Taniela 6:4 - Vakavakadewa Vou kei na iVola tale eso

⁴ E kea, era sa qai tovolea kina o ira na i liuliu kei ira na kovana me ra kunea vei Taniela e dua na cala ni veiliutaki ena matanitu, ia era a sega ga ni kunea e dua na cala ni nona cakacaka baleta ni sa tamata dina o Taniela, ka sega ni bau cakava e dua na ka e ca.

Ai Vola Tabu (Vakadewa Makawa Vakavoutaki 2021)

⁴ Ia ko ira na turaga lelevu kei ira na vakailesilesi era sa qai qaqa me ra kunea e dua na ka e cala kina ko Taniela e na ka ni matanitu; ia era sa sega ni kunea rawa e dua na ka e caka vakatani, se dua na ka e cala kina; ni sa dina tikoga ko koya, ka sa sega e dua na nona cala se dua na ka ca me kune vua.

AI VOLA TABU

⁴ Ia ko ira na turaga levu kei na turaga lailai era sa qai qaqara me ra kunea e dua na ka e vuna me ca kina ko Tanieli e na ka ni matanitu; ia e dua na ka e vuna se dua na ka ca, era sa tawa kunea rawa; ni sa daudina ko koya, a sa sega e dua na ka cala se ca me kune vua.

Vakavakadewa Makawa

⁴ Ia ko ira na turaga lelevu kei ira na turaga lalai era sa qai qaqa me ra kunea e dua na ka e cala kina ko Taniela e na ka ni matanitu; ia era sa sega ni kunea rawa e dua na ka e caka vakatani, se dua na ka e cala kina; ni sa dina tikoga ko koya, ka sa sega e dua na nona cala se dua na ka ca me kune vua.

Ai Vola Tabu Ena Vakavakadewa Vou

⁴ E kea, era sa qai tovolea kina o ira na i liuliu kei ira na kovana me ra kunea vei Taniela e dua na cala ni veiliutaki ena matanitu, ia era a sega ga ni kunea e dua na cala ni nona cakacaka baleta ni sa tamata dina o Taniela, ka sega ni bau cakava e dua na ka e ca.

Taniela 6:4 Iomraidhean Croise

Vakatekivu 41:38

A sa kaya na tui vei ira na nona vakailesilesi, “Eda na kunea rawa li e dua tale na tamata me vakaoqo, ka me tiko vua na yalo ni Kalou?”

Vakatekivu 43:18

Sa dua tani na nodratou rere ni ratou sa kau ki na vale i Iosefo, ka ni ratou nanuma, “E datou sa kau mai ki ke baleta na i lavo ka a vakasukai ki na nodatou taga e liu. Era na vesuki kedatou, ka taura na nodatou asa, ka kauti kedatou me nona bobula.”

Vosavakaibalebale 29:27

Na tamata yalododonu sa cata na tamata ca, kei na tamata ca sa cata na tamata yalododonu.

Dauvunau 4:4

Au sa kila talega na ka era sa cakacaka vakaukauwa kina na tamata me ra rawa ka: na vuna ga sai koya na nodra gadreva me levu cake na ka e tu vei ira mai na ka era rawata na tani. Ia sa sega talega na kena yaga. Sa vaka ga na via vesuka na cagi.

Jeremaia 18:18

Ia era a qai kaya na tamata, “Me da sa bosea mada na ka me da cakava vei Jeremaia. Era sa tu na bete me ra na tuberi keda, era na tu na tamata vuku me ra vakasalataki keda ka ra tu na parofita me ra vunautaka na vosa ni Kalou. Me da vosa vakacacataki koya ka kakua ni vakarorogo ki na veika e tukuna.”

Jeremaia 18:23

Ia, Turaga, o ni sa kila na vere ca kece era nakita me ra vakamatei au kina. Ni kakua ni vosota na nodra ca; ni kakua ni bokoca na nodra i valavala ca. Ni vakadrukai ira; ni vakayacora ena gauna ni nomuni cudru.

Jeremaia 20:10

Au sa rogoca Na nodra vakasolokakana na lewe vuqa, Era sa vakatoka na yacaqu Me o vu ni rere Ena veiyasana kecega. Era a kaya, “Vakatukutukutaki koya. Me da vosa vakacacataki. O ira sara mada ga na wekaqu, Era sa waraka na noqu bale sobu.” Era kaya, “Ena rawa beka ni lawakitaki, Me rawa ni da vesuki koya, Ka sauma noda cudru vua?”

Jeremaia 29:7

Ni cakacaka me baleta na toro cake ni vanua au sa lewa mo ni lako kina vakabobula. Ni masu vei Jiova ena vukuna, baleta na kena toro cake, ka ni o ni na toro cake talega kina.

Taniela 3:8

Ia eso vei ira na kai Papiloni era a vakayagataka na soqo oqo me rawa kina ni ra beitaki ira na Jiu.

Taniela 5:12

Na ka e rawata sa kunekune vakavudua na tamata e yacova. Sa vuku ka matai sara ena vakamacalataka na tadra, sa kila na serelaka na iba ka vakamacalataka na veika vuni. E dodonu mo ni talatala me la'ki lako mai na tamata oqo o Taniela, o koya ka sa vakayacana na tamamuni na tui me o Pelitisasari, ka me mai vakamacalataka vei iko na i balebale ni ka oqo.”

Taniela 6:22

Na noqu Kalou sa tala mai na nona agilosi me sogota na gusudra na laione me ra kakua kina ni vakamavoataki au. Oi kemuni na tui, a sa vakayacora ga na ka oqo baleta ni sa kila o koya ni sa sega na noqu cala, ka'u a sega talega ni caka cala vei kemuni.”

Maciu 26:4

ka ra bukiveretaki Jisu me ra vesuka ka vakamatea.

Maciu 27:18

A sa kila o koya ni ra sa soli Jisu yani ki vua o ira na nodra qase na Jiu ena vuku ni nodra yalo vuvu.

Luke 20:20

Era sa mani qai vakaraici koya lo tiko, ka tala eso me ra veretaki koya. Era la'ki lasutaka ni ra tamata dodonu, ka ra saga me ra coriti Jisu mai na nodra vakatataro eso, me ra soli koya yani kina ki na vakatulewa kei na kaukauwa nei Kovana ni Roma.

Luke 20:26

Sa mani sega ni rawa me ratou coriti koya mai na vosa e cavuta ena matadra na tamata; ia eratou sa qoroqoro ga ena nona vosa, ka galu.

Luke 22:2

Era sa rerevaki ira voli na tamata o ira na bete levu kei ira na daunilawa, ka ra sa vakasaqara e dua na sala me ra vakamatei Jisu kina.

Joni 19:4

Sa qai curu tale ki tautuba vei ira na lewe vuqa o Pailato, ka kaya vei ira, “Raica, au na kauti koya mai ki tautuba vei kemuni, mo ni raica kina ni'u sa sega ni kunea vua e dua na cala me cudruvi kina.”

2 Korinica 11:12

Au na cakava tikoga na ka au sa cakava tiko oqo, me'u tarovi ira kina na i apositolo tale eso mai na nodra vakalevulevui ira kei na nodra tukuna voli ni sa tautauvata ga na nodra veiqaravi vata kei keitou.

Filipai 2:15

me rawa kina mo ni yalosavasava ka sega ni beitaki ena dua na cala me vakataki ira na luve ni Kalou sa sega na nodra cala era sa bula voli ena kedra maliwa na i tabatamata lomatakelo ka i valavala ca. E dodonu mo ni cila serau ena kedra maliwa me vaka na kalokalo era sa vakararamataka na lomalagi,

1 Timoci 5:14

O koya oqo ka'u sa vinakata kina me ra vakawati o ira na yada era se gone ga se tamata bula, ka me ra vakaluveni ka qarava na nodra vuvale, me kakua kina ni solia vua na meca e dua na gauna me vosa vakacacataki keda kina.

Vei Taito 2:8

Na veika kece o tukuna me dina ka sega ni vakamelei rawa me na vagalui kina na meca ka sega na ka ca e kaya rawa me baleti keda.

1 Pita 2:12

Me vinaka tikoga na nomuni i tovo ena kedra maliwa na tawa lotu, ka veitalia ga kevaka era se beitaki kemuni tikoga ena caka cala. Era na qai vakarokorokotaka ga na Kalou ena Siga ni veilewai ni ra sa sarava na nomuni cakacaka vinaka.

1 Pita 3:16

ia mo ni kitaka oqo ena yalomalumalumu kei na vakarokoroko. Ni qarauna me savasava tiko na nomuni lewa-e-loma, me yaco kina, ni o ni sa vakasewasewani, me ra madua o ira sa vosavakacacataka na nomuni i vakarau vinaka ena nomuni sa tu vata kei Karisito.

Dauveilewai 14:4

E rau a sega tiko ni kila na nona i tubutubu ni sai Jiova ga sa liutaki Samisoni tiko ki na veika oqo, ka ni vakasaqara tiko o Jiova e dua na gaunisala me valuti ira kina na kai Filisitia. Ena gauna oqo era qali tu na Isireli ki na veiliutaki i Filisitia.

1 Samuela 12:4

Era sa kaya na lewenivanua, “O sa sega ni lawakitaki keimami, se vakasaurarataki keimami se taura e dua na ka mai na ligana e dua na tamata.”

1 Samuela 18:14

A sa rawata vakavinaka o Tevita na veika kecega sa qarava, ni sa tiko vata kei koya o Jiova.

1 Samuela 22:14

A vosa vua na tui o Eimeleki, ka kaya, “O cei vei ira kece na nomuni tamata sa yalodina me vakataki Tevita, na vugomuni na tui, ka liutaki ira na nomuni matayadra, ka dokai ena nomuni tikotiko vakatui?