Vakatekivu 26:3 - Vakavakadewa Vou kei na iVola tale eso

³ Mo vakaitikotiko ga eke, ka'u na tiko vata ga kei iko ka vakalougatataki iko. Au na solia talega na vanua taucoko oqo vei iko kei ira na nomu kawa. Au na vakayacora na ka au sa bubului kina vei Epara-ama na tamamu.

Ai Vola Tabu (Vakadewa Makawa Vakavoutaki 2021)

³ Mo tiko vulagi ga e na vanua oqo, ia ka'u na tiko vata kei iko, ka vakalougatataki iko; ni'u na solia vei iko kei ira na nomu kawa na veivanua kecega oqo; ia ka'u na vakataudeitaka na noqu bubului vei Eparaama na tamamu.

AI VOLA TABU

³ mo tiko vulagi ga e na vanua o qo, ia kaʼu na tiko kei iko, ka vakalougatataki iko: niʼu na solia vei iko, kei ira na nomu kawa, na veivanua kecega o qo; ia kaʼu na vakataudeitaka na vosa vavakini kaʼu a kitaka vei Eparaama na tamamu;

Vakavakadewa Makawa

³ mo tiko vulagi ga e na vanua oqo, ia ka'u na tiko vata kei iko, ka vakalougatataki iko: ni'u na solia vei iko, kei ira na nomu kawa, na veivanua kecega oqo; ia ka'u na vakataudeitaka na noqu bubului vei Eparaama na tamamu:

Ai Vola Tabu Ena Vakavakadewa Vou

³ Mo vakaitikotiko ga eke, ka'u na tiko vata ga kei iko ka vakalougatataki iko. Au na solia talega na vanua taucoko oqo vei iko kei ira na nomu kawa. Au na vakayacora na ka au sa bubului kina vei Epara-ama na tamamu.

Vakatekivu 26:3 Iomraidhean Croise

Vakatekivu 12:7

A sa rairai tale vei Eparama o Jiova, ka kaya vua, “Sai koya oqo na vanua ka'u na solia vua na nomu kawa.” A sa mani tara kina e kea o Eparama e dua na i cabocabonisoro vei Jiova, o koya sa rairai vua.

Vakatekivu 13:15

Au na solia na vanua kecega o sa raica kivei iko kei ira na nomu kawa, ka me nomu vakadua.

Vakatekivu 13:17

Mo cavutu ka lakova na loma ni vanua taucoko, ka ni'u na solia taucoko vei iko.”

Vakatekivu 15:18

Ni oti o ya, a qai vakayacora o Jiova ena vanua o ya na nona veiyalayalati kei Eparama, ka kaya, “Au sa yalataka ni'u na solia na vanua taucoko oqo vei ira na nomu kawa, me tekivu mai na uciwai ena i yalayala kei Ijipita me yacova na uciwai levu o Uferetisi,

Vakatekivu 17:19

Ia sa qai kaya na Kalou, “E sega, o Sera na watimu ena vakasucuma e dua na luvemu tagane, mo vakatoka me yacana o Aisake. Au na vakataudeitaka vua na noqu veiyalayalati kei ira na nona kawa. Oqo ena veiyalayalati tawa mudu.

Vakatekivu 17:8

Au na solia vei iko, kei ira na nomu kawa na vanua o tiko vakavulagi voli kina oqo. Ena nomu na vanua taucoko o Kenani ka tawa mudu, ka'u na nodra Kalou.”

Vakatekivu 20:1

Sa biuta na vanua o ya o Epara-ama ka lako yani ki na yasana vaka ki na ceva, ka la'ki vakaitikotiko ena kedrau veimama o Katesi kei Suri. Ena dua na gauna e muri ni a tiko vakavulagi mai Kira,

Vakatekivu 25:11

Ni sa mate o Epara-ama, sa qai vakalougatataka na luvena tagane o Aisake na Kalou, ka sa vakaitikotiko volekata “Na i keliwai i Koya sa bula ka raici Au.”

Vakatekivu 26:12

A sa qai ia na teitei o Aisake ena vanua o ya, ka sa tamusuka talega ena yabaki vata o ya e vakadrautaki na veika sa kaburaka ki na qele, ni sa vakalougatataki koya o Jiova.

Vakatekivu 26:14

Sa levu sara talega na nona sipi, na bulumakau, kei na nona tamata dauveiqaravi, ia era sa mani vuvutaki koya kina na kai Filisitia.

Vakatekivu 26:24

Ena bogi o ya, sa rairai kina vua o Jiova, ka kaya, “Oi au na Kalou i Epara-ama na tamamu. Mo kakua ni rere, ka ni'u sa tiko kei iko. Au na vakalougatataki iko kei ira na nomu kawa, ena vuku ni noqu yalayala vua na noqu tamata o Epara-ama.”

Vakatekivu 28:13

Ia sa duri tu e yasana o Jiova, ka kaya vua, “Oi au o Jiova, na Kalou i Epara-ama na tamamu kei na Kalou i Aisake, au na solia na vanua o davo koto kina oqo vei iko kei ira na nomu kawa.

Vakatekivu 28:15

Au na tiko ga kei iko, ka taqomaki iko ena vanua kecega o lakova, ka'u na kauti iko lesu tale mai ki na vanua oqo. Au na sega sara ni laivi iko me yacova ni'u sa vakayacora rawa na ka au sa yalataka oqo vei iko.”

Vakatekivu 31:3

Ia sa qai kaya vei Jekope o Jiova, “Mo lesu tale ki na nodra vanua na nomu qase, kivei ira na wekamu; ia au na tiko ga kei iko.”

Vakatekivu 35:12

Na vanua au sa solia vei Epara-ama kei Aisake au sa solia vei iko kei ira na nomu kawa era na muri mai.”

Vakatekivu 39:2

Ia sa tiko vata kei Iosefo o Jiova ka vakavuna me rawata vakavinaka na ka kecega sa cakava. A sa tiko o koya ena vale ni kai Ijipita na nona turaga,

Vakatekivu 39:21

Ia sa tiko ga kei Iosefo o Jiova ka vakalougatataki koya; a veika oqo sa taleitaki koya kina na i vakatawa ni valeniveivesu.

Vakatekivu 48:21

A qai kaya o Jekope vei Iosefo, “Raica, au sa vakarau mate, ia ena tiko kei iko na Kalou, ka kauti iko lesu ki na nodra vanua na nomu qase.

Vakatekivu 50:24

Sa qai kaya vei ira na tuakana, “Au sa vakarau mate, ia na Kalou ena talevi kemudou ka kauti kemudou tani mai na vanua oqo ki na vanua sa yalataka vei Epara-ama, Aisake kei Jekope.”

1 Veigauna 16:16

na veiyalayalati erau sa cakava kei Epara-ama, kei na nona bubului kivei Aisake.

NA SAME 105:8

Ena maroroya o koya na nona veiyalayalati ka sega ni mudu, Kei na nona vosa ni yalayala me yacova e udolu na veitabatamata;

NA SAME 105:9

Na veiyalayalati sa cakava o koya vata kei Epara-ama, Kei na nona vosa ni yalayala vei Aisake.

NA SAME 32:8

A sa kaya o Jiova, “Au na vakavulici iko ena sala e dodonu mo lako kina; Ka'u na vakaroti iko ka vakasalataki iko.

NA SAME 39:12

Ni rogoca na noqu masu i Jiova Ka vakatudaliga mo ni rogoca na noqu kerekere, Ni kakua ni galu ni'u tagi yani vei kemuni! Au sa vakataki ira ga na noqu qase Ni'u sa nomuni vulagi ga vakalekaleka.

Lako Yani 2:24

A sa rogoca na Kalou na nodra tagi, ka sa nanuma na nona yalayala vei Epara-ama, vei Aisake, kei Jekope.

Lako Yani 3:12

A sa kaya na Kalou, “Au na tiko kei iko, ia oqo me i vakatakilakila vei iko ni'u sa talai iko, ena nomu sa na kauti ira tani mai na tamata mai Ijipita, ia dou na mai qarava na Kalou ena ulunivanua oqo.”

Lako Yani 6:4

Au a tauyavutaka talega na noqu veiyalayalati vata kei iratou, me'u solia vei iratou na vanua o Kenani, na vanua ka ra a tiko vulagi kina.

Lako Yani 6:7

Au na ciqomi kemuni mo ni sa noqu tamata, ia ka'u na nomuni Kalou. O ni na qai kila ni sai au o Jiova, o koya ka sereki kemuni mai na nodra veivakabobulataki na kai Ijipita.

Lako Yani 6:8

Au na kauti kemuni ki na vanua ka'u a bubului kina me'u solia vei Epara-ama, Aisake kei Jekope; au na solia vei kemuni mo ni taukena. Sai au o Jiova.’ ”

Aisea 43:2

Ni o ni lako ena loma ni wai, Au na tiko kei kemuni, Kei na loma ni veiuciwai Era na sega ni luvuci kemuni. Ke o ni lako ena loma ni buka O ni na sega ni kama, Ka na sega ni kati kemuni Na yameyame ni buka.

Aisea 43:5

Ni kakua ni rere ni'u sa tiko kei kemuni. Au na kauti ira mai na nomu kawa Mai na tokalau kei na ra, Ka kauti ira mai ki na nomuni vanua.

Maika 7:20

O ni na vakaraitaka na nomuni yalodina kei na loloma sa sega ni yalani vei ira na nomuni tamata na Isireli, na kawa i Epara-ama kei Jekope, me vaka o ni a yalataka vei ira na neimami qase ena gauna e muri sara.

Tiko mai na Lekutu 23:19

Sa sega ni tamata na Kalou me vosa lasu; Se na luve ni tamata me rawa ni veisautaka na nona lewa. A veika ga sa yalayala kina ena vakayacora; Kei na veika sa tukuna ena yaco.

Vakarua 1:8

Raica, oqo na vanua au a yalataka oi au o Jiova me'u solia vei ira na nomuni qase, vei Epara-ama, Aisake kei Jekope kei ira na nodratou kawa. Mo ni lako mo ni lai tawana ka taukena.”

Vakarua 34:4

A qai kaya o Jiova vei Mosese, “Sai koya oqo na vanua au a yalataka vei Epara-ama, kei Aisake, kei Jekope me'u solia vei ira na nodratou kawa. Au sa na solia wale ga mo raica, ia o na sega ga ni lako takoso mo yaco kina.”

Filipai 4:9

Ni vakayacora na veika o ni sa vulica ka raica vei au, o ya mai na veika au sa tukuna kei na veika au sa cakava. Ena qai tiko vata kei kemuni na Kalou sa dauveivakacegui.

Iperiu 11:9

E na vuku ni vakabauta sa tiko vakavulagi voli kina o koya ena vanua sa yalataka vua na Kalou. A sa bula voli ga ena valelaca eso, a sa vakakina o Aisake kei Jekope, oi rau ka sa ciqoma talega na vosa ni yalayala vata o ya mai vua na Kalou.

Iperiu 6:17

O koya oqo ni gadreva na Kalou me vakatakila vakavinaka sara vei ira era na taukena na ka e yalataki na kena sega ni rawa ni veivukiyaki na nona i naki, a mani vakadeitaka kina na nona yalayala ena bubului.