Taniela 8:16 - Vakavakadewa Vou kei na iVola tale eso

¹⁶ Au sa rogoca sara na domo ni kaci mai na uciwai na Ulai, ka vaka, “I Kaverieli, mo vakamacalataka vua na i balebale ni nona raivotu.”

Ai Vola Tabu (Vakadewa Makawa Vakavoutaki 2021)

¹⁶ Ia ka'u sa rogoca na domo ni tamata e na maliwa ni bati ni uciwai ko Ulai, a sa kaci, ka kaya, “Ko iko Kaverieli, mo vakamacalataka vua na tamata oqo na raivotu.”

AI VOLA TABU

¹⁶ Ia kaʼu sa rogoca na domo vakatamata e na loma ni uciwai ko Ulei, a sa kaci, ka kaya, I Kepirieli, mo vakatakila vua o qo na raivotu.

Vakavakadewa Makawa

¹⁶ Ia ka'u sa rogoca na domo ni tamata e na macawa ni bati ni uciwai ko Ulai, a sa kaci, ka kaya, Ko iko Keperieli, mo vakamacalataka vua na tamata oqo na raivotu.

Ai Vola Tabu Ena Vakavakadewa Vou

¹⁶ Au sa rogoca sara na domo ni kaci mai na uciwai na Ulai, ka vaka, “I Kaverieli, mo vakamacalataka vua na i balebale ni nona raivotu.”

Taniela 8:16 Iomraidhean Croise

Taniela 10:14

Au sa lako mai oqo me'u mai vakatakila vei iko na ka ena yaco vei ira na kai nomu ena gauna mai muri. Oqo e dua na raivotu vou ka baleta na gauna mai muri.

Taniela 10:21

Na veika vakaoqo, ena dau vukei au duadua ga kina o Maikeli, na nomuni agilosi dauveiqaravi na Isireli, ka sega tale ni dua.

Taniela 7:16

Au sa torova ka taroga e dua vei ira ka tu voli e kea, ka kerei koya me vakamacalataka vei au na i balebale ni veika kecega a yaco tiko. Sa qai vakamacalataka vei au o koya na kena i balebale, ka sa vakaoqo:

Taniela 8:2

Ena raivotu o ya, au sa raica vakasauri ni'u a tu ena loma ni koro levu ka vakabai o Susa, ena yasana o Ilama. Au sa tu ena bati ni uciwai na Ulai.

Sakaraia 1:9

Au a qai taroga na agilosi, “A cava saka na kedra i balebale na ose eso oqo?” E a sauma o koya, ka kaya, “Au na vakaraitaka vei iko se cava na kedra i balebale.

Sakaraia 2:4

Sa qai kaya na i matai ni agilosi vei koya ka dua, “Cici mada ka la'ki tukuna vua na cauravou ka taura voli na wa ni vakarau ni ra na lewe vuqa mai na tamata kei na manumanu e Jerusalemi, ena qai rui levu sara na koro ka dredre kina ni viribai.

Luke 1:19

Sa qai sauma na agilosi ka kaya vua, “Oi au o Kaverieli, au sa dau tu me'u veiqaravi ena mata ni Kalou, ka'u sa talai mai me'u vosa vei iko ka tukuna vei iko na i tukutuku vinaka oqo.

Luke 1:26

Ena i kaono ni vula sa talai na agilosi o Kaverieli mai vua na Kalou, ki na dua na koro mai Kalili o Nasareci na yacana,

Cakacaka 10:13

Sa qai rogo mai e dua na vosa, ka kaya, “I Pita, mo tucake; mo vakamatea ka kania!”

Cakacaka 9:7

A ratou sa tu vakadua o iratou ka lako vata tiko yani kei Saula, ka sega ni cavuta rawa e dua na vosa. E ratou sa rogoca na domo, ia e ratou sa sega ga ni raica e dua.

Iperiu 1:14

A cava sara mada o ira na agilosi? Sa i ira ga na yalo dauveiqaravi vua na Kalou ka ra sa talai mai vua me ra vukei ira era sa vakarau ciqoma na i veivakabulai ni Kalou.

Vakatakila 1:12

Au a qai rai vuki me'u raici koya ka vosa tiko mai vei au, ka'u sa raica e vitu na i tutu-ni-cina koula,

Vakatakila 22:16

“Oi au, o Jisu, au sa tala yani vei iko na noqu agilosi me vakatakila na veika oqo ki na veisoqosoqo lotu. Oi au na kawa ni vuvale i Tevita; sai au na kalokalo serau ni mataka lailai.”