Taniela 3:6 - Vakavakadewa Vou kei na iVola tale eso

⁶ Ke dua ena sega ni cuva sobu ka vakarokoroko, ena biu o koya ena siga ga edaidai ki na lovo ni bukawaqa.”

Ai Vola Tabu (Vakadewa Makawa Vakavoutaki 2021)

⁶ Ia ko koya sa sega ni cuva sobu ka vakarokoroko ena biu ga e na tiki-ni-siga ko ya ki na loma ni lovo ni bukawaqa.”

AI VOLA TABU

⁶ ia ko koya sa sega ni bale sobu ka soro ena biu ga e na tiki-ni-siga ko ya ki na loma ni lovo ni buka waqa.

Vakavakadewa Makawa

⁶ ia ko koya sa sega ni cuva sobu ka vakarokoroko ena biu ga e na tiki-ni-siga ko ya ki na loma ni lovo ni bukawaqa.

Ai Vola Tabu Ena Vakavakadewa Vou

⁶ Ke dua ena sega ni cuva sobu ka vakarokoroko, ena biu o koya ena siga ga edaidai ki na lovo ni bukawaqa.”

Taniela 3:6 Iomraidhean Croise

Vakatekivu 19:28

Sa rai sobu vaka ki na koro o Sotoma kei Komora kei na buca taucoko, a vaka na kubou ni dua na lovo vakaitamera.

Lako Yani 20:5

Mo ni kakua ni cuva sobu ki na dua na matakau se mo ni qarava, baleta ni'u sa Kalou vuvu oi au o Jiova na nomuni Kalou. Au sa cudruvi ira era sa cati au, ka'u na sauma na nodra caka ca vei ira na luvedra ka yacova na i katolu kei na i kava ni tabatamata.

Aisea 44:17

Ia sa qai cakava e dua na matakau ena vo ni kau vata ga o ya, ka cuva sobu ka qarava. A sa masuta ka kaya, ‘Sa i kemuni na noqu kalou ni vakabulai au.’

Jeremaia 29:22

Ena gauna era dau vinakata kina na tamata era a kau vakabobula mai Jerusalemi ki Papiloni me yaco e dua na ka ca vua e dua na tamata, era dau kaya, ‘Me vakayacora mada ga vei iko o Jiova me vakataki rau o Setekaia kei Eapi oi rau a tavuni rau bulabula na tui Papiloni ena buka!

Taniela 2:5

A qai kaya vei ira na tamata vuku na tui, “Na noqu lewa sa vakaoqo: Kevaka o ni sega ni tukuna rawa vei au na noqu tadra kei na kena i balebale, o ni na basuraki bulabula ka na caka me benubenu na nomuni veivale.

Taniela 3:11

Ia kevaka e dua e sega ni cuva ka vakarokoroko ki na matakau, sa na biu o koya ki na lovo bukawaqa.

Taniela 3:15

Ia oqo, ena gauna sara ga o dou rogoca kina na domo ni davui, na bitu ni vakatagi, na laya, na tisita, na api kei na i vakatagi tale eso, dou cuva sobu sara ka vakarokoroko ki na matakau. Ia ke sega o dou na viritaki sara ga oqo ki na lovo bukawaqa. Ia o cei na kalou me na vakabula i kemudou rawa mai na ligaqu?

Taniela 3:21

Era a qai vesuki iratou yadudua ni ratou sa vakaisulu vinaka tu — na sote, kote balavu, na i sala, na ka kece — ka viritaki iratou yani ki na loma ni lovo.

Taniela 3:7

O koya oqo, ni tekivu ga na vakatagi, era sa cuva sobu kece sara na duikaikai kei na duivosavosa mai na veivanua me ra vakarokoroko ki na matakau koula.

Taniela 5:19

Sa ka levu na nona kaukauwa kei na qaqa, ka ra sa rere ka sautaninini vua o ira na duikaikai kei na duivosavosa mai na veivanua kecega. Kevaka e via vakamatea o koya e dua na tamata, ena vakayacora ga; kevaka e via vakabula e dua na tamata, ena vakayacora ga. Sa vakalevulevuya se vakalolomataka e dua ga me vaka sa lomana kina.

Taniela 6:7

Oi keimami saka, o iratou na i liuliu, o ira na kovana, na i sosomi ni kovana kei ira na dauvakasala oi keimami na veiliutaki tiko ena nomuni matanitu na tui, keimami sa loma vata ni dodonu mo ni bulia na tui e dua na i vakaro vakalawa se lewa vakaturi ka me vakadonui vakalawa me vaqaqacotaki sara na kena muri. Mo ni vakarota ni sa tabu dredre vua e dua me kerekere vua e dua na kalou se vua e dua na tamata vakavo ga vei kemuni na tui, ka me tolusagavulu na siga na kena dede. O koya ena basuka na lawa oqo me viritaki ki na dua na qara ni laione.

Maciu 13:42

ka ra na biuti ira ki na lovo buka; era na dau tagi kina ka vakasequruquru bati.

Maciu 13:50

ka biuti ira laivi tu ki na lovo buka; era na dau tagi kina ka vakasequruquru bati.

Maciu 4:9

ka qai kaya, “Au na solia vei iko na veika kecega oqo kevaka o cuva sobu ka vakarokoroko vei au.”

Marika 6:27

Sa mani tala yani kina o koya e dua na nona sotia yadra ka vakarota me kauta mai na ulu i Joni. A sa lako na yadra ki na valeniveivesu, a sa musuka laivi na ulu i Joni,

Vakatakila 14:11

Sa kuvu cake tikoga na kubou ni buka era sa vakararawataki kina ka sega ni mudu. Era sa sega ni vakacegu rawa ena siga kei na bogi o ira sa qarava na manumanu rerevaki kei na kena i vakatakarakara, kei koya sa tiko vua na maka ni yacana.”

Vakatakila 9:2

A sa dolava na kalokalo o ya na qara, ka sa lako cake mai kina na kubou sa vaka na kubou ni dua na lovo levu; a sa vakabutobutotaki na matanisiga kei na maliwa lala ena kubou mai na qara.