1 Timɔtée 1:19 - MAWUXÓWÉMA

¹⁹ kpódó nǔɖiɖi kpó, kpódó linlin ɖagbe kpó. Mɛ ɖé lɛ́ɛ gbɛ́ ɖɔ émí kún ná ɖótó nǔ e ɖɔ nú émí wɛ linlin émítɔn ɖe ɔ́ ó, bɔ é sín énɛ́ wú, bɔ nǔɖiɖi yětɔn jɛ ayǐ.

1 Timɔtée 1:19 Iomraidhean Croise

Matíe 6:27

Mɛ̌ ka ɖo mi mɛ, bɔ nǔlinkpɔ́n tɔn ná zɔ́n, bɔ é ná sixú dó azǎn kpɛɖé gbɛzán é ɖésú tɔn jí?

1 Kɔlɛ́ntinu 11:19

Kínklán ɖó ná nɔ tɛ́ntin mitɔn, bónú è nǎ dǒ tunwun mɛ e Mawu yí gbe nú nǔwiwa yětɔn lɛ́ɛ é.

Galatinu 5:4

Mi mɛ e nɔ ba ná nyi sɛ́n ɔ́, bó ná dó nyí hwɛjijɔnɔ ɖo Mawu nukɔn lɛ́ɛ ɔ́, mi tunwun ɖɔ émí kpó Klísu kpó klán, bɔ émí ba fɛ́nú Mawu tɔn kpo.

1 Timɔtée 1:5

Nǔ e wú un ɖɔ mɔ̌ ɔ́ wɛ nyí ɖɔ nǔkplɔ́nmɛ mǐtɔn lɛ́ɛ ɖó ná d'alɔ mi, bɔ mi ná ɖó wǎn yíyí e nɔ tɔ́n sín ayi mímɛ́ mɛ é; wǎn yíyí e nɔ tɔ́n sín linlin ɖagbe mɛ é, wǎn yíyí e nɔ tɔ́n sín nǔɖiɖi jɔ nǔɖiɖi mɛ é.

1 Timɔtée 3:9

Yě ɖó ná tɛ́ dó nǔgbó e ɖo nǔɖiɖi ɔ́ mɛ é wú syɛ́nsyɛ́n, kpódó ayixa mímɛ́ kpó.

1 Timɔtée 6:12

Fun nǔɖiɖi hwan ɖagbe ɔ́. Hɛn gbɛ mavɔ mavɔ ɔ́ wú syɛ́nsyɛ́n, gbɛ mavɔ mavɔ e Mawu ylɔ́ we ná é. Gbɛ mavɔ mavɔ énɛ́ wɛ a ɖe kúnnu ɖagbe ná ɖo gbɛtɔ́ gěgé nukɔn.

1 Timɔtée 6:21

Nǔgbó ɔ́, mɛɖé lɛ́ɛ nɔ ɖɔ émí ɖó nǔnywɛ́ énɛ́ ɔ́, bó xo nǔɖiɖi ɔ́ kpo. Fɛ́nú Mawu tɔn ní nɔ kpɔ́ xá mi.

1 Timɔtée 6:9

Amɔ̌, mɛ e nɔ jló ná jɛ dɔkun lɛ́ɛ nɔ jɛ tɛ́nkpɔ́n mɛ, bó nɔ jɛ jlǒ ma ɖó ta ɖé lɛ́ɛ, kpódó jlǒ e nɔ zɔ́n bɔ è nɔ mɔ wǔvɛ́ lɛ́ɛ kpó sín mɔ mɛ; jlǒ énɛ́ lɛ́ɛ wɛ nɔ dɔn gbɛtɔ́ yi bú, bɔ yě nɔ dɔn.

2 Timɔtée 2:18

Yě lɛ́ kɔ sín nǔgbó ɔ́ gúdo, bó nɔ ɖɔ mɛkúkú lɛ́ɛ ko fɔ́n, bɔ xó énɛ́ ɔ́ ko wá yi. Nǔkplɔ́nmɛ yětɔn énɛ́ ɔ́ zɔ́n bɔ mɛɖé lɛ́ɛ sín nǔɖiɖi jɛ ayǐ.

2 Timɔtée 4:4

Yě ná nɔ́ dó tókúse nǔgbó ɔ́ mɛ, bó ná nɔ́ ɖótó xɛxó lɛ́ɛ.

Titu 1:9

É ɖó ná hɛn xó jɔ xó, xó ɖeji d'é wú e sɔgbe xá ɖěe è kplɔ́n ɛ ɔ́ dó ayi mɛ syɛ́nsyɛ́n; énɛ́ ɔ́, é ná nyí mɛ, bó ná sixú zé nǔkplɔ́nmɛ titewungbe ɔ́ dó ná akɔ́nkpinkpan mɛ ɖě lɛ́ɛ, bó ná nɔ́ ɖe mɛ e nɔ kpé ta do nú xó ɔ́ lɛ́ɛ sín nǔwanyido xlɛ́ yě.

Eblée 3:14

Nǔgbó ɔ́, ényí mǐ hɛn jiɖiɖe e mǐ ɖó sín bǐbɛ́mɛ ɔ́ syɛ́nsyɛ́n káká yi fó hǔn, mǐ nyí hǎgbɛ́ Klísu tɔn.

1 Jǎan 2:19

Mɛ énɛ́ lɛ́ɛ gosín mǐ mɛ, ɖó yě nyí mɛ mǐtɔn ɖě ɖ'ayǐ ǎ; ɖó nú yě ko nyí mɛ mǐtɔn wɛ ɔ́, yě ná ko nɔ mǐ mɛ; yě ka gosín mǐ mɛ, bónú è nǎ mɔ nukúnnú jɛ mɛ céɖécéɖé ɖɔ yě ɖěbǔ kún ko nyí mɛ mǐtɔn ɖ'ayǐ ó.

Nǔɖexlɛ́mɛ 3:10

Đó xó e un ɖɔ nú we ɖɔ hwi ní ɖó kan dó nǔ wú ɔ́, a hɛn dó ayi mɛ; énɛ́ wútu ɔ́, hwenu e awě e ná wá xo gbɛ ɔ́ bǐ, bó ná tɛ́n mɛ e ɖo ayǐkúngban jí lɛ́ɛ kpɔ́n ɔ́ ná wá ɔ́, nyɛ lɔ ná cyɔ́n alɔ jǐ we.

Nǔɖexlɛ́mɛ 3:3

Hǔn, bó flín kplɔ́n e a yǐ ɔ́, bó flín lě e a se gbɔn é; se tónú nú kplɔ́n énɛ́ ɔ́, bó lɛ́ kɔ sín hwɛ towe lɛ́ɛ gúdo. Ényí a ma fɔ́n ǎ ɔ́, un ná wá fyán we ajotɔ́ ɖɔhun, a nǎ tunwun gan e mɛ un ná wá dó é ǎ.

Nǔɖexlɛ́mɛ 3:8

Un tunwun nǔ e wa wɛ a ɖe ɔ́ bǐ; un tunwun ɖɔ hlɔ̌nhlɔ́n kpɛɖé jɛ́n a ɖǒ; é ka ɖo mɔ̌ có, a blǒ ɖó xó ce jí; a nɔ gbejí nú mì; un hun hɔn ɖé ɖo nukɔn towe bɔ mɛ ɖěbǔ sixú sú ǎ.