Taniela 9:3 - Vakavakadewa Vou kei na iVola tale eso

³ Au sa masu ka kerekere vua na Turaga na Kalou. Au sa cikecike vagumatua sara vua, au a lolo tiko, au vakaisulu taga ka dabe tu ena dravusa.

Ai Vola Tabu (Vakadewa Makawa Vakavoutaki 2021)

³ Ia ka'u a vaqara na mataqu vua na Turaga na Kalou, me'u vakasaqarai koya e na masumasu, kei na kere loloma, e na lolo, kei nai sulu taga, kei na dravusa.

AI VOLA TABU

³ Ia kaʼu a vaqara na mataqu vua na Turaga na Kalou, meʼu vakasaqarai koya e na masumasu, kei na kere loloma, e na lolo, kei nai sulu taqarotu, kei na dravusa:

Vakavakadewa Makawa

³ Ia ka'u a vaqara na mataqu vua na Turaga na Kalou, me'u vakasaqarai koya e na masumasu, kei na kere loloma, e na lolo, kei nai sulu taga, kei na dravusa:

Ai Vola Tabu Ena Vakavakadewa Vou

³ Au sa masu ka kerekere vua na Turaga na Kalou. Au sa cikecike vagumatua sara vua, au a lolo tiko, au vakaisulu taga ka dabe tu ena dravusa.

Taniela 9:3 Iomraidhean Croise

2 Samuela 12:16

E a vakamasuta na Kalou o Tevita me bula cake mai na gone. A sega ni via kania e dua na kakana, ka sa davo koto ga ena buturara ni nona rumu ni moce ena veibogi.

Esera 10:6

A sa qai biuta na matamata ni Valenisoro o koya ka curu ki na i tikotiko i Joanani na luve i Eliasipa tagane, ka tiko kina ena bogi taucoko, ka tagicaka tiko kina na nodra talaidredre o ira era a tiko vakabobula. A sa sega ni kania se gunuva e dua na ka.

Esera 8:21

Ena yasa ni uciwai o ya o Aeva, au sa qai vakarota me keimami lolo ka vakayalomalumalumutaki keimami ena mata i koya na neimami Kalou, ka kerea vua me liutaka na neimami i lakolako ka taqomaki keimami vata kei ira na luve i keimami, ka vakakina na neimami i yau.

Esera 9:5

Ena gauna ni vakacaboisoro ena yakavi, au a tucake mai na vanua ka'u a dabe tiko kina ena rarawa levu, ka'u tekiduru sobu ena noqu i sulu kakadresudresu, ka dodoka ruarua na ligaqu me'u masu vei Jiova na noqu Kalou.

Niemaia 9:1

Ena i ka 24 ni siga ni vula oqo, era a soqoni vata na Isireli me ra lolo, ka ra a vakaisulu taga ka biuta na soso ki na uludra me vakatakila na levu ni nodra rarawa.

Esiteri 4:16

‘Mo lako ka la'ki soqoni ira vata na Jiu kecega o kunei ira mai Susa ka mo ni lolo ena vukuqu ka kakua ni kana se gunu me siga tolu. Au sa na lolo talega e ke kei iratou na noqu goneyalewa me vaka o ni sa na cakava mai keri. Ni oti o ya, au sa na qai lako vua na tui; ia ke'u sa na mani vakamatei ni'u sa basuka na lawa, au sa na mate ga.’

Jope 42:6

O koya oqo au sa vakayalomalumalumutaki au kina, Ka lesu tale ki na kuvu ni qele kei na dravusa.

NA SAME 35:13

Ia, ena gauna era tauvi mate kina, Au sa vakaisulu ena i sulu ni vakaloloku Ka'u mai sega yani ni kana Au sa vakacuva ulu ga ni'u sa masu,

Aisea 22:12

Ena siga o ya sa na kacivi kemuni o Jiova, Mo ni tagi ka vakaloloku, Mo ni toroya na ulumuni ka vakaisulu ena taga.

Jeremaia 33:3

Mo kaci mai vei au, ka'u na rogo yani vei iko, ka'u na tukuna vei iko na veika talei ka veivakurabuitaki o se sega ni bau kila.

Isikeli 36:37

Sa kaya vakaoqo na Kalou o Jiova: “Ia oqo talega au sa na vakalaiva kina vei ira na mataqali i Isireli me ra vakamasuti au me'u cakava vei ira na ka oqo: me'u vakalewevuqataki ira na nodra tamata me ra dua na i soqosoqo levu.

Taniela 6:10

Ia sa kila o Taniela ni sa sainitaki oti na lawa vou, a sa qai lako ki na nona vale. Ena rumu ni tabavale e cake ni nona vale, a tiko kina e tolu na katuba ka qara tu vaka ki Jerusalemi. Ena rumu oqori, a sa tekiduru sobu ena mata ni katubaleka sa dola tu o Taniela, ka masu vakatolu vua na Kalou ena veisiga me vaka na nona i valavala.

Taniela 9:2

Ena i matai ni nona yabaki ni tui, oi au, o Taniela, au a vulica ka vakadikeva tiko eso na i vola tukutuku vakatabui, ka'u mani vakananuma tiko na vosa ni Turaga vei Jeremaia na parofita, ka ni na rusa koto mada o Jerusalemi me vitusagavulu na yabaki.

Taniela 9:20

Au a masu ka vakatusa tikoga na noqu i valavala ca kei na nodra na kai noqu na Isireli, ka'u a cikecike tikoga vua na Turaga na noqu Kalou me tara vou tale na vale tabu.

Taniela 9:4

Au sa masu vua na Turaga na noqu Kalou, ka'u vakatusa vua na neimami i valavala ca, vakaoqo: “Turaga na Kalou, o ni sa kaukauwa ka qaqa ka keimami sa vakarokoroko vei kemuni. Oi kemuni o ni sa tudei tu ga ena nomuni vosa ni yalayala ka vakaraitaka na loloma e sega ni yalani vei ira era lomani kemuni ka cakava na lomamuni.

Joeli 1:13

Dou vakaisulu taga na bete ka tagi Oi kemudou na bete dauvakacaboisoro! Dou curu ki loma ni Valenisoro Ka vakaloloku ena bogi taucoko! Sa sega sara na sila se na waini Me i madrali vua na nomudou Kalou.

Joeli 2:12

“Ia oqo ga,” sa kaya o Jiova, “Dou lesu mai vei au ena yalomudou taucoko, Dou lolo talega, ka tagi ena vakaloloku.

Jona 3:5

Era sa vakabauta na vosa ni Kalou na kai Ninive. Ia era a qai lewa me ra lolo na tamata kecega, a tekivu sara mai vei ira era cecere me yacovi ira era lalai sara, me ra vakaisulu taga me ra vakaraitaka na nodra sa veivutuni.

Maciu 17:21

[Ia, sa dau rawa me vakasavi tani na kena mataqali oqo mai na masu kei na lolo duadua ga.]”

Luke 2:37

ia sa yada tu oqo o koya ka sa yabaki 84. E sega ni dau lako tani mai na Valenisoro o koya ni sa dau lotu, ka lolo masumasu ena siga kei na bogi.

Cakacaka 10:30

Sa qai kaya o Konilio, “Ena va na siga sa oti, ena gauna vata tikoga oqo, ni'u a masu tiko eke, ena noqu vale, ena tolu na kaloko ena yakavi, au qai kidacala sa tu e mataqu e dua na tamata ka sa ramase na nona i sulu.