Taniela 7:18 - Vakavakadewa Vou kei na iVola tale eso

¹⁸ Sa na soli vei ira na tamata ni Kalou Cecere na kaukauwa kei na lewa me nodra tikoga ka sega ni mudu.

Ai Vola Tabu (Vakadewa Makawa Vakavoutaki 2021)

¹⁸ Ia ko ira na yalosavasava i Koya sa Cecere Sara era na rawata na matanitu ka ra na taukena na matanitu ka sega ni mudu—me tawa mudu ka tawa mudu.’

AI VOLA TABU

¹⁸ A ra na rawata na matanitu ko ira na yalosavasava nei Koya sa Cecere sara, a ra na taukena na matanitu ka tawa mudu, io ka tawa mudu sara.

Vakavakadewa Makawa

¹⁸ Ia ko ira na yalosavasava i Koya sa Cecere sara era na rawata na matanitu, ka ra na taukena na matanitu ka sega ni mudu, io ka sega sara ni mudu.

Ai Vola Tabu Ena Vakavakadewa Vou

¹⁸ Sa na soli vei ira na tamata ni Kalou Cecere na kaukauwa kei na lewa me nodra tikoga ka sega ni mudu.

Taniela 7:18 Iomraidhean Croise

NA SAME 45:16

Oi kemuni, na noqu tui, ena lewe vuqa na luvemuni tagane, Me ra na sosomitaki ira na nomuni qase, Ka o ni na lesi ira me ra lewa na vuravura kecega.

NA SAME 49:14

Era na totogi me ra mate me vaka na sipi, Ka na qai nodra i vakatawa o Mate. Era na qaqa ga na yalododonu vei ira ena mataka lailai, Ka vuca yani na yagodra ena vuravura ni mate sa yawa sara mai na nodra i tikotiko.

Aisea 14:2

Ena levu na matanitu era na vukei ira na Isireli me ra lesu mai ki na vanua e a solia vei ira o Jiova. Era na qai mai qaravi ira na Isireli ena nodra vanua na kai veimatanitu tani. O ira era a vakabobulataki ira mada na Isireli ena dua na gauna era na qai vakabobulataki mai vei ira na Isireli, ka ra na qai lewai ira na tamata era a vakararawataki ira o ira na Isireli.

Taniela 7:14

E kea, a sa la'ki soli kina vua na lewa, na dokai kei na kaukauwa vakatui ka rawa kina ni ra qaravi koya o ira na duikaikai kei na duivosavosa mai na veiyasana kecega. Na nona kaukauwa ena sega ni oti rawa, kei na nona matanitu ena bula tikoga ka sega ni mudu.

Taniela 7:17

Na manumanu rerevaki e va, sa va na matanitu e ratou na tubu mai e vuravura.

Taniela 7:22

Ia a lako mai o koya sa dede sara na nona bula ka tauca na lewa ni ra dodonu o ira na tamata ni Kalou Cecere. Sa yaco mai na gauna me ra taukena kina na tamata ni Kalou na matanitu.

Taniela 7:25

Na tui oqo ena vosa vakacacataka na Kalou Cecere ka na tabaki ira sobu na tamata ni Kalou. Ena tovolea o koya me veisautaka na lawa eso kei na gauna ni solevu vakalotu eso. Era na qai bula voli na tamata ni Kalou ena lewa ni nona kaukauwa ka yabaki tolu veimama na kena dede.

Taniela 7:27

Ena qai soli vei ira na tamata ni Kalou Cecere na nodra kaukauwa kei na veika cecere ni veimatanitu kecega e vuravura. Ia na nodra kaukauwa sa na sega ni oti rawa, ia o ira na veituraga kecega era na talairawarawa me qaravi ira na tamata ni Kalou cecere.”

Opetaia 1:17

“Ia eso ga ena Ulu i Saioni era na dro bula, Ka yaco me vanua tabu na ulunivanua o ya. Era na taukena na kawa i Jekope Na vanua e dodonu me nodra.

Luke 1:33

ka na tui tiko o koya ena mataqali i Jekope ka sega ni mudu; ena sega talega ni mudu na nona matanitu!”

1 Korinica 6:2

O ni sa sega beka ni kila ni ra na lewai vuravura o ira na tamata ni Kalou? Ia kevaka o ni na lewai vuravura vakaoqo, sa sega beka ni rawa vei kemuni mo ni vakataulewataka na veika lalai walega?

Efeso 1:3

Me vakavinavinakataki na Kalou na Tama ni noda Turaga o Jisu Karisito, o koya ka sa vakalougatataki keda ena ka ni veivakalougatataki vakayalo kecega, mai na veiyasana vakalomalagi ena vuku i Karisito.

Efeso 6:12

Ni da sa sega ni veivala kei ira na tamata, ia eda sa veivala ga kei ira na veiyalo velavela ena veiyasana vakalomalagi, kei ira era sa veiliutaki vakatani, kei ira sa vakataulewa cala, kei na kaukauwa eso ni vuravura butobuto oqo.

Vakatakila 20:4

Ia au a qai raica eso na i tikotiko vakaturaga, era sa dabe tiko kina eso ka sa soli vei ira na kaukauwa me ra turaganilewa. Au a raica talega na yalodra na tamata sa tamusuki na uludra ena vuku ni nodra a vakadinadinataka na veika dina sa vakatakila o Jisu kei na vosa ni Kalou. Era a sega ni vakarokorokotaka na manumanu rerevaki se na kena i vakatakarakara, ka sega talega ni ra ciqoma na maka ni manumanu rerevaki ena yadredra se ena ligadra. Era sa bula tale mai na mate ka veiliutaki vata kei Karisito me dua na udolu na yabaki.

Vakatakila 22:5

E na sega vakadua tale kina na bogi, ni na sega ni yaga vei ira na cina se na rarama ni siga, baleta ni na vakararamataki ira ga na Turaga na Kalou, ka ra na veiliutaki tiko me vakataki ira na tui ka tawamudu.

Vakatakila 3:21

Vei ira sa rawata na qaqa, au na vakadonuya me ra dabe e yasaqu ena noqu i tikotiko vakaturaga, me vaka ga na noqu sa dabe tiko oqo e yasa i Tamaqu ena nona i tikotiko vakaturaga ena vuku ni qaqa ka'u sa rawata oti.

Vakatakila 5:10

O ni sa vakayacori ira me ra lewe ni matanitu vakabete sa qarava na noda Kalou, Ka ra na veiliutaki e vuravura.”