1 Timɔtée 1:18 - MAWUXÓWÉMA

¹⁸ Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

1 Timɔtée 1:18 Iomraidhean Croise

Mɛsɛ́dó 16:1

Pɔ́lu ka wá Dɛɛbe, bó gosín fínɛ́ wá Lisitli. Ahwanvú Jezu tɔn ɖé ka ɖo fínɛ́, bɔ è nɔ ylɔ́ ɛ ɖɔ Timɔtée; nyɔ̌nu Jwifu e ɖi nǔ nú Jezu é ɖě sín vǐ wɛ, bɔ tɔ́ tɔn ka nyí Glɛ̌sinu.

1 Kɔlɛ́ntinu 4:17

Énɛ́ ɔ́ wú ɔ́, un sɛ́ vǐ vívɛ́ ce Timɔtée dó mi; é ɖo gbejí nú Aklúnɔ. É ná flín lě e un nɔ zán gbɛ ce gbɔn ɖo Klísu mɛ ɔ́ mi; lě e un nɔ zán gbɛ gbɔn ɔ́ wɛ un nɔ kplɔ́n mɛ gbɔn fí bǐ, ɖo agun Klísu tɔn lɛ́ɛ bǐ mɛ.

1 Kɔlɛ́ntinu 9:7

Abǐ mi se kpɔ́n gbeɖé ɖɔ ahwan-yitɔ́ ɖé nɔ zé é ɖésúnɔ sín akwɛ́ dó wa ahwanzɔ́ ná wɛ a? Abǐ mi se kpɔ́n gbeɖé ɖɔ mɛ e dó vǐwuntín ɔ́ kún nɔ ɖu sínsɛ́n tɔn ó wɛ a? Abǐ kanlinnyitɔ́ ɖé kún nɔ nu kanlin e nyi wɛ é ɖe lɛ́ɛ sín anɔ̌sin ó wɛ a?

Filípunu 2:22

Mi ɖésúnɔ ɔ́, mi tunwun ninɔmɛ Timɔtée tɔn; lě e nyɛ kpó e kpó wa azɔ̌ vǐ kpó tɔ́ kpó ɖɔhun gbɔn, bó jlá Wɛn Ɖagbe ɔ́, mi tunwun.

1 Timɔtée 1:2

wɛ wlán wěma élɔ́ sɛ́ dó hwi vǐ ce jiji ɖo nǔɖiɖi mɛ Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpán ní ná fɛ́nú we, bó kú nǔbláwǔ nú we, lobo ná fífá we.

1 Timɔtée 1:5

Nǔ e wú un ɖɔ mɔ̌ ɔ́ wɛ nyí ɖɔ nǔkplɔ́nmɛ mǐtɔn lɛ́ɛ ɖó ná d'alɔ mi, bɔ mi ná ɖó wǎn yíyí e nɔ tɔ́n sín ayi mímɛ́ mɛ é; wǎn yíyí e nɔ tɔ́n sín linlin ɖagbe mɛ é, wǎn yíyí e nɔ tɔ́n sín nǔɖiɖi jɔ nǔɖiɖi mɛ é.

1 Timɔtée 4:14

Ma dó vɛ̌ nú nǔníná e ɖo así we, bɔ Mawu ná we hwenu e gbeyíɖɔ Mawu tɔn lɛ́ɛ ɖɔ Mawuxó, bɔ agunmɛxó lɛ́ɛ ɖ'alɔ jí we ɔ́ ó.

1 Timɔtée 4:4

Đó nǔ e Mawu bló lɛ́ɛ bǐ wɛ nyɔ́, bɔ è sixú dó ɖě sín sɛ́n nú mɛ ǎ; bǐ wɛ è ɖǒ ná yí kpódó kúdídó kpó.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

2 Timɔtée 1:2

wɛ ɖo wěma élɔ́ sɛ́ dó we wɛ, vǐ ce vívɛ́ná Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpó ní ná fɛ́nú we, bó kú nǔbláwǔ nú we, bó ná fífá we.

2 Timɔtée 4:7

Un fun ahwan ɖagbe ɔ́; un dó wezun ɔ́ káká yi vivɔnu; un kpo ɖo nǔ ɖi nú Klísu Jezu wɛ.

Titu 1:4

Títu, vǐ ce nǔgbó nǔgbó tɔn wɛ a nyǐ ɖo nǔɖiɖi ɖokpó ɔ́ e mǐ ɖó ɔ́ mɛ. Mawu Tɔ́ ɔ́ kpó Mɛhwlɛ́ngántɔ́ mǐtɔn Klísu Jezu kpó ní ná fɛ́nú kpó fífá kpó we.

Filemɔ́ɔ 1:10

Un ɖo vo sa nú we wɛ dó Onɛzímu tamɛ. Un ɖɔ Klísu Jezu xó n'i, bɔ é ɖi nǔ, lobo húzú vǐ ce ɖo Klísu mɛ ɖo gankpá mɛ fí.