Taniela 7:4 - Vakavakadewa Vou kei na iVola tale eso

⁴ Na i matai ni manumanu rerevaki sa vaka na i rairai ni laione, ia sa vakatabana me vaka na taba ni ikeli. Ni'u a vakaraica tiko, e rau a qai vudolo ka cavuka tani na tabana. A votu mamaca mai matasawa na manumanu rerevaki oqo ka duri tu me vaka na tamata; a yaco me tiko vua na vakasama vakatamata.

Ai Vola Tabu (Vakadewa Makawa Vakavoutaki 2021)

⁴ A kenai matai sa vaka na laione ka sa vakatabana vakaikeli. Ni'u a vakaraica tiko, a sa vuti mai na lawe ni tabana, ka sa vakaduri cake mai na qele, ka sa vakatudonutaki e na yavana me vaka na tamata, ka sa soli vua na yalo ni tamata.

AI VOLA TABU

⁴ A kenai matai sa vaka na laioni, a sa vakatabana vakaikeli: au a raica tiko ni sa vuti mai na lawe ni tabana, a sa laveti cake mai vuravura, ia e na yavana me vaka na tamata ka vakaduri kina, a loma ni tamata talega ka soli kina.

Vakavakadewa Makawa

⁴ A kenai matai sa vaka na laioni, a sa vakatabana vakaikeli: au a raica tiko ni sa vuti mai na lawe ni tabana, a sa vakaduri cake mai na qele, ka sa vakatudonutaki e na yavana me vaka na tamata, ka sa soli vua na yalo ni tamata.

Ai Vola Tabu Ena Vakavakadewa Vou

⁴ Na i matai ni manumanu rerevaki sa vaka na i rairai ni laione, ia sa vakatabana me vaka na taba ni ikeli. Ni'u a vakaraica tiko, e rau a qai vudolo ka cavuka tani na tabana. A votu mamaca mai matasawa na manumanu rerevaki oqo ka duri tu me vaka na tamata; a yaco me tiko vua na vakasama vakatamata.

Taniela 7:4 Iomraidhean Croise

2 Samuela 1:23

“E rau a dau veirogoci ni rau a bula o Saula kei Jonacani, erau sa sega ni tawase ena bula, ka vakakina ena mate; sa totolo cake mai na ikeli, ka kaukauwa cake mai na laione.

Jope 25:6

Sa na qai vakacava sara mada na bacaniqele o ya, Na manumanu somidi sa vakatokai na tamata? A cava e betena na tamata ena mata ni Kalou?

NA SAME 9:20

Kemuni Jiova ni cakava me ra rere, Me ra kila ni ra sa tamata ga.

Jeremaia 25:38

Sa laivi ira na nona tamata o Jiova Me vaka na laione sa biuta na nona qara. Na vakadomobula ni valu kei na cudru i Jiova Sa vakarusa na vanua me dravuisiga.

Jeremaia 4:13

Raica, era sa lako mai na meca me vaka na veio; ka sa vaka na covulaca na nona qiqinivalu; na nona ose era totolo cake mai na ikeli. Eda sa rusa! Eda sa leqa!

Jeremaia 4:7

Sa curu mai e dua na laioni Mai na nona i vunivuni; Sa lako mai na dauveivakarusai ni veimatanitu. Sa biuta mai na nona vanua, Me vakarusai Juta vakadua. Ena biu tu me rusa tu na veikoro e Juta, Ka na sega e dua me tawani ira.

Jeremaia 48:40

A sa kaya o Jiova, “Ena covi Moapi sobu mai e dua na matanitu me vaka e dua na Ikeli sa tevuka na tabana.

Jeremaia 49:19

Au na lako cake mai me vaka e dua na laione e lako mai na veikau-loa mai na bati ni uciwai na Joritani ki na vanua veico drokadroka, ka'u na vakavuna me ra dro vakidacala tani mai na kai Itomi mai na nodra vanua. Ena qai liutaka na matanitu na i liuliu au digitaka. O cei e rawa ni vakatautauvatataki kei au? O cei ena via bolei au? O cei na i liuliu ena rawa ni vorati au?

Lele i Jeremaia 4:19

O ira na vakacemuri keda tiko sa totolo sara Ka berabera na ikeli ni lomalagi; Era cici muri keda ena veiulunivanua Era sa waraki keda toka mai ena vanua lala.

Isikeli 17:3

ka kaya, Sa vosa vakaoqo na Kalou o Jiova: E dua na ikeli levu, sa vakatabana lelevu, sa balavu na lawena, ka rairai vinaka na vutina, sa vuka yani ki na veiulunivanua mai Lepanoni, ka kauta tani e dua na taba ni sitari;

Isikeli 28:2

Sa kaya vakaoqo na Kalou o Jiova: Ena vuku ni sa rui dokadoka na lomamu, o sa kaya kina, ‘Oi au e dua na kalou, Ka'u sa tiko ena nodra i tikotiko na kalou, e loma ni wasawasa,’ ia o tamata ga, o sega ni kalou, ia sa dina ni o sa okati iko mo vuku me vaka e dua na kalou,

Isikeli 28:9

O sa kaya tiko li, ‘Oi au e dua na kalou,’ e matadra ka ra vakamatei iko, ia sa dina ni o sa tamata ga, ka sega ni kalou, ena ligadra o ira era vuetaki iko?

Taniela 2:38

Sa buli kemuni mo ni tui e vuravura taucoko, mo ni nodra tui talega na manumanu yava i va kei na manumanu vuka kecega. Na ulu koula ni matakau o ya, sai kemuni na tui.

Taniela 4:36

Ni lesu tale mai vei au na vakasama vakatamata, a qai soli lesu tale vei au na lewa ni noqu matanitu, na noqu dokai kei na noqu lagilagi. Era a kidavaki au na noqu dauvakasala kei ira na noqu tamata sucu turaga, ka vakalesui tale vei au na kaukauwa vakatui ka vakalevutaki cake na noqu dokai.

Taniela 7:12

Ia o iratou na vo ni manumanu, sa kau tani mai vei iratou na nodratou kaukauwa, ia e ratou a sereki ga me ratou bula voli tale mada vakalailai.

Taniela 7:5

Au a qai raica tale na i karua ni manumanu. O koya oqo sa vaka na i rairai ni dua na bea ka sa tucake tu ena yavana ruarua. Sa katia tiko na bea oqo e tolu na sui ni sarisari, ka dua na rorogo ni domo sa tukuna tiko vua, “Mo kana, tiloma na lewe ni manumanu.”

Maciu 24:28

“Ena vanua ga e koto kina na yago ni mate, era na vakasoqoni vata kina na manulevu.”

Vakarua 28:49

Ena kauta mai o Jiova e dua na matanitu o ni sega ni bau kila na nodra vosa, me valuti kemuni. Era na lako sobu mai vei kemuni me vaka e dua na ikeli.

Vakatakila 13:2

Na i rairai ni manumanu rerevaki oqo sa vaka na lepate, kei na yavana sa vaka na yava ni bea, kei na gusuna sa vaka na gusu ni laione. A sa solia na drakoni vua na manumanu rerevaki oqo na nona kaukauwa, kei na nona i tikotiko vakaturaga, kei na lewa raraba.