Taniela 5:7 - Vakavakadewa Vou kei na iVola tale eso

⁷ A qai kacikaci o koya me dua e la'ki kauti ira mai na daucaka mana, o ira na vuku kei ira na dautukuna na kalougata. Ni ra curu mai, sa qai kaya vei ira na tui, “O koya ga vei kemuni e wilika rawa na volavola oqo ka tukuna vei au na kena i balebale, sa na tokara o koya na kote lokaloka balavu vakatui ka taubena na i taube sinucodo koula ni veidokai; ia sa na i katolu o koya vei keitou na liu ena matanitu oqo.”

Ai Vola Tabu (Vakadewa Makawa Vakavoutaki 2021)

⁷ Sa qai kaci vakadomoilevu mai na tui me ra kau mada mai ko ira na dauvakarai mata ni lomalagi, kei ira na kai Kalitia, kei na dauparofisai vakailasu. Ka sa kaya na tui vei ira na tamata vuku ni Papiloni, “O koya sa na wilika nai vola oqo, ka vakatakila vei au na kenai balebale, ena vakaisulutaki e nai sulu kulakula, ka na vakaitaubetaki e na sinucodo koula, ka na lesi talega me kenai katolu vei keitou ka lewa na matanitu.”

AI VOLA TABU

⁷ Sa kaci vakadomoilevu mai na tui me kauti ira mai na rairai, na kai Kalitea, kei na daucaka-mana. Sa vosa na tui, ka kaya vei ira na tamata vuku ni Papiloni, O koya sa na wilika nai vola o qo, kei na kenai balebale sa na vakatakila vei au, e nai sulu damudamu ena vakaisulutaki kina, ka vakatau-beni e na koula na domona, ena yaco talega me lewe tolu kei keirau sa lewa na matanitu.

Vakavakadewa Makawa

⁷ Sa qai kaci vakadomoilevu mai na tui me ra kau mada mai ko ira na dauvakarai mata ni lomalagi, kei ira na kai Kalitia, kei na dauparofisai vakailasu. Ka sa kaya na tui vei ira na tamata vuku ni Papiloni, O koya sa na wilika nai vola oqo, ka vakatakila vei au na kenai balebale, ena vakaisulutaki e nai sulu kulakula, ka na vakaitaubetaki e na sinucodo koula, ka na lesi talega me kenai katolu vei keitou ka lewa na matanitu.

Ai Vola Tabu Ena Vakavakadewa Vou

⁷ A qai kacikaci na tui me dua e la'ki kauti ira mai na daucaka mana, o ira na vuku kei ira na dautukuna na kalougata. Ni ra curu mai, sa qai kaya vei ira na tui, “O koya ga vei kemuni e wilika rawa na volavola oqo ka tukuna vei au na kena i balebale, sa na tokara o koya na kote lokaloka balavu vakatui ka taubena na i taube sinucodo koula ni veidokai; ia sa na i katolu o koya vei keitou na liu ena matanitu oqo.”

Taniela 5:7 Iomraidhean Croise

Vakatekivu 41:8

Ia ni sa mataka mai na vanua, a sa lomaleqa sara vakalevu. Sa qai talatala yani me ra lako kece mai na daucakamana kei na tamata vuku mai Ijipita. Sa qai kaya vei ira na nona tadra, ia sa sega sara ni dua me kaya rawa vua na kena i balebale.

Esiteri 3:1

Ni oti na veika oqo, a qai toroya cake o Asuerosi na tui na i tutu i Amani na luve i Emitaca mai na kawa i Eaki, me nodra i liuliu na i vakailesilesi taucoko sara.

Lako Yani 7:11

A qai vakarota na tui me ra lako mai na nona tamata vuku kei ira na daucakaisausau; era vakayacora talega vakakina, ena nodra i valavala na daucakamana ni Ijipita,

Vosavakaibalebale 1:9

Na nodrau i vakavuvuli ena vakavinakataka na nomu i vakarau me vaka e dua na i sala lagilagi e ulumu, ka i taube rairai vinaka e domomu.

Sere i Solomoni 1:10

Sa rui totoka na balumu ena kena i ukuuku, Kei na domomu ena i taube vatu talei.

Aisea 47:13

O na malumalumu ga ka veitalia sara na levu ni vakasala o rawata. Laivi ira na nomu daunivakasala me ra lako mai ka vakabulai iko, Oqo o ira era dikeva na veikalokalo, Ka yalana na veiyalayala ni lomalagi Ka ra dau tukuna tiko vei kemuni ena veivula Na veika kece ena yacovi kemuni.

Jeremaia 50:35

A sa kaya o Jiova, “Me yaco mai na mate ki Papiloni. Era na mate na lewena, O ira na kena i liuliu, Kei ira na kena tamata vuku.

Isikeli 16:11

Au a vakaiukuukutaki iko talega ena i ukuuku ni sasauni, ka daramaka na qato ena ligamu, ka vakaitaubetaki iko ena i taube sinucodo matailalai,

Taniela 1:20

Ia a veitalia ga se taro cava a taroga na tui, se ka dredre cava a vakavotuya mai me veivosakitaki, a kunea o koya ni ratou vinaka cake vakatini na lewe va oqo mai vei ira kecega na daukilakila kei ira na daucaka mana ena nona matanitu taucoko.

Taniela 1:4

O ira oqo me ra cauravou rairai vinaka, bulicaki vinaka, yalomatua, i tovo vinaka ka totolo ena vuli, ka me rawa ni ra rawata na cakacaka ni tiko vakavuli me ra na dauvakasala vua na tui. Ia me i tavi sara ga nei Asipinasi me vakatavulici ira ena vosa, na wili i vola kei na volavola vaka-Papiloni.

Taniela 2:2

A qai talatala me ra la'ki lako mai vua o ira na nona daukilakila, na daucaka mana, na daucaka i sausau kei ira na tamata vuku me ra mai vakamacalataka vua na nona tadra. Ia ni ra sa tadu yani,

Taniela 2:27

Sa qai sauma o Taniela, ka kaya, “Kemuni na tui, sa sega sara ni dua na vuku, na daucaka mana, na daukilakila, se o ira na dau tukuna na kalougata, e rawa ni tukuna vei kemuni na tadra oqori.

Taniela 2:48

A qai solia vei Taniela na tui e dua na i tutu cecere, ka solia talega vua e vuqa na i loloma uasivi. A vakatikori koya me lewa na yasana o Papiloni ka lesi koya talega me liutaki ira na dauvakasala e Papiloni taucoko.

Taniela 2:6

Ia kevaka e rawa ni o ni tukuna vei au na noqu tadra kei na kena i balebale, au na soli ka ni loloma, na i cocovi kei na ka ni veidokai vei kemuni. Ni kusa ka tukuna mai na tadra kei na kena i balebale.”

Taniela 4:14

A sa kaci ena domolevu o koya, ka vaka, ‘Taya sobu na vunikau ka musumusuka tani na tabana; vetiraka laivi na drauna ka kaburaka tani na vuana. Vakasevi ira tani na manumanu kila mai rukuna kei na manumanu vuka mai tabana.

Taniela 5:11

E tiko voli ena nomu matanitu e dua na tamata ka tiko vua na yalodra na kalou tabu. Ni a tui tiko na tamamuni, a kunei na tamata oqo ni sa yalomatua ka kila-ka, ka vuku sara me vaka na nodra vuku na kalou. Sa qai lesi koya na tamamuni, o Nepukanesa na tui, me nodra i liuliu na daukilakila, na daucaka mana, na vuku kei ira na dautukuna na kalougata.

Taniela 5:15

Era a la'ki kacivi mai na dauvakasala kei ira na daucaka mana me ra mai wilika na volavola oqo ka tukuna vei au na kena i balebale, ia era a sega ni kila rawa na kena i balebale.

Taniela 5:16

Au rogoca ni sa rawa vei iko mo kunea na ka sa vunitaki na kena i balebale, ka vakamacalataka na veika vuni. Kevaka o wilika rawa na volavola oqo ka tukuna vei au na kena i balebale, o sa na tokara na kote lokaloka balavu vakatui ka taubena na i taube sinucodo koula ni veidokai, ka o sa na i katolu talega ena i tutu ni veiliutaki ena matanitu.”

Taniela 5:29

Sa qai vakarota sara o Pelisasari me ra vakaisulutaki Taniela ena kote lokaloka balavu vakatui ka vakataubeni koya ena i taube sinucodo koula ni veidokai; ka vakatikori koya me i katolu vei iratou na lewa na matanitu.

Tiko mai na Lekutu 22:17

Au na cakava vakaidina mo dokai vakalevu, au na cakava na ka kecega o tukuna vei au; mo lako mai ka mai tauca na vosa-ni-cudru vei ira na matatamata oqo ena vukuqu.’ ”

Tiko mai na Lekutu 22:7

A mani lako yani o ira na qase ni Moapi, kei ira na qase ni Mitiani, ka kauta na i sau ni veivakalougatataki; ia ni ra yaco yani vei Balami era sa tukuna vua na i tukutuku i Pelaki.

Tiko mai na Lekutu 24:11

Ia oqo Balami, mo dro sara ki na nomu i tikotiko; a kaya o Pelaki, ‘Au na vakalevulevui iko vakaidina,’ ia ka qai tarovi iko o Jiova, mai na veivakalevulevui o ya.

1 Samuela 17:25

Era sa veitukunitaka vakataki ira na Isireli, “Raici koya mada! Rogoca na nona vosa ni bolebole! Sa yalataka tiko na tui o Saula e dua na i yau levu me soli vua na tamata ena vakamatei koya. Ena solia talega na tui ki vua na luvena yalewa me watina, ka na solia na galala ki na mataqali i tamana me kakua ni saumi vakacavacava e Isireli.”