Taniela 8:4 - Vakavakadewa Vou kei na iVola tale eso

⁴ Au a vakaraica tu na sipi tagane ni sa cumucumuraka na nona i leu vaka ki na ra, ka vaka ki na vualiku kei na ceva. E sega na manumanu e torovi koya rawa se me dro bula rawa mai vua, se dro rawa mai na nona kaukauwa. Sa cakava o koya na ka ga e vinakata ka yaco me qaciqacia mai.

Ai Vola Tabu (Vakadewa Makawa Vakavoutaki 2021)

⁴ Au a raica na sipi tagane ni sa cumu tu vaka ki na ra, kei na vualiku, kei na ceva; a sa sega so na manumanu sa tu rawa e matana, sa sega talega e rawata me kaliraka mai na ligana; sa cakacaka ga ko koya me vaka na nona veitalia, a sa tubu me levu.

AI VOLA TABU

⁴ Au a raica na sipi tagane ni sa cula tu kivakaki ra, kei na tokalau, kei na ceva; a sa sega e so na manumanu sa tu rawa e matana, sa sega talega e sa ia rawa na veikaliraki mai na ligana; sa cakacaka ga ko koya me vaka na nona veitalia, a sa yaco me levu.

Vakavakadewa Makawa

⁴ Au a raica na sipi tagane ni sa cumu tu vaka ki ra, kei na tokalau, kei na ceva; a sa sega so na manumanu sa tu rawa e matana, sa sega talega e rawata me kaliraka mai na ligana; sa cakacaka ga ko koya me vaka na nona veitalia, a sa tubu me levu.

Ai Vola Tabu Ena Vakavakadewa Vou

⁴ Au a vakaraica tu na sipi tagane ni sa cumucumuraka na nona i leu vaka ki na ra, ka vaka ki na vualiku kei na ceva. E sega na manumanu e torovi koya rawa se me dro bula rawa mai vua, se dro rawa mai na nona kaukauwa. Sa cakava o koya na ka ga e vinakata ka yaco me qaciqacia mai.

Taniela 8:4 Iomraidhean Croise

1 Tui 22:11

A cakava o Setekaia na luve i Kinana eso na i leu ni manumanu caka ena kaukamea, ka kaya, “Sa vosa vakaoqo o Jiova, ‘O ni sa na cumuti ira tani na kai Siria ena ka oqo me yacova ni ra sa vakarusai kece.’ ”

Jope 10:7

O ni kila tu na noqu tawa cala, Ka sega ni dua ena vakabulai au rawa mai na ligamuni na Kalou.

NA SAME 44:5

Sa vakadrukai ga na keimami meca mai na nomuni kaukauwa; Ka ra vakamalumalumutaki ena yacamuni.

NA SAME 50:22

“Mo ni rogoca mada oqo, Oi kemuni na dautalaidredre vei au, De'u qai ravuti kemuni, Ka sega e dua me vueti kemuni.

NA SAME 7:2

De ra na colati au yani me vaka e dua na laione, Ki na dua na vanua sa sega na tamata me vakabulai au rawa kina; Ka ra qai dresulaki au vakamatailalai mai kea.

Isikeli 34:21

Me baleta ni sa veibiliyaki, ena tutumuni kei na tabamuni, ka cumuti ira na wamalai ena nomuni i leu, me yacova sara ni o ni vakasevi ira ki na veivanua;

Taniela 11:16

Sa na qai tawana o tui Siria na vanua lagilagi o ya, me qai vakarorogo na vanua taucoko oqori ki na nona kaukauwa.

Taniela 11:36

Sa na cakava o tui Siria na ka ga e lomana me cakava. Sa na boletaka tiko ni levu cake o koya mai vua e dua tale na kalou ka vosa vakadokadokai koya ni levu cake o koya mai vua na Kalou Cecere. Sa na rawa vua me kitaka tiko na veika vakaoqo me yacova na gauna sa na vakanakuitataki koya kina na Kalou. Ni sa na vakayacora dina ga na Kalou na veika sa lomana me cakava.

Taniela 5:19

Sa ka levu na nona kaukauwa kei na qaqa, ka ra sa rere ka sautaninini vua o ira na duikaikai kei na duivosavosa mai na veivanua kecega. Kevaka e via vakamatea o koya e dua na tamata, ena vakayacora ga; kevaka e via vakabula e dua na tamata, ena vakayacora ga. Sa vakalevulevuya se vakalolomataka e dua ga me vaka sa lomana kina.

Taniela 5:30

Ena bogi ga ni siga o ya, a labati kina o Pelisasari, na tui Papiloni:

Taniela 7:5

Au a qai raica tale na i karua ni manumanu. O koya oqo sa vaka na i rairai ni dua na bea ka sa tucake tu ena yavana ruarua. Sa katia tiko na bea oqo e tolu na sui ni sarisari, ka dua na rorogo ni domo sa tukuna tiko vua, “Mo kana, tiloma na lewe ni manumanu.”

Taniela 8:7

Au sa vakaraici koya ni sa cumuta na sipi tagane. Sa rui levu na nona cudru na me ka veicumuyaka na sipi tagane ka mani musuka ruarua na nona i leu. E sega na nona kaukauwa na sipi me vorati koya na me, ia na me sa butubuturaka na sipi ka davo ki na qele. E a sega ni dua me vakabulai koya rawa mai na kaukauwa ni me.

Maika 5:8

O ira na vo-ni-bula era sa tu ena veimatanitu tale eso era na vaka na laione sa vakasasa kena voli e loma ni veikau se ena dua na i kanakana ni manumanu. A sa curuma yani na kedra maliwa na sipi, ka buturaki ira, ka basuraki ira vakamatailalai — sa sega ga na i nuinui ni ra na vakabulai rawa.

Vakarua 33:17

Sa tu vei Iosefo na kaukauwa ni bulumakau tagane, Na i leu ni bulumakau yadru kila. Na nona i liu sa i koya na udolu i Manasa Kei na tini na udolu i Ifereimi. A sa cumulaki ira kina na veimatanitu Ka biligi ira yani ki na i yalayala kei vuravura.”