Taniela 5:16 - Vakavakadewa Vou kei na iVola tale eso

¹⁶ Au rogoca ni sa rawa vei iko mo kunea na ka sa vunitaki na kena i balebale, ka vakamacalataka na veika vuni. Kevaka o wilika rawa na volavola oqo ka tukuna vei au na kena i balebale, o sa na tokara na kote lokaloka balavu vakatui ka taubena na i taube sinucodo koula ni veidokai, ka o sa na i katolu talega ena i tutu ni veiliutaki ena matanitu.”

Ai Vola Tabu (Vakadewa Makawa Vakavoutaki 2021)

¹⁶ Ia ka'u sa rogoca na kemui rogorogo ni ko sa tukuna rawa nai balebale ni ka vuni ka sereka na ka dredre. Ia kevaka ko sa rawata mo wilika na ka sa volai tu oqo, ka vakatakila vei au na kenai balebale, ko na qai vakaisulutaki e nai sulu kulakula, ka vakaitaubetaki e na sinucodo koula, ka ko na lesi talega mo kenai katolu vei kedatou ka lewa na matanitu.”

AI VOLA TABU

¹⁶ ia koi au kaʼu sa rogoci iko ni ko sa tukuna rawa nai balebale ni ka vuni kei na sere ka bukubukuya: ia kevaka ko rawata me wilika nai vola o qo, kei na kenai balebale mo sa vakatakila vei au, e nai sulu damudamu ko na qai vakaisulutaki kina, ka vakataubeni e na koula na domomu, ka yaco me lewe tolu kei keirau sa lewa na matanitu.

Vakavakadewa Makawa

¹⁶ ia ka'u sa rogoca na kemui rogorogo ni ko sa tukuna rawa nai balebale ni ka vuni ka sereka na ka dredre: ia kevaka ko sa rawata mo wilika na ka sa volai tu oqo, ka vakatakila vei au na kenai balebale, ko na qai vakaisulutaki e nai sulu kulakula, ka vakaitaubetaki e na sinucodo koula, ka ko na lesi talega mo kenai katolu vei kedatou ka lewa na matanitu.

Ai Vola Tabu Ena Vakavakadewa Vou

¹⁶ Au rogoca ni sa rawa vei iko mo kunea na ka sa vunitaki na kena i balebale, ka vakamacalataka na veika vuni. Kevaka o wilika rawa na volavola oqo ka tukuna vei au na kena i balebale, o sa na tokara na kote lokaloka balavu vakatui ka taubena na i taube sinucodo koula ni veidokai, ka vakayacori mo i katolu ena i tutu ni veiliutaki ena matanitu.”

Taniela 5:16 Iomraidhean Croise

Vakatekivu 40:8

E rau sa qai kaya, “O keirau a tadra ruarua, ka sa sega ni dua eke me vakamacalataka vei keirau na kena i balebale.” Sa qai kaya o Iosefo, “E sega beka li ni nona na Kalou na vakadewataki ni tadra? Drau yalovinaka mo drau kaya mai vei au.”

Vakatekivu 41:15

Sa qai kaya na tui vei Iosefo, “Au a raica e dua na tadra, ka sega ni dua e rawa ni vakamacalataka na kena i balebale. Ia au sa rogoca na ka sa tukuni me baleti iko, ni o rawa ni vakamacalataka na i balebale ni tadra eso.”

Vakatekivu 41:42

Sa qai luvata na tui na nona mama mai na ligana ka daramaka ki na i qaqalo i Iosefo, ka vakasulumi koya ena i sulu lineni vinaka sara, sa qai vakataubena e domona e dua na i taube koula.

Taniela 2:48

A qai solia vei Taniela na tui e dua na i tutu cecere, ka solia talega vua e vuqa na i loloma uasivi. A vakatikori koya me lewa na yasana o Papiloni ka lesi koya talega me liutaki ira na dauvakasala e Papiloni taucoko.

Taniela 2:6

Ia kevaka e rawa ni o ni tukuna vei au na noqu tadra kei na kena i balebale, au na soli ka ni loloma, na i cocovi kei na ka ni veidokai vei kemuni. Ni kusa ka tukuna mai na tadra kei na kena i balebale.”

Taniela 5:29

Sa qai vakarota sara o Pelisasari me ra vakaisulutaki Taniela ena kote lokaloka balavu vakatui ka vakataubeni koya ena i taube sinucodo koula ni veidokai; ka vakatikori koya me i katolu vei iratou na lewa na matanitu.

Taniela 5:7

A qai kacikaci o koya me dua e la'ki kauti ira mai na daucaka mana, o ira na vuku kei ira na dautukuna na kalougata. Ni ra curu mai, sa qai kaya vei ira na tui, “O koya ga vei kemuni e wilika rawa na volavola oqo ka tukuna vei au na kena i balebale, sa na tokara o koya na kote lokaloka balavu vakatui ka taubena na i taube sinucodo koula ni veidokai; ia sa na i katolu o koya vei keitou na liu ena matanitu oqo.”

Taniela 6:2

A digitaki Taniela kei na lewe rua tale o koya me ratou dau vakaraica na nodra cakacaka na kovana, ka qarauna talega me daumaka tu na veika e baleti koya na tui.

Cakacaka 8:18

Ni sa raica oqo o Saimoni na kena sa soli na Yalo Tabu ena veitabaki ni ligadrau na i apositolo, sa qai via soli i lavo vei rau,