Vakatekivu 4:2 - Vakavakadewa Vou kei na iVola tale eso

² A sa vakasucu tale o Ivi ka vakasucuma e dua na gonetagane ka vakatoka me yacana o Epeli. A sa qai yaco me dauvakana manumanu o Epeli, ka dauvakayagataki qele o Keni.

Ai Vola Tabu (Vakadewa Makawa Vakavoutaki 2021)

² A sa vakasucu tale, ka vakasucumi Epeli na tacina. Ia ko Epeli sa dauvakana sipi; a sa dauteitei ko Keni.

AI VOLA TABU

² A sa vakasucu tale, ka vakasucumi Epeli na tacina. Ia ko Epeli sa dauvakania na sipi; a sa daucaka were ko Keni.

Vakavakadewa Makawa

² A sa vakasucu tale, ka vakasucumi Epeli na tacina. Ia ko Epeli sa dauvakana sipi; a sa daucaka were ko Keni.

Ai Vola Tabu Ena Vakavakadewa Vou

² A sa vakasucu tale o Ivi ka vakasucuma e dua na gonetagane ka vakatoka me yacana o Epeli. A sa qai yaco me dauvakana manumanu o Epeli, ka dauvakayagataki qele o Keni.

Vakatekivu 4:2 Iomraidhean Croise

Vakatekivu 3:23

A sa qai vakatalai koya tani na Kalou o Jiova mai na i teitei o Iteni, me cakacakataka na qele a buli mai kina.

Vakatekivu 37:13

sa qai kaya o Jekope vei Iosefo, “Au vinaka mo lako mada i Sikemi, ki na vanua e ratou sa vakana manumanu tiko kina na tuakamu.” A sauma o Iosefo, “Au sa tu vakarau kina.”

Vakatekivu 4:1

Erau sa veiyacovi o Atama kei na watina, ka sa bukete o Ivi ka vakasucuma e dua na gonetagane, ka sa kaya, “Au sa rawata e dua na gonetagane mai vei Jiova.” A sa vakatoka kina o Ivi me yacana o Keni.

Vakatekivu 4:3

Ni oti e dua na gauna, a sa kauta eso na vua ni qele o Keni ka vakacabora me nona i madrali ni vakavinavinaka vei Jiova.

Vakatekivu 47:3

Sa qai tarogi iratou na tui ka vaka, “A cava na nomudou cakacaka?” E ratou sa kaya, “Oi keitou saka na nomuni tamata, keitou sai vakatawanisipi, me vakataki iratou ga na tama i keitou.

Vakatekivu 9:20

A sa yaco me dauteitei o Noa, o koya na i matai ni tamata me tea e dua na veivaini.

NA SAME 127:3

Era sai solisoli mai vua na Kalou na gone, Era sa ka ni veivakalougatataki dina.

Lako Yani 3:1

A sa dau vakatawani ira voli na sipi nei vugona o Jacoro na bete mai Mitiani o Mosese. Ena dua na siga, sa qai kauti ira yani na sipi ki na taudaku ni vanua lala me yaco sara i Saineai, na ulunivanua tabu.

Emosi 7:15

Ia sa kacivi au ga o Jiova mai na noqu cakacaka ni vakatawa sipi ka vakaroti au me'u lako mai ka parofisai vei ira na nona tamata na Isireli.

Luke 11:50

Ka me ra na tarogi kina na i tabatamata oqo ena vuku ni kedra dra na parofita kecega ka a vakadavei mai na i vakatekivu kei vuravura;

Luke 11:51

mai na dra i Epeli ka yacova na dra i Sakaraia, o koya ka a vakamatei ena tadrua ni cabocabonisoro kei na Tikina Tabu. Io au sa kaya vei kemuni, ena tarogi kina na i tabatamata oqo.

Joni 8:44

Na tamamuni na Tevoro, ka o ni sa gadreva mo ni cakava na veika sa gadreva na tamamuni. A sa daulaba mai na i vakatekivu o koya, e sega ni dau tovaka na dina, ka ni sega ga vua na dina. Ni sa tukuna o koya e dua na i tukutuku lasu, sa dodonu sara tu ga vua o ya, ka ni sa daulasulasu o koya ka sa vu mai vua na lasu kecega.

1 Joni 3:10

Sa vakatakilai vinaka ena ka oqo na kena duidui o ira na luve ni Kalou mai vei ira na luve ni tevoro: o koya sa sega ni vakayacora na ka dodonu ka sega ni lomana na wekana sa sega ni luve ni Kalou.

1 Joni 3:12

Me da kakua ni vakataki Keni, na luve ni vunica, o koya sa labata na tacina o Epeli. A cava beka na vuna e vakamatei tacina kina? E baleta ga ni sa cala ga na veika sa cakava o koya, ia sa dodonu na veika sa cakava o tacina.

1 Joni 3:15

O ira kecega sa cata na wekadra era sa daulaba, ka o ni sa kila ni sa sega sara ni tiko e lomana na daulaba na bula tawamudu.