Taniela 6:16 - Vakavakadewa Vou kei na iVola tale eso

¹⁶ A qai vakarota na tui me kau o Taniela ka la'ki viritaki ki na qara ni laione. Ia a vosa na tui vei Taniela ka kaya, “Me qai vakabulai iko na nomu Kalou, o koya o sa dau qarava ena yalodina.”

Ai Vola Tabu (Vakadewa Makawa Vakavoutaki 2021)

¹⁶ Sa qai vosa na tui, ka ra sa kauti Taniela mai, ka biuta ki na qara ni laione. Sa qai kaya vei Taniela ko koya na tui, “Na nomu Kalou, o koya ko sa qarava tikoga, me qai vakabulai iko!”

AI VOLA TABU

¹⁶ Sa qai vosa na tui, a ra sa kauti Tanieli mai, ka biuta ki na qara ni laioni. A sa vosa na tui ka kaya vei Tanieli, A nomu Kalou o koya ko sa qarava tikoga, ena vakabulai iko ko koya.

Vakavakadewa Makawa

¹⁶ Sa qai vosa na tui, ka ra sa kauti Taniela mai, ka biuta ki na qara ni laioni. Sa qai kaya vei Taniela ko koya na tui, A nomu Kalou o koya ko sa qarava tikoga, ena vakabulai iko.

Ai Vola Tabu Ena Vakavakadewa Vou

¹⁶ A qai vakarota na tui me kau o Taniela ka la'ki viritaki ki na qara ni laione. Ia a vosa na tui vei Taniela ka kaya, “Me qai vakabulai iko na nomu Kalou, o koya o sa dau qarava ena yalodina.”

Taniela 6:16 Iomraidhean Croise

2 Samuela 3:39

E dina ga ni sa digitaki au na Kalou me'u tui, sa dua na malumalumu sa yacovi au ga edaidai. O iratou na luvei Seruwaia oqo eratou sa rui tamata voravora vei au. Me qai sauma ga o Jiova na caka ca oqo me vaka sa veiganiti kaya!”

Jope 5:19

Ena veigauna kecega Sa dau taqomaki iko kina o koya mai na veika ca;

Vosavakaibalebale 29:25

Sa ka rerevaki na kauwaitaka na ka era nanuma na tani me baleti iko, ia o koya ena vakadinati Jiova ena taqomaki.

Aisea 41:10

Ni kakua ni rere — au sa tiko vata kei kemuni! Oi au na nomuni Kalou — ni kakua ni rerevaka e dua na ka! Au na vakaukauwataki kemuni ka vukei kemuni; Au na taqomaki kemuni ka vakabulai kemuni.

Aisea 43:2

Ni o ni lako ena loma ni wai, Au na tiko kei kemuni, Kei na loma ni veiuciwai Era na sega ni luvuci kemuni. Ke o ni lako ena loma ni buka O ni na sega ni kama, Ka na sega ni kati kemuni Na yameyame ni buka.

Jeremaia 26:14

Ia oi au, au sa tu e ligamuni. Ni vakayacora vei au na veika o ni nanuma ni dodonu ka vinaka.

Jeremaia 38:5

A qai kaya o Setekaia, “Sa vinaka, ni cakava ga na ka o ni via cakava vua; au sa sega ni rawa ni tarovi kemuni.”

Jeremaia 38:6

Era a qai tauri Jeremaia ka biuti koya ena i keliwai i Malakai na luvenitui ka tiko ena lomanibai ni vale ni veivesu. Era a tukuci koya sobu ena dali. A maca tu na i keliwai, e a tu ga kina na qele lolobo, ka tu lobo tu o Jeremaia ena qele lolobo.

Jeremaia 39:17

Ia oi au, au na taqomaki iko, ka na sega ni rawa mo ni soli yani vei ira na tamata o rerevaki ira.

Taniela 3:15

Ia oqo, ena gauna sara ga o dou rogoca kina na domo ni davui, na bitu ni vakatagi, na laya, na tisita, na api kei na i vakatagi tale eso, dou cuva sobu sara ka vakarokoroko ki na matakau. Ia ke sega o dou na viritaki sara ga oqo ki na lovo bukawaqa. Ia o cei na kalou me na vakabula i kemudou rawa mai na ligaqu?

Taniela 3:17

Ia kevaka sa rawa vua na Kalou keitou sa qarava me vakabulai keitou mai na lovo bukawaqa, ka mai ligamuni talega na tui, ena vakabulai keitou dina ga.

Taniela 3:28

A qai kaya na tui, “Me vakarokorokotaki na Kalou i Setareki, Mesake kei Apeteniko. A tala mai o koya na nona agilosi ka mai vakabulai iratou na tamata oqo, baleta ni ratou a dau qaravi koya ka vakabauti koya. E ratou a talaidredre ki na noqu i vakaro ka bolea na mate ena nodratou bese ni cuva ka vakarokoroko ki na dua tani tale na kalou, ia vua duaduaga na nodratou Kalou.

Taniela 6:20

Ia ni voleka yani, a kaci ena nuiqawaqawa, ka vaka, “I Taniela, na nona tamata na Kalou bula! Sa vakabulai iko beka mai na gusu ni laione na Kalou o sa dau qarava ena yalodina?”

Taniela 6:7

Oi keimami saka, o iratou na i liuliu, o ira na kovana, na i sosomi ni kovana kei ira na dauvakasala oi keimami na veiliutaki tiko ena nomuni matanitu na tui, keimami sa loma vata ni dodonu mo ni bulia na tui e dua na i vakaro vakalawa se lewa vakaturi ka me vakadonui vakalawa me vaqaqacotaki sara na kena muri. Mo ni vakarota ni sa tabu dredre vua e dua me kerekere vua e dua na kalou se vua e dua na tamata vakavo ga vei kemuni na tui, ka me tolusagavulu na siga na kena dede. O koya ena basuka na lawa oqo me viritaki ki na dua na qara ni laione.

Cakacaka 24:27

Ni sa oti tale e rua na yabaki, sa qai la'ki sosomitaki Vilikesa ena i tutu ni Kovana o Porisiu Vesito. Ia na nona via vakayalovinakataki ira na Jiu o Vilikesa, sa mani biuti Paula tu ga kina ena valeniveivesu.

Cakacaka 25:11

Kevaka au sa tamata i valavala ca, se'u a kitaka e dua na ka sa dodonu me'u vakamatei kina, au sega ni via kerea me'u vakabulai mai kina. Ia ke sega ni dina na ka era beitaki au tiko kina, e sega ni dua ena soli au rawa vei ira. Au sa kerea kina me la'ki rogoci na noqu kisi vei Sisa!”

Cakacaka 25:9

Ia ena nona via vakayalovinakataki ira ga na Jiu o Vesito, a sa qai tarogi Paula kina vakaoqo: “O vinakata li mo lako cake i Jerusalemi mo la'ki lewai kina e mataqu ena vuku ni veika oqo, se segai?”

Roma 13:3

Ni sa sega ni dodonu me ra rerevaki ira na i liuliu o ira era caka dodonu tiko, ia o ira ga sa kitaka na ca. O gadreva li mo kakua ni rerevaki ira na i liuliu? Ia cakava na ka vinaka, ka ra na qai vakacaucautaki iko o ira oqo.

2 Korinica 1:10

Sa i koya sa vakabulai keitou tikoga. Keitou sa vakanuinui tu vua ni na vakabulai keitou tale,