Taniela 7:9 - Vakavakadewa Vou kei na iVola tale eso

⁹ Ni'u vakararai tu, au a raica ni ra mai biu eso na i dabedabe vakatui. Sa qai mai dabe ena dua vei ira na i dabedabe vakatui oqo o koya sa bula ka sega ni mudu. Sa vulavula na nona i sulu me vaka na uca cevata, ka sa vaka na vutinisipi uasivi sara na drauniuluna. Na nona i dabedabe vakaturaga ka sa semati ki na qiqi bukawaqa, a sa waqa tu

Ai Vola Tabu (Vakadewa Makawa Vakavoutaki 2021)

⁹ “Au a raica tiko, ka so nai tikotiko vakaturaga sa qai viritoka, a sa dabe kina ko Koya sa bula e na Veisiga, sa vulavula na nona i sulu me vaka na uca vulavula, kei na drau ni uluna sa vaka na vutika ni sipi e savasava; sa nona i tikotiko na yameyame ni bukawaqa, ia na yavana sa vaka na bukawaqa.

AI VOLA TABU

⁹ Au a raica tiko ka so nai tikotiko vakaturaga sa qai viritaki sobu, ia ko Koya sa Mailiu sara na nona gauna sa tiko mai, a nonai sulu sa vulavula me vaka na uca-vulavula, kei na drau ni uluna sa vaka na vutika ni sipi e savasava: a nonai tikotiko na yameyame ni buka, na yavana na buka waqa.

Vakavakadewa Makawa

⁹ Au a raica tiko ka so nai tikotiko vakaturaga sa qai viritoka, ia sa dua sa ka dede sara na nona bula sa tiko mai, sa vulavula na nonai sulu me vaka na uca vulavula, kei na drau ni uluna sa vaka na vutika ni sipi e savasava: sa nonai tikotiko na yameyame ni bukawaqa, ia na yavana sa vaka na bukawaqa.

Ai Vola Tabu Ena Vakavakadewa Vou

⁹ Ni'u vakararai tu, au a raica ni ra mai biu eso na i dabedabe vakatui. Sa qai mai dabe ena dua vei ira na i dabedabe vakatui oqo o koya sa bula ka sega ni mudu. Sa vulavula na nona i sulu me vaka na uca cevata, ka sa vaka na vutinisipi uasivi sara na drau-ni-uluna. Na nona i dabedabe vakaturaga ka sa semati ki na qiqi bukawaqa, a sa waqa tu

Taniela 7:9 Iomraidhean Croise

1 Tui 22:19

A sa kaya o Maikaia, “O koya oqo, mo rogoca kina na vosa i Jiova: Au sa raici Jiova ni sa tiko ena i tikotiko vakaturaga, era sa tiko voleka vua ena i matau kei na i mawi, o ira kecega na lewe i lomalagi.

2 Veigauna 18:18

A sa kaya o Mekaia, O koya oqo, mo ni rogoca kina na vosa i Jiova: Au a raici Jiova, ni a tiko ena nona i tikotiko vakaturaga, ka ra tiko voleka vua ena i matau kei na mawi o ira kecega na lewe i lomalagi;

NA SAME 45:8

Sa kuvuraka na i boi ni mura, yasi kei na kasia ena nomuni i sulu; Ka ra vakamarautaki kemuni na daunivakatagi ena valenitui sa ukutaki ena ivori.

NA SAME 90:2

Ni o ni se bera ni bulia na veiulunivanua, Se vakayacora na vuravura me dua na ka, Sa i kemuni ga na Kalou sa sega ni mudu, Io, o ni na Kalou tikoga ka tawamudu.

NA SAME 93:2

Na nomuni i dabedabe vakatui, kemuni Jiova, sa tudei mai na i vakatekivu; Ka o ni a sa bula tu mai ni se bera na i tekitekivu ni gauna.

Aisea 6:1

Ena yabaki e a mate kina o Usaia na tui, au a raica na Turaga ni dabe tiko ena nona i dabedabe vakatui, e cecere, ka laveti cake.

Aisea 9:6

Sa sucu mai e dua na gone me noda! Sa soli mai vei keda e dua na gonetagane! O koya ena yaco me liutaki keda. Ena vakatokai na yacana o, “Na i Vakavuvuli Veivakurabuitaki,” Na “Kalou Kaukauwa,” na “Tama ni Gauna Tawamudu,” Na “Ravouvou ni Vakacegu kei na Sautu.”

Jeremaia 49:38

Au na vakarusai ira na tui kei na i liuliu mai Ilama, ka vakadabera kina na noqu tikotiko vakatui.

Isikeli 1:26

Ena dela ni wasa iloilo ka toka e dela ni uludratou, a sa tiko kina e dua na ka sa vaka na i tikotiko vakaturaga, a kena i rairai sa vaka na vatu safaia, ka dabe toka kina e dua na i yaloyalo-ni-ka e vaka na i rairai ni tamata.

Taniela 7:13

Ena raivotu ena bogi o ya, au a raica kina e dua sa vaka na i rairai ni luve ni tamata. Sa lako voleka mai o koya, ia a vakavolivoliti koya ga na o, ka sa lako yani vua sa bula vakadede sara, me la'ki vakaveikilaitaki vua.

Taniela 7:22

Ia a lako mai o koya sa dede sara na nona bula ka tauca na lewa ni ra dodonu o ira na tamata ni Kalou Cecere. Sa yaco mai na gauna me ra taukena kina na tamata ni Kalou na matanitu.

Maika 5:2

I Peceliema Efiraca, o iko e dua na koro lailai sara e Juta, ia ka'u na vakatubura mai vei iko e dua me lewai ira na Isireli; na kawa ni nona vuvale sa semati lesu ki na dua na gauna makawa sara.”

Apakuki 1:12

Oi kemuni Jiova, o ni sa Kalou dina ga mai na i vakatekivu. Oi kemuni na noqu Kalou; o ni yalo savasava vakaoti ka o ni sa bula ena veigauna kecega. Oi kemuni Jiova na noqu Kalou ka noqu i vakavakaruru, o ni sa digitaki ira oti na kai Papiloni ka vakaukauwataki ira me rawa kina ni ra vakanakuitataki keimami.

Maciu 17:2

Sa qai vukici na kena i rairai e matadratou, ka serau na matana me vaka na matanisiga, ka vulavula mai na nona i sulu me vaka na rarama.

Maciu 28:3

Na nona rairai mai sa vaka na tibi ni liva, ka sa vulavula me vaka na uca vulavula na nona i sulu.

Marika 9:3

Sa lumilumisa ka sekavula sara mai na nona i sulu me vaka na se ni ua ena cakau; a sa sega ni dua na dausavasava e vuravura me vakavulavulataka rawa e dua na i sulu me vaka o ya.

Cakacaka 2:30

A sa dua talega na parofita o koya, ka sa kila na veika sa bubului oti kina vua na Kalou: ni sa yalataka vua na Kalou ni na vakayacora e dua e kawa mai vei Tevita me tui, me vakataki Tevita ga.

Cakacaka 2:33

A sa kau cake o koya ki na liga i matau ni Kalou na Tamana, ka sa ciqoma mai vua na Yalo Tabu, me vaka sa yalataka. Na veika o ni sa raica ka rogoca tiko oqo sai koya na nona i solisoli ka sa sovaraka mai vei keda.

Filipai 3:9

ka me keirau sa veisemati dina sara. Sa sega kina ni tu vei au na veivakadonui ena vukuqu ga, ka sa rawati oqo mai na kena vakamuri na Lawa. Sa tu ga vei au oqo na veivakadonui sa soli ena vuku ni vakabauti Karisito, na veivakadonui sa taka mai vua na Kalou ka yavutaki ena vakabauta.

1 Timoci 6:16

O koya duadua ga sa tu vua na bula tawamudu ka sa tiko ena rarama sa sega ni torovi rawa. Ni sa sega na tamata sa raici koya oti se me na raici koya rawa. Me nona ga na vakarokoroko kei na lewa tawamudu! Emeni.

1 Joni 1:5

Sa i koya oqo na i tukutuku keitou sa rogoca mai vua na Luvena, ka keitou sa tukuna yani oqo vei kemuni: ni sa rarama na Kalou, ka sa sega sara vua na butobuto.

Vakatakila 1:14

Sa vulavula na uluna me vaka na vuti ni sipi vula, se na uca cevata; ka sa vaka na yameyame ni buka na yaloka ni matana;

Vakatakila 19:18

Ni lako mai mo ni mai kania na lewedra na tui, na turaganivalu, na tamata qaqa, na lewedra na ose kei ira era sa vodoka, na lewedra na tamata kecega, na bobula kei na galala, na lolovira kei na cecere!”

Vakatakila 20:4

Ia au a qai raica eso na i tikotiko vakaturaga, era sa dabe tiko kina eso ka sa soli vei ira na kaukauwa me ra turaganilewa. Au a raica talega na yalodra na tamata sa tamusuki na uludra ena vuku ni nodra a vakadinadinataka na veika dina sa vakatakila o Jisu kei na vosa ni Kalou. Era a sega ni vakarokorokotaka na manumanu rerevaki se na kena i vakatakarakara, ka sega talega ni ra ciqoma na maka ni manumanu rerevaki ena yadredra se ena ligadra. Era sa bula tale mai na mate ka veiliutaki vata kei Karisito me dua na udolu na yabaki.

Vakatakila 4:2

A vakasauri ga ni sa vakauti au na Yalo Tabu. Au sa raica sara na i tikotiko vakaturaga mai lomalagi ka sa dabe toka kina e dua.