1 Timɔtée 1:1 - MAWUXÓWÉMA

¹ Nyɛ Pɔ́lu e Mawu Mɛhwlɛ́ngántɔ́ mǐtɔn, kpódó Klísu Jezu e nyí nukúnɖíɖó mǐtɔn ɔ́ kpán ɖe gbe, bɔ un nyí mɛsɛ́dó Klísu Jezu tɔn ɔ́

1 Timɔtée 1:1 Iomraidhean Croise

Ɖɛhan 106:21

Yě wɔn Mawu, Mɛhwlɛ́ngántɔ́ yětɔn ɔ́; Yě wɔn Mawu e bló nǔ ɖaxó tɛnmɛ tɛnmɛ ɖo Ejípu ɔ́.

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 43:11

Nyɛ wɛ nyí Mawu Mavɔmavɔ; nyi ɖokpónɔ géé wɛ nyí mɔ̌. Nyɛ mɛ vo ɔ́, mɛhwlɛ́ngántɔ́ ɖě sɔ́ ɖe ǎ.

Ezayíi 43:3

Đó nyɛ Mawu Mavɔmavɔ wɛ nyí Mawu towe; nyɛ Mɛ Mímɛ́ Izlayɛ́li tɔn ɔ́, nyɛ wɛ nyí Mɛhwlɛ́ngántɔ́ towe. Un ná Ejípu dó xɔ gbɛ nú we, un sɔ́ Etiopíi kpó Seva kpó jó ɖó tɛn towe mɛ.

Ezayíi 45:15

Mawu Izlayɛ́li tɔn, hwi mɛ e nɔ hwlɛ́n mɛ gán ɔ́, Mawu wɛ a nyǐ bó ɖo hwlǎhwlá nǔgbó.

Ezayíi 45:21

Mi wá ɖɔ nǔ e lin wɛ mi ɖe lɛ́ɛ, bó ɖe xlɛ́ ɖɔ nǔgbó wɛ; É jló mi hǔn, mi nɔ kpɔ́ bó kplɔ́n nǔ miɖée. Nǔ e ɖo jijɛ wɛ égbé din ɔ́, mɛ̌ ká ɖɔ ɖ'ayǐ sín do? Mɛ̌ kó ɖɔ ɖ'ayǐ ɖɔ yě ná jɛ? É má nyí nyɛ Mawu Mavɔmavɔ ɔ́ wɛ a? Nyɛ mɛvo ɔ́, Mawu ɖě sɔ́ ɖe ǎ. Nyɛ wɛ nyí Mawu, nyi wɛ nɔ wa nǔ ɖó sɛ́nxwi jí, nyi wɛ nɔ hwlɛ́n mɛ gán, mɛ ɖě sɔ́ ɖe zɛ nyɛ wú ǎ.

Ezayíi 49:26

Un ná hú gǎn mɛ e ɖo tagba dó nú we wɛ lɛ́ɛ, bɔ yě ná ɖu lan yě ɖésúnɔ tɔn; yě ná nu kanjɔ yě ɖésúnɔ tɔn bɔ é ná mú yě vɛ̌ɛn yɔ̌yɔ́ ɖɔhun. Énɛ́ ɔ́, mɛ e ɖo gbɛ ɔ́ mɛ lɛ́ɛ bǐ ná mɔ ɖɔ nyɛ wɛ nyí Mawu Mavɔmavɔ, nyɛ wɛ nyí mɛhwlɛ́ngántɔ́ towe; nyɛ wɛ xɔ gbɛ nú we; nyɛ wɛ nyí Mawu hlɔ̌nhlɔ́nnɔ Jakɔ́bu togun ɔ́ tɔn.’ ”

Ezayíi 60:16

Akɔta ɖě lɛ́ɛ wɛ ná nɔ́ wa nǔ nú we bɔ a nǎ nɔ́ ɖu; nǔ e nyí axɔ́sú yětɔn lɛ́ɛ tɔn ɔ́ wɛ ná nɔ́ dó dɔkun nú we. Énɛ́ ɔ́, a nǎ tunwun ɖɔ nyɛ Mawu Mavɔmavɔ wɛ nyí mɛhwlɛ́ngántɔ́ towe, nyɛ wɛ nyí Mawu hlɔ̌nhlɔ́nnɔ Jakɔ́bu togun ɔ́ tɔn.

Ezayíi 63:8

Mawu ɖɔ dó Izlayɛ́li ví lɛ́ɛ wú ɖɔ: “Togun ce wɛ yě nyí. Vǐ e má ná flú mì ǎ lɛ́ɛ wɛ yě nyǐ.” Ée é ɖɔ mɔ̌ ɔ́, é hwlɛ́n yě.

Ozée 13:4

Mawu Mavɔmavɔ ɖɔ: “Izlayɛ́linu lɛ́ɛ mi, nyɛ ɔ́, Mawu Mavɔmavɔ, Mawu mitɔn wɛ un nyí sín hwenu e mi tɔ́n sín Ejípu é; mi tunwun Mawu ɖěvo zɛ nyɛ wú ǎ, Mɛhwlɛ́ngántɔ́ ɖěvo tíin zɛ nyɛ wú ǎ.

Luki 1:47

bɔ xomɛ hun mì tlala dó Mawu Mɛhwlɛ́ngántɔ́ ce wu;

Luki 2:11

È ji Mɛhwlɛ́ngántɔ́ ɖokpó nú mi égbé ɖo axɔ́sú Davídi tomɛ; é wɛ nyí Klísu Aklúnɔ.

Mɛsɛ́dó 9:15

Aklúnɔ ka ɖɔ n'i ɖɔ: “Vɛ̌ yi, ɖó nya énɛ́ ɔ́, alǐnnyánú ɖé wɛ é nyí, bɔ un sɔ́, bó ná dó wa azɔ̌ ná, nú é ná jlá nyǐkɔ ce mɛ e ma nyí Jwifu ǎ lɛ́ɛ, bó ná jlá axɔ́sú yětɔn lɛ́ɛ, kpódó Izlayɛ́li togun ɔ́ kpó.

Hlɔ̌manu 1:1

Nyɛ Pɔ́lu mɛsɛntɔ́ Klísu Jezu tɔn e Mawu ylɔ́ bónú ma nyí mɛsɛ́dó ɔ́ wɛ ɖo wěma élɔ́ sɛ́ dó mi wɛ, bó ɖo gbe dó mi wɛ; Mawu wɛ ɖe mì ɖó vo bónú ma jlá Wɛn Ɖagbe tɔn.

1 Kɔlɛ́ntinu 1:1

Nyɛ Pɔ́lu e Mawu ylɔ́ ɖo jlǒ tɔn mɛ, bónú ma nyí mɛsɛ́dó Klísu Jezu tɔn ɔ́ kpódó nɔví mǐtɔn ɖo Klísu mɛ Sositɛ́nu kpán

1 Kɔlɛ́ntinu 9:17

Ényí nyɛ ɖésú wɛ zé azɔ̌ énɛ́ ɔ́, bó ɖo wiwa wɛ ɔ́, un sixú ɖó nukún ɖɔ un ná mɔ le tɔn. Lo ɔ́, ɖěe é nyí ɖɔ azɔ̌ wɛ é nyí, bɔ è ɖɔ un ɖó ná wa ɔ́, azɔ̌ e è zɔ́n mì ɔ́ wa wɛ un ɖe kpowun.

2 Kɔlɛ́ntinu 1:1

Nyɛ Pɔ́lu e nyí mɛsɛ́dó Klísu Jezu tɔn gbɔn jlǒ Mawu tɔn gbla mɛ ɔ́, kpódó nɔví mǐtɔn Timɔtée kpán wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é, kpódó mɛɖeɖóvo Mawu tɔn e ɖo tokpɔn Akáyi tɔn mɛ lɛ́ɛ bǐ kpán wɛ.

Galatinu 1:1

Nyɛ Pɔ́lu, mɛsɛ́dó Jezu Klísu tɔn, mɛsɛ́dó Mawu Tɔ́ mǐtɔn e fɔ́n ɛ sín kú ɔ́ tɔn wɛ ɖo wěma élɔ́ sɛ́ dó mi wɛ. Un nyí mɛsɛ́dó gbɛtɔ́ lɛ́ɛ tɔn ǎ; gbɛtɔ́ ɖé wɛ sɛ́ mì dó ǎ.

Galatinu 1:11

Nɔví lɛ́ɛ mi! Má ɖɔ nú mi: Wɛn Ɖagbe e jlá wɛ un ɖe ɔ́, gbɛtɔ́ lɛ́ɛ wɛ dó wá ǎ;

Kolósinu 1:27

Đó Mawu jló ná ɖe tito tɔn e ɖo wi mɛ ɔ́ xlɛ́ yě; tito énɛ́ e nyí é ɖésúnɔ tɔn, bɔ dɔkun ɖ'é mɛ sɔ mɔ̌, bó nyí tito ɖagbe ɖagbe ɔ́, é sɔ́ ɖ'ayǐ nú nyɔ̌ná togun lɛ́ɛ bǐ tɔn. Nǔbúdo ɔ́ ɖíe: Klísu ɖo mi mɛ, bó nɔ́ ná gǎnjɛwú mi ɖɔ mi ná ɖó mǐmá ɖo susu Mawu tɔn mɛ.

2 Tɛsalonikinu 2:16

Aklúnɔ mǐtɔn Jezu Klísu ɖésúnɔ kpódó Mawu Tɔ́ mǐtɔn e yí wǎn nú mǐ ɔ́ kpó, ní bló bónú mi ní kpan akɔ́n titewungbe; ní ná hlɔ̌nhlɔ́n mi, bónú mi ná nɔ́ wa nǔ e ko nyí nǔ ɖagbe ɔ́ bǐ, ɖo nǔwiwa mitɔn lɛ́ɛ kpódó xóɖiɖɔ mitɔn lɛ́ɛ kpán mɛ. Mawu wɛ na akɔ́nkpinkpan mavɔ mavɔ kpó nukúnɖíɖó ɖagbe kpó mǐ gbɔn fɛ́nú tɔn jí.

1 Timɔtée 1:12

Un dó kú nú Aklúnɔ mǐtɔn Klísu Jezu e ná hlɔ̌nhlɔ́n mì, nú ma dó wa azɔ̌ ce ná é. Un dó kú n'i, ɖó é mɔ ɖɔ un nyí mɛ bɔ è nǎ ɖeji dó wǔ ce, un dó kú n'i, ɖó é sɔ́ mì bónú ma wa azɔ̌ n'i.

1 Timɔtée 2:3

Đó nǔ e nyí nǔ ɖagbe, bó nyɔ́ ɖo Mawu Mɛhwlɛ́ngántɔ́ mǐtɔn nukún mɛ ɔ́ nɛ́.

1 Timɔtée 2:7

Un ɖo adingban ɖó wɛ ǎ; nǔgbó ɖɔ wɛ un ɖe bó ɖɔ énɛ́ ɔ́ wútu wɛ Mawu sɔ́ mì wɛnsagun, bó sɔ́ mì mɛsɛ́dó, bó zɔ́n mì ɖɔ ma kplɔ́n nǔ e kan nǔɖiɖi kpódó nǔgbó kpó ɔ́ mɛ e ma nyí Jwifu ǎ lɛ́ɛ.

1 Timɔtée 4:10

Nǔ énɛ́ wú wɛ mǐ ɖo azɔ̌ wa wɛ, bó ɖo gǎn dó wɛ, ɖó mǐ ɖo Mawu gbɛɖe e nyí Mɛhwlɛ́ngántɔ́ gbɛtɔ́ lɛ́ɛ bǐ tɔn ɔ́ ɖó nukún wɛ, ɖo tají ɔ́, Mawu gbɛɖe e nyí Mɛhwlɛ́ngántɔ́ gbɛtɔ́ e ɖi nǔ nú Klísu lɛ́ɛ tɔn ɔ́ ɖó nukún wɛ.

Titu 1:3

Ée hwe ɔ́ nu wá su ɔ́, é ɖe gbɛ mavɔ mavɔ ɔ́ xlɛ́ gbɔn xó tɔn gbla mɛ, ɖo wɛn e é sɔ́ dó así nú mì, bɔ un ɖo jlǎjlá wɛ, lě e Mawu Mɛhwlɛ́ngántɔ́ mǐtɔn ɔ́ zɔ́n gbɔn é mɛ.

Titu 2:10

Yě ɖó ná nɔ́ hízí gǎn yětɔn sín nǔ ɖěbǔ ǎ; é nyɔ́ wa ɔ́, yě ná nɔ́ ɖe xlɛ́ hwebǐnu ɖɔ émí nyí mɛ ɖagbe; émí ɖo gbejí, bónú mɛ lɛ́ɛ ná dó sixú ɖó sísí nú nǔkplɔ́nmɛ e ɖɔ xó dó Mawu Mɛhwlɛ́ngántɔ́ mǐtɔn wú ɔ́ ɖo nǔ bǐ mɛ.

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.

Titu 3:4

Lo ɔ́, hwenu e Mawu Mɛhwlɛ́ngántɔ́ mǐtɔn ɖe xomɛnyínyɔ́ tɔn kpó wǎn yíyí tɔn kpó xlɛ́ gbɛtɔ́ lɛ́ɛ ɔ́,

Titu 3:6

Mawu gbɔn Mɛhwlɛ́ngántɔ́ mǐtɔn Jezu Klísu jí, bó kɔn Yɛsinsɛn tɔn dó mǐ jí bɔ é túnflá,

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.

1 Piyɛ́ɛ 1:3

Mi nú mǐ ná kpa susu nú Mawu Aklúnɔ mǐtɔn Jezu Klísu sín Tɔ́. Đo xomɛnyínyɔ́ ɖaxó e é ɖó ɔ́ mɛ ɔ́, é fɔ́n Jezu Klísu sín kú, bó dó ná gbɛ yaɖéyaɖé mǐ. Énɛ́ ɔ́ zɔ́n bɔ nukúnɖíɖó mǐtɔn ɔ́ nyí nukúnɖíɖó gbɛɖe,

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.

1 Jǎan 4:14

Mǐdɛɛ lɛ́ɛ ɔ́, mǐ mɔ bó ɖe kúnnu ná ɖɔ Tɔ́ ɔ́ sɛ́ Vǐ tɔn dó, bɔ é nyí Mɛhwlɛ́ngántɔ́ gbɛ ɔ́ tɔn.