Taniela 2:44 - Vakavakadewa Vou kei na iVola tale eso

⁴⁴ Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Ai Vola Tabu (Vakadewa Makawa Vakavoutaki 2021)

⁴⁴ Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa, ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

AI VOLA TABU

⁴⁴ Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni ca rawa: ia na matanitu ko ya ena sega ni vakalaivi vei ira na tamata tani, ena vurumemea ga ka vakaotia na veimatanitu o qori, ena tu talega ka tawa mudu.

Vakavakadewa Makawa

⁴⁴ Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa: ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

Ai Vola Tabu Ena Vakavakadewa Vou

⁴⁴ Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Taniela 2:44 Iomraidhean Croise

Vakatekivu 49:10

O Juta ena taura na i titoko tabu ni veiliutaki, O ira na nona kawa era na dauveiliutaki tikoga. Era na dauvakacerecerei koya na veimatanitu e vuqa, Ka cuva sobu ena vakarokoroko e matana.

2 Samuela 7:13

O koya oqo ena qai tara na noqu vale, ka'u na vakataudeitaka na veiliutaki vakatui ni nona kawa ka tawa mudu.

2 Samuela 7:16

Na nomu mataqali kei na nomu matanitu ena vakataudeitaki e mataqu, ka sega ni oti. Ena vakataudeitaki ka tawa mudu na nomu i tikotiko vakatui.’ ”

NA SAME 145:13

Sa sega ni yalani na nomuni matanitu, Ka o ni na tui tikoga ka sega ni mudu.

Aisea 60:12

Ia na matanitu ena sega ni qaravi iko Ena vakarusai vakadua sara.

Isikeli 37:25

Era na tiko ga ena vanua ka'u sa solia vua na noqu tamata o Jekope, na vanua era sa tiko kina na nomuni qase; ka ra na tiko kina, kei ira na luvedra, kei na makubudra, ka sega ni mudu.

Taniela 2:28

Ia e dua ga na Kalou e tiko mai lomalagi sa dau vakatakila na veika sa vuni tu. Na Kalou ga oqo a vakaraitaka vei kemuni, Nepukanesa na tui, na ka ena yaco ena gauna mai muri. Ia na tadra se raivotu o ni a raica ni o ni a moce koto sa vakaoqo:

Taniela 2:34

Ia ni o ni a vakaraica tu na matakau o ya, a qai tatiki ga mai vakaikoya e dua na vatu levu ka lauta na matakau ka vorolaka vakamatailalai na yavana ka veiwaki tu ena kaukamea kei na qele.

Taniela 2:35

A mani vurumemea kina vakadua na kaukamea, na qele ni tuli kuro, na parasa, na siliva kei na koula ka yaco me tautauvata kei na qa ni raisi ena kena i qaqi ena vula i katakata. Era a dui cagina ka yali vakadua yani. A qai tubu na vatu a vorolaka na matakau me dua na ulunivanua ka robota na vuravura taucoko.

Taniela 2:37

O kemuni na tui, o ni rogo ka qaqa duadua vei kemuni kecega na tui. Sa buli kemuni o koya na Kalou ni lomalagi mo ni tui ka solia vei kemuni na kaukauwa, na qaqa kei na dokai.

Taniela 2:43

O ni a raica ni rau veiwaki na kaukamea kei na qele. O ira na tui ni matanitu oqo era na tovolea me ra tiko veilomani ena nodra veiwatini veicurumaki vakai ira, ia era na sega ga ni rawata, me vaka ga ni rau sega ni cokovata rawa na kaukamea kei na qele.

Taniela 4:3

Sa rui veivakadrukai ka veivakurabuitaki na ka e vakaraitaka vei keda na Kalou! Sa rui kaukauwa na veicakacaka mana a cakava o koya! Sa na tui na Kalou ka sega ni mudu; sa na veiliutaki o koya ena veigauna kecega.

Taniela 4:34

“Oi au o Nepukanesa. Ni sa oti e vitu na yabaki, ni'u a tu ka rai cake ki lomalagi, a qai lesu tale mai vei au na noqu vakasama vakatamata. Au a vakavinavinaka vua na Kalou Cecere ka'u a vakarokoroko vua ka vakalagilagi koya sa bula tikotiko ga ka sega ni mudu. “Sa na tui tikoga o koya ka sega ni mudu, Ka sa na bula tu ga na nona matanitu ena veigauna kecega.

Taniela 6:26

Au sa vakaroti kemuni yani oqo na tamata yadua mai na veiyasana kecega ena noqu matanitu mo ni rerevaka ka rokova na Kalou i Taniela. “A Kalou bula o koya Ka na tui tikoga ka sega ni mudu. Ena sega ni vakarusai rawa na nona matanitu Ka na sega ni oti rawa na nona kaukauwa.

Taniela 6:27

Sa veivakabulai ka veivueti; Sa cakava na veika e veivakurabuitaki kei na cakacaka mana Mai lomalagi kei vuravura. Sa vakabulai Taniela mai na nodra kaukauwa na laione.”

Taniela 7:27

Ena qai soli vei ira na tamata ni Kalou Cecere na nodra kaukauwa kei na veika cecere ni veimatanitu kecega e vuravura. Ia na nodra kaukauwa sa na sega ni oti rawa, ia o ira na veituraga kecega era na talairawarawa me qaravi ira na tamata ni Kalou cecere.”

Taniela 8:25

Ena cakacaka vaqaseqase o koya me veirawai sara vakalevu na nona vere ca; ena nona nanuma, sa tamata yaco ka levu talega o koya, ka na vakarusa e lewe vuqa na tamata ni sega ni bau vakasala taumada vei ira. Ena vakalevulevui koya sara talega vua na Turaga ni veituraga kecega. Ia, ena qai muduki ga o koya, ka sega ena kaukauwa vakatamata.

Maika 4:7

Era sa lokiloki ka ra tu yawa mai na nodra vanua, ia ka'u na tauyavutaki ira tale na vo-ni-bula ena dua na i tekitekivu vou. Au na qai liutaki ira ena Ulunivanua o Saioni mai na gauna o ya ka tawa mudu.”

Akeai 2:22

ka vakatoboicutaka na veimatanitu ka muduka vakadua na nodra kaukauwa. Au na vukici ira sobu na qiqinivalu kei ira na kedra i vakatawa; era na mate na ose ka ra na veivakamatei vakai ira o ira na dauvodo ose.

Akeai 2:7

Au na vakatoboicutaka na veimatanitu kecega, ena qai kau mai ki ke na nodra i yau talei, ka me mai tawa na Valenisoro ena i yau.

Maciu 28:18

Sa qai toro voleka mai o Jisu ka tukuna vei iratou, “Sa soli mai vei au na kaukauwa kecega mai lomalagi kei vuravura.

Joni 12:34

Era sa qai kaya vua na lewe vuqa, “Keimami sa rogoca mai na Lawa ni na bula ka tawamudu na Mesaia. Ia, o qai kaya ga vakacava ni na laveti cake na Luve ni Tamata? O cei sara mada na ‘Luve ni Tamata’ oqo?”

Iperiu 12:28

O koya oqo me da ia kina na vakavinavinaka, baleta ni sa soli me noda na matanitu sa sega ni vakayavalati rawa. Me da marau ka cuva vua na Kalou ena sala sa lomavinaka kina o koya, ena vakarokoroko kei na rere;

Vakatakila 11:15

A sa qai uvuca na i kavitu ni agilosi na nona davui, ka sa rogo levu mai lomalagi na veidomo eso, era sa kaya, “Na kaukauwa ni lewa me baleti vuravura sa qai yaco oqo me nona na noda Turaga kei na nona Karisito, ka na veiliutaki tikoga o koya ka sega ni mudu!”

Vakatakila 2:27

Au na solia vei ira na kaukauwa me ra lewa na veimatanitu, me ra lewai ira ena i titoko kaukamea ka vorolaki ira me vaka sa vakavurumemeataki na kuro qele.