Vakatekivu 2:7 - Vakavakadewa Vou kei na iVola tale eso

⁷ A sa qai taura eso na soso mai na qele na Kalou o Jiova ka bulia kina na tamata; a sa ceguva ki ucuna na i cegu ni bula; a sa yaco kina me tamata bula.

Ai Vola Tabu (Vakadewa Makawa Vakavoutaki 2021)

⁷ a sa qai bulia na tamata na Kalou ko Jiova mai na kuvu ni qele, ka ceguva ki na ucuna nai cegu ni bula, ka sa yaco kina na tamata me yalo bula.

AI VOLA TABU

⁷ A sa cakava na tamata na Kalou ko Jiova e na kuvu ni qele, ka ceguva na ucuna e na cegu ni bula, a sa yaco kina na tamata me yalo bula.

Vakavakadewa Makawa

⁷ A sa bulia na tamata na Kalou ko Jiova mai na kuvu ni qele, ka ceguva ki na ucuna nai cegu ni bula, a sa yaco kina na tamata me yalo bula.

Ai Vola Tabu Ena Vakavakadewa Vou

⁷ A sa qai taura eso na soso mai na qele na Kalou ko Jiova ka bulia kina na tamata; a sa ceguva ki ucuna na i cegu ni bula; a sa yaco kina me tamata bula.

Vakatekivu 2:7 Iomraidhean Croise

Vakatekivu 1:27

A sa bulia na tamata na Kalou, me ucui koya. A sa buli rau na tagane kei na yalewa,

Vakatekivu 2:6

A sa tubu cake na wai mai na qele ka vakasuasuataka na dela i vuravura.

Vakatekivu 3:19

Mo na cakacaka vakaukauwa ka kana mai na buno ni yadremu, me yacova na gauna o na lesu tale kina ki na qele o a buli kina. Ni o a buli ga mai na qele, ia o na suka tale ki na qele.”

Vakatekivu 3:23

A sa qai vakatalai koya tani na Kalou o Jiova mai na i teitei o Iteni, me cakacakataka na qele a buli mai kina.

Vakatekivu 7:22

A sa mate na veika kecega sa cegu e dela i vuravura.

Jope 27:3

Io, ena gauna taucoko au bula kina, Ka tiko e ucuqu na i cegu ni Kalou,

Jope 33:4

E a buli au na yalo ni Kalou ka solia vei au na bula.

Jope 33:6

O iko vata kei au, Jope, E daru tautauvata sara ga ena mata ni Kalou, E daru a buli ruarua ga mai na qele.

Jope 4:19

Ia a qai wacava sara mada na nona sega ni vakadinati na tamata; Na tamata ka dau tiko ga ena vale qele, Ni o koya e a buli ga mai na kuvu ni qele; Ka rawa ni qiliraki ga ka ciba me vaka e dua na manumanu ni cina?

NA SAME 100:3

Ni kakua ni guilecava ni sa Kalou o Jiova! Sa buli keda o koya ka da sa nona qele ni sipi.

NA SAME 103:14

Sa kila na Turaga na keda i bulibuli Ka sa kila tu ni da sa kuvu ni soso.

Vosavakaibalebale 20:27

Sa solia vei keda o Jiova na vakasama kei na noda lewa-e-loma, sa sega ni rawa ni dauvunitaki keda.

Dauvunau 12:7

Sa na lesu tale na yago me kuvu ni qele me qele tale me vaka e liu, ia na yalo ena lesu tale vua na Kalou, o koya sa solia.

Dauvunau 3:7

Na gauna ni dresulaka na ka, kei na gauna ni culacula; Na gauna ni vakanomodi, kei na gauna ni vosa;

Aisea 2:22

Ni kakua ni vakararavi ki na tamata Ni sa vaka ga na i cegu sa tiko e ucuna. Na cava sa yaga kina o koya?

Aisea 64:8

Ia oqo kemuni Jiova sai kemuni na Tama i keimami, O ni sa vaka na dautuli kuro Ka keimami sa vaka na qele me tuli kina na kuro, o ni a tuli keimami,

Lele i Jeremaia 4:20

Era sa vesuka na i vurevure ni noda bula, O koya na tui ka sa digitaka o Jiova, O koya eda sa nuitaka Me maroroi keda mai vei ira na meca.

Isikeli 37:5

Sa kaya ga vakaoqo na Kalou o Jiova vei ira na sui oqo: Raica, au na ceguvi kemuni ena i cegu, o ni na qai bula.

Isikeli 37:6

Au na vakatubura vei kemuni na ua kei na lewe, ka ubi kemuni ena kuli ni yagomuni. Au na qai ceguvi kemuni ena i cegu, ka vakalesuya vei kemuni na bula. O ni na qai kila kina ni sai au o Jiova.”

Sakaraia 12:1

Oqo na i tukutuku me baleti Isireli mai vei Jiova, o koya ka a tevuka yani na lomalagi, a tauyavutaki vuravura, ka a solia na bula ki vua na tamata. A sa kaya o koya,

Tiko mai na Lekutu 16:22

E rau sa cuva vakatoboicu, ka kaya, “Kemuni na Kalou, na Kalou ni yalo ni tamata kecega: O ni sa cudruvi ira li na lewenivanua taucoko ni sai valavala ca e duabulu wale ga na tamata?”

Tiko mai na Lekutu 27:16

Me lesia mada o Jiova, na Kalou ni yalodra na tamata kecega, e dua na tamata me lewai ira na lewenivanua,

Joni 20:22

Ni sa vosa oti vaka o ya, a sa qai ceguvi iratou, ka kaya vei iratou, “Dou ciqoma na Yalo Tabu.

Cakacaka 17:25

E sega talega ni leqa ena dua na ka me rawa ni da vukei koya kina ena ka e cakava na liga ni tamata, ka ni sai koya ga ka solia tiko vei keda kece na bula, na i cegu kei na veika kecega.

Roma 9:20

Ia o cei o iko, na wekaqu, mo sauma na vosa ni Kalou? Na kuro qele ena sega ni rawa ni vosa lesu vei koya e buli koya me kaya, “Na cava o buli au kina vakaoqo?”

1 Korinica 15:45

Ni sa volai ena i Vola Tabu, “Na i sevu ni tamata, o Atama, sa buli me tamata bula;” ia na i otioti ni Atama sai koya na Yalo sa dau vakavouia na bula.

1 Korinica 15:47

Sa buli na i matai ni Atama mai na qele ka sa lako mai vuravura; a sa lako mai lomalagi na i karua ni Atama.

2 Korinica 4:7

Ia oi keitou sa tu vei keitou na i yau oqo, keitou sa vaka na kuro qele, me vakaraitaki kina ni sa nona na Kalou na kaukauwa levu, ka sega ni neitou.

2 Korinica 5:1

Ia keitou sa kila, kevaka sa rusa na neitou vale vakavuravura, na yago i keitou sa dua na neitou vale mai vua na Kalou, na vale sa sega ni caka ena liga, sa vale sega ni rusa rawa mai lomalagi.

1 Timoci 2:13

Ni a buli e liu o Atama, ka qai muri o Ivi.

Iperiu 12:9

O ira talega na tamada vakayago era sa dau vakadodonutaki keda, ia eda sa dau dokai ira kina. E sega li ni ganita cake me da vakayalomalumalumutaki keda vua na Tamada vakayalo, ka me da bula kina?