Vakatekivu 4:4 - Vakavakadewa Vou kei na iVola tale eso

⁴ A sa kauta talega mai eso na ulumatua ni nona manumanu urouro vinaka o Epeli ka vakacabora vei Jiova me nona i madrali ni vakavinavinaka. A sa vakadonui Epeli o Jiova kei na nona madrali,

Ai Vola Tabu (Vakadewa Makawa Vakavoutaki 2021)

⁴ Ko Epeli talega, sa kauta mai eso na ulumatua ni nona sipi, ka so na kedra uro. A sa vakadonui Epeli ko Jiova, kei na nona i madrali,

AI VOLA TABU

⁴ O Epeli talega, sa kauta mai ko koya e so na ulumatua e na nona sipi, kei na so na kedra uro. A sa vakadonui Epeli ko Jiova, kei na nonai madrali:

Vakavakadewa Makawa

⁴ Ko Epeli talega, sa kauta mai eso na ulumatua ni nona sipi, ka so na kedra uro. A sa vakadonui Epeli ko Jiova, kei na nonai madrali:

Ai Vola Tabu Ena Vakavakadewa Vou

⁴ A sa kauta talega mai eso na ulumatua ni nona manumanu urouro vinaka o Epeli ka vakacabora vei Jiova me nona i madrali ni vakavinavinaka. A sa vakadonui Epeli ko Jiova kei na nona madrali,

Vakatekivu 4:4 Iomraidhean Croise

Vakatekivu 15:17

Ia ni dromu na siga ka sa buto mai na vanua, e a basika vakasauri mai e dua na kuro katakata sa kubou tiko kei na dua na cina caudre, ka rau lako sivia na veitiki ni manumanu o ya.

Vakatekivu 4:3

Ni oti e dua na gauna, a sa kauta eso na vua ni qele o Keni ka vakacabora me nona i madrali ni vakavinavinaka vei Jiova.

1 Tui 18:24

Ia mo ni qai masu ka kaciva na nomuni kalou, ia ka'u na masu ka kaciva na yaca i Jiova; o koya ga sa vosa mai ena bukawaqa, me Kalou ga o koya.” Era a vosa kecega na tamata, ka kaya, “Sa vakadonui.”

1 Tui 18:38

E a qai lutu sobu mai na bukawaqa i Jiova ka kania na i soro kama, na buka, na vatu, kei na kuvu ni qele, ka domica na wai ena i keli.

1 Veigauna 21:26

A sa tara e kea o Tevita e dua na i cabocabonisoro vei Jiova, ka vakacabori kina na i soro kama eso kei na i soro ni veivinakati. A sa masu, ka sa sauma mai o Jiova ni sa tala sobu mai na bukawaqa mai lomalagi me vakama na i soro kama ena dela ni cabocabonisoro kama.

2 Veigauna 7:1

Ia ni tinia na nona masu o Solomoni, a lutu sobu mai lomalagi na bukawaqa, ka kania na i soro kama, kei na i madrali, ka vakasinaita na vale tabu ena i serau i Jiova.

NA SAME 20:3

Me vakadonuya kece o koya na nomu i solisoli, Ka taleitaka kece na nomu i soro.

Lako Yani 13:12

mo ni qai vakacabori ira kece sara na nomuni ulumatua tagane vei Jiova. Na veiulumatua tagane taucoko sara ni nomu manumanu sa nei Jiova.

Vosavakaibalebale 3:9

Mo dokai Jiova ena nomu i yau kei na i sevu ni veika vinaka o sa rawata mai na nomu qele.

Dauvunau 4:4

Au sa kila talega na ka era sa cakacaka vakaukauwa kina na tamata me ra rawa ka: na vuna ga sai koya na nodra gadreva me levu cake na ka e tu vei ira mai na ka era rawata na tani. Ia sa sega talega na kena yaga. Sa vaka ga na via vesuka na cagi.

Vunau ni Soro 9:24

Sa qai lako vakasauri mai na bukawaqa i Jiova ka vakama na i soro kama kei na uro ena dela ni cabocabonisoro. Ni ra sa sarava na veika oqo o ira na tamata, era sa qolou ka cuva sobu ki na qele.

Tiko mai na Lekutu 16:15

A sa cudru vakalevu o Mosese, ka kaya vei Jiova, “Mo ni kakua ni vakadonuya na nodra i madrali. Au na sega mada ni kovea e dua na asa mai vei ira, ka sega talega ni vakacacana e dua vei ira.”

Tiko mai na Lekutu 16:35

A sa lako mai vei Jiova na bukawaqa, ka kani ira era lewe 250 na tamata era sa cabora tiko na ka boi vinaka.

Tiko mai na Lekutu 18:12

Au sa solia me nomu na waiwai kecega e vinaka sara, kei na waini uasivi duadua, kei na witi vinaka sara kei na kedra i sevu kecega na vuata era sa vakacabora vei Jiova.

Tiko mai na Lekutu 18:17

Mo kakua ni volia na ulumatua ni bulumakau, se ulumatua ni sipi, se na ulumatua ni me; era sa tabu. Mo kureitaka na kedra dra ena i cabocabonisoro, ka vakama na kedra uro me vakacabori ena bukawaqa, me ka boi vinaka vei Jiova;

Iperiu 11:4

E na vuku ni vakabauta sa vakacabora kina o Epeli na i soro e vinaka cake mai na i soro i Keni. Ena vuku ni nona vakabauta sa vakadonui koya kina na Kalou me tamata yalododonu, baleta ni sa vakadonuya na Kalou vakai koya na nona i madrali. Ena vuku ni vakabauta e se vosa tikoga kina o Epeli, ka dina ga ni sa mate oti.

Iperiu 9:22

Sa vakadinadinataki mai na Lawa ni sa voleka ni vakasavasavataka na ka kece sara na dra; ni sa bokoci walega na i valavala ca kevaka sa vakadavei na dra.

Vakatakila 13:8

Ia era na qaravi koya o ira kece sara era tiko e vuravura, ka vakavo ga o ira sa volai na yacadra ni se bera ni tauyavu na vuravura ena i Vola ni Bula ni Lami sa vakamatei.

Dauveilewai 6:21

A sa dulaka yani na agilosi i Jiova na titoko e taura tiko e ligana me la'ki tara na mua ni titoko na lewe ni manumanu kei na madrai. A sa caudre mai na bukawaqa mai na vatu ka vakama na lewe ni manumanu kei na madrai. A sa yali tale yani vakasauri na agilosi.

1 Samuela 15:22

A sa kaya o Samuela, “A cava li e vinakata o Jiova: na talairawarawa se na i madrali kei na vakacaboisoro? Sa uasivi cake na talairawarawa mai na kena cabori vua na sipi digitaki.