Taniela 4:3 - Vakavakadewa Vou kei na iVola tale eso

³ Sa rui veivakadrukai ka veivakurabuitaki na ka e vakaraitaka vei keda na Kalou! Sa rui kaukauwa na veicakacaka mana a cakava o koya! Sa na tui na Kalou ka sega ni mudu; sa na veiliutaki o koya ena veigauna kecega.

Ai Vola Tabu (Vakadewa Makawa Vakavoutaki 2021)

³ Sa cecere sara na nona i vakatakilakila! Sa veivakurabuitaki na nona cakacaka mana! A nona matanitu na matanitu e sega ni mudu, kei na nona lewa sa mai na dua nai tabatamata ki na dua tale.

AI VOLA TABU

³ Na kena levu ni nonai vakatakilakila! na kena kaukauwa ni nona ka mana! a nona matanitu na matanitu tawa mudu, kei na nona lewa mai nai tabatamata ka yaco ki nai tabatamata.

Vakavakadewa Makawa

³ Na kena levu ni nonai vakatakilakila! na kena kaukauwa ni nona ka mana! a nona matanitu na matanitu e sega ni mudu, kei na nona lewa mai nai tabatamata ka yaco ki nai tabatamata.

Ai Vola Tabu Ena Vakavakadewa Vou

³ Sa rui veivakadrukai ka veivakurabuitaki na ka e vakaraitaka vei keda na Kalou! Sa rui kaukauwa na veicakacaka mana a cakava o koya! Sa na tui na Kalou ka sega ni mudu; sa na veiliutaki o koya ena veigauna kecega.

Taniela 4:3 Iomraidhean Croise

Jope 25:2

Sa kaukauwa na Kalou: Me rerevaki koya na tamata kecega; Sa raica matua o koya Me tiko sautu na nona matanitu vakalomalagi.

NA SAME 104:24

I Jiova, sa levu sara na ka o ni sa bulia! Era sa caka vakavuku kecega; Sa sinai na vuravura ena veika o ni sa bulia.

NA SAME 105:27

E rau a cakava na nona cakacaka veivakurabuitaki, Ka cakava na cakacaka mana e Ijipita.

NA SAME 145:13

Sa sega ni yalani na nomuni matanitu, Ka o ni na tui tikoga ka sega ni mudu.

NA SAME 66:7

Sa lewa tikoga o koya ena nona kaukauwa ka sega ni mudu, Ka sa dikeva tiko na matana na veimatanitu. Me kakua ni dua na dauveisaqasaqa me saqati koya.

NA SAME 72:18

Me vakacaucautaki o Jiova, na Kalou ni Isireli, O koya ga sa cakava na cakacaka veivakurabuitaki!

NA SAME 77:19

O ni a lako kosova na wasawasa, Ka kosova na wasawasa titobu; Ia sa sega ni bau laurai na mawe ni yavamuni.

NA SAME 86:10

Baleta ni sai kemuni taudua ga na Kalou, o ni sa qaqa; Sa i kemuni taudua ga o ni cakava na cakacaka veivakurabuitaki.

NA SAME 92:5

I Jiova, sa ka levu sara na nomuni cakacaka! Sa rui titobu na nanuma ni lomamuni!

Aisea 25:1

I Jiova, sai kemuni na noqu Kalou, Au na vakalagilagi kemuni Ka vakacaucautaka na yacamuni. O ni sa cakava oti na veika talei, O ni sa nakita sara mai liu, Na veika sa dina ka tudei.

Aisea 28:29

Na vuku kece oqo sa taka mai vei Jiova ni lewevuqa. Sa uasivi sara na nona veivakasalataki, Ka cecere sara na nona vuku.

Aisea 9:7

Ena tubu tikoga na nona kaukauwa vakaturaga; Na nona matanitu ena dautiko sautu tikoga. Ena veiliutaki me i sosomi kei Tevita na tui, Ka yavutaka na nona lewa ena dina kei na dodonu, Mai na gauna oqo me yacova na i vakataotioti. Na gumatua i Jiova ni lewevuqa ena vakayacora na ka oqo.

Jeremaia 10:10

Ia o Jiova Sa i koya na Kalou dina, Sa i koya na Kalou bula, Kei na tui tawa mudu. Ni sa cudru Sa sautaninini na vuravura; Ka na sega ni vosota rawa na veimatanitu Na nona cudru.

Taniela 2:2

A qai talatala me ra la'ki lako mai vua o ira na nona daukilakila, na daucaka mana, na daucaka i sausau kei ira na tamata vuku me ra mai vakamacalataka vua na nona tadra. Ia ni ra sa tadu yani,

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Taniela 4:17

Oqo na nodra i vakaro na agilosi yalosavasava era vakatawa voli; me ra kila kina na lewe ni veivanua kecega ni o Koya na Kalou Cecere sa lewai ira na veimatanitu ni tamata. Sa solia na matanitu vei koya ga sa nanuma kina. Ka sa digitaki ira na tamata wale me ra liutaki na matanitu.”

Taniela 7:14

E kea, a sa la'ki soli kina vua na lewa, na dokai kei na kaukauwa vakatui ka rawa kina ni ra qaravi koya o ira na duikaikai kei na duivosavosa mai na veiyasana kecega. Na nona kaukauwa ena sega ni oti rawa, kei na nona matanitu ena bula tikoga ka sega ni mudu.

Taniela 7:27

Ena qai soli vei ira na tamata ni Kalou Cecere na nodra kaukauwa kei na veika cecere ni veimatanitu kecega e vuravura. Ia na nodra kaukauwa sa na sega ni oti rawa, ia o ira na veituraga kecega era na talairawarawa me qaravi ira na tamata ni Kalou cecere.”

Roma 11:33

Sa uasivi dina na vinaka ni Kalou kivei keda kece! Sa titobu sara na nona vuku kei na nona kila-ka! O cei ena rawa ni vakamacalataka na lomana? O cei e rawa ni kila na nona i vakarau?.

Vakarua 4:34

Se, a bau dua li na kalou a saga me lako ka la'ki kauta mai e dua na kawa tamata mai na loma ni dua na matanitu me ra mai nona tamata me vaka a cakava o Jiova na nomuni Kalou vei kemuni mai Ijipita? A sa vakaraitaka nona kaukauwa levu kei na nona qaqa e matamuni, ni a kauta mai na veika ni veivakaleqai kei na i valu, ka cakava na veicakacaka mana kei na veika sa veivakurabuitaki, ka vakavuna me yaco na veika vakarerevaki.

1 Timoci 1:17

Me rokovi ka dokai na Tui ni veitabagauna kecega, o koya sa sega ni mate rawa ka sa sega talega ni raici rawa ena mata, o koya na Kalou e duabau ga — io me vakacerecerei ka tawamudu! Emeni!

Iperiu 1:8

Ia ena vuku ni Luvena, a sa kaya vakaoqo na Kalou: “Na nomu matanitu, na Kalou, ena bula tikoga ka sega ni mudu! O sa dau lewai ira na nomu tamata ena dodonu kei na dina.

Iperiu 2:4

E salavata oqo kei na nona vakadinadinataka na Kalou na dina ni veitukutuku oqo ena nona cakava na veivakatakilakila eso kei na cakacaka mana, ka sa veivotayaka talega na i solisoli ni Yalo Tabu, me vaka na lomana.

1 Pita 4:11

Kevaka e dua sa dauvosa, me ia ga o koya na vunautaka na vosa ni Kalou; o koya sa dauveiqaravi me ia ga na veiqaravi ena kaukauwa sa solia vua na Kalou, me rawa kina ni vakalagilagi na Kalou ena veika kecega ena vuku i Jisu Karisito, o koya sa nona na lagilagi kei na kaukauwa ka tawamudu. Emeni.

Vakatakila 11:15

A sa qai uvuca na i kavitu ni agilosi na nona davui, ka sa rogo levu mai lomalagi na veidomo eso, era sa kaya, “Na kaukauwa ni lewa me baleti vuravura sa qai yaco oqo me nona na noda Turaga kei na nona Karisito, ka na veiliutaki tikoga o koya ka sega ni mudu!”