Taniela 9:12 - Vakavakadewa Vou kei na iVola tale eso

¹² O ni sa cakava na ka o ni a kaya ni o ni na kitaka vei keimami kei ira na neimami turaga. O ni sa vakanakuitataki Jerusalemi vakabibi cake mai na dua tale na koro levu e vuravura taucoko.

Ai Vola Tabu (Vakadewa Makawa Vakavoutaki 2021)

¹² A sa vakadinadinataka ko koya na nona vosa ni veicudruvi ka baleti keimami, kei ira na neimami turaganilewa era sa lewai keimami, ni sa vakayacora kina vei keimami na ca levu. Ni sa sega ni caka e ruku i lomalagi taucoko me vaka na ka sa caka i Jerusalemi.

AI VOLA TABU

¹² A sa vakadinadinataka ko koya na nona vosa ka cavuta me keimami, kei na kedra na neimami dauveilewai sa lewai keimami, ni sa vakayacora kina vei keimami na ca levu: ni sa sega ni caka e ruku i lomalagi kecega me vaka na ka sa caka ki Jerusalemi.

Vakavakadewa Makawa

¹² A sa vakadinadinataka ko koya na nona vosa ni veicudruvi ka baleti keimami, kei ira na neimami turaga ni lewa era sa lewai keimami, ni sa vakayacora kina vei keimami na ca levu: ni sa sega ni caka e ruku i lomalagi taucoko me vaka na ka sa caka i Jerusalemi.

Ai Vola Tabu Ena Vakavakadewa Vou

¹² O ni sa cakava na ka o ni a kaya ni o ni na kitaka vei keimami kei ira na neimami turaga. O ni sa vakanakuitataki Jerusalemi vakabibi cake mai na dua tale na koro levu e vuravura taucoko.

Taniela 9:12 Iomraidhean Croise

1 Tui 3:9

Ia mo ni solia vei au na nomuni tamata na yalo sa vuku, me'u lewai ira rawa kina na nomuni tamata, me'u kila na ka vinaka kei na ka ca; ia o cei li sa rawata me lewai ira na nomuni tamata lewe levu oqo?”

2 Tui 22:16

na i tukutuku oqo mai vei Jiova: “Au sa na vakarau totogitaki Jerusalemi kei ira na kena lewenivanua, me vaka sa volai ena vola sa wilika oti o tui Juta.

Jope 12:17

Sa vakarusa na Kalou na nodra vuku na turaga, Ka vakasesea na nodra cakacaka na i liuliu Me vaka na cakacaka ni tamata lialia.

NA SAME 148:11

Ni vakacaucautaki koya, na tui eso kei na tamata taucoko, Na luvenitui kei ira kece na dauveiliutaki;

NA SAME 2:10

Kemuni kece na tui, Ni rogoca vinaka sara na i vakaro oqo; Kemuni na i liuliu ni veimatanitu, Ni vulica vinaka na lesoni oqo:

Vosavakaibalebale 8:16

Sa ia na veiliutaki na i liuliu kecega mai na noqu veivuke, Sa vakakina o ira na vakalesilesi kei na kawa vakaturaga.

Aisea 43:28

Ka vakadukadukalitaka na noqu vale tabu O ira na nomuni turaga. Au sa mani kauta mai kina ki Isireli na veivakarusai Ka laivi ira na noqu tamata me ra vakarogocataki.”

Aisea 44:26

Ia ni sa yalataka e dua na ka na noqu dauveiqaravi Ka'u tala na noqu i talai me tukuna na noqu i naki Au na vakayacora sara me ra yaco dina. Au a tukuna ki Jerusalemi Ni ra na bula tale kina na tamata, Ka tara cake tale na koro oqo mai na kena rusa.

Jeremaia 30:7

E dua na siga rerevaki ena yaco mai; Ena sega tale ni dua na siga Me na vakatauvatani kaya. Ena dua na gauna ni rarawa Vei ira na kawa i Jekope; Ia era na bula tikoga.”

Jeremaia 32:23

Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Jeremaia 39:16

me tukuna vei Epetimeleki na kai Eciopea ni a kaya na Turaga Qaqa na nodra Kalou ni Isireli, “Au na kauta mai na veivakarusai ki na koro oqo, ka sa sega na sautu. Me vaka au a kaya ni'u na cakava. Ia ni na yaco mai na ka oqo, o na tu voli e kea mo raica.

Jeremaia 44:23

Sa yaco vei kemuni edaidai na veivakarusai oqo, baleta na nomuni vakacaboisoro vei ira na veikalou tani ka i valavala ca vei Jiova. O ni sega ni muria na nona i vakavuvuli, nona i vakaro, kei na nona i vunau.”

Lele i Jeremaia 1:12

Sa ka wale li vei kemuni sa lako voli yani? Ni raica mada ka kila, Se sa tiko e dua na rarawa Sa vaka na noqu rarawa sa caka vei au O koya sa kauta mai o Jiova Ena siga ni nona cudru kaukauwa.

Lele i Jeremaia 2:13

Isa Jerusalemi, o Jerusalemi lomani, A cava me'u na tukuna vei iko? Me'u na vakacegui iko li vakaevei? Sa sega e dua me bau vakacacani vakaoqo. Na nomu vakarusai sa rabailevu vaka na wasawasa; Sa sega sara na i nuinui ni bula.

Lele i Jeremaia 2:17

Sa cakava o Jiova na ka sa nakita, Sa vakayacora na nona vosa; Io na veika sa vakarota taumada eliu, Ni sa veivakarusai ka sega ni loloma. Sa solia na qaqa vei ira na kequ meca Kei na reki ena vuku ni neimami vakaleqai.

Lele i Jeremaia 4:6

Ni sa levu cake na kuita sa tau Vei ira na noqu tamata ka lailai sobu Na i totogi sa soli vei Sotoma; A sa vakarusai ga ena dua na gauna Mai na liga ni Kalou duadua ga.

Isikeli 13:6

Sa ka wale ga na nodra raivotu, ka rui calacala na nodra parofisai. Era sa dautukuna tiko ni ra sa vakadewataka voli na noqu i tukutuku, ia ka'u a sega ni talai ira yani. Ia era sa namaka ga me yaco vakaidina na nodra vosa!

Isikeli 5:9

Ia ena vuku ni valavala vakasisila kecega, au sa na cakava kina vei iko na ka au a sega mada ni bau cakava e liu, ia ka'u na sega tale ni cakava e muri e dua na ka me rau tautauvata kaya.

Taniela 12:1

Na agilosi sa daramaka voli na i sulu lineni sa kaya vakaoqo, “Ena gauna o ya, ena qai tucake kina o Maikeli na agilosi kaukauwa ka qaqa, o koya a dauyadravi ira na nomu kawa tamata. Sa na qai yaco e dua na gauna ni rarawa levu, na gauna ni rarawa oqo e se sega ni bau yaco ena dua na gauna mai liu ni se qai tubu kina na veimatanitu. Ni sa yaco mai na gauna oqori, o ira kecega na lewe ni nomu vanua sa volai tu na yacadra ena i Vola ni Kalou era na vakabulai.

Joeli 2:2

E dua na siga vakaturubuto, E siga ni veio butobuto levu! Sa tadu mai na mataivalu qele ni vodre levu A sa vaka na buto e solega na veiulunivanua; E se qai yaco vakadua oqo, Ka na sega ni yaco tale maimuri.

Emosi 3:2

“Mai vei ira na veimatanitu kece sara e vuravura, sai iko duadua ga au sa kila ka kauwaitaka vakalevu. Oqori na vuna e sa rui vakadomobula kina na nomuni i valavala ca, ka oqori talega na vuna ka'u sa cudruvi kemuni kina ena vuku ni nomuni caka cala oqo.”

Sakaraia 1:6

Ia na i vakasala kei na i vakaro kecega au a solia yani mai vei ira na noqu tamata na parofita sa la'ki toboki ira na nomuni qase ka totogitaki ira. Ia e muri, era sa qai veivutuni ka vakadinadinataka ni oi au ga, o Jiova ni lewevuqa, au a totogitaki ira me veiganiti kei na nodra i tovo, me vaka ni a sa noqu i naki tudei me'u vakayacora vaka kina.’”

Sakaraia 1:8

Au a raica e dua na agilosi i Jiova ni vodoka voli e dua na ose damudamu. E a mai tu vakadua ena loma ni veimateli ena dua na buca, ka ra tu talega mai dakuna eso tale na ose — na ose damudamu, na ka vula kei na ka tavutonotono.

Sakaraia 7:12

ka vakaukauwataka na lomadra me vaka na vatu. Ena vuku ni nodra a bese ga ni vakarorogo ki na i vakavuvuli ka'u a solia vei ira na parofita era a bula mai liu, au sa cudru vakalevu sara kina.

Maciu 24:21

ni leqa ena sotavi ena gauna o ya ena levu cake sara mai na kena e sa yaco oti, me tekivu oqo mai na i vakatekivu ni gauna me yacova na siga edaidai. Ena sega tale ni vakakina e muri.

Maciu 5:18

Ni'u sa kaya vakaidina vei kemudou, ena sega sara ni takali rawa mai na Lawa e dua na i toqa se tikina lailai sara ka yacova ni sa takali o lomalagi kei vuravura, ena vakayacori kece mada ga.

Marika 13:19

Ni na vakadomobula cake sara na veika rarawa ena yaco ena gauna o ya mai na veika sa sotava oti o vuravura, me tekivu mai na gauna ka a bulia kina na Kalou me yacova na gauna oqo. Ena sega talega ni yaco e muri e dua na ka me vakakina.

Luke 21:22

Ni sai koya o ya na gauna ni veisausaumi, me vakayacori kina na veika sa volai tu ena i Vola Tabu.

Roma 15:8

Au via tukuna vei kemuni ni a mai dua na dauveiqaravi vei ira na Jiu o Karisito me vakaraitaka na yalodina ni Kalou, me vakayacori kina na vosa ni yalayala ni Kalou vei ira na nodra qase,