Vakatekivu 2:8 - Vakavakadewa Vou kei na iVola tale eso

⁸ A sa qai tea na Kalou o Jiova e dua na i teitei mai Iteni, ena tokalau; a sa la'ki vakatikora kina na tamata e a bulia.

Ai Vola Tabu (Vakadewa Makawa Vakavoutaki 2021)

⁸ A sa tea e dua na were na Kalou ko Jiova, mai na tokalau mai Iteni, ka sa kauta kina na tamata ka bulia ko koya.

AI VOLA TABU

⁸ A sa tea e dua na were na Kalou ko Jiova, mai cake mai Iteni, a sa kauta kina na tamata ka cakava ko koya.

Vakavakadewa Makawa

⁸ A sa tea e dua na were na Kalou ko Jiova, mai na tu-i-cake mai Iteni, a sa kauta kina na tamata ka bulia ko koya.

Ai Vola Tabu Ena Vakavakadewa Vou

⁸ A sa qai tea na Kalou ko Jiova e dua na i teitei mai Iteni, ena tokalau; a sa la'ki vakatikora kina na tamata e a bulia.

Vakatekivu 2:8 Iomraidhean Croise

Vakatekivu 13:10

A sa veiraiyaki o Loti ka raica ni vanua suasua vinaka taucoko sa volita na Buca na Joritani me yaco sara ki Soa, ka sa vaka na i Teitei i Jiova se na vanua o Ijipita. (Oqo ena gauna a se bera ni vakarusai Sotoma kei Komora kina o Jiova.)

Vakatekivu 3:23

A sa qai vakatalai koya tani na Kalou o Jiova mai na i teitei o Iteni, me cakacakataka na qele a buli mai kina.

Vakatekivu 3:24

A sa vakasava tani na tamata o koya, ka sa vakatikori rau na agilosi ena Tokalau ni teitei o Iteni kei na dua na i seleiwau bukawaqa, sa veigoleyaki na yamena ki na veiyasana kecega, me kakua kina ni yacova na kau ni bula e dua na tamata.

Vakatekivu 4:16

A sa lako tani yani o Keni mai na mata i Jiova, ka la'ki tiko ena vanua o Noti, [a kena i balebale, “Veilakoyaki”] ena tokalau kei Iteni.

2 Tui 19:12

Era a vakabula vanua li na veikalou ni veivanua oqori ni ra sa vakarusai mai vei ira na noqu qase? Oqori na vanua me vakataki Kosani, Arani, Resefi, kei ira na luve i Iteni era tiko mai Tilasari.

Aisea 51:3

“Au na vakaraitaka na noqu loloma ki Saioni Kei na kena veiyasana kece sa rusa tu. E dina ga sa vaka tu e dua na vanua dravuisiga, Au na cakava me dua na loga ni teitei, Me vaka na i teitei au a cakava mai Iteni. Ena yaco e kea na reki kei na marau Kei na sere ni veivakacaucautaki Kei na vakavinavinaka vei au.

Isikeli 27:23

O Arana, o Kane, o Iteni, o Asuri, kei Kalimati era a dau veivoli kei iko.

Isikeli 28:13

O a tiko mai Iteni, na nona i teitei na Kalou, ka daramaka na veimataqali vatu talei: na rupi kei na daimani; na topasa, na berili, na kaneliani, na jasipa; na safaia, na emeralita, kei na qarineti. Sa tiko talega vei iko na veiukuuku koula. Era sa vakarautaki ga me nomu ena siga o a buli kina.

Isikeli 31:16

Au na vakayavalata na veimatanitu ena rorogo ni kena bale sobu, ni'u sa biuti koya sobu ki na nodra vuravura na mate. Era na qai marautaka na nona bale sobu o ira kece na kau mai Iteni kei na kau ni Lepanoni sa digitaki ka dau gunu wai vakavinaka era sa tiko ena ruku i vuravura.

Isikeli 31:18

“Na kau oqo sai koya na tui Ijipita kei ira na nona tamata. O ira mada ga na kau ni Iteni era sa sega soti sara ni balabalavu vinaka ka vakasakiti. Ia oqo, me vakataki ira ga na kau ni Iteni, ena lako sobu talega na kau oqo ki na nodra vuravura na mate me tomani ira sa sega ni kila na Kalou kei ira sa vakamatei ena valu. Sa i au o Jiova, ka'u sa kaya na veika oqo.

Joeli 2:3

Sa liu vei ira na bukawaqa ka veivaqeavutaki; E dakudra talega na yameyame ni buka ka veivakamai; Sa koto e matadra na vanua sa tautauvata kei na i teitei o Iteni; Ia, e dakudra, na dravuisiga ka sega na ka e dro bula.