1 Timɔtée 1:3 - MAWUXÓWÉMA

³ Nɔ Efɛ́zi lě e un ko ɖɔ gbɔn nú we hwenu e un ɖidó Masedwani é; mɛɖé lɛ́ɛ ɖo fínɛ́, bó nɔ ɖo nǔ e ma sɔgbe xá nǔɖiɖi mǐtɔn ǎ lɛ́ɛ kplɔ́n mɛ lɛ́ɛ wɛ; a ɖǒ ná gbɛ́ nǔ nú yě.

1 Timɔtée 1:3 Iomraidhean Croise

Mɛsɛ́dó 18:19

Ée yě wá yi jɛ Efɛ́zi ɔ́, Pɔ́lu jó Plisílu kpódó Akilási kpán dó; é yi kplɔ́ngbasá, bó dɔn nǔ xá Jwifu lɛ́ɛ.

Mɛsɛ́dó 18:21

Hwenu e é ja yě gɔ̌n gosín gbé ɔ́, é ɖɔ nú yě ɖɔ: “Ényí Mawu jló ɔ́, un ná lɛ́ wá mi gɔ́n hwe ɖěvo nu.” Ée é ɖɔ mɔ̌ ɔ́, é yi byɔ́ tɔjíhún mɛ ɖo Efɛ́zi, bó ɖidó.

Hlɔ̌manu 15:26

Nǔgbó ɔ́, klísusɛntɔ́ e ɖo Masedwani kpó Akáyi kpó lɛ́ɛ ɖɔ émí ná jɔ akwɛ́ nú wamamɔnɔ e ɖo mɛɖeɖóvo Mawu tɔn mɛ, ɖo Jeluzalɛ́mu lɛ́ɛ.

Hlɔ̌manu 16:17

Nɔví lɛ́ɛ mi, un ɖo vo sa nú mi wɛ ɖɔ mi cɔ́ miɖée dó mɛ e nɔ dɔn kínklán byɔ́ mɛ mɛ lɛ́ɛ wú. Nǔ e yě nɔ ɖɔ lɛ́ɛ nɔ gbɔn vo nú nǔ e è kplɔ́n mi lɛ́ɛ, bó nyí afɔklɛ́nnú nú mi; mi lɛ́ kɔ sín yě gúdo.

2 Kɔlɛ́ntinu 11:4

Đó ényí mɛɖé wá ɖɔ Jezu ɖé xó nú mi bɔ é gbɔn vo nú Jezu e xó mǐ ɖɔ nú mi ɔ́, mi nɔ xwɛ bó nɔ́ ɖótó e ganjí, bó nɔ́ lɛ́ ɖo gbesisɔ mɛ, bó ná yí yɛ kpó wɛn kpó e gbɔn vo nú Yɛ Mawu tɔn kpódó Wɛn Ɖagbe e mǐ wa jlá mi bɔ mi yí é kpán.

Efɛ́zinu 4:14

Énɛ́ ɔ́, mǐ sɔ́ ná cí yɔkpɔ́vú lɛ́ɛ ɖɔhun, bɔ mɛblɛ́ɖutɔ́ lɛ́ɛ ná sɔ́ nǔkplɔ́nmɛ yětɔn lɛ́ɛ dó gba ayi dó nú mǐ, bɔ mǐ ná nɔ xo yi aɖisí, bó ná nɔ́ xo yi amyɔ, lě e aslɔkɛ́ kpó jɔhɔn kpó nɔ́ dó ya nú tɔjíhún gbɔn ɖo tɔjí é ɖɔhun ǎ. Đó mɛblɛ́ɖutɔ́ lɛ́ɛ ɔ́, nǔ e yě sɔ́ sísɛ́ yětɔn dó wa é wɛ yě nɔ́ zé dó dɔn mɛ dó nǔ nyanya mɛ.

Filípunu 2:24

Un ka ɖeji dó Aklúnɔ wú ɖɔ, ɖo malín málín mɛ din ɔ́, nyɛ ɖésúnɔ ná wá mɔ mi.

1 Timɔtée 4:11

Nǔ e a ɖǒ ná ɖɔ nú yě, bó ná kplɔ́n yě lɛ́ɛ nɛ́.

1 Timɔtée 4:6

A kplɔ́n nǔ énɛ́ lɛ́ɛ nɔví lɛ́ɛ ɔ́, a nǎ nyí Klísu Jezu sín mɛsɛntɔ́ ɖagbe, bó ná ɖe xlɛ́ ɖɔ nǔɖiɖixó kpódó nǔkplɔ́nmɛ titewungbe e a xwedó lɛ́ɛ kpán wɛ nyí Yɛsinsɛn sín nǔɖuɖu nú we.

1 Timɔtée 5:7

A ɖǒ ná nɔ ɖɔ nú yě ɖɔ yě ní nɔ wa nǔ gbɔn mɔ̌, bónú è ma wá mɔ nǔɖé ɖɔ dó yě wú ó.

1 Timɔtée 6:10

Đó wǎn yí nú akwɛ́ mɛ wɛ nǔ nyanya tɛnmɛ tɛnmɛ lɛ́ɛ bǐ nɔ tɔ́n sín; mɛɖé lɛ́ɛ ɖo gbě tɔn mɛ káká bó yi bú, bó ɖo zɔ nú nǔɖiɖi ɔ́, bó dɔn nǔgbomɛ gěgé dó kɔ.

1 Timɔtée 6:17

Kplɔ́n nǔ mɛ e jɛ dɔkun ɖo gbɛmɛ fí lɛ́ɛ ɖɔ yě ma nɔ yí go ó; ɖɔ nú yě ɖɔ yě ma sɔ́ nukúnɖíɖó yětɔn ɖó dɔkun énɛ́ lɛ́ɛ jí ó; ɖó è sixú gán jɛ dɔkun énɛ́ lɛ́ɛ wú ǎ. Lo ɔ́, yě ní sɔ́ nukúnɖíɖó yětɔn ɖó Mawu jí; é wɛ nɔ ná nǔ bǐ mǐ, bɔ é nɔ túnflá, bónú mǐ ná ɖu gbɛ yětɔn.

1 Timɔtée 6:3

Ényí mɛɖé kplɔ́n nǔ ɖěvo mɛ, bó ma yí gbe nú xó nǔgbó Aklúnɔ mǐtɔn Jezu Klísu tɔn lɛ́ɛ kpódó nǔkplɔ́nmɛ e sɔgbe xá sinsɛn mǐtɔn ɔ́ kpó ǎ hǔn,

2 Timɔtée 1:18

Aklúnɔ ní bló bónú é ní mɔ nǔbláwǔkúnúmɛ Aklúnɔ tɔn yí ɖo azǎn énɛ́ gbe. Alɔ tobutóbú e é gɔ́ nú mì ɖo Efɛ́zi ɔ́, a tunwun ganjí.

2 Jǎan 1:7

Adingbannɔ gěgé gba kpé gbɛ ɔ́ mɛ, bó nɔ gbɛ́ ɖɔ Jezu Klísu kún zɔn agbaza mɛ wá ó. Mɛ e nɔ wa nǔ gbɔn mɔ̌ ɔ́, adingbannɔ wɛ; Klísu Kɛntɔ́ ɔ́ wɛ.

Nǔɖexlɛ́mɛ 2:14

É ka ɖo mɔ̌ có a wa nǔɖé lɛ́ɛ bɔ é vɛ́ wǔ ce: mɛ e tɛ́ dó nǔkplɔ́nmɛ Baláamu tɔn wú lɛ́ɛ ɖo mi mɛ : Baláamu nɔ kplɔ́n nǔ Balaki ɖɔ ní dɔn Izlayɛ́li ví lɛ́ɛ, bónú yě ní ɖu kanlin e è xwlé vodún lɛ́ɛ sín lan, bó lɛ aga, bó ná dó hu hwɛ.

Nǔɖexlɛ́mɛ 2:20

Lo ɔ́, nǔ towe e vɛ́ wǔ ce ɔ́ ɖíe: nyɔ̌nu e nɔ nyí Jezabɛ́li bó nɔ ylɔ́ éɖée ɖɔ gbeyíɖɔ Mawu tɔn ɔ́, a nɔ jó e dó bɔ é nɔ kplɔ́n nǔ mɛsɛntɔ́ ce lɛ́ɛ ɖɔ yě ní nɔ́ lɛ aga; yě ní nɔ́ ɖu kanlin e è xwlé vodún lɛ́ɛ sín lan; é nɔ́ kplɔ́n nǔ énɛ́ lɛ́ɛ yě dó flú yě.