Taniela 4:34 - Vakavakadewa Vou kei na iVola tale eso

³⁴ “Oi au o Nepukanesa. Ni sa oti e vitu na yabaki, ni'u a tu ka rai cake ki lomalagi, a qai lesu tale mai vei au na noqu vakasama vakatamata. Au a vakavinavinaka vua na Kalou Cecere ka'u a vakarokoroko vua ka vakalagilagi koya sa bula tikotiko ga ka sega ni mudu. “Sa na tui tikoga o koya ka sega ni mudu, Ka sa na bula tu ga na nona matanitu ena veigauna kecega.

Ai Vola Tabu (Vakadewa Makawa Vakavoutaki 2021)

³⁴ Ni sa oti na kena gauna, koi au ko Nepukanesa, ka'u a ta cake ki lomalagi, ia sa lesu tale mai vei au na yaloqu, ka'u a qai vakavinavinakataki Koya sa Cecere Sara, io, ko koya sa bula ka sega ni mudu. Ka'u a vakacaucautaka ka vakarokorokotaka, ia sa sega ni mudu na nona lewa, kei na nona matanitu mai na dua nai tabatamata ka yaco ki na dua tale nai tabatamata.

AI VOLA TABU

³⁴ Ni sa oti na kena gauna, oi au ko Nipukatinesari, kaʼu a ta cake e na mataqu ki lomalagi, ia na lomaqu sa lesu tale mai vei au, o Koya sa Cecere sara kaʼu a qai vakavinavinakataki io ko koya sa bula ka tawa mudu kaʼu a vakacaucautaka ka vakarokorokotaka, ni sa lewa tawa mudu na nona lewa, kei na nona matanitu mai nai tabatamata ka yaco ki nai tabatamata:

Vakavakadewa Makawa

³⁴ Ni sa oti na kena gauna, koi au ko Nepukanesa, ka'u a ta cake ki lomalagi, ia sa lesu tale mai vei au na lomaqu, ka'u a qai vakavinavinakataki Koya sa Cecere sara, io ko koya sa bula ka sega ni mudu ka'u a vakacaucautaka ka vakarokorokotaka, ia sa sega ni mudu na nona lewa, kei na nona matanitu mai nai tabatamata ka yaco ki nai tabatamata:

Ai Vola Tabu Ena Vakavakadewa Vou

³⁴ “Oi au o Nepukanesa. Ni sa oti e vitu na yabaki, ni'u a tu ka rai cake ki lomalagi, a qai lesu tale mai vei au na noqu vakasama vakatamata. Au a vakavinavinaka vua na Kalou Cecere ka'u a vakarokoroko vua ka vakalagilagi koya sa bula tikotiko ga ka sega ni mudu. “Sa na tui tikoga o koya ka sega ni mudu, Ka sa na bula tu ga na nona matanitu ena veigauna kecega.

Taniela 4:34 Iomraidhean Croise

2 Samuela 22:31

Na Kalou oqo sa vinaka vakaoti na nona i valavala, Sa vakadinati sara na nona vosa! Ni sa vaka na i sasabai o koya Vei ira sa gadreva na nona veimaroroi.

1 Veigauna 29:10

A sa ia na vakavinavinaka vei Jiova o Tevita na tui e matadra na lewenivanua era sa soqoni vata. A sa kaya, “Kemuni Jiova na Kalou ni neimami qase o Jekope, mo ni sa vakarokorokotaki tikoga ka tawa mudu!

1 Veigauna 29:13

Ia oqo, kemuni na neimami Kalou, sa ka levu na neimami vakavinavinaka vei kemuni, ka sa vakacaucautaki na yacamuni dokai.

Jope 1:21

A qai mai kaya yani, “Au a sucu luvawale mai na kete i tinaqu, ka'u na lesu luvawale tale ni'u mate. E a solia o Jiova, ka sa kauta tani o koya. Me vakarokorokotaki tikoga na yacana!”

NA SAME 10:16

Sa Tui na Turaga ka tawa mudu, Ka ra sa takali yani na veimatanitu mai na nona vanua.

NA SAME 102:24

Kemuni na noqu Kalou, ni kakua ni kauti au tani oqo Ni'u se bera ni qase sara. I Jiova, o ni na bula tikoga ka sega ni mudu,

NA SAME 107:15

Sa dodonu me ra vakavinavinaka vei Jiova ena vuku ni nona loloma tudei, Ena vuku ni ka veivakurabuitaki sa vakayacora vei ira.

NA SAME 107:22

E dodonu me ra vakacabora vua na i soro ni vakavinavinaka, Ka ra seretaka ena marau na veika kece sa cakava o koya.

NA SAME 107:31

Sa dodonu me ra vakavinavinaka vei Jiova ena vuku ni nona loloma tudei. Me baleta na veika veivakurabuitaki sa cakava vei ira.

NA SAME 107:8

Sa dodonu me ra vakavinavinaka vei Jiova, ena vuku ni nona loloma tudei, Baleta na veika veivakurabuitaki sa cakava vei ira.

NA SAME 111:7

Sa yalodina ka dodonu o koya ena veika kecega e cakava; Sa vakadinadinataki na nona veivakaro kecega.

NA SAME 121:1

Au sa rai cake ga ki na ulunivanua; Ena lako beka mai vei na veivuke me baleti au?

NA SAME 123:1

Kemuni Jiova, au sa tacake yani vei kemuni, Ki lomalagi na vanua o ni vakatulewa tiko mai kina.

NA SAME 145:13

Sa sega ni yalani na nomuni matanitu, Ka o ni na tui tikoga ka sega ni mudu.

NA SAME 146:10

Ena Tui o Jiova ka na sega ni mudu! Na nomu Kalou, i Saioni, ena veiliutaki ena veigauna kecega. Me vakacaucautaki ga o Jiova!

NA SAME 50:14

Ni cakava na vakavinavinaka me nomuni soro vua na Kalou, Ka solia vua sa Cecere sara na veisolisoli o ni sa yalataka.

NA SAME 66:7

Sa lewa tikoga o koya ena nona kaukauwa ka sega ni mudu, Ka sa dikeva tiko na matana na veimatanitu. Me kakua ni dua na dauveisaqasaqa me saqati koya.

NA SAME 7:17

Au na vakavinavinakataki Jiova ena vuku ni nona lewa dodonu, Ka'u na lagata na veisere ni veivakacaucautaki vei Jiova na Kalou cecere. Vua na i liuliu ni sere: me baleta Na Kitica. A Same i Tevita.

NA SAME 9:2

Au na sere ena marau ena vukumuni! Au na laga sere ni vakacaucautaki kemuni na Kalou Cecere sara.

NA SAME 92:1

Sa ka talei dina me da ia na vakavinavinaka vei kemuni Jiova, Ka vakamolimoli ki na yacamuni, oi kemuni sa Cecere Sara;

Aisea 13:11

A sa kaya na Turaga, “Au na kauta mai na veika ca ki vuravura Ka vakarusai ira na tamata i valavala ca. Au na vakaotia na nodra viavialevu na dokadoka Ka vakamalumalumutaka na nodra qaciqacia Na tamata i tovo kaukauwa.

Aisea 2:11

Na mata viavialevu ni tamata ena vakamalumalumutaki, Ka na buturaki sobu na nodra dokadoka. Ena siga o ya sa na vakacerecerei taudua ga kina o Jiova.

Aisea 24:15

Ka ra na vakacaucautaki koya mai na tokalau. Era na vakacaucautaki Jiova na Kalou ni Isireli, Na tamata era tiko ena veibaravi.

Jeremaia 10:10

Ia o Jiova Sa i koya na Kalou dina, Sa i koya na Kalou bula, Kei na tui tawa mudu. Ni sa cudru Sa sautaninini na vuravura; Ka na sega ni vosota rawa na veimatanitu Na nona cudru.

Lele i Jeremaia 3:38

E sega li ni tau mai na gusu i Koya sa Cecere Na yaco mai ni veika vinaka kei na veika ca?

Taniela 12:7

Sa qai laveta cake na ligana ruarua vaka ki lomalagi na agilosi, ka vosa yalayala ena yaca ni Kalou Tawamudu. Au a rogoca ni kaya vakaoqo, “Ena tolu veimama na yabaki na kena dede. Ni oti na nodra vakararawataki na tamata ni Kalou, sa na qai yaco na veika kecega oqo.”

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Taniela 4:2

Na i tukutuku oqo mo ni kila kina na veika veivakurabuitaki kei na cakacaka mana e a vakaraitaka vei au o koya na Kalou Cecere.

Taniela 4:26

A sa vakarota na agilosi me biu tikoga ena qele na vu ni wakana. A kena i balebale oqo ni o ni na qai tui tale ena gauna o ni sa vakadinadinataka oti kina ni sai koya ga na Kalou Cecere sa lewa na vuravura kecega.

Taniela 4:3

Sa rui veivakadrukai ka veivakurabuitaki na ka e vakaraitaka vei keda na Kalou! Sa rui kaukauwa na veicakacaka mana a cakava o koya! Sa na tui na Kalou ka sega ni mudu; sa na veiliutaki o koya ena veigauna kecega.

Taniela 4:32

O sa na vakasevi tani mai vei ira na tamata, ka o sa na la'ki tu vata kei ira na manumanu kila. O sa na kana co me vaka na bulumakau me vitu na yabaki. E muri ga o na vakadinadinataka kina ni sa lewa na Kalou cecere na veimatanitu ni tamata, ka sa solia na matanitu vei koya ga sa nanuma kina.”

Taniela 4:36

Ni lesu tale mai vei au na vakasama vakatamata, a qai soli lesu tale vei au na lewa ni noqu matanitu, na noqu dokai kei na noqu lagilagi. Era a kidavaki au na noqu dauvakasala kei ira na noqu tamata sucu turaga, ka vakalesui tale vei au na kaukauwa vakatui ka vakalevutaki cake na noqu dokai.

Taniela 5:18

Na Kalou Cecere a buli tamamuni, o Nepukanesa na tui, me dua na tui kaukauwa ka qaqa ka solia vua na dokai kei na lagilagi.

Taniela 5:21

A vakasevi tani mai na tiko vakatamata, ia na nona vakasama sa yaco me tautauvata kei na vakasama ni manumanu. Sa la'ki bulavata kei ira na ose, kana co me vaka na bulumakau, sa moce kina e tautuba ka lutuki koya na tegu ni lomalagi, me yacova ni sa vulica ni o koya na Kalou levu ni lomalagi sa vakatulewa vei ira na veimatanitu ni tamata kecega, ka sa bulia me tui o koya sa gole kina na lomana.

Taniela 6:26

Au sa vakaroti kemuni yani oqo na tamata yadua mai na veiyasana kecega ena noqu matanitu mo ni rerevaka ka rokova na Kalou i Taniela. “A Kalou bula o koya Ka na tui tikoga ka sega ni mudu. Ena sega ni vakarusai rawa na nona matanitu Ka na sega ni oti rawa na nona kaukauwa.

Taniela 7:14

E kea, a sa la'ki soli kina vua na lewa, na dokai kei na kaukauwa vakatui ka rawa kina ni ra qaravi koya o ira na duikaikai kei na duivosavosa mai na veiyasana kecega. Na nona kaukauwa ena sega ni oti rawa, kei na nona matanitu ena bula tikoga ka sega ni mudu.

Taniela 7:27

Ena qai soli vei ira na tamata ni Kalou Cecere na nodra kaukauwa kei na veika cecere ni veimatanitu kecega e vuravura. Ia na nodra kaukauwa sa na sega ni oti rawa, ia o ira na veituraga kecega era na talairawarawa me qaravi ira na tamata ni Kalou cecere.”

Taniela 9:14

Oi kemuni, Turaga na neimami Kalou, o ni sa vakarau tu mo ni vakanakuitataki keimami, ka o ni sa vakayacora sara talega, baleta na veika kecega o ni vakayacora sa dodonu; oi keimami ga keimami sega ni vakarorogo vei kemuni.

Jona 1:14

Era sa qai masu vei Jiova ka kaya. “I Jiova, keitou sa masuti kemuni, ni kakua ni cudruvi kemami ena vuku ni nona bula na tamata oqo. Oi kemuni ga o ni sa vakayacora na veika oqo, me vaka na ka o ni sa vinakata.”

Maika 4:7

Era sa lokiloki ka ra tu yawa mai na nodra vanua, ia ka'u na tauyavutaki ira tale na vo-ni-bula ena dua na i tekitekivu vou. Au na qai liutaki ira ena Ulunivanua o Saioni mai na gauna o ya ka tawa mudu.”

Luke 1:33

ka na tui tiko o koya ena mataqali i Jekope ka sega ni mudu; ena sega talega ni mudu na nona matanitu!”

Luke 18:13

“Ia o koya na daukumuni i vakacavacava, ni sa tucake vakayawa sara tu yani, ka sa sega mada ga ni via tacake ki lomalagi, ia sa tavitavia ga na lomaserena ka kaya, ‘Kemuni na Kalou, ni qai lomani au mai, ni'u sa tamata i valavala ca!

Joni 5:26

Me vaka sa bula vakai koya ga na Tamana, sa solia vakakina vua na Luvena me bula vakai koya ga;

Vakarua 32:4

“Sa nomuni i sasabai kaukauwa o Jiova, ka sa uasivi sara ka dodonu na nona sala kecega; Sa yalodina ka dauvosa vakadodonu na nomuni Kalou, ka sa vakayacora na cakacaka dodonu ka savasava.

1 Timoci 1:17

Me rokovi ka dokai na Tui ni veitabagauna kecega, o koya sa sega ni mate rawa ka sa sega talega ni raici rawa ena mata, o koya na Kalou e duabau ga — io me vakacerecerei ka tawamudu! Emeni!

1 Timoci 6:16

O koya duadua ga sa tu vua na bula tawamudu ka sa tiko ena rarama sa sega ni torovi rawa. Ni sa sega na tamata sa raici koya oti se me na raici koya rawa. Me nona ga na vakarokoroko kei na lewa tawamudu! Emeni.

Vakatakila 10:6

ka sa vosa bubului ena yaca ni Kalou, o koya sa bula tikoga ka tawamudu, ka sa bulia na lomalagi kei na veika sa tu kina, na vuravura kei na veika sa tu kina, vata kei na wasawasa kei na veika sa tu kina. A sa kaya na agilosi, “Sa na sega tale na wawa!

Vakatakila 11:15

A sa qai uvuca na i kavitu ni agilosi na nona davui, ka sa rogo levu mai lomalagi na veidomo eso, era sa kaya, “Na kaukauwa ni lewa me baleti vuravura sa qai yaco oqo me nona na noda Turaga kei na nona Karisito, ka na veiliutaki tikoga o koya ka sega ni mudu!”

Vakatakila 4:10

era sa bale sobu kecega ena vakarokoroko ena mata i koya sa tiko ena i tikotiko vakaturaga na qase kece sara e ruasagavulukava. Era sa biuta sobu na nodra i sala ena mata ni tikotiko vakaturaga ka kaya,

Vakatakila 4:9

O iratou na veika bula sa ia ga na sere ni vakacaucau kei na vakarokoroko kei na vakavinavinaka kivei koya sa tiko ena i tikotiko vakaturaga, o koya sa bula tikoga ka tawamudu. Ni ratou sa vakayacora oqo,