1 Timɔtée 1:20 - MAWUXÓWÉMA

²⁰ Imɛnɛ́ɛ kpódó Alɛsándlu kpán ɖo mɛ énɛ́ lɛ́ɛ mɛ. Un jó yě dó nú Satáan , nú yě ná tunwun ɖɔ émí kún sɔ́ ná nylá nu dó Mawu wú ɖě ó.

1 Timɔtée 1:20 Iomraidhean Croise

Matíe 18:17

Nú é ma lɛ́ se xó yětɔn hwenɛ́nu ǎ ɔ́, ɖɔ nú agun ɔ́, bónú yě ní ɖɔ nǔ e é wa nyi do ɔ́ n'i; nú é ma lɛ́ se yě lɔmɔ̌ tɔn ǎ jɛ́n wɛ hǔn, bó sɔ́ ɛ dó mɔ mɛ e ma nyí Jwifu ǎ é ná, bó lɛ́ sɔ́ ɛ dó mɔ tokwɛ́yítɔ́ ná.

Mɛsɛ́dó 13:45

Ée Jwifu lɛ́ɛ mɔ lě e mɛ lɛ́ɛ sukpɔ́ sɔ ɔ́, wǔhwinhwan gɔ́ ayi yětɔn mɛ, bɔ yě nɔ́ mɔ xó vo ɖɔ dó Pɔ́lu sín xó wú, bó nɔ zun i.

Mɛsɛ́dó 19:33

Mɛ ɖé lɛ́ɛ ɖo agun ɔ́ mɛ, bó tín xó ɔ́ mɛ nú Alɛsándlu e Jwifu lɛ́ɛ sísɛ́ dó nukɔn é; énɛ́ ɔ́, Alɛsándlu bló alɔ nú yě, bó jló ná ɖɔ xó dó hwlɛ́n yě gán ɖo togun ɔ́ nukɔn.

1 Kɔlɛ́ntinu 11:32

Amɔ̌, ényí Aklúnɔ ɖo hwɛ ɖɔ xá mǐ wɛ ɔ́, tó dɔn nú mǐ wɛ é ɖe, bónú Mawu ma wá ɖó kúhwɛ nú mǐ kpódó yě mɛ e nyí gbɛ ɔ́ tɔn lɛ́ɛ kpó ó.

2 Kɔlɛ́ntinu 10:6

Mǐ ɖo gbesisɔ mɛ, bónú mi se tónú bɔ nǔ bǐ vɔ ɖ'é wú tlóló ɔ́, mǐ ná dɔn tó nú tónúmase sín nǔwiwa lɛ́ɛ bǐ.

2 Kɔlɛ́ntinu 13:10

Nǔ e wú un ɖo zɔ bó wlán nǔ énɛ́ lɛ́ɛ bǐ sɛ́ dó mi ɔ́ ɖíe: é wɛ nyí ɖɔ, hwenu e un ná wá nɔ gɔ̌n mitɔn ɔ́, un ma kpɔ́n dó acɛ e Aklúnɔ ná mì ɔ́ wú, bó nylá hun dó mi ó; acɛ énɛ́ e Aklúnɔ ná mì ɔ́, azɔ̌ tɔn wɛ nyí ɖɔ ma dó dó alɔ mi, bónú mi ná yi nukɔn ɖo nǔɖiɖi mɛ; é nyí ɖɔ un ná dó dɔn mi dó gǔdo wɛ ǎ.

2 Tɛsalonikinu 3:15

Amɔ̌ mi ma ka sɔ́ ɛ dó ɖó kɛntɔ́ na ó; lo ɔ́, mi kplɔ́n nǔ i nɔví ɖɔhun.

1 Timɔtée 5:15

Đó asúkúsi ɖé lɛ́ɛ kó gosín ali jlɔ́jlɔ́ ɔ́ jí, bó xwedó Satáan.

2 Timɔtée 2:14

Flín nǔ énɛ́ ɔ́ bǐ, bó gbɛ́ nú yě ɖo Mawu nukɔn ɖɔ yě ní ma sɔ́ xógbe ɖé ɖó te, bó ɖo jlɛ ɖɔ ɖ'é kɔn wɛ ó. Jlɛ énɛ́ lɛ́ɛ nɔ wa nǔɖé zɛ yě ná dɔn mɛ e ɖo sise wɛ lɛ́ɛ yi bú wú ǎ.

2 Timɔtée 2:17

bɔ nǔ e kplɔ́n mɛ wɛ yě ɖe ɔ́ cí akpa e vó, bó ɖo nyinyɔ wɛ ɔ́ ɖɔhun. Imɛnɛ́ɛ kpódó Filetɔ́si kpó ɖo mɛ énɛ́ lɛ́ɛ mɛ.

2 Timɔtée 3:2

Hwe énɛ́ nu ɔ́, gbɛtɔ́ lɛ́ɛ ná nɔ ba ɖɔ émítɔn jɛ́n ná nyɔ́; yě ná nɔ yí wǎn nú akwɛ́; yě ná nɔ mɔ yěɖée; yě ná nɔ́ yí go; yě ná nɔ́ nylá nu dó Mawu wú; yě ná nɔ́ vɛ́ tóli nú mɛjitɔ́ yětɔn lɛ́ɛ; yě ná nɔ dó alɔgúdokpɛ́ nú mɛ; yě ná nɔ ɖó sísí nú nǔ e nyí Mawu tɔn lɛ́ɛ ɖě ǎ.

Eblée 12:5

Xó e Mawu ɖɔ nú mi bó dó dó wǔsyɛ́n lanmɛ nú mi vǐ ɖɔhun ɔ́, mi wɔn wɛ a? Mawu ɖɔ: “Vǐ ce, Aklúnɔ ɖo kplɔ́nkplɔ́n we wɛ hǔn, ma dó vɛ̌ ná ó. A wa nǔ nyi do bónú é ɖo gbǐgbɛ́ nú we wɛ hǔn, ma nú awakanmɛ kú we ó;

Nǔɖexlɛ́mɛ 13:1

Énɛ́ ɔ́ gúdo ɔ́, un mɔ kanlin ɖé tɔ́n sín xu mɛ; é ɖó zo wǒ, bó ɖó ta tɛ́nwe; é xwe axɔ́súgbákún ɖokpó ɖokpó ɖó zo tɔn lɛ́ɛ ɖokpó ɖokpó jí; è wlǎn nu nylá dó Mawu wú sín nyǐkɔ dó ta tɔn lɛ́ɛ wú.

Nǔɖexlɛ́mɛ 3:19

Mɛ e un yí wǎn ná lɛ́ɛ ɔ́, un nɔ gbɛ́ nǔ nú yě bǐ, bó nɔ kplɔ́n nǔ yě bǐ. Hǔn, bo ɖe bǐbí dó nǔ wú towe xlɛ́, bó lɛ́ kɔ sín hwɛ towe lɛ́ɛ gúdo.