1 Timɔtée 1:17 - MAWUXÓWÉMA

¹⁷ Axɔ́sú mavɔ mavɔ e ma nɔ kú gbeɖé ǎ ɔ́, axɔ́sú e è ma nɔ mɔ ǎ é, axɔ́sú e nyí Mawu ɖokpó géé ée tíin é; è nǐ wlí yɛ̌yi n'i, bó kpa susu n'i káká sɔ́yi mavɔ mavɔ. Amǐ.

1 Timɔtée 1:17 Iomraidhean Croise

1 Tan 29:11

Mawu Mavɔmavɔ, towe wɛ nyí susu, hlɔ̌nhlɔ́n, acɔ́, axɔ́súɖuɖu kpó wěziza kpó, ɖó nǔ e ɖo jǐnukúnsin kpó ayǐkúngban jí kpó lɛ́ɛ bǐ wɛ nyí towe. Đó hwi wɛ nyí axɔ́sú e kpa acɛ dó atín kpó kan kpó nu é.

Nɛɛmíi 9:5

Énɛ́ ɔ́ gúdo ɔ́, Levíi ví Yecúwa, Kadimiyɛ́li, Bani, Hacavunɛ́ya, Celeviya, Hodya, Cevaniya kpó Petaxiya kpó sú xó bó ɖɔ: “Mi sí te, mi dó kpɛ́ nú Mawu Mavɔmavɔ, Mawu mǐtɔn; mi dó kú n'i káká sɔ́yi.” “Mawu Mavɔmavɔ, mɛ ɖokpó ɖokpó ní kpa nyǐkɔ towe; nyǐkɔ towe ɔ́, susu tɔn hú gǎn nǔ e è ko sixú ɖɔ kpó nu kpó é bǐ.

Ɖɛhan 10:16

Mawu Mavɔmavɔ wɛ nyí axɔ́sú káká sɔ́yi. É sú mɛ e ma nɔ sɛn ɛ ǎ lɛ́ɛ kún dó sín to tɔn mɛ.

Ɖɛhan 106:48

Susu nú Mawu Mavɔmavɔ, Mawu Izlayɛ́li tɔn káká sɔ́yi. Togun ɔ́ bǐ ní ɖɔ: “Amǐ! Mi kpa Mawu Mavɔmavɔ!”

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Ɖɛhan 41:13

Mawu Mavɔmavɔ, a kpé nukún dó wǔ ce ɖo gbejíninɔ ce mɛ, a nǎ hɛn mì ɖó gɔ̌n towe káká sɔ́yi.

Ɖɛhan 45:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È nɔ ji dó han e è nɔ ylɔ́ ɖɔ folówa ɖagbe ɖagbe ɔ́ sín hangbe mɛ, bó nɔ́ xo kanhún d'é mɛ. Xó lómílómí Kolée ví súnnu lɛ́ɛ tɔn dó han mɛ. Wǎn yíyí sín han wɛ.

Ɖɛhan 45:6

Gǎ towe lɛ́ɛ sín nu xwíɖí; gǎ towe ná xo kɛntɔ́ towe lɛ́ɛ sín hǔn zlɛ́, togun lɛ́ɛ ná j'ayǐ ɖo nukɔn towe.

Ɖɛhan 57:11

ɖó xomɛnyínyɔ́ towe hun káká yi jǐnukúnsin, gbejíninɔ towe zɛ akpɔ́kpɔ́ lɛ́ɛ wú.

Ɖɛhan 90:2

Cóbónú só lɛ́ɛ ná jɔ ɔ́, cóbónú a nǎ ɖó ayǐkúngban ɔ́, bó ná ɖó gbɛ ɔ́, a ko nyí Mawu, bó ná nyí Mawu káká sɔ́yi.

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 7:14

È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Malacíi 1:14

Heelú nǔhízítɔ́ e ɖó kanlinsú ɖagbe ɖo kanlin tɔn lɛ́ɛ mɛ, bó ká nɔ́ zé kanlin e ma ɖo ganjí ǎ ɖó vo, bó ná zé dó sá vɔ̌ nú mì é. Heelú i, ɖó axɔ́sú ɖaxó ɖokpó wɛ un nyí, bɔ akɔta lɛ́ɛ bǐ nɔ ɖi xɛsi nú hlɔ̌nhlɔ́n ce.” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Matíe 25:34

bɔ nyɛ axɔ́sú ɔ́ ná ɖɔ nú mɛ e ɖo ɖisí ce xwé lɛ́ɛ ɖɔ: ‘Mi wá, mi mɛ e jí Tɔ́ ce ko xo ɖɛ ɖagbe dó lɛ́ɛ. Mi wá yí axɔ́súɖuɖu Mawu tɔn sín nǔ ɖagbe e è ko sɔ́ ɖ'ayǐ nú mi sín hwenu e Mawu ko ɖó gbɛ ɔ́ ɖokpóó é.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Matíe 6:13

Ma lɔn nú mǐ ní jɛ tɛ́nkpɔ́n mɛ ó, lo ɔ́, hwlɛ̌n mǐ gán ɖo awǒvi sí.’ [Ɖó towe wɛ nyí axɔ́súɖuɖu, hlɔ̌nhlɔ́n, kpódó susu kpó, káká sɔ́yi mavɔ mavɔ! Amǐ.]

Jǎan 1:18

Mɛ ɖěbǔ mɔ Mawu kpɔ́n gbeɖé ǎ; lo ɔ́, Vǐɖokpónɔ e nyí Mawu bó ɖo akɔ́n tɔn mɛ ɔ́ wɛ wá ɖe e xlɛ́.

Jǎan 5:44

Mi mɛ e nɔ ɖo susu kpa nú miɖée wɛ, bó ma nɔ ba nú Mawu ná sɔ́ mi su ǎ lɛ́ɛ ɔ́, nɛ̌ mi ka sixú ɖi nǔ gbɔn?

Hlɔ̌manu 1:20

Nǔgbó ɔ́, sín hwenu e Mawu ko ɖó gbɛ ɔ́, nǔ e é nyí bɔ è ma nɔ mɔ ǎ ɔ́, é wɛ nyí ɖɔ: hlɔ̌nhlɔ́n tɔn mavɔ mavɔ ɔ́ kpódó nǔ e é nyí nǔgbó ɔ́ kpó ɔ́, è nɔ tunwun gbɔn nǔ e é wa lɛ́ɛ gbla mɛ; énɛ́ ɔ́ wútu ɔ́, kɛnklɛ́n sɔ́ ɖ'é mɛ nú yě ǎ.

Hlɔ̌manu 1:23

Yě nɔ́ gɔn susu kpa nú Mawu e ma nɔ kú ǎ é, bó nɔ kpa susu nú bǒcyɔ gbɛtɔ́ e nɔ kú é tɔn, bó nɔ́ kpa nú bǒcyɔ xɛ lɛ́ɛ tɔn, kanlin e ɖó afɔ ɛnɛ lɛ́ɛ tɔn kpódó kanlin e nɔ sá lɛ́ɛ tɔn kpán.

Hlɔ̌manu 11:36

Đó gɔ̌n tɔn wɛ nǔ bǐ gosín; é wɛ bló nǔ bǐ, bɔ nǔ bǐ nyí étɔn. Susu nú Mawu káká sɔ́yi. Amǐ!

Hlɔ̌manu 16:27

Mawu nǔnywɛ́tɔ́ ɖokpó géé e tíin ɔ́, susu n'i káká sɔ́yi gbɔn Jezu Klísu jí. Amǐ!

Hlɔ̌manu 2:10

É ka ɖo mɔ̌ có Mawu ná ná susu, yɛ̌yi, kpódó fífá kpó mɛ e nɔ wa nǔ ɖagbe lɛ́ɛ bǐ. É ná ná Jwifu lɛ́ɛ jɛ nukɔn, bó ná ná mɛ e ma nyí Jwifu ǎ lɛ́ɛ bɔ d'é wú.

Hlɔ̌manu 2:7

É ná ná gbɛ mavɔ mavɔ mɛ e nɔ ɖó kan dó nǔ ɖagbe wiwa wú, bó nɔ́ ɖo susu kpó yɛ̌yi kpó, kpódó jɔmakú kpó ba ɖo gɔ̌n tɔn gbɔn mɔ̌ wɛ lɛ́ɛ.

Kolósinu 1:15

Klísu ɔ́, akpajlɛ́ Mawu e è ma nɔ mɔ ǎ ɔ́ tɔn wɛ é nyí. Nukɔngbéví wɛ é nyí, bó hú gǎn nǔ e Mawu bló lɛ́ɛ bǐ.

Eblée 11:27

Nǔɖiɖi e Mɔyízi ɖó ɔ́ wɛ zɔ́n bɔ é gosín Ejípu ma ɖi xɛsi nú xomɛsin axɔ́sú ɔ́ tɔn. É kpán akɔ́n, ɖi é ɖo éyɛ́ Mawu e è ma nɔ mɔ ǎ é mɔ wɛ ɖɔhun.

Eblée 2:7

A sɔ́ ɛ hwe ɖo wɛnsagun lɛ́ɛ glɔ́ nú hwenu kpɛɖé, bó ka sɔ́ susu kpódó yɛ̌yi kpán sín axɔ́súgbákún xwe n'i.

1 Piyɛ́ɛ 5:11

Hlɔ̌nhlɔ́n ní nyí étɔn káká sɔ́yi! Amǐ.

2 Piyɛ́ɛ 3:18

Lo ɔ́, mi ní ɖo Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ tunwun d'é jí wɛ, bó ɖo fɛ́nú tɔn tunwun d'é jí wɛ. Susu n'i sín din káká sɔ́yi mavɔ mavɔ. Amǐ.

1 Jǎan 4:12

Mɛ ɖé mɔ Mawu kpɔ́n gbeɖé ǎ; ényí mǐ yí wǎn nú mǐɖée ɔ́, Mawu ɖo ayi mǐtɔn mɛ, bɔ wǎn yíyí tɔn sɔgbe ɖo mǐ mɛ bɔ nǔ bǐ vɔ ɖ'é wú.

Nǔɖexlɛ́mɛ 15:3

Yě ɖo mɛsɛntɔ́ Mawu tɔn Mɔyízi sín han ji wɛ, bó ɖo Lɛ̌ngbɔ́ví ɔ́ sín han ji wɛ ɖɔ: “Aklúnɔ Mawu Nǔbǐwúkpétɔ́, azɔ̌ towe lɛ́ɛ d'agba bó nyɔ́ kpɔ́n. Axɔ́sú to lɛ́ɛ tɔn, tito towe lɛ́ɛ jlɔ́ bó nyí nǔgbó.

Nǔɖexlɛ́mɛ 17:14

Yě ná fun ahwan xá Lɛ̌ngbɔ́ví ɔ́. Lɛ̌ngbɔ́ví ɔ́ ka ná ɖu ɖo yě jǐ; ɖó é wɛ nyí Aklúnɔ aklúnɔ lɛ́ɛ tɔn; Axɔ́sú axɔ́sú lɛ́ɛ tɔn; é ná ɖu ɖo yě jǐ, é kpó mɛ e ɖo kpɔ́ xá ɛ lɛ́ɛ kpó; mɛ e è ylɔ̌ bó cyán bɔ yě nɔ gbejí n'i lɛ́ɛ.”

Nǔɖexlɛ́mɛ 19:1

Énɛ́ ɔ́ gúdo ɔ́, un se gbe ɖaxó ɖé ɖo jǐnukúnsin, mɛ wɔ̌buwɔ́bú ɖé wɛ ɖo xó ɖɔ wɛ ɖɔhun, bɔ gbe ɔ́ ɖo ɖiɖɔ wɛ ɖɔ: “Alelúya Aklúnɔ! Mawu mǐtɔn tɔn wɛ nyí hwlɛngán, susu, kpó hlɔ̌nhlɔ́n kpó!

Nǔɖexlɛ́mɛ 19:16

È wlǎn nyǐkɔ ɖé dó awu tɔn kpó asá tɔn kpó wú; è wlǎn ɖɔ: “Axɔ́sú axɔ́sú lɛ́ɛ tɔn; Aklúnɔ aklúnɔ lɛ́ɛ tɔn.”

Nǔɖexlɛ́mɛ 19:6

Énɛ́ ɔ́ gúdo ɔ́, un se gbe ɖé mɛ wɔ̌buwɔ́bú ɖé sín gbe ɖɔhun; gbe ɔ́ cí sin wɛ ɖo ayǐ kɔn nyi wɛ hoho ɖɔhun; é cí jǐ wɛ ɖo gbe dó wɛ kpó hlɔ̌nhlɔ́n kpó ɖɔhun; un se yě ɖo ɖiɖɔ wɛ ɖɔ: “Alelúya! Đó Aklúnɔ Mawu mǐtɔn Nǔbǐwúkpétɔ́ ɔ́ jɛ axɔ́sú ɖu jí!

Nǔɖexlɛ́mɛ 7:12

bó nɔ ɖɔ: “Amǐ! Kpikpa, susu, nǔnywɛ́, kúdídó, yɛ̌yi, acɛ, kpódó hlɔ̌nhlɔ́n kpán ní nyí Mawu mǐtɔn tɔn káká sɔ́yi! Amǐ!”