Taniela 3:22 - Vakavakadewa Vou kei na iVola tale eso

²² Ia me vaka ni rui kaukauwa na lewa ni tui, ka sivia sara na katakata ni lovo, a mani yameci ira kina na tamata era a colati iratou yani ki na lovo na yameyame ni buka.

Ai Vola Tabu (Vakadewa Makawa Vakavoutaki 2021)

²² Ia ni sa duatani na vosa ni tui, ka sa katakata vakalevu sara na lovo, sa ra mate e na yameyame ni bukawaqa ko ira na tamata era biuti iratou kina ko Setareki, kei Mesake, kei Apeteniko.

AI VOLA TABU

²² Ia e na vuku ni vosa ni tui ni sa kaukauwa, kei na lovo ni sa katakata vakalevu sara, o ira na tamata era laveti iratou cake ko Seteraki, kei Meseki, kei Apeti-niko, sa ra vakamatei e na yameyame ni buka waqa.

Vakavakadewa Makawa

²² Ia ni sa dua tani na vosa ni tui, ka sa katakata vakalevu sara na lovo, sa ra mate e na yameyame ni bukawaqa ko ira na tamata era biuti iratou kina ko Setareki, kei Mesaki, kei Apeti-niko.

Ai Vola Tabu Ena Vakavakadewa Vou

²² Ia me vaka ni rui kaukauwa na lewa ni tui, ka sivia sara na katakata ni lovo, a mani yameci ira kina na tamata era a colati iratou yani ki na lovo na yameyame ni buka.

Taniela 3:22 Iomraidhean Croise

1 Tui 13:28

A sa lako o koya ka kunea na yago sa biu no ena sala, ka rau se tucake volekata tikoga na asa kei na laione. Na laione sa sega ni kania na yagona se basuraka na asa.

Lako Yani 12:33

Era a vakatotolotaki ira na Isireli na kai Ijipita me ra biuta na nodra vanua; ka kaya, “Kevaka o ni na sega ni lako, keimami na mate taucoko.”

Vosavakaibalebale 11:8

Sa taqomaki na tamata yalododonu mai na leqa; ia sa yacovi ira ga na tamata ca na leqa.

Vosavakaibalebale 21:18

Ena yacovi ira ga na tamata ca na veika ca era via cakava vei ira na tani.

Taniela 1:7

A qai vakayacani iratou vou tale na cauravou oqo o Asipinasi ena yaca vaka-Papiloni. O Taniela me yacana o Pelitisasari, o Ananaia me o Setareki, o Misaeli me o Mesake, kei Asaraia me yacana o Apeteniko.

Taniela 2:15

A tarogi Erioki o koya ka vaka, “A cava beka na vuna a vakarota kina na tui na lewa kaukauwa vaka oqo?” Sa qai tukuna vei Taniela o koya na veika kece sara a sa yaco oti.

Taniela 6:24

A qai vakarota na tui me ra viritaki kece sara ki na qara ni laione o ira na tamata era a beitaki Taniela, ia me ra viritaki vata kina kei na watidra vata kei na luvedra. Ia ni bera ga ni ra tau vakavinaka yani ki na boto ni qara, era a basuraki ira na laione ka ra musulaka ka qurulaka na suidra.

Maciu 27:5

Sa qai biuta tu ga na i lavo mai Valenisoro o koya; a sa qai lako yani ka kukunataki koya.

Cakacaka 12:19

A sa vakarota o Eroti me ra vakasaqarai koya, ia ni ra sa sega ni kunea, sa qai vaqaqai ira na yadra ka vakarota me ra vakamatei. Ni sa oti oqo, sa qai biuti Jutia o Eroti ka la'ki tiko vakalailai mai Sisaria.