Taniela 6:8 - Vakavakadewa Vou kei na iVola tale eso

⁸ Mo ni bulia mada na lewa vakatui oqo ka me qai vakadonui vakalawa ka mo ni qai sainitaka me yaco me lawa me vaka na nodra lawa na kai Mitia kei Perisia, ni na sega ni veisautaki rawa.”

Ai Vola Tabu (Vakadewa Makawa Vakavoutaki 2021)

⁸ Ia koi kemuni na tui, mo ni vakatura mada na lawa oqo, ka vola na kenai vola, me kakua ni vakatanitaki, me vaka ga na noda lawa na kai Mitia kei na kai Perisia, sa sega ni veisautaki rawa.”

AI VOLA TABU

⁸ Ia ko iko na tui, mo vakatura mada na vosa o qo, ka volavola ki nai vola, me kakua ni vakatanitaka me vaka ga na noda vunau na kai Metia kei na kai Perisia, sa tawa takali rawa.

Vakavakadewa Makawa

⁸ Ia koi kemuni na tui, mo ni vakatura mada na lawa oqo, ka vola na kenai vola, me kakua ni vakatanitaki, me vaka ga na noda lawa na kai Mitia kei na kai Perisia, sa sega ni bokoci rawa.

Ai Vola Tabu Ena Vakavakadewa Vou

⁸ Mo ni bulia mada na lewa vakatui oqo ka me qai vakadonui vakalawa ka mo ni qai sainitaka me yaco me lawa me vaka na nodra lawa na kai Mitia kei Perisia, ni na sega ni veisautaki rawa.”

Taniela 6:8 Iomraidhean Croise

Esiteri 1:19

Kevaka sa lomamuni vakakina na tui, ia mo ni qai vakauta e dua na i vakaro vakatui, okati talega me lawa tudei ni vanua o Perisia kei Mitia, me sa kakua sara ni qai lako tale mai vakadua vei kemuni na tui o Vasiti na Ranadi ka me soli sara na nona i tutu vakaranadi vua e dua tale e uasivi cake vua.

Esiteri 3:12

Ena i katini katolu ni siga ni vula o Naisani na i matai ni vula, sa kacivi iratou na vunivola ni tui o Amani me la'ki volai e dua na tukutuku kacivaki me tukuni kina na veika kecega sa lewa o koya. A qai volai na i tukutuku kacivaki oqo ena nodra dui vosa sara ga na veimataqali tamata ka vakauti yani vei ira na nodra dui kovana kei ira na turaga ni veimatatamata ena matanitu levu o Perisia. A volai na i tukutuku kacivaki raraba oqo ena yaca i Asuerosi na tui ka tukidregati ena nona mama.

Esiteri 8:10

A bulia na vosa ni vakaro o Motekai ena vuku i Asuerosi na tui, ka sitabataka ena mama vakatui. Era a qai veikauyaka na i vakaro na daukau i vola ka ra a vodoka na ose totolo ni vakau i tukutuku ni tui era a susugi ga ena bai ni ose vakatui.

Esiteri 8:3

Oti o ya, a qai la'ki vosa tale o Esiteri vua na tui. A cuva sobu ki na yava ni tui o koya ka vakamamasu vua ena tagi me kakua ni vakayacori na i naki ca nei Amani, na kawa i Akaki, me baleti ira na Jiu.

Esiteri 8:8

Oi kemudrau ga mo drau vola vei ira na Jiu na ka sara ga o drau vinakata, ia na nomudrau i vola me volai ena vukuna na tui ka sitabataki ena mama vakatui, oqo e baleta ni sa tabu dredre sara me bokoci e dua na i vakaro sa volai ena vukuna na tui ka sitabataki ena nona mama.’

NA SAME 94:21

Era sa bukiveretaki ira na tamata vinaka, Ka vakatauca na i totogi mate vei ira na tamata dodonu.

Aisea 10:1

Ena yaco na veika ca, Vei ira era bulia na veilawa tawa dodonu, Kei ira era tabaka tikoga na veivakararawataki;

Taniela 5:28

Piresi: sa wasewasei na nomu matanitu ka soli vei ira na kai Mitia kei na kai Perisia.”

Taniela 6:12

era a qai lako kece vua na tui ka beitaki koya vua. Era sa kaya, “Kemuni na tui, o ni a bulia oti e dua na lawa ka tukuni kina ni kevaka e dua e kerekere vua e dua na kalou se vua e dua na tamata, vakavo ga vei kemuni na tui ena loma ni tolusagavulu na siga, ena viritaki o koya ki na qara ni laione.” Sa qai sauma na tui, ka kaya, “Io, na lawa me vakamuri vakadodonu sara, ka tautauvata kei na nodra lawa na kai Mitia kei na kai Peresia, ka na sega ni veisautaki rawa.”

Taniela 6:15

Era a qai lesu tale mai na meca i Taniela vua na tui, ka kaya vua, “O ni sa kila na tui na i vakarau ni nodra lawa na kai Mitia kei Peresia ni sa sega ni dau veisautaki tale na lawa sa vakatura na tui.”

Maciu 24:35

Ena takali o lomalagi kei vuravura, ia na noqu vosa ena sega ni takali.