Taniela 7:13 - Vakavakadewa Vou kei na iVola tale eso

¹³ Ena raivotu ena bogi o ya, au a raica kina e dua sa vaka na i rairai ni luve ni tamata. Sa lako voleka mai o koya, ia a vakavolivoliti koya ga na o, ka sa lako yani vua sa bula vakadede sara, me la'ki vakaveikilaitaki vua.

Ai Vola Tabu (Vakadewa Makawa Vakavoutaki 2021)

¹³ “Au a vakaraica e na raivotu ni bogi, ka raica, sa lako mai e na o kei lomalagi e dua sa vaka na Luve ni tamata. Ka sa lako mai kivei Koya sa bula e na Veisiga, ka ra sa kauti koya sara vua.

AI VOLA TABU

¹³ Au a vakaraica no e na raivotu kei na bogi, ka, raica, e na o kei lomalagi sa dua sa vaka na Luve ni tamata sa lako mai, ia vei Koya sa Mailiu sara na nona gauna sa yaco kina ko koya, a ra sa kauti koya sara ki matana.

Vakavakadewa Makawa

¹³ Au a vakaraica e na raivotu ni bogi, ka raica, sa lako mai e na o kei lomalagi e dua sa vaka e dua na Luve ni tamata ka sa lako mai vei koya sa dede sara na nona bula, ka ra sa kauti koya sara vua.

Ai Vola Tabu Ena Vakavakadewa Vou

¹³ Ena raivotu ena bogi o ya, au a raica kina e dua sa vaka na i rairai ni luve ni tamata. Sa lako voleka mai o koya, ia a vakavolivoliti koya ga na o, ka sa lako yani vua sa bula vakadede sara, me la'ki vakaveikilaitaki vua.

Taniela 7:13 Iomraidhean Croise

NA SAME 110:2

Ena vakatetea yani o Jiova mai Saioni na nomu kaukauwa vakatui, Ka sa kaya, “Mo lewai ira na kemu meca!

NA SAME 2:8

Mo kerea mai vei au, ka'u na solia vei iko na veimatanitu kecega, Kei na i yalayala kei vuravura mo taukena.

NA SAME 47:5

Sa lako cake na Kalou ki na nona i dabedabe vakatui. Sa rogo na kaila ni marau kei na domo ni davui Ni sa lako cake o Jiova.

Jeremaia 49:19

Au na lako cake mai me vaka e dua na laione e lako mai na veikau-loa mai na bati ni uciwai na Joritani ki na vanua veico drokadroka, ka'u na vakavuna me ra dro vakidacala tani mai na kai Itomi mai na nodra vanua. Ena qai liutaka na matanitu na i liuliu au digitaka. O cei e rawa ni vakatautauvatataki kei au? O cei ena via bolei au? O cei na i liuliu ena rawa ni vorati au?

Isikeli 1:26

Ena dela ni wasa iloilo ka toka e dela ni uludratou, a sa tiko kina e dua na ka sa vaka na i tikotiko vakaturaga, a kena i rairai sa vaka na vatu safaia, ka dabe toka kina e dua na i yaloyalo-ni-ka e vaka na i rairai ni tamata.

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Taniela 7:12

Ia o iratou na vo ni manumanu, sa kau tani mai vei iratou na nodratou kaukauwa, ia e ratou a sereki ga me ratou bula voli tale mada vakalailai.

Taniela 7:2

ni ka au a raica ena noqu tadra ena bogi o ya. A veiliwayaki vakaukauwa tiko na cagi mai na veimatanicagi e va ka tadrava kaukauwa na dela ni wasawasa.

Taniela 7:22

Ia a lako mai o koya sa dede sara na nona bula ka tauca na lewa ni ra dodonu o ira na tamata ni Kalou Cecere. Sa yaco mai na gauna me ra taukena kina na tamata ni Kalou na matanitu.

Taniela 7:9

Ni'u vakararai tu, au a raica ni ra mai biu eso na i dabedabe vakatui. Sa qai mai dabe ena dua vei ira na i dabedabe vakatui oqo o koya sa bula ka sega ni mudu. Sa vulavula na nona i sulu me vaka na uca cevata, ka sa vaka na vutinisipi uasivi sara na drauniuluna. Na nona i dabedabe vakaturaga ka sa semati ki na qiqi bukawaqa, a sa waqa tu

Taniela 8:15

Oi au o Taniela, au a tovolea tiko me'u kila rawa na i balebale ni raivotu. Ia, au sa qai raica vakasauri e dua na ka e vaka na tamata ni keirau veiqaravi tu.

Maciu 13:41

Ena talai ira yani na nona agilosi na Luve ni Tamata ka ra na soqona vata mai na nona matanitu na veika kecega e dau veivakacalai, kei ira ka dau caka ca,

Maciu 24:30

Sa na qai rairai mai na i vakatakilakila ni Luve ni Tamata mai lomalagi, ka ra na tagi na tamata kecega e vuravura ni ra raica na Luve ni Tamata ni sa lako mai ena veio ni lomalagi vata kei na kaukauwa kei na i serau levu.

Maciu 25:31

“Ni sa na lako mai na Luve ni Tamata ena nona lagilagi, vata kei ira na agilosi, ena qai tiko o koya ena nona i tikotiko lagilagi,

Maciu 26:64

Sa qai kaya vua o Jisu, “Oqori na ka o sa kaya mai. Ia au sa kaya vei kemudou kecega oqo: me tekivu mai na gauna oqo ka lako yani, dou na raica na Luve ni Tamata ni sa dabe tiko ena liga i matau i Koya sa Kaukauwa, ka sa lako tiko mai ena dela ni veio ni lomalagi.”

Maciu 28:18

Sa qai toro voleka mai o Jisu ka tukuna vei iratou, “Sa soli mai vei au na kaukauwa kecega mai lomalagi kei vuravura.

Maciu 8:20

Sa qai kaya vua o Jisu, “Era vaqara na fokisi, ka ra vakasova na manumanu vuka; ia, na Luve ni Tamata sa sega na vanua me davo sobu kina ka vakacegu.”

Marika 13:26

Era sa na qai raica na Luve ni Tamata ni sa lako mai ena o ena kaukauwa levu kei na i serau.

Luke 21:27

Era na qai raica na Luve ni Tamata ni sa lako mai ena o ena kaukauwa kei na i serau levu.

Luke 21:36

O koya oqo mo dou qai yadra tikoga kina, ka masu me soli vei kemudou na kaukauwa mo dou kakua ni rawai ena veika oqo, ka tu ena mata ni Luve ni Tamata.”

Luke 24:27

Sa qai vakamacalataka vei rau o Jisu na veika e tukuni tu me baleti koya ena i Vola Tabu taucoko, me tekivu mai na i vola i Mosese eso kei na kedra i na nodra i vola na parofita kece sara.

Joni 12:34

Era sa qai kaya vua na lewe vuqa, “Keimami sa rogoca mai na Lawa ni na bula ka tawamudu na Mesaia. Ia, o qai kaya ga vakacava ni na laveti cake na Luve ni Tamata? O cei sara mada na ‘Luve ni Tamata’ oqo?”

Joni 3:13

Sa sega ni dua na tamata e se bau lako cake oti ki lomalagi ka vakavo duadua ga na Luve ni Tamata, o koya ka sa lako sobu mai lomalagi.”

Joni 5:27

ka sa solia na kaukauwa me vakatauca na lewa, ni sa Luve ni Tamata o koya.

Cakacaka 7:56

Sa qai kaya vei ira o Sitiveni, “Au sa raica ni sa tadola na lomalagi ka raica na Luve ni Tamata ni sa tucake tu ena liga i matau ni Kalou!”

1 Cesalonaika 4:17

emuri oi keda eda bula donumaka na gauna o ya, ka vakasoqoni vata yani kei ira ena veio me da sota kei na Turaga ena maliwa lala. Eda na qai tiko vata vakakina kei na Turaga ka sega ni mudu.

1 Timoci 6:16

O koya duadua ga sa tu vua na bula tawamudu ka sa tiko ena rarama sa sega ni torovi rawa. Ni sa sega na tamata sa raici koya oti se me na raici koya rawa. Me nona ga na vakarokoroko kei na lewa tawamudu! Emeni.

Iperiu 2:14

Ia me vaka ni ra sa vakalewe ka vakadra o ira na gone, a sa yaco me vakataki ira talega o Jisu ka me vakaivotavota ena nodra i tovo vakatamata. A sa kitaka oqo ka la'ki yacova sara na nona mate me vakamalumalumutaki koya rawa kina na tevoro, o koya sa lewa na mate,

Iperiu 9:24

Ni sa sega ni curu na Karisito ki na Tikina Tabu sa caka ena liga ni tamata, ka i vakatakarakara ga ni kena ka dina; ia sa curu vakadodonu sara ga ki lomalagi, me rairai ki na mata ni Kalou ena vukuda.

Vakatakila 1:13

ia sa tiko ena kedra maliwa e dua ka sa vaka na i rairai ni tamata, a sa daramaka tu o koya e dua na i sulu vakatui ka sa yaco sara ki yavana na kena balavu, ka sa vau tu ki lomaserena na i vau koula.

Vakatakila 1:18

Oi au o koya sa bula! Au a sa mate, ia oqo ka'u sa bula tikoga ka tawamudu. Sa tu talega vei au na kaukauwa ni kena lewai o mate kei na vuravura ni mate o etesi.

Vakatakila 1:7

Raica, sa lako mai o koya ena dela ni veio! Era na raici koya na mata kecega, o ira talega era a suaki koya. Era na tagicaki koya na veimatatamata kece sara e vuravura. Sa na yaco ga me vakaoqo! Emeni!

Vakatakila 14:14

Au a qai rai yani, ka'u sa raica e dua na o vulavula, ka sa dabe toka e dela ni o e dua ka sa vaka na i rairai ni tamata, sa vakaisala tu ena i sala koula vakatui o koya, ka sa taura tu e ligana e dua na i sele-takelo gagata ni tatamusuki.