1 Timɔtée 1:16 - MAWUXÓWÉMA

¹⁶ Amɔ̌ énɛ́ ɔ́ wútu wɛ Mawu kú nǔbláwǔ nú mì; é jló ɖɔ Jezu Klísu ní ɖe sɔxwixwe tɔn bǐ xlɛ́ gbɔn nyɛ mɛ e nyí hwɛhutɔ́ hú hwɛhutɔ́ lɛ́ɛ bǐ é sín gbɛzán mɛ, bónú ma nyí kpɔ́n d'é wú nú mɛ e ná wá ɖi nǔ n'i, bó ná mɔ gbɛ mavɔ mavɔ lɛ́ɛ é bǐ.

1 Timɔtée 1:16 Iomraidhean Croise

2 Tan 33:19

Đɛ e é xo ɔ́, lě e Mawu yǐ ɖɛ tɔn gbɔn ɔ́, hwɛ e é hu lɛ́ɛ, gbejí e é má nɔ nú Mawu ǎ é, fí e é xo vodúnkpe gbɔn só jí só jí gbɔn lɛ́ɛ, vodún Acela e é tun te é kpódó bǒcyɔ e é tun te, có bó wá yí hwɛ e é hu lɛ́ɛ gbe ɖo Mawu nukɔn lɛ́ɛ kpó ɔ́, è wlǎn bǐ dó “Hozayi sín Tan wéma” ɔ́ mɛ.

Ɖɛhan 25:11

Mawu Mavɔmavɔ! Kpɔ́n dó nyǐkɔ towe wú, bó sɔ́ hwɛ ce lɛ́ɛ kɛ mì; hwɛ ce lɛ́ɛ sukpɔ́.

Tíntɔ́n 34:8

Ée Mɔyízi se xó énɛ́ lɛ́ɛ tlóló ɔ́, é jɛ kpo bo ɖe kɔ́,

Ezayíi 1:18

Mawu Mavɔmavɔ ɖɔ: “Mi wá nú mǐ nǎ se nǔ jɛ mǐɖée gbe mɛ. Ényí hwɛ mitɔn lɛ́ɛ na bo myá cɛ́cɛ́ ɔ́, yě ná wé tété avɔkanfún ɖɔhun. Yě ná bó myá káká bó wi d'é mɛ ɔ́, yě ná wé la ɖɔhun.

Ezayíi 43:25

Amɔ̌, nyɛ wɛ sɔ́ hwɛ towe lɛ́ɛ kɛ we, ɖó é jló mì mɔ̌; un ka sɔ́ ná lɛ́ wá jí ǎ.

Ezayíi 55:7

Mɛdídá lɛ́ɛ ní jó walɔ nyanya dó, mɛ nyanya lɛ́ɛ ní jó linlin baɖabaɖa dó. Yě bǐ ní lɛ́ kɔ wá Mawu Mavɔmavɔ gɔ́n, ɖó é ná kú nǔbláwǔ nú yě. Yě bǐ ní wá Mawu mǐtɔn gɔ́n, ɖó Mawu mǐtɔn ɔ́, hwɛsɔ́kɛmɛ nɔ cikɔ n'i ǎ.

Kɛ́nsísɔ́ 23:3

Baláamu ɖɔ nú Balaki ɖɔ: “Nɔ vɔ̌ towe kɔn fí, nú nyɛ má yi nɔ zɔ. Afɔ nyɔ́ ɔ́, Mawu Mavɔmavɔ sixú wá ɖe éɖée xlɛ́ mì. Énɛ́ ɔ́, un ná ɖɔ xó e é ná ɖɔ nú mì ɔ́ nú we.” Ée Baláamu ɖɔ mɔ̌ ɔ́, é yi xá só kpɛví ɖé jí,

Luki 15:10

Mɔ̌ ɖokpó ɔ́, má ɖɔ nú mi: ényí hwɛhutɔ́ ɖokpó géé lɛ́ kɔ sín hwɛ tɔn lɛ́ɛ gúdo ɔ́, lě e wɛnsagun Mawu tɔn lɛ́ɛ nɔ j'awǎ gbɔn ɔ́ nɛ́.”

Luki 23:43

Jezu ka yí gbe n'i ɖɔ: “Má ɖɔ nǔgbó nú we: égbé din ɔ́, a nǎ ɖo Mawu gɔ̌n xá mì .”

Luki 7:47

Énɛ́ ɔ́ wú ɔ́, ma ɖɔ nú we: è sɔ́ hwɛ tobutóbú e é hu lɛ́ɛ kɛ ɛ, ɖó wǎn yíyí ɖaxó e é ɖó ɔ́ wútu. Lo ɔ́, ényí Mawu sɔ́ hwɛ kpɛɖé kɛ mɛɖé ɔ́, wǎn yíyí kpɛɖé wɛ mɛ énɛ́ ɔ́ nɔ́ ɖó.”

Jǎan 20:31

Amɔ̌, è wlǎn élɔ́ lɛ́ɛ, bónú mi ná ɖi nǔ ɖɔ Jezu wɛ nyí Klísu Mawu ví ɔ́, bónú mi ɖi nǔ ɔ́, mi ná mɔ gbɛ gbɔn jǐ tɔn.

Jǎan 3:36

Mɛ e ɖi nǔ nú Vǐ ɔ́, mɔ gbɛ mavɔ mavɔ; mɛ e ma ka se tónú nú vǐ ɔ́ ǎ ɔ́, é ná mɔ gbɛ mavɔ mavɔ ǎ; lo ɔ́, xomɛsin Mawu tɔn ɖo jǐ tɔn.”

Jǎan 5:24

“Má ɖɔ nǔgbó nú mi: mɛ e ɖótó xó ce, bó ɖi nǔ nú mɛ e sɛ́ mì dó ɔ́ kó mɔ gbɛ mavɔ mavɔ, bɔ è sɔ́ ná ɖó hwɛ n'i ǎ, ɖó é kó xo kú zlɛ́ wá gbɛ.

Jǎan 6:37

Mɛ e Tɔ́ ɔ́ ná mì lɛ́ɛ bǐ ná wá gɔ̌n ce; mɛ e ka wá gɔ̌n ce ɔ́, un ná ɖe e tɔ́n ǎ.

Jǎan 6:40

Nǔ e Tɔ́ ce jló ɔ́ wɛ nyí ɖɔ mɛ e mɔ Vǐ ɔ́, bó ɖi nǔ n'i lɛ́ɛ ní mɔ gbɛ mavɔ mavɔ, bónú má fɔ́n yě sín kú azǎn gǔdo gúdo tɔn ɔ́ gbe.”

Jǎan 6:54

Mɛ e ɖu agbaza ce, bó nu hun ce ɔ́, mɛ énɛ́ mɔ gbɛ mavɔ mavɔ, bɔ un ná fɔ́n ɛ sín kú azǎn gǔdo gúdo tɔn gbe.

Mɛsɛ́dó 13:39

Đó mɛ ɖěbǔ ɖi nǔ ɔ́, mɛ ɔ́ nɔ́ gosín hwɛ lɛ́ɛ bǐ sín acɛ mɛ gbɔn jǐ tɔn; hwɛ sín acɛ mɛ e Mɔyízi sɛ́n ɔ́ ma sixú ɖe mi sín ǎ é;

Hlɔ̌manu 15:4

Nǔ e è ko wlán dó Mawuxówéma ɔ́ mɛ ɖ'ayǐ xóxó lɛ́ɛ bǐ ɔ́, è wlán yě, bó ná dó kplɔ́n nǔ mǐ, bónú mǐ ná ɖó nukún nǔ gbɔn sɔxwixwe kpó akɔ́nkpinkpan e Mawuxówéma ɔ́ nɔ ná mǐ ɔ́ kpó gbla mɛ.

Hlɔ̌manu 6:23

Đó axɔ́ e hwɛhuhu nɔ sú mɛ ɔ́ wɛ nyí kú; amɔ̌ nǔ e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ɖó ɖo bǔ e mǐ ɖe xá Klísu Jezu Aklúnɔ mǐtɔn mɛ é.

1 Kɔlɛ́ntinu 7:25

Nǔ e kan mɛ e ma da asi ǎ abǐ asú ǎ lɛ́ɛ ɔ́, Aklúnɔ ɖɔ xó ɖé nú mì d'é wú ǎ; lo ɔ́, nyɛ mɛ e Aklúnɔ bló bɔ un nyí mɛ e wú è hɛn ɔ́, è nǎ ɖeji dó gbɔn xomɛnyínyɔ́ tɔn gbla mɛ ɔ́, ma ɖɔ nǔ e un lin d'é wú ɔ́ nú mi.

2 Kɔlɛ́ntinu 4:1

Mawu ɔ́, ɖo xomɛnyínyɔ́ tɔn mɛ ɔ́, é sɔ́ azɔ̌ énɛ́ dó así nú mǐ; énɛ́ ɔ́ wú wɛ awakanmɛ ma kú mǐ ǎ.

Efɛ́zinu 1:12

Mǐ mɛ Jwifu lɛ́ɛ wɛ nyí mɛ nukɔntɔn e ɖo nukún ɖó nǔ wɛ ɖo Klísu mɛ lɛ́ɛ é; hǔn mǐ ní bó kpa susu Mawu tɔn.

Efɛ́zinu 1:6

Mǐ ní bó kpa Mawu, ɖó é ná fɛ́nú tɔn susunɔ ɔ́ mǐ kpó xomɛhunhun kpó, ɖo Vǐ tɔn vívɛ́ná ɔ́ mɛ.

Efɛ́zinu 2:7

É bló mɔ̌, bónú ayǐ e ná wá hɔ́n ɖo sɔ gúdo lɛ́ɛ ɔ́, é ná ɖe dɔkun maɖókpodó e ɖo fɛ́nú tɔn mɛ ɔ́ xlɛ́ mǐ, gbɔn xomɛnyínyɔ́ e é ɖó dó mǐ wú gbɔn Klísu Jezu jí é mɛ.

2 Tɛsalonikinu 1:10

É ná wá gbe énɛ́ gbe, bónú mɛ e nyí étɔn lɛ́ɛ ná kpa susu n'i, bɔ nǔ tɔn ná nyɔ́ mɛ e ɖi nǔ n'i lɛ́ɛ bǐ sín nukún mɛ; mi lɔmɔ̌ mi ná nɔ mɛ énɛ́ lɛ́ɛ mɛ, ɖó mi ɖi nǔ nú xó tɔn e mǐ wá ɖɔ nú mi é.

1 Timɔtée 1:13

Có ɖ'ayǐ ɔ́, un ko nylá nu dó wǔtu tɔn, bó kó dó ya n'i, bó ɖɔ alǎnnú n'i kpɔ́n. Lo ɔ́, é kú nǔbláwǔ nú mì, ɖó hwenɛ́nu ɔ́, un ɖi nǔ n'i ǎ, un ka tunwun nǔ e wa wɛ un ɖe ɔ́ ǎ.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

1 Piyɛ́ɛ 3:20

Mɛ e ko vɛ́ tóli nú Mawu ɖ'ayǐ xóxó ɖo hwenu e é ɖó suúlu bó nɔ te káká bɔ Nɔwée bló tɔjíhún ɔ́ fó lɛ́ɛ sín yɛ lɛ́ɛ xó ɖɔ wɛ è ɖe. Mɛ kwín we ɖé wɛ byɔ́ tɔjíhún ɔ́ mɛ: yě mɛ tántɔn wɛ nyí mɛ e byɔ́ mɛ bó gán ɖo sin xó ɔ́ mɛ é.

2 Piyɛ́ɛ 3:15

Mi ní tunwun ɖɔ suúlu e Aklúnɔ mǐtɔn ɖó ɔ́ wɛ nyí hwlɛngán mitɔn, lě e Mawu ná nǔnywɛ́ nɔví mǐtɔn vívɛ́ná Pɔ́lu, bɔ é lɔmɔ̌ wlán sɛ́ dó mi gbɔn é.

2 Piyɛ́ɛ 3:9

Aklúnɔ nɔ lín có bó nɔ ɖe akpá e é dó lɛ́ɛ, lě e mɛɖé lɛ́ɛ nɔ vɛdó ɔ́ ǎ. Lo ɔ́, é nɔ ɖó suúlu dó mi wú; ɖó é jló ɖɔ mɛ ɖěbǔ ní dɔn ǎ; é nyɔ́ wa ɔ́, é jló ɖɔ mɛ bǐ ní mɔ ali, bó lɛ́ kɔ sín nǔ nyanya wiwa gúdo.