Vakatekivu 1:1 - Vakavakadewa Vou kei na iVola tale eso

¹ Ena i vakatekivu, ena gauna a bulia kina na lomalagi kei na vuravura na Kalou;

Ai Vola Tabu (Vakadewa Makawa Vakavoutaki 2021)

¹ E nai vakatekivu sa bulia na lomalagi kei na vuravura na Kalou.

AI VOLA TABU

¹ ENAI vakatekivu sa bulia na lomalagi kei vuravura na Kalou.

Vakavakadewa Makawa

¹ Enai vakatekivu sa bulia na lomalagi kei na vuravura na Kalou.

Ai Vola Tabu Ena Vakavakadewa Vou

¹ Ena i vakatekivu, ena gauna a bulia kina na lomalagi kei na vuravura na Kalou;

Vakatekivu 1:1 Iomraidhean Croise

Iperiu 11:3

E na vuku ni vakabauta eda sa kila kina ni sa buli na vuravura ena vosa ni Kalou, me yaco rawa kina me caka na veika sa raici rawa mai na veika sa tawa raici.

Aisea 45:18

Sa bulia na lomalagi o Jiova, Ka sai koya taudua ga na Kalou. O koya ka a bulia na vuravura ka vakataudeitaka, Sa sega ni bulia me vanua lala, Ia me ra tiko ga kina na tamata. “Sa i au ga o Jiova, Ka sa sega tale ni dua na kalou.

Vakatakila 4:11

“Sa kilikili ga kei kemuni na neimami Turaga ka neimami Kalou, Me nomuni na lagilagi, na vakarokoroko, kei na kaukauwa. Ni o ni sa bulia na veika kecega, Ka sa yavutaki ga mai na nomuni lewa na kena vakataudeitaki na veika buli.”

Iperiu 1:10

E a kaya talega o koya, “O iko, na Turaga, o ni sa tauyavutaki vuravura ena i vakatekivu, Ka sa cakacaka ni ligamu o lomalagi.

Aisea 42:5

A sa bulia na lomalagi na Kalou ka tevuki ira yani, A sa bulia talega na vuravura, Kei na veika bula kecega e tu kina; Sa i koya ga sa solia na bula kei na i cegu ki na tamata. Ia oqo sa qai kaya o Jiova na Kalou vua na nona dauveiqaravi,

Lako Yani 20:11

Ni sa bulia na lomalagi, na vuravura taucoko, na waitui, kei na veika kece sara sa tu kina ena loma ni ono na siga ka qai vakacegu ena i kavitu ni siga; ena vuku ni ka oqo sa vakalougatataka kina o Jiova na siga ni vakacecegu ka vakatabuya.

Jope 38:4

O a sa bula tiko li ena gauna au a bulia kina na vuravura? Kevaka o kila tu e levu na ka, Ia mo tukuna sara mai vei au.

Cakacaka 17:24

Sa i koya na Kalou ka a buli vuravura kei na veika kecega e tu kina. Sa i koya na Turaga ni lomalagi kei vuravura, ka sega ni tiko ena veivalenisoro e caka ena liga.

2 Pita 3:5

Era na kaya na ka oqo baleta ni ra sa nakita me ra vakalecalecava na ka dina me baleta na nona a vosa taumada na Kalou ena gauna makawa sara, ka sa buli kina na lomalagi kei na vuravura. A sa wasei tani na vuravura mai na wai ka sa buli ena wai,

Niemaia 9:6

A qai masu o Esera: “Sa i kemuni duadua ga o Jiova; o ni sa bulia na lomalagi kei na veikalokalo ni lomalagi. O ni sa bulia na vuravura, na wasawasa, kei na ka kecega; o ni sa solia na bula ki na veika kecega. Sa cuva sobu ka sokalou vei kemuni na kaukauwa vakalomalagi eso.

Aisea 44:24

Oi au o Jiova, o koya ka buli kemuni, Ka nomuni i Vakabula. Oi au o Jiova o koya sa bulia na ka kecega. Oi au taudua ga au a tevuka na lomalagi, Ena gauna au a bulia kina na vuravura Ka sega ni dua e vukei au kina.

Jeremaia 32:17

Kemuni na Turaga na Kalou, sai kemuni o ni a bulia na vuravura kei na lomalagi ena nomuni kaukauwa levu kei na nomuni qaqa; ka a sega ni dua na ka e dredre vei kemuni.

Jeremaia 51:15

A bulia na vuravura na Turaga o Jiova Ena nona kaukauwa; A cakava na vuravura ena nona vuku, Ka sa tevuka na lomalagi ena nona maqosa.

NA SAME 33:9

Ni sa vosa ga, sa buli sara na vuravura; Ka sa rairai mai na ka kecega ena nona i vakaro.

Vosavakaibalebale 3:19

Sa tauyavutaki vuravura o Jiova ena nona vuku, Ka sa vakarautaki lomalagi ena nona lewa.

Vakatakila 14:7

Sa qai kaya ena domolevu o koya, “Ni rerevaka na Kalou ka vakacaucautaka na nona lagilagi! Ni sa yaco mai oqo na gauna me vakataulewa kina o koya. Mo ni cuva vua sa bulia na lomalagi, na vuravura, na wasawasa, kei na veimataniwai!”

NA SAME 115:15

Me vakalougatataki kemuni o Jiova, O koya sa bulia na lomalagi kei na vuravura.

Cakacaka 14:15

ka qolouvaka, “Oi kemuni na turaga, a cava o ni sa cakava kina na veika oqo? Keirau tamata talega vakataki kemuni o keirau! Ia keirau sa mai vunautaka vei kemuni na i Tukutuku Vinaka mo ni saumaki tani kina mai na veika tawayaga vakaoqo, ka vakanamata vua na Kalou bula, o koya sa bulia na lomalagi kei na vuravura, kei na wasawasa kei na veika kecega sa tu kina.

NA SAME 136:5

Sa bulia na lomalagi o koya ena nona yalomatua, Ni sa sega ni mudu na nona loloma tudei.

Jeremaia 10:12

Sa bulia o Jiova na vuravura Ena nona kaukauwa; Sa bulia o koya na vuravura Ena nona vuku, Ka sa tevuka yani na lomalagi Ena nona maqosa.

1 Korinica 8:6

Ia vei keda sa duabau ga na Kalou, na Tamada, o koya sa vu mai vua na ka kecega, ka da sa bula tiko ena vukuna; sa duabau ga na Turaga, o Jisu Karisito, ka sa vu mai vua na ka kecega, ka da sa bula tiko ena vukuna.

NA SAME 8:3

Ni'u vakaraica na maliwa lala na ka e cakava na ligamuni; Na vula, na veikalokalo o ni a bulia, Ka lesia na vanua me ra tu kina;

NA SAME 102:25

O ni a bulia na vuravura ena gauna makawa sara, Ka cakava sara ga na lomalagi ena ligamuni.

Iperiu 3:4

Na vale kecega e tara sa tara ga na tamata, ia sai koya ga na Kalou sa tara na ka kecega.

NA SAME 124:8

Sa taka mai vua na Kalou na veivuke me baleti keda, Mai vua sa bulia na lomalagi kei na vuravura. A Sere ni cabecabe.

Iperiu 1:2

ia ena gauna emuri oqo, a sa vosa vei keda o koya mai vua na Luvena. Ena vuku ni Luvena oqo sa bulia kina na Kalou na vuravura kecega, ka sa lesia na Kalou me na taukena na Luvena na veika kecega ena i otioti ni gauna.

Vosavakaibalebale 16:4

Na ka kece e vakayacora o Jiova e tiko na kena i cavacava, ka nodra i cavacava na tamata ca na rusa.

NA SAME 33:6

Sa bulia na matanisiga, na vula kei na kalokalo Ena nona vosa ga.

NA SAME 121:2

Ena lako ga mai vei Jiova na noqu ka ni veivuke, O koya sa bulia na lomalagi kei na vuravura.

Sakaraia 12:1

Oqo na i tukutuku me baleti Isireli mai vei Jiova, o koya ka a tevuka yani na lomalagi, a tauyavutaki vuravura, ka a solia na bula ki vua na tamata. A sa kaya o koya,

Aisea 40:28

O sega li ni kila, o sa sega li ni rogoca? Sa tawa mudu o Jiova na Kalou; Sa bulia o koya na vuravura taucoko. E se sega mada ni bau oca se malumalumu. Sa sega ni dua e kila rawa na nona vakasama.

NA SAME 104:24

I Jiova, sa levu sara na ka o ni sa bulia! Era sa caka vakavuku kecega; Sa sinai na vuravura ena veika o ni sa bulia.

NA SAME 96:5

Na nodra kalou na veimatanitu tani kece era sa matakau ga, Ia, o Jiova ga sa bulia na lomalagi.

Vakatakila 10:6

ka sa vosa bubului ena yaca ni Kalou, o koya sa bula tikoga ka tawamudu, ka sa bulia na lomalagi kei na veika sa tu kina, na vuravura kei na veika sa tu kina, vata kei na wasawasa kei na veika sa tu kina. A sa kaya na agilosi, “Sa na sega tale na wawa!

Roma 11:36

Ni sa bulia na ka kecega o koya. Era sa bula rawa tu ena nona kaukauwa, ka ra sa bula tale tu ga ena vukuna. Me ia mada ga vua na Kalou na veivakalagilagi ka sega ni mudu! Emeni.

Cakacaka 4:24

Ia ni ra sa rogoca na ka o ya, era sa qai tabalaka cake na domodra vua na Kalou ena lomavata ka kaya, “Oi kemuni na Turaga Cecere, kemuni o ni a buli lomalagi kei vuravura kei na wasawasa, kei na veika kecega e tu kina!

NA SAME 90:2

Ni o ni se bera ni bulia na veiulunivanua, Se vakayacora na vuravura me dua na ka, Sa i kemuni ga na Kalou sa sega ni mudu, Io, o ni na Kalou tikoga ka tawamudu.

Aisea 51:16

Au a tevuka yani na lomalagi Ka bulia na yavu kei vuravura; Ka'u kaya ki Saioni, ‘Oi kemuni na noqu tamata! Au a solia vei kemuni mo ni na noqu i vakavuvuli Ka taqomaki kemuni ena ligaqu.’ ”

Aisea 37:16

A sa kaya, “Oi kemuni Jiova ni lewevuqa, na nodra Kalou na Isireli, o ni sa tiko ena nomuni i tikotiko cecere vakaturaga. Sa i kemuni taudua ga na Kalou o ni sa lewa na veimatanitu kecega e vuravura. O ni a bulia na vuravura kei na lomalagi.

NA SAME 146:6

O koya sa bulia na lomalagi, na vuravura kei na wasawasa kei na veika kecega sa tu kina. Sa dau vakayacora ga o koya na veika sa yalataka;

NA SAME 134:3

Me vakalougatataki kemuni mai Saioni o Jiova, O koya ka bulia na lomalagi kei vuravura.

Vakatakila 22:13

Oi au na Alifa kei na Omeka, na i Vakatekivu kei na i Vakataotioti!”

1 Joni 1:1

Keitou sa volavola yani oqo vei kemuni me baleta na Vosa ni Bula, o koya sa bula tu mai na i vakatekivu, o koya keitou a rogoca, o koya keitou a raica ena mata i keitou; io, o koya keitou sa raica ka sa tara na liga i keitou.

Marika 13:19

Ni na vakadomobula cake sara na veika rarawa ena yaco ena gauna o ya mai na veika sa sotava oti o vuravura, me tekivu mai na gauna ka a bulia kina na Kalou me yacova na gauna oqo. Ena sega talega ni yaco e muri e dua na ka me vakakina.

Aisea 40:26

Rai cake mada ki lomalagi; O cei a bulia na veikalokalo o raica? O koya sa liutaki ira me vaka e dua na mataivalu, Sa kila na kedra lewe levu Ka kacivi ira ena dui yacadra! Sa ka levu sara na nona kaukauwa, Ka sa sega mada ni bau yali e dua vei ira!

NA SAME 104:30

Ia ni o sa solia vei ira na i cegu era sa bula; O ni sa solia na bula vou ki na vuravura.

1 Veigauna 16:26

Ni ra sa matakau kecega na nodra kalou na veimatanitu tani, Ia o Jiova ga sa bulia na lomalagi.

Vakatakila 21:6

Sa qai kaya vei au: “Sa vakayacori oti! Oi au na Alifa kei na Omeka, na i vakatekivu kei na i vakataotioti. Kivei ira sa viagunu, au na solia wale vei ira na wai mai na i vurevure ni wai ni bula.

Efeso 3:9

Me'u vakaraitaka talega vei ira na tamata kecega na kena vakayacori na i naki ka vunia tu mai na i vakatekivu na Kalou, o koya sa bulia na ka kecega.

Aisea 51:13

O ni sa guilecavi Jiova beka o koya ka a buli kemuni O koya ka a tevuka na lomalagi Ka cakava na yavu kei vuravura? Na cava o ni rerevaka tikoga kina na nodra cudru o ira sa vakararawataki kemuni? Sa evei kina na cudru o ya?

Aisea 65:17

A sa kaya o Jiova, “Raica au sa bulia e dua na vuravura vou Kei na dua na lomalagi vou. Na veika e a yaco ena gauna sa oti, Sa na guilecavi sara yani vakadua.

Vakatakila 3:14

“Mo vola vakaoqo vua na agilosi ni soqosoqo lotu mai Leotisea: “Oqo na i tukutuku mai vua na Emeni, o koya sa dau tukuna na ka dodonu ka dina, na i vakatekivu ni veika kecega sa bulia na Kalou.

Jope 26:13

Sa vakamakaretaka na macawa na nona cagi, Ia na ligana sa vakamatei kina na tevoro ni wasawasa.

Dauvunau 12:1

Mo nanumi koya na Dauveibuli Ena dela ni nomu gauna vakatabagone, Ni sa bera ni yaco mai na veisiga ca Ka toro mai na veiyabaki mo na kaya kina, Au sa sega ni vinakata na bula.

Maciu 11:25

Ena gauna o ya sa qai vosa o Jisu ka kaya, “Au sa vakavinavinaka vei kemuni, Tamaqu, na Turaga ni lomalagi kei vuravura, ni o ni sa vunia na veika oqo vei ira na vuku kei ira na kila-ka, ka vakatakila ga vei ira na gone lalai:

Lako Yani 31:18

Ni sa vosa oti vei Mosese o Jiova mai na Ulunivanua o Saineai, a sa qai solia vua na vatu raraba ni vunau e rua, ka sa vola na i vunau na Kalou vakataki koya.

Jope 9:8

Sa sega ni dua e vukea na Kalou ena nona tuva na lomalagi, Ka sa cakava vakaikoya ga na butuki ni dela ni ua ni wasawasa.

Aisea 40:21

O ni sega li ni kila? O ni sega li ni rogoca? E sega li ni tukuni vei kemuni ena gauna e liu?

2 Tui 19:15

A sa masu o Esekaia ena mata i Jiova, ka kaya, “Kemuni Jiova, na nodra Kalou na Isireli, o kemuni sa tiko vakaturaga ena kedrau maliwa na jerupi, oi kemuni vakai kemuni ga sa Kalou ni veimatanitu kecega e vuravura. Oi kemuni ga sa bulia na lomalagi kei na vuravura.

2 Veigauna 2:11

A qai sauma ena dua na i vola o Irami na tui Taia vei Solomoni, ka vaka, “Me baleta ni sa lomani ira na nona tamata o Jiova, a sa buli iko kina o koya mo nodra tui.”

NA SAME 8:4

A cava mada na tamata mo ni nanumi koya kina; Na luve ni tamata mo ni kauwaitaki koya kina?