Taniela 6:10 - Vakavakadewa Vou kei na iVola tale eso

¹⁰ Ia sa kila o Taniela ni sa sainitaki oti na lawa vou, a sa qai lako ki na nona vale. Ena rumu ni tabavale e cake ni nona vale, a tiko kina e tolu na katuba ka qara tu vaka ki Jerusalemi. Ena rumu oqori, a sa tekiduru sobu ena mata ni katubaleka sa dola tu o Taniela, ka masu vakatolu vua na Kalou ena veisiga me vaka na nona i valavala.

Ai Vola Tabu (Vakadewa Makawa Vakavoutaki 2021)

¹⁰ Ia ni sa kila ko Taniela sa volai oti nai vola, sa curu ki na nona vale; ka ni sa dola tu na katuba ni nona loqi me donui Jerusalemi, sa tekiduru e duruna vakatolu e na veisiga, me masu, ka vakavinavinaka vua na nona Kalou, me vaka sa dau cakava eliu ko koya.

AI VOLA TABU

¹⁰ Ia ko Tanieli ni sa kila ni sa volai nai vola, sa curu ki na nona vale; ia na nona katuba ni sa dola tu e nona loqi me donui Jerusalemi, sa vakatolu e na veisiga na nona vakatekiduru e duruna, me masu, ka vakavinavinaka e na mata ni nona Kalou, me vaka ni sa daucakava eliu.

Vakavakadewa Makawa

¹⁰ Ia ni sa kila ko Taniela sa volai oti nai vola, sa curu ki na nona vale; ka ni sa dola tu na katuba ni nona loqi me donui Jerusalemi, sa tekiduru e duruna vakatolu e na veisiga, me masu, ka vakavinavinaka vua na nona Kalou, me vaka sa daucakava eliu ko koya.

Ai Vola Tabu Ena Vakavakadewa Vou

¹⁰ Ia sa kila o Taniela ni sa sainitaki oti na lawa vou, a sa qai lako ki na nona vale. Ena rumu ni tabavale e cake ni nona vale, a tiko kina e tolu na katuba ka qara tu vaka ki Jerusalemi. Ena rumu oqori, a sa tekiduru sobu ena mata ni katubaleka sa dola tu o Taniela, ka masu vakatolu vua na Kalou ena veisiga me vaka na nona i valavala.

Taniela 6:10 Iomraidhean Croise

1 Tui 8:30

Ni rogoca na noqu kerekere kei na nodra kerekere na nomuni tamata ni ra sa vakanamata ki na tikina oqo ka vakacabo masu. Mai na nomuni i tikotiko tabu mai lomalagi, mo ni qai rogoci keimami ka vosoti keimami.

1 Tui 8:38

ia mo ni qai rogoca na nodra masu. Kevaka sa vagolei yani na masu ni vakatakekere mai vei ira na nomuni tamata na Isireli ena yalo e veivutuni, ka dodoka yani na ligadra vaka ki na Valenisoro oqo,

1 Tui 8:44

“Kevaka era sa lako yani o ira na nomuni tamata me ra vala kei ira na kedra meca, ena sala kecega o ni talai ira kina, ka ra masu vei Jiova ni ra vakanamata ki na koro oqo o ni sa digitaka kei na Valenisoro ka'u sa tara ki na yacamuni,

1 Tui 8:54

Ia ni vakaotia na nona cabora o Solomoni na nona masu kei na kerekere vei Jiova, a sa qai tucake mai na mata ni cabocabonisoro i Jiova ena vanua ka a tekiduru ka dodoka tu kina na ligana ki lomalagi.

2 Veigauna 6:13

(A cakava oti tu o Solomoni e dua na i tutu parasa, sa 2.2 na mita na kena balavu, e 2.2 na mita na kena raba, ka 1.3 na mita na kena cere; a vakadabera ena lomadonu ni lomanibai. A sa qai vakatikora na i tutu oqo, ka tekiduru sobu kina ni sa vakanamata ki na i cabocabonisoro, e matadra na lewenivanua kece i Isireli, ka sa dodoka yani na ligana ruarua vaka ki lomalagi.)

2 Veigauna 6:38

ia kevaka era sa veivutuni ena vu ni yalodra kei na lomadra taucoko ena vanua era tiko vakabobula kina, ni ra kau vakavesu kina, ka ra masu yani ni ra rai vaka ki na nodra vanua o ni a solia vei ira na nodra qase, ki na koro o ni a digitaka, kei na vale ka'u a tara oti tu oqo ena yacamuni;

Esera 9:5

Ena gauna ni vakacaboisoro ena yakavi, au a tucake mai na vanua ka'u a dabe tiko kina ena rarawa levu, ka'u tekiduru sobu ena noqu i sulu kakadresudresu, ka dodoka ruarua na ligaqu me'u masu vei Jiova na noqu Kalou.

Niemaia 6:11

Au a qai kaya vua, “E dodonu li me dro e dua na tamata vakataki au? O sa nanuma beka ni'u na tovolea me'u na vaqara bula ena noqu la'ki vunitaki au ena Valenisoro? Au na segasega sara ni cakava oqori.”

NA SAME 34:1

Au na dau vakavinavinakataki Jiova ena gauna kecega, Ena sega ni mudu na noqu vakamolimoli koya.

NA SAME 5:7

Ia oi au, au sa lako mai ki na nomuni vale Ena vuku ga ni nomuni loloma levu.

NA SAME 55:17

Sa lako cake vua na Turaga na noqu kudru kei na tagi Io, ena mataka kei na sigalevu ka vakakina ena bogi, Ka sa na rogoca o koya na voqa ni domoqu.

NA SAME 86:3

Sa i kemuni na noqu Kalou, ni yalololoma vei au, Au sa masu vei kemuni ena veisiga taucoko.

NA SAME 95:6

Ni toro mai, ka me da mai sokalou ka cuva sobu vua, Me da tekiduru ena mata i Jiova, na dauveibuli!

Taniela 6:13

Era a qai kaya vua na tui, “O Taniela saka, e dua vei ira na kau vakabobula mai Juta, sa sega ni dokai kemuni na tui se muria na lawa o ni a virikotora. Sa masu tiko vakatolu ena veisiga o koya vua na nona Kalou.

Taniela 9:4

Au sa masu vua na Turaga na noqu Kalou, ka'u vakatusa vua na neimami i valavala ca, vakaoqo: “Turaga na Kalou, o ni sa kaukauwa ka qaqa ka keimami sa vakarokoroko vei kemuni. Oi kemuni o ni sa tudei tu ga ena nomuni vosa ni yalayala ka vakaraitaka na loloma e sega ni yalani vei ira era lomani kemuni ka cakava na lomamuni.

Jona 2:4

Au sa nanuma wale ga De'u sa tawasei tani mai na matamuni Ka sega ni raica tale na nomuni vale tabu.

Marika 3:3

Sa qai kaya o Jisu vua na tamata liga mate, “Lako cake mai, ka mai duri tu e matadra na tamata!”

Luke 14:26

“Kevaka e lako mai vei au e dua na tamata ka sega ni uasivi cake na nona lomani au mai na nona lomani tamana, kei tinana, kei na watina, kei iratou na luvena, kei iratou na tuakana kei na tacina, kei iratou na ganena, io kei na nona bula sara talega o koya, ena sega ni rawa me noqu tisaipeli.

Luke 22:41

Sa qai biuti iratou o koya ka toso vakayawa toka vakalailai, rauta na yawa ni vanua e viritaki rawa kina e dua na vatu, ka sa tekiduru ka masu, ka kaya,

Cakacaka 10:9

Ena siga ka tarava, rauta na siga levu tutu, ni ratou sa lako tikoga e sala o iratou o ya ka ratou sa volekata tiko yani na koro, sa cabe cake ki na dela ni vale o Pita me la'ki masu kina.

Cakacaka 2:15

E ratou sega ni mateni o iratou oqo, me vaka o ni sa nanuma; e se qai ciwa ga oqo na kaloko ena mataka.

Cakacaka 20:24

Ia sa sega tu ni'u okata me dua na ka na noqu bula; na ka ga au gadreva o ya me'u na vakaotia vakavinaka na noqu i lakolako, kei na i tavi sa solia vei au na Turaga o Jisu, o ya me'u vunautaka na i Tukutuku Vinaka ni loloma-savu ni Kalou.

Cakacaka 20:36

Ni sa vosa oti vaka o ya o koya, era sa qai tekiduru vata kece ka masu.

Cakacaka 21:5

Ia ni sa oti na neitou gauna vata kei ira, keitou sa qai tomana na neitou i lakolako. Era sa qai lako kece yani mai na i bili ni koro ki na baravi me ra la'ki talaci keitou, o ira kece kei ira na watidra, kei ira na luvedra. Keimami sa qai tekiduru e matasawa, ka masu.

Cakacaka 3:1

Ena dua na siga e rau a lako cake ki na Valenisoro o Pita kei Joni ni rauta na tolu na kaloko ena yakavi, na gauna ni masumasu.

Cakacaka 4:29

Ia oqo, Turaga, mo ni raica mada na nodra veivakarerei; ka mo ni solia vei keimami na nomuni tamata na yalodoudou me keimami tukuna yani kina na nomuni vosa.

Cakacaka 5:20

“Dou lako, dou la'ki tu e Valenisoro ka tukuna vei ira na tamata na veika kecega baleta na bula vou oqo.”

Cakacaka 5:29

E ratou sa qai sauma o Pita kei iratou na kena vo ni apositolo, ka kaya, “Sa dodonu me keitou vakarorogo vua na Kalou, ka me keitou kakua ni vakarorogo vei ira na tamata.

Cakacaka 7:60

Sa qai tekiduru sobu o koya ka kaya ena domo levu, “Turaga, ni kakua ni cudruvi ira ena vuku ni valavala ca era sa cakava oqo!” Ia ni sa cavuta oti na vosa o ya sa qai mai cavuka sara yani na nona i cegu.

Cakacaka 9:40

Sa qai vakatalai ira kece ki tautuba o Pita, ka mai tekiduru yani me masu. Sa qai goleva na yago ka kaya, “I Tavaita, mo tucake mai!” Sa mai rai sara na matana. Ia ni sa raici Pita, sa duri cake sara me dabe.

Efeso 3:14

Ena vuku ni ka oqo ka'u sa tekiduru kina vua na Tamada,

Filipai 1:14

Na noqu tiko ena valeniveivesu sa qai kaukauwa vakalevu cake ga kina na nodra yalo dina na veiwekani vua na Turaga, ka sa tubu cake vaka talega kina na nodra yalo doudou me ra vunautaka na i tukutuku vinaka ka sega ni rere.

Filipai 1:20

Na noqu gagadre kei na vakanuinui levu sai koya me'u kakua ni malumalumu vakadua ena vuku ni kena qaravi na noqu i tavi, ia me'u yaloqaqa ga ena veigauna kece, ka vakauasivi ena gauna oqo, me rawa kina ni vakacerecerei ga na Karisito ena yagoqu, se'u sa bula tiko se mate.

Filipai 4:6

Ni kakua ni lomaleqataka e dua na ka, ia na ka kece sara o ni vinakata mo ni kerea ga vua na Kalou ena masu kei na vakavinavinaka.

Kolosa 3:17

Ia na ka kecega o ni cakava se cavuta me caka kecega ena yaca ni Turaga o Jisu, ka vakavinavinaka kina vua na Kalou na Tamada ena yacana.

Iperiu 13:15

O koya oqo me da cabora tikoga kina vua na Kalou na noda i madrali ni vakavinavinaka ena vuku i Jisu, na i madrali sa cabori mai na tebe ni gusu sa vakatusa tiko na yaca ni Turaga.

Iperiu 4:16

O koya oqo, me da ia ka toro vakadoudou sara kina ki na nona i tikotiko vakaturaga ni loloma-savu na Kalou, me da ciqoma kina na nona yalololoma ka vota vakakina na i votavota ni loloma-savu eda dui gadreva me yaga vei keda.

Vakatakila 2:10

Kakua ni rerevaka na veika o na vakarau sota kaya. Rogoca mada oqo! Ena vakarau biuti ira eso vei kemuni ki na valeniveivesu na tevoro me vakatovolei kemuni kina, ka na taura e tini na siga na ka oqo. Mo ni yalodina tikoga vei au, ka me yacova sara na mate kevaka sai koya oqori na kena i balebale, ka'u na solia vei kemuni na bula me nomuni i cocovi ni qaqa.

Vakatakila 2:13

Au sa kila na vanua o sa tiko kina, ni sa tiko talega kina na i tikotiko vakaturaga i Setani. Ia o sa dau dina ga vei au, ka sega ni cakitaka na nomu vakabauti au ka veitalia ga na gauna dredre eso me vaka na gauna i Anitipasa na noqu i vakadinadina yalodina, o koya sa vakamatei mai keri, ena tikina sa tiko kina o Setani.