nǔ nyɔ́ nú ayimímɛ́nɔ lɛ́ɛ, ɖó yě ná mɔ Mawu.

Mɛsɛ́dó 15:9

Mawu ɖe mɛɖé ɖó vo ɖo yě kpó mǐ mɛ e nyí Jwifu lɛ́ɛ kpó mɛ ǎ; é lɛ ayixa yětɔn wé ɖó yě ɖi nǔ.

Mɛsɛ́dó 23:1

Pɔ́lu bɔ nukún nyi toxóɖɔtɔ́ lɛ́ɛ wú, bó ɖɔ: “Nɔví ce lɛ́ɛ mi, ayi ce xo hun xá mì ɖo nǔ ɖěbǔ mɛ ɖo Mawu nukɔn káká jɛ égbé ǎ.”

Mɛsɛ́dó 24:16

Énɛ́ ɔ́ wú wɛ un nɔ dó gǎn, bónú ayi ce ma xo hun xá mì ɖo nǔ ɖěbǔ mɛ, ɖo Mawu kpódó gbɛtɔ́ lɛ́ɛ kpán nukɔn ó.

Hlɔ̌manu 10:4

Đó Klísu wɛ nyí mɛ e gɔ́n Mɔyízisɛ́n ɔ́ kplá mǐ xwe é, bónú Mawu ná sɔ́ mɛ e ɖi nǔ lɛ́ɛ bǐ dó húzú hwɛjijɔnɔ.

Hlɔ̌manu 12:9

Wǎn yíyí e mi ɖó ɔ́ ní yi xomɛ ganjí. Mi gbɛ́ wǎn nú nǔ nyanya wiwa. Mi nɔ ɖó kan dó nǔ ɖagbe wiwa wú.

Hlɔ̌manu 14:15

Ényí a nɔ bló bɔ nɔví towe nɔ mɔ wǔvɛ́ ɖó nǔɖuɖu e ɖu wɛ a ɖe ɔ́ wútu ɔ́, a sɔ́ ɖo nǔ wa wɛ lě e wǎn yíyí ɔ́ byɔ́ gbɔn é ǎ. É ná sɔ́n nǔ e ɖu wɛ hwɛ ɖe ɔ́ wú kpowun bɔ a nǎ dɔn mɛ e tamɛ Klísu kú dó ɔ́ yí bú a?

Hlɔ̌manu 9:1

Nǔgbó ɖɔ wɛ un ɖe, ɖo bǔ e un ɖe xá Klísu ɔ́ mɛ; un nɔ ɖó adingban ǎ. Ayixa ce ɖe kúnnu nú mì gbɔn Yɛsinsɛn jí ɖɔ nǔgbó ɖɔ wɛ un ɖe.

1 Kɔlɛ́ntinu 13:1

Ényí un ná bo nɔ ɖɔ xó dó gbɛtɔ́ lɛ́ɛ kpódó wɛnsagun Mawu tɔn lɛ́ɛ kpó sín gbe mɛ, bó ma ka ɖó wǎn yíyí ǎ ɔ́, xó ce lɛ́ɛ ná cí hǔn abǐ gan e xo wɛ è ɖe kpowun, bɔ é ma ɖo xó ɖě ɖɔ wɛ ǎ é ɖɔhun.

2 Kɔlɛ́ntinu 1:12

Nǔ e wú mǐ hɛn ɔ́, mǐ ná gó ɔ́ ɖíe: ayixa mǐtɔn ná gǎnjɛwú mǐ ɖɔ mǐ zǎn gbɛ mǐtɔn ɖo gbɛ ɔ́ mɛ; ɖo tají ɔ́, mǐ zán gbɛ mǐtɔn ɖo tɛ́ntin mitɔn kpó ayi ɖokpó kpó, kpó nǔgbó e nɔ gosín Mawu gɔ̌n ɔ́ kpó. Nǔ énɛ́ e mǐ ka wa ɔ́, fɛ́nú Mawu tɔn wɛ xlɛ́ ali mǐ; é nyí nǔnywɛ́ gbɛtɔ́ tɔn ǎ.

Galatinu 5:22

Lo ɔ́, nǔ e Yɛsinsɛn nɔ ná mɛ ɔ́ wɛ nyí wǎn yíyí, xomɛhunhun, vivo mimɔ, suúluɖíɖó, xomɛnyínyɔ́, ɖagbewiwa, gbejíninɔ,

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Sɛ́nflínmɛ 10:12

Mɔyízi ɖɔ: “Izlayɛ́li ví lɛ́ɛ mi, étɛ́ ba wɛ Mawu Mavɔmavɔ, Mawu mitɔn ɖe ɖo mi gɔ́n? É jló ɖɔ mi ní nɔ sí émí, bó wa jlǒ émítɔn, bó yí wǎn nú émí, bó sɛn émí kpó ayi mitɔn bǐ kpó, kpódó lǐndɔ̌n mitɔn bǐ kpó.

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

1 Timɔtée 1:19

kpódó nǔɖiɖi kpó, kpódó linlin ɖagbe kpó. Mɛ ɖé lɛ́ɛ gbɛ́ ɖɔ émí kún ná ɖótó nǔ e ɖɔ nú émí wɛ linlin émítɔn ɖe ɔ́ ó, bɔ é sín énɛ́ wú, bɔ nǔɖiɖi yětɔn jɛ ayǐ.

1 Timɔtée 3:9

Yě ɖó ná tɛ́ dó nǔgbó e ɖo nǔɖiɖi ɔ́ mɛ é wú syɛ́nsyɛ́n, kpódó ayixa mímɛ́ kpó.

2 Timɔtée 1:3

Un nɔ dó kú nú Mawu e tɔ́gbó ce lɛ́ɛ sɛn, bɔ nyɛ ɖésú ɖo sinsɛn wɛ kpódó ayixa mímɛ́ kpó é. Un dó kú n'i ɖó é bló bɔ zǎn kpó kéze kpó ɔ́, un nɔ flín we hwebǐnu, ɖo ɖɛ ce lɛ́ɛ mɛ.

2 Timɔtée 1:5

Nǔɖiɖi titewungbe e a ɖǒ ɔ́ ɖo ayi ce mɛ, bɔ un ɖo flínflín wɛ. Nǔɖiɖi énɛ́ ɔ́ wɛ nɔ towe sín nɔ Lɔyisi kpódó nɔ towe Enisi kpó ko ɖó jɛ nukɔn nú we. Un ka ɖeji ɖɔ hwi lɔ ɖó nǔɖiɖi énɛ́.

2 Timɔtée 2:22

Hɔn nú jlǒ nyanya e mɛwínnyáwínnyá lɛ́ɛ nɔ ɖó lɛ́ɛ, bónú hwi kpódó mɛ e nɔ xomlá Aklúnɔ kpódó ayi mímɛ́ kpó lɛ́ɛ ní ba nǔjlɔ́jlɔ́wiwa, nǔɖiɖi, wǎn yíyí kpódó fífá kpó.

Titu 1:15

Mɛ mímɛ́ lɛ́ɛ ɔ́, nǔ bǐ wɛ nyí nǔ mímɛ́ nú yě. Lo ɔ́, mɛ e ma nyí mɛ mímɛ́ ǎ, bó ma ɖi nǔ nú Klísu ǎ lɛ́ɛ ɔ́, nǔɖé nyí nǔ mímɛ́ nú yě ǎ; ɖó nǔnywɛ́ yětɔn kpó ayixa yětɔn kpó bǐ wɛ nyí nǔblíblí.

Eblée 10:22

Hǔn, mi nú mǐ ná sɛkpɔ́ Mawu kpódó ayijlɔ́jlɔ́ kpó, kpódó gǎnjɛwú kpíkpé e nǔɖiɖi nɔ ná mɛ ɔ́ kpó, kpódó ayi e è slá wǔ ná bɔ nǔ nyanya ɖěbǔ ma ɖ'é mɛ ǎ é kpó, kpódó agbaza e è zě sin mímɛ́ dó lɛ ná é kpó.

Eblée 13:18

Mi nɔ ɖo ɖɛ xo nú mǐ wɛ; mǐ ɖeji ɖɔ ayixa mǐtɔn mɛ́, ɖó mǐ ɖó jlǒ bó ná nɔ zán gbɛ ɖagbe ɖo nǔ bǐ mɛ.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Jaki 4:8

Mi sɛkpɔ́ Mawu; énɛ́ ɔ́ é ná sɛkpɔ́ mi. Mi hwɛhutɔ́ lɛ́ɛ, mi klɔ́ alɔ mitɔn lɛ́ɛ; mi yɛmɛnúwatɔ́ lɛ́ɛ, mi slá wǔ nú ayixa mitɔn lɛ́ɛ!

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Piyɛ́ɛ 3:16

Gbe fífá kpó mɛsísí kpó wɛ mi ka ná dó ná xósin yě. Mi ɖó ayixa mímɛ́, bónú jijɔ ɖagbe e Klísu sɔ́ dó ayi mɛ nú mi, bɔ mi ɖo zǐnzán wɛ ɔ́, hwenu e yě mɛ e nɔ ɖo xó nyanya ɖɔ d'é wú wɛ lɛ́ɛ ná dó hwɛ mi ɔ́, xó e yě nɔ ɖɔ lɛ́ɛ ní hu winnyá nú yě.

1 Piyɛ́ɛ 3:21

Nǔ e sín akpajlɛ́ nyí wɛ sin ɔ́ ɖe ɔ́ wɛ nyí yɛhwesin e ɖo mi lɔ hwlɛngán wɛ din e. Yɛhwesin ɔ́, ɖixó agbaza tɔn lɛ́ɛ wɛ é nɔ ɖe síin ǎ, lo ɔ́ vo sa nú Mawu wɛ é ɖe ɖɔ é ní ná ayixa mímɛ́ mi. Fɔ́n e Jezu Klísu fɔ́n sín kú ɔ́ zɔ́n bɔ yɛhwesin hwlɛ́n mi gán.

1 Piyɛ́ɛ 4:8

Nǔ e mi ná wa jɛ nukɔn nú nǔ lɛ́ɛ bǐ ɔ́ wɛ nyí ɖɔ mi ní ɖó wǎn yíyí ɖaxó nú miɖée; ɖó wǎn yíyí ɔ́ nɔ súnsún hwɛ wɔ̌buwɔ́bú e è hu ɔ́ sín kɔ nú mɛ.

2 Piyɛ́ɛ 1:7

Bó ná dó fó ɔ́, mi ɖó wǎn yí nú nɔví gɔ́ nú sísí ɖó nú Mawu, bó ɖó wǎn yíyí ɖó nú mɛ bǐ gɔ́ nú wǎn yí nú nɔví.

1 Jǎan 3:10

Mɛ e nyí Mawu ví lɛ́ɛ kpó mɛ e nyí awǒvi ví lɛ́ɛ kpó ɔ́, nǔ e nɔ zɔ́n bɔ è nɔ tunwun ɖě ɖo ɖě mɛ céɖécéɖé ɔ́ ɖíe: mɛ e ma nɔ wa nǔ jlɔ́jlɔ́ ǎ é ɖěbǔ nyí Mawu ví ǎ; mɛ e ma yí wǎn nú nɔví tɔn ǎ é ɖěbǔ nyí Mawu ví ǎ.

1 Jǎan 3:23

Nǔ e zɔ́n mǐ wɛ Mawu ɖe ɔ́ wɛ nyí ɖɔ mǐ ní ɖi nǔ nú vǐ tɔn Jezu Klísu ɔ́ sín nyǐkɔ, bó ka yí wǎn nú mǐɖée lě e Klísu zɔ́n mǐ gbɔn é.

1 Jǎan 3:3

Mɛ ɖěbǔ ɖó nukún ɖíɖó énɛ́ ɖo Klísu mɛ hǔn, éɖée bló ɖó mǐmɛ́ jí wɛ é ɖe lě e Jezu Klísu ɖésúnɔ nyí mǐmɛ́ gbɔn é.