Taniela 3:7 - Vakavakadewa Vou kei na iVola tale eso

⁷ O koya oqo, ni tekivu ga na vakatagi, era sa cuva sobu kece sara na duikaikai kei na duivosavosa mai na veivanua me ra vakarokoroko ki na matakau koula.

Ai Vola Tabu (Vakadewa Makawa Vakavoutaki 2021)

⁷ O koya oqo e na tiki-ni-siga ko ya, ni ra rogoca na tamata kecega na domo ni koneti, na bitu-ni-vakatagi, na api, na lali e vakawa, na soliteri, kei na ka kecega sa rogo vinaka, era sa qai cuva sobu kece na tamata, na lewe ni veivanua, kei na dui vosavosa, ka ra sa vakarokoroko ki na matakau koula sa vakaduria ko Nepukanesa na tui.

AI VOLA TABU

⁷ O koya o qo e na tiki-ni-siga ko ya, ni ra rogoca kece na veimataqali na domo ni davui, na bitu-ni-vakatagi, na api, na lali e vakawa, nai qiriqiri, kei na ka domo vinaka kecega, sa ra qai bale sobu kece na veimataqali, na lewe ni veivanua, kei na dui vosavosa, ka sorova na matakau koula sa vakaduria ko Nipukatinesari na tui.

Vakavakadewa Makawa

⁷ O koya oqo e na tiki-ni-siga ko ya, ni ra rogoca na tamata kecega na domo ni koneti, na bitu-ni-vakatagi, na api, na lali e vakawa, na soliteri, kei na ka kecega sa rogo vinaka, era sa qai cuva sobu kece na tamata, na lewe ni veivanua, kei na dui vosavosa, ka ra sa vakarokoroko ki na matakau koula sa vakaduria ko Nepukanesa na tui.

Ai Vola Tabu Ena Vakavakadewa Vou

⁷ O koya oqo, ni tekivu ga na vakatagi, era sa cuva sobu kece sara na duikaikai kei na duivosavosa mai na veivanua me ra vakarokoroko ki na matakau koula.

Taniela 3:7 Iomraidhean Croise

Jeremaia 51:7

O Papiloni e a vaka e dua na bilo ena ligaqu, ka sa vakamatenitaka na vuravura taucoko. Era sa gunuva na veimatanitu na kena waini ka sa yali kina na yalodra.

Taniela 2:46

Sa cuva sobu ki na qele o Nepukanesa na tui ka vakarokoroko vei Taniela; ka vakarota me vakacabori vua na i madrali kei na ka boi vinaka.

Taniela 3:10

Oi kemuni na tui o ni a vakarota me ra cuva sobu na tamata kecega ka vakarokoroko ki na matakau koula ena gauna sara ga a tekivu kina na vakatagi.

Taniela 3:4

A qai kaci e dua na matanivanua ni tui, ka vaka, “Oi kemuni na duikaikai ka duivosavosa mai na veivanua kecega!

Taniela 3:5

O ni na rogoca na domo ni davui, ka tarava yani na bitu ni vakatagi, na laya, na tisita, na api ka ra qai solevaka vata kei na veimataqali vakatagi kecega. Ena gauna sa tekivu kina na vakatagi, mo ni cuva sobu kecega ki na qele ka vakarokoroko ki na matakau sa vakaduria tu oqo o Nepukanesa na tui.

Taniela 3:6

Ke dua ena sega ni cuva sobu ka vakarokoroko, ena biu o koya ena siga ga edaidai ki na lovo ni bukawaqa.”

Taniela 3:8

Ia eso vei ira na kai Papiloni era a vakayagataka na soqo oqo me rawa kina ni ra beitaki ira na Jiu.

Cakacaka 14:16

E a laivi ira na veimatanitu o koya ena veitabatamata sa oti yani me ra dui muria ga na nodra sala.

1 Joni 5:19

Eda sa kila ni da sa nona na Kalou, ka veitalia ga ni sa tiko ena ruku ni veiliutaki nei vunica na vuravura taucoko.

Vakatakila 12:9

A sa biu tani mai na drakoni vakaitamera — o koya na gata makawa, sa vakatokai na Tevoro, se o Setani, o koya sa dauvakaisina na vuravura taucoko. A sa viritaki sobu mai ki vuravura kei ira taucoko sara na nona agilosi.

Vakatakila 13:14

A veika oqo era sa vakacalai kina na tamata kecega e vuravura ena vuku ni veicakacaka mana eso sa vakatarai me kitaka ena mata i koya na i matai ni manumanu rerevaki. A sa kaya vei ira me ra bulia e dua na i vakatakarakara me vakananumi kina na manumanu rerevaki ka sa vakamavoataki ena i seleiwau, ia ka sa bula ga.

Vakatakila 13:3

E vaka me sa mavoa sara koto vakaca e dua vei ira na uluna na manumanu rerevaki oqo, ia sa qai mavo tale na tikina sa mavoa. Era sa kurabui na lewe i vuravura kecega ka ra sa vakamuria na manumanu rerevaki.

Vakatakila 13:8

Ia era na qaravi koya o ira kece sara era tiko e vuravura, ka vakavo ga o ira sa volai na yacadra ni se bera ni tauyavu na vuravura ena i Vola ni Bula ni Lami sa vakamatei.

Vakatakila 17:8

Na manumanu rerevaki o raica a bula tu eliu, e a sa yali mada ka sa vakarau lako cake mai na qara sa sega na botona, ka na lako sara me la'ki vakarusai. Ia o ira sa tiko e vuravura, o ira sa sega ni volai tu na yacadra ena i Vola ni Bula mai na i vakatekivu kei vuravura, era na kurabui ni ra sa vakasarava na manumanu rerevaki. Ni a sa bula taumada tu eliu; sa qai sega tale ni bula tiko oqo, ia ena rairai tale mai.

Vakatakila 19:20

A sa tauri vakavesu na manumanu rerevaki vata kei koya na parofita vakailasu sa dau cakava na veika mana e mata i koya na manumanu rerevaki. (Sa i ira na veika veivakurabuitaki oqo era sa lawakitaki kina o ira sa tu vei ira na maka ni manumanu rerevaki kei ira sa dauqarava na kena i vakatakarakara.) E rau a qai viritaki bulabula ki na drano bukawaqa sa kama tu kina na sulifure oi rau na manumanu rerevaki kei na parofita vakailasu.