1 Timɔtée 1:13 - MAWUXÓWÉMA

¹³ Có ɖ'ayǐ ɔ́, un ko nylá nu dó wǔtu tɔn, bó kó dó ya n'i, bó ɖɔ alǎnnú n'i kpɔ́n. Lo ɔ́, é kú nǔbláwǔ nú mì, ɖó hwenɛ́nu ɔ́, un ɖi nǔ n'i ǎ, un ka tunwun nǔ e wa wɛ un ɖe ɔ́ ǎ.

1 Timɔtée 1:13 Iomraidhean Croise

Ozée 2:23

Gbe énɛ́ ɔ́ gbe ɔ́, mi ná mɔ ɖɔ nyɛ Mawu Mavɔmavɔ nɔ́ yí ɖɛ. Un ná ná nǔ e ba wɛ jǐxwé ɖe lɛ́ɛ jǐxwé, bɔ jǐxwé ná ná nǔ e ba wɛ ayǐkúngban ɖe lɛ́ɛ ayǐkúngban .

Levíi ví 13:16

Nú fí e lanti ɔ́ tɔ́n ɖe ɔ́ lɛ́ wé ɔ́, mɛ ɔ́ ná lɛ́ kɔ yi vɔ̌sánú-xwlémawutɔ́ ɔ́ gɔ́n.

Kɛ́nsísɔ́ 15:30

“Lo ɔ́, nú mɛ ɔ́ nyí Izlayɛ́li ví abǐ jǒnɔ, bó tunwun gaan bo hu hwɛ ɔ́, nyɛ Mawu Mavɔmavɔ wɛ mɛ ɔ́ zun, bɔ è nǎ ɖe e sín togun ɔ́ mɛ.

Luki 12:47

“Mɛsɛntɔ́ e ka tunwun nǔ e gǎn tɔn nɔ jló ɔ́, bó ma ka sɔ́nǔ, bó bló nǔ e gǎn tɔn nɔ jló ɔ́ ǎ é ɔ́, é ná ɖu bǎ ɖésú.”

Luki 23:34

Jezu ka sa vo nú Mawu, bó ɖɔ: “Daá, yě tunwun nǔ e wa wɛ yě ɖe é ǎ; sɔ́ kɛ yě.” Yě ká nyi akɔ dó avɔ tɔn lɛ́ɛ, bó sɔ́ yětɔn yětɔn.

Mɛsɛ́dó 22:4

Un ko dó ya nú yě mɛ e xwedó Aklúnɔ sín ali lɛ́ɛ, káká bɔ mɛ kú ɖo yě mɛ kpɔ́n; un ko wlí súnnu kpódó nyɔ̌nu kpán yi dó gankpá mɛ.

Mɛsɛ́dó 3:17

Din ɔ́, nɔví ce lɛ́ɛ mi; un tunwun ɖɔ nǔ énɛ́ e mi kpódó gǎn mitɔn lɛ́ɛ kpó dó sin xá Jezu ɔ́, mi kún tunwun cóbó bló ó.

Mɛsɛ́dó 8:3

Sólu ka nɔ́ ɖo gǎn dó wɛ, bó ná vívá agun Jezu tɔn. É nɔ gbɔn xwé gbe xwé gbe, bó nɔ́ wlí súnnu kpódó nyɔ̌nu kpán e ɖi nǔ nú Jezu lɛ́ɛ dó gankpá mɛ.

Mɛsɛ́dó 9:1

Sólu ka kpo ɖo kúdán gblɔ́n nú Jezu sín ahwanvú lɛ́ɛ wɛ. É yi mɔ vɔ̌sánú-xwlémawutɔ́ ɖaxó ɔ́,

Mɛsɛ́dó 9:13

Ananíyasi ka yí gbe ɖɔ: “Aklúnɔ! Un ko se nya élɔ́ sín xó, ɖo mɛ gěgé nu. Nǔ nyanya e é wa xá mɛ e nyí towe ɖo Jeluzalɛ́mu lɛ́ɛ ɔ́, un se bǐ.

Mɛsɛ́dó 9:5

Sólu ka kanbyɔ́ ɛ ɖɔ: “Hwi mɛ̌ ká wɛ Aklúnɔ?” Gbe ɔ́ ká ɖɔ: “Nyɛ Jezu e dó ya ná a ɖe ɔ́ wɛ.

1 Kɔlɛ́ntinu 15:9

Nǔgbó ɔ́, nyɛ wɛ nyí mɛ e gbɔn gǔdo bǐ ɖo mɛsɛ́dó lɛ́ɛ mɛ é. Ényí è nǎ ɖɔ nǔgbó ɔ́, é jɛ xá ɖɔ è nǐ ylɔ́ mì ɖɔ mɛsɛ́dó ǎ, ɖó un dó ya nú agun Mawu tɔn.

1 Kɔlɛ́ntinu 7:25

Nǔ e kan mɛ e ma da asi ǎ abǐ asú ǎ lɛ́ɛ ɔ́, Aklúnɔ ɖɔ xó ɖé nú mì d'é wú ǎ; lo ɔ́, nyɛ mɛ e Aklúnɔ bló bɔ un nyí mɛ e wú è hɛn ɔ́, è nǎ ɖeji dó gbɔn xomɛnyínyɔ́ tɔn gbla mɛ ɔ́, ma ɖɔ nǔ e un lin d'é wú ɔ́ nú mi.

Galatinu 1:13

Hwenu e un ɖo Jwifu lɛ́ɛ sín sinsɛn mɛ ɔ́, mi se lě e un zán gbɛ ce gbɔn é; mi tunwun lě e un nɔ dó ya nú agun Mawu tɔn gbɔn é; un nɔ dó ya n'i titewungbe, bó nɔ dó gǎn ná sú kún tɔn dó.

Filípunu 3:6

Un nɔ jɛ hun dó Jwifu lɛ́ɛ sín sɛ́n jí káká, bó nɔ dó ya nú agun e ɖi nǔ nú Jezu lɛ́ɛ. Mɛ ɖé nɔ mɔ nǔjɛdo ɖé ɖo wǔ ce ɖo sɛ́n ɔ́ nyinyi sín ali xo ǎ.

1 Timɔtée 1:16

Amɔ̌ énɛ́ ɔ́ wútu wɛ Mawu kú nǔbláwǔ nú mì; é jló ɖɔ Jezu Klísu ní ɖe sɔxwixwe tɔn bǐ xlɛ́ gbɔn nyɛ mɛ e nyí hwɛhutɔ́ hú hwɛhutɔ́ lɛ́ɛ bǐ é sín gbɛzán mɛ, bónú ma nyí kpɔ́n d'é wú nú mɛ e ná wá ɖi nǔ n'i, bó ná mɔ gbɛ mavɔ mavɔ lɛ́ɛ é bǐ.

Eblée 4:16

Hǔn, mi bo nú mǐ ná sɛkpɔ́ axɔ́súzinkpo Mawu tɔn, fí e fɛ́nú ɖe ɔ́, kpódó jiɖiɖe kpán; é ná sɔ́ hwɛ kɛ mǐ ɖo fínɛ́. Mǐ ná mɔ fɛ́nú ɖo fínɛ́, bónú é ná d'alɔ mǐ ɖo nǔ e hudó mǐ lɛ́ɛ mɛ, ɖo hwe tɔn nu.

1 Piyɛ́ɛ 2:10

Mi nyí togun Mawu tɔn ɖ'ayǐ ǎ; amɔ̌ din ɔ́, togun tɔn wɛ mi nyí; é kú nǔbláwǔ nú mi ɖ'ayǐ ǎ; amɔ̌ din ɔ́, é kú nǔbláwǔ nú mi.