Taniela 2:4 - Vakavakadewa Vou kei na iVola tale eso

⁴ Era a qai sauma na vosa ni tui ena vosa vaka-Arameka, ka ra kaya, “Mo ni bula na tui, ka sega ni mudu! Ni tukuna saka mai na nomuni tadra, ka keimami na qai vakamacalataka vei kemuni na kena i balebale.”

Ai Vola Tabu (Vakadewa Makawa Vakavoutaki 2021)

⁴ Era sa qai kaya vua na tui ko ira na kai Kalitia e na vosa vaka-Arameka, “Mo ni bula, na tui, ka sega ni mudu! Mo ni tukuna mai na tadra kivei keitou na nomuni tamata, keitou na qai vakatakila na kenai balebale.”

AI VOLA TABU

⁴ Era sa qai vosa na kai Kalitea vua na tui e na vosa vaka-Siria, Mo bula, na tui, ka tawa mudu: mo tukuna mai na tadra ki na nomu tamata, keitou na qai vakatakila na kenai balebale.

Vakavakadewa Makawa

⁴ Era sa qai kaya vua na tui ko ira na kai Kalitia e na vosa vaka-Siria, Mo ni bula, na tui, ka sega ni mudu: mo ni tukuna mai na tadra kivei keitou na nomuni tamata, keitou na qai vakatakila na kenai balebale.

Ai Vola Tabu Ena Vakavakadewa Vou

⁴ Era a qai sauma na vosa ni tui ena vosa vaka-Arameka, ka ra kaya, “Mo ni bula na tui, ka sega ni mudu! Ni tukuna saka mai na nomuni tadra, ka keimami na qai vakamacalataka vei kemuni na kena i balebale.”

Taniela 2:4 Iomraidhean Croise

Vakatekivu 31:47

A sa vakatoka o Lepani me yacana o Jikari Saetuca; ia o Jekope sa vakatoka me yacana o Kaleti.

Vakatekivu 41:8

Ia ni sa mataka mai na vanua, a sa lomaleqa sara vakalevu. Sa qai talatala yani me ra lako kece mai na daucakamana kei na tamata vuku mai Ijipita. Sa qai kaya vei ira na nona tadra, ia sa sega sara ni dua me kaya rawa vua na kena i balebale.

1 Tui 1:25

Ni sa lako sobu edaidai o koya, ka sa vakamatea e levu na bulumakau, na manumanu uro, kei na vuqa na sipi. A sa qai kacivi ira kecega na luvena na tui, o Joape na komada ni mataivalu, o Epaiaca na bete; ka ra sa kana ka gunu vata tiko ena marau ena gauna sara ga oqo, ka kailavaka voli, ‘Me bula balavu na tui o Atonaija!’

1 Tui 1:31

A sa vakacuva sobu na uluna o Vaciseva ena vakarokoroko vua na tui, ka kaya, “Me bula balavu na noqu turaga o Tevita na tui!”

2 Tui 18:26

E ratou a qai kaya vua na turaganivalu ni Asiria o Elaiakimi na luve i Ilikaia, kei Sepina, kei Joa, “Kerekere, mo ni vosa mada vaka-Arameka vei keitou baleta ni keitou kila na vosa oqori. Ia mo ni kakua ga ni vosa vakaiperiu baleta ni ra na rogoca ka kila na tamata kece era tiko ena dela ni bai.”

Esera 4:7

E dua tale, o ya ena gauna ni veiliutaki vakatui Perisia nei Atakisekise, a ratou volavola vua na tui o Pisalami, kei Miciritaci, vata kei Tapeli. A volai na i vola oqo ena vosa vaka-Arameka ka me qai vakadewataki ena gauna e wiliki kina.

Niemaia 2:3

ka'u mani kaya kina vua na tui, “Mo ni bula tawa yalani na tui! Me'u qai sega li ni mata rarawa vakaevei ni sa vakarusai tu na koro era sa bulu tu kina na noqu qase ka sa vakacacani ena kama na kedra matamata ni koro?”

Aisea 36:11

Ia e ratou a qai kaya o Iliakimi, Sefina, kei Jioa vua na vakailesilesi ni Asiria, Mo vosa mai vei keitou ena vosa vaka-Aramea. Keitou kila na vosa o ya. Kakua ni vosa vaka-Iperiu baleta ni ra vakarorogo kece tu oqo na tamata ena bai.

Aisea 44:25

Au sa vakalialiai ira era dautukuna na veika ena yaco mai Ka vakacacana na nodra yalayala na daurairai. Au sa vakalasuya na nodra vosa na vuku.

Taniela 1:4

O ira oqo me ra cauravou rairai vinaka, bulicaki vinaka, yalomatua, i tovo vinaka ka totolo ena vuli, ka me rawa ni ra rawata na cakacaka ni tiko vakavuli me ra na dauvakasala vua na tui. Ia me i tavi sara ga nei Asipinasi me vakatavulici ira ena vosa, na wili i vola kei na volavola vaka-Papiloni.

Taniela 2:7

Era a qai sauma tale na tamata vuku na vosa ni tui, ka kaya, “Mo ni tukuna mai vei keimami se cava o ni a tadra, keimami na qai vakaibalebaletaka vei kemuni.”

Taniela 3:9

Era a kaya vei Nepukanesa na tui, “Mo ni bula na tui ka sega ni mudu.

Taniela 4:19

A sa lomaleqa o Taniela, ka yacana talega o Pelitisasari, ka sa sega ni tukuna rawa e dua na ka. A qai kaya vua na tui, “I Pelitisasari, mo kakua ni lomaleqataka na tadra kei na i kena i balebale.” A qai sauma na vosa ni tui o Pelitisasari, ka kaya, “Kemuni na tui, au diva ga me kakua ni baleti kemuni na nomuni tadra kei na kena i balebale, ka me baleti ira ga na kemuni meca.

Taniela 4:7

Era a qai soqoni kece mai na daukilakila, na daucaka mana, na tamata vuku kei ira na dautukuni kalougata. Au a tukuna vei ira na noqu tadra, ia era a sega ni tukuna rawa vei au na kena i balebale.

Taniela 4:9

Au a kaya vua, “I Pelitisasari, na nodra ka levu na daukilakila. Au kila ni sa tiko vei iko na yalodra na Kalou tabu, ka o sa kila na veika vuni kecega. Sa i koya oqo na noqu tadra, ia mo tukuna vei au na kena i balebale:

Taniela 5:10

Ia a rogoca na marama tina ni tui na nodra maue na tui kei ira na nona vakailesilesi turaga, ka mani curu yani vei ira ki na loma ni olo ni veivakamarautaki. A sa kaya na Ranadi, “Mo ni bula na tui ka sega ni mudu! Ni kakua ni kidroa se rairai vulaci mai.

Taniela 5:8

Era a yaco kece yani na dauvakasala ni tui, ia e a sega sara ni dua vei ira e wilika rawa na volavola se tukuna na kena i balebale vua na tui.

Taniela 6:21

A sauma o Taniela, ka kaya, “Mo ni bula na tui, ka sega ni mudu!

Taniela 6:6

Era a qai la'ki raica na tui ka kaya vua, “I Taraiasi na tui, mo ni bula ka sega ni mudu!

Taniela 6:7

Oi keimami saka, o iratou na i liuliu, o ira na kovana, na i sosomi ni kovana kei ira na dauvakasala oi keimami na veiliutaki tiko ena nomuni matanitu na tui, keimami sa loma vata ni dodonu mo ni bulia na tui e dua na i vakaro vakalawa se lewa vakaturi ka me vakadonui vakalawa me vaqaqacotaki sara na kena muri. Mo ni vakarota ni sa tabu dredre vua e dua me kerekere vua e dua na kalou se vua e dua na tamata vakavo ga vei kemuni na tui, ka me tolusagavulu na siga na kena dede. O koya ena basuka na lawa oqo me viritaki ki na dua na qara ni laione.

Maciu 21:9

Ia o ira na lewe vuqa era liu tiko kei ira era muri, era sa qai kacivaka, “Osana vua na Luve i Tevita! Me vakacaucautaki o koya sa lako mai ena yaca ni Turaga! Osana ena veiyasana cecere sara!”

1 Samuela 10:24

A qai vosa vei ira na tamata kecega o Samuela, ka kaya, “Mo ni raica mada na tamata ka sa digitaka o Jiova; ena sega tale ni dua me tautauvata kaya ena matanitu taucoko oqo.” Era qai kaila ni veitokoni vua o ira na tamata kecega, ka kaya, “Me bula balavu na tui!”