Taniela 2:23 - Vakavakadewa Vou kei na iVola tale eso

²³ Kemuni saka na nodra Kalou na noqu qase, au sa vakavinavinaka ka vakarokoroko vei kemuni. O ni sa solia vei au na vuku kei na kaukauwa; O ni sa sauma mai na noqu masu Ka vakaraitaka vei keitou na ka me keitou la'ki tukuna vua na tui.”

Ai Vola Tabu (Vakadewa Makawa Vakavoutaki 2021)

²³ Au sa vakavinavinaka vei kemuni, na Kalou ni noqu qase, ka vakacaucautaki kemuni, ni kemuni sa solia vei au na vuku kei na kaukauwa, ka sa vakatakila vei au oqo na ka keitou a kerea vei kemuni, ni kemuni sa vakatakila vei keitou na ka sa vakarota na tui.”

AI VOLA TABU

²³ Sai iko na Kalou ni noqu qase, kaʼu sa vakacaucautaka, ka vosavakalougatataka, ni ko sa solia vei au na vuku kei na kaukauwa, a sa vakatakila vei au o qo na ka keitou a kerea vei iko: ni ko sa vakatakila vei keitou na ka o qo nei koya na tui.

Vakavakadewa Makawa

²³ Au sa vakavinavinaka vei kemuni na Kalou ni noqu qase, ka vakacaucautaki kemuni, ni kemuni sa solia vei au na vuku kei na kaukauwa, ka sa vakatakila vei au oqo na ka keitou a kerea vei kemuni: ni kemuni sa vakatakila vei keitou na ka sa bale vua na tui.

Ai Vola Tabu Ena Vakavakadewa Vou

²³ Kemuni saka na nodra Kalou na noqu qase, au sa vakavinavinaka ka vakarokoroko vei kemuni. O ni sa solia vei au na vuku kei na kaukauwa; O ni sa sauma mai na noqu masu Ka vakaraitaka vei keitou na ka me keitou la'ki tukuna vua na tui.”

Taniela 2:23 Iomraidhean Croise

Vakatekivu 18:17

A sa kaya e lomana na Turaga, “Me'u na vunitaka li vei Epara-ama na ka au sa vakarau cakava?

Vakatekivu 31:42

Kevaka me a sega ni tiko kei au na Kalou ni noqu qase, na Kalou i tamaqu, na Kalou sa dau qarava o Aisake, ke rairai o a vakatalai au tani yani ena liga lala. Ia sa raica na Kalou na noqu rarawa kei na cakacaka ka'u sa cakava, ka sa vunauci iko kina ena bogi.”

1 Tui 18:36

Ena gauna a vakacabori kina na i soro ena yakavi, a toro voleka kina o Ilaijia na parofita, ka kaya, “Oi kemuni Jiova, na Kalou i Epara-ama, Aisake kei Isireli, me kilai mada ena siga oqo ni o ni sa Kalou ni Isireli, au sa nomuni tamata talega, ka sa nomuni vosa au sa cakava kina na ka kecega oqo.

1 Tui 8:57

Me tiko ga kei keda o Jiova na noda Kalou, me vaka a tiko kei ira na noda qase; me kakua mada ga ni biuti keda, se lako tani mai vei keda;

1 Veigauna 29:10

A sa ia na vakavinavinaka vei Jiova o Tevita na tui e matadra na lewenivanua era sa soqoni vata. A sa kaya, “Kemuni Jiova na Kalou ni neimami qase o Jekope, mo ni sa vakarokorokotaki tikoga ka tawa mudu!

1 Veigauna 29:13

Ia oqo, kemuni na neimami Kalou, sa ka levu na neimami vakavinavinaka vei kemuni, ka sa vakacaucautaki na yacamuni dokai.

2 Veigauna 20:6

ka kaya, Kemuni Jiova na nodra Kalou na neimami qase, o ni sega li ni Kalou mai lomalagi? O ni sega li ni lewa na veimatanitu kecega ena veivanua? Sa koto e ligamuni na kaukauwa kei na qaqa, ka sega kina ni dua me vorati kemuni rawa.

NA SAME 21:2

O ni a solia vua na veika e gadreva; Ka solia vua na ka e kerea.

NA SAME 21:4

E a kerea me bula, ka o ni a solia vua, Na bula balavu ka sega ni mudu.

NA SAME 25:14

O Jiova sa nodra i tokani era talairawarawa vua, Ka sa vakatavulici vei ira na nona veiyalayalati.

NA SAME 50:14

Ni cakava na vakavinavinaka me nomuni soro vua na Kalou, Ka solia vua sa Cecere sara na veisolisoli o ni sa yalataka.

Lako Yani 3:15

A sa kaya tale vei Mosese na Kalou, “Mo tukuna vakaoqo vei ira na Isireli, ‘O Jiova, na nodra Kalou na nomuni qase, na Kalou i Epara-ama, na Kalou i Aisake kei na Kalou i Jekope sa talai au mai vei kemuni; sai koya oqo na yacaqu ka tawa mudu, ka sai koya oqo na noqu i tutu ena veitabatamata kecega.

Vosavakaibalebale 21:22

Na tamata yalomatua sa vakadruka rawa na nodra koro na qaqa, ka talaraka sobu na veiyavu kaukauwa era dauvakararavi kina.

Vosavakaibalebale 24:5

Sa uasivi cake na vuku kei na kila-ka mai na kaukauwa.

Vosavakaibalebale 8:14

Au sa dau tuvatuva-ka, ka'u sa vakayacora na kena cakacaka. Sa tu vei au na kila-ka, ka'u sa kaukauwa talega.

Dauvunau 7:19

E levu na ka e rawa ni cakava na vuku vua e dua na tamata mai na ka e rawa ni ratou cakava e lewe tini na i liuliu me baleta e dua na koro.

Dauvunau 9:16

Au dau kaya tikoga ni uasivi cake na yalomatua mai na kaukauwa, ia sa sega ni dua me nanuma me dua na tamata dravudravua e tamata vuku se me dua e via rogoca na ka e tukuna.

Dauvunau 9:18

E levu cake na ka e rawa ni cakava o yalomatua mai na i yaragi, ia e dua na tamata cala sa rawa ni vakacacana e vuqa na ka vinaka.

Aisea 12:1

Ena yaco mai na siga era na lagata kina na tamata; “Au na vakacaucautaki kemuni Jiova! O ni a cudruvi au, ia oqo o ni sa vakacegui au Ka sa oti na nomuni cudru.

Jeremaia 33:3

Mo kaci mai vei au, ka'u na rogo yani vei iko, ka'u na tukuna vei iko na veika talei ka veivakurabuitaki o se sega ni bau kila.

Taniela 1:17

Sa qai solia na vuku kei na kila ka kece vaka-Papiloni na Kalou vei iratou na cauravou e lewe va oqo, ka sa solia talega vei Taniela me dau vakamacalataka na i balebale ni tadra kei na raivotu kecega.

Taniela 2:18

A qai vakaroti iratou matua o koya me ratou masu ka kerea na Kalou ni lomalagi me yalo loloma ka vakatakila vei iratou na ka vuni oqo me ratou kakua kina ni vakamatei kei ira na dauvakasala ni tui ena vanua o Papiloni.

Emosi 3:7

E dina sara, ni sa sega mada ni vakayacora e dua na ka na Turaga o Jiova kevaka e sega mada ni se vakaraitaka na nona i naki vei ira na nona tamata na parofita.

Maciu 11:25

Ena gauna o ya sa qai vosa o Jisu ka kaya, “Au sa vakavinavinaka vei kemuni, Tamaqu, na Turaga ni lomalagi kei vuravura, ni o ni sa vunia na veika oqo vei ira na vuku kei ira na kila-ka, ka vakatakila ga vei ira na gone lalai:

Luke 10:21

Ena gauna vata ga o ya, sa vakasinaiti koya ena reki na Yalo Tabu ka sa kaya, “Au sa vakavinavinaka vei kemuni Tamaqu, na Turaga ni lomalagi kei vuravura, ni o ni sa vunia na veika oqo vei ira na vuku kei ira na kila-ka, ka vakatakila ga vei ira na gone lalai. Io, Tamaqu, ni sa vaka oqori na i naki ni lomamuni.

Joni 11:41

Era sa qai kauta tani na vatu. Sa qai tacake o Jisu, ka kaya, “I Tamaqu, au sa vakavinavinaka vei kemuni ni o ni sa rogoci au.

Joni 15:15

Au sa sega ni vakatokai kemudou tale mo dou noqu bobula, baleta ni sa sega ni dau kila na bobula na ka e cakava tiko na nona turaga; ia ka'u sa vakatokai kemudou mo dou noqu i tokani voleka sara, baleta ni'u sa vakatakila vei kemudou na ka kecega au sa rogoca mai vei Tamaqu.

Vakatakila 1:1

Sa volai ena i vola oqo na i tukutuku ni veika sa vakatakila o Jisu Karisito. Sa solia vua na Kalou na veika sa rairai mai oqo me vakaraitaka na veika sa voleka ni yaco mai vei ira na nona tamata. A sa vakaraitaka na Karisito na veika oqo ni sa tala yani na nona agilosi vua na nona dauveiqaravi o Joni,

Vakatakila 5:5

Sa qai kaya vei au e dua vei ira na qase, “Kakua ni tagi! Raica! O koya na Laione ni yavusa i Juta, na kawa vakaturaga i Tevita, sa rawata o koya na qaqa, ni sa rawa vua me cecega na drega e vitu ka tevuka na i vola vivigi.”