Taniela 3:12 - Vakavakadewa Vou kei na iVola tale eso

¹² Ia e lewe vica saka vei ira na Jiu o Setareki, o Mesake kei Apeteniko, o ni a lesi iratou me ratou liutaka na yasana o Papiloni. O iratou oqo e ratou sa talaidredre tiko ki na nomuni vakaro. E ratou sa sega ni vakarokoroko ki na nomuni kalou, se bau cuva sobu ki na matakau koula ni sa vakaduria tu oqo!”

Ai Vola Tabu (Vakadewa Makawa Vakavoutaki 2021)

¹² Ia sa so na Jiu ko ni sa lesia me ra vakaitavi e na cakacaka ni yasana vaka-Papiloni, ko Setareki, kei Mesake, kei Apeteniko; ko iratou na tamata oqo eratou sa sega ni vakarorogo vei kemuni, na tui. Ka ni ratou sa sega ni qarava na nomuni kalou, ka sega talega ni vakarokorokotaka na matakau koula ko ni sa vakaduria.”

AI VOLA TABU

¹² Sa so na kai Jutia ko sa lesia kina na cakacaka ni yasayasa vaka-Papiloni, me ratou lewa, ko Seteraki, kei Meseki, kei Apeti-niko; o iratou na tamata o qo sa tawa vakarorogo vei iko, na tui: a nomu kalou eratou sa tawa qarava, kei na matakau koula ko sa vakaduria eratou sa tawa sorova.

Vakavakadewa Makawa

¹² Ia sa so na Jiu ko ni sa lesia me ra vakaitavi e na cakacaka ni yasana vaka-Papiloni, ko Setareki, kei Mesaki, kei Apeti-niko; ko iratou na tamata oqo eratou sa sega ni vakarorogo vei kemuni, na tui: ka ni ratou sa sega ni qarava na nomuni kalou, ka sega talega ni vakarokorokotaka na mataka koula ko ni sa vakaduria.

Ai Vola Tabu Ena Vakavakadewa Vou

¹² Ia e lewe vica saka vei ira na Jiu o Setareki, o Mesake kei Apeteniko, o ni a lesi iratou me ratou liutaka na yasana o Papiloni. O iratou oqo e ratou sa talaidredre tiko ki na nomuni vakaro. E ratou sa sega ni vakarokoroko ki na nomuni kalou, se bau cuva sobu ki na matakau koula ni sa vakaduria tu oqo!”

Taniela 3:12 Iomraidhean Croise

Esiteri 3:8

A qai vosa vei Asuerosi na tui o Amani, ka kaya, “E dua saka na mata tamata era a dui se ki na veivanua tani ka ra sa veituyaki ka veicurumaki tu kei keda ena matanitu oqo kei na kena veivanua qali. E dua tani sara ga na nodra i tovo mai vei keda. Era sega talega ni rokova na lawa ni nomuni matanitu na tui. Sa sega kina ni dua na betena mo ni vosota tiko kina na nodra mai tu maliwai keda.

Vosavakaibalebale 27:4

Sa dau veivakarusai ka sega ni dau loloma na cudru, ia o cei ena tiko rawa ena matana na dauvuvu.

Dauvunau 4:4

Au sa kila talega na ka era sa cakacaka vakaukauwa kina na tamata me ra rawa ka: na vuna ga sai koya na nodra gadreva me levu cake na ka e tu vei ira mai na ka era rawata na tani. Ia sa sega talega na kena yaga. Sa vaka ga na via vesuka na cagi.

Taniela 1:7

A qai vakayacani iratou vou tale na cauravou oqo o Asipinasi ena yaca vaka-Papiloni. O Taniela me yacana o Pelitisasari, o Ananaia me o Setareki, o Misaeli me o Mesake, kei Asaraia me yacana o Apeteniko.

Taniela 2:48

A qai solia vei Taniela na tui e dua na i tutu cecere, ka solia talega vua e vuqa na i loloma uasivi. A vakatikori koya me lewa na yasana o Papiloni ka lesi koya talega me liutaki ira na dauvakasala e Papiloni taucoko.

Taniela 2:49

Ena kerekere i Taniela, sa qai lesi iratou o Setareki, o Mesake kei Apeteniko na tui me ratou liutaka na cakacaka vakamatanitu ena yasana o Papiloni ka me tiko ga o Taniela ena valenitui.

Taniela 3:11

Ia kevaka e dua e sega ni cuva ka vakarokoroko ki na matakau, sa na biu o koya ki na lovo bukawaqa.

Taniela 3:16

E ratou a qai sauma na vosa ni tui o Setareki, o Mesake kei Apeteniko, ka kaya, “Oi Kemuni Nepukanesa na tui, keitou na sega ni tovolea me keitou taqomaki keitou mai na veika oqo.

Taniela 3:29

Ia oqo, au sa vakaroti kemuni na duikaikai kei na duivosavosa mai na veivanua, ni kevaka e dua e vosa beca na nodratou Kalou o Setareki, Mesake kei Apeteniko, sa na basuraki bulabula o koya ka basuraki talega na nona vale me rusa vakadua. Sa segasega sara ni dua tale na kalou e rawa ni veivakabulai me vakaoqo.”

Taniela 3:30

Sa qai solia na tui na i tutu cecere cake ena yasana o Papiloni me nodratou o Setareki, o Mesake kei Apeteniko.

Taniela 6:13

Era a qai kaya vua na tui, “O Taniela saka, e dua vei ira na kau vakabobula mai Juta, sa sega ni dokai kemuni na tui se muria na lawa o ni a virikotora. Sa masu tiko vakatolu ena veisiga o koya vua na nona Kalou.

Taniela 6:14

Ni sa rogoca na tui na ka oqo, a taqaya vakalevu na lomana, ka tovolea me vakasaqara e dua na sala me vakabulai Taniela kina. A tovolea tiko oqo me yacova na dromu ni siga.

Cakacaka 17:7

ka qai mai maroroi iratou o Jesoni. Era veisaqasaqa tiko o ira kece oqo kei na lewa nei Sisa, ni ra kaya voli ni sa tiko tale e dua na tui e yacana o Jisu!”

Cakacaka 5:28

ka kaya, “Keimami a sega beka li ni vakaroti kemudou matua sara mo dou kakua tale ni veivakatavulici ena yaca oqo? Ia oqo, sa roboti Jerusalemi na nomudou i vakavuvuli, ka o dou sa mai via beitaka tiko vei keimami na mate ni tamata oqo!”