Taniela 2:22 - Vakavakadewa Vou kei na iVola tale eso

²² Sa vakaraitaka na veika sa titobu ka vuni tu, Ka sa kila na ka sa vunitaki tu ena butobuto; Sa vakavolivoliti koya na rarama.

Ai Vola Tabu (Vakadewa Makawa Vakavoutaki 2021)

²² Sa vakaraitaka ko koya na ka titobu ka vuni tu; sa kila ko koya na ka sa tiko e na butobuto, ia na rarama sa tiko ga vua.

AI VOLA TABU

²² sa vakaraitaka ko koya na ka titobu ka vuni: sa kila ko koya na ka sa tiko e na butobuto, ia na rarama sa tiko ga vua.

Vakavakadewa Makawa

²² sa vakaraitaka ko koya na ka titobu ka vuni tu: sa kila ko koya na ka sa tiko e na butobuto, ia na rarama sa tiko ga vua.

Ai Vola Tabu Ena Vakavakadewa Vou

²² Sa vakaraitaka na veika sa titobu ka vuni tu, Ka sa kila na ka sa vunitaki tu ena butobuto; Sa vakavolivoliti koya na rarama.

Taniela 2:22 Iomraidhean Croise

Vakatekivu 41:16

Sa qai sauma o Iosefo ka kaya, “E sega ni o au; ia na Kalou ga ena vakatakila vua na tui na i balebale ni nona tadra.”

Jope 12:22

E vakacilava yani o koya na rarama ki na veivanua ni yaloyalo ni mate.

Jope 26:6

Sa tadola tu vua na Kalou na nodra vuravura na mate; Ka segai na i ubi me vakalatia na nona raica yani.

NA SAME 104:2

O ni sa vakaisulutaki kemuni ena rarama me vaka na i sulu. O ni sa tevuka yani na lomalagi me vaka e dua na valelaca.

NA SAME 25:14

O Jiova sa nodra i tokani era talairawarawa vua, Ka sa vakatavulici vei ira na nona veiyalayalati.

NA SAME 36:9

Sa i kemuni sa vakavuna na bula kecega, Ka keimami sa raica rawa na rarama mai na nomuni rarama.

Dauvunau 8:1

O cei li sa vakataki koya na tamata vuku? Ia o cei sa kila na i balebale ni ka? Na vuku e sa vakavuna me serau na mata, Ka veisautaka na kaukauwa ni mata me malumu mai.

Aisea 41:22

Ni lako mai ka mai tukuna na veika e yaco. Mo ni mai vakamacalataka mada na veika sa yaco oti Ka tukuna vei keda na ka ena yaco mai Me da kila tiko ni sa na yaco mai.

Aisea 41:26

O cei vei kemuni sa tukuna na ka oqo ni sa bera ni yaco Se yalataka ni na yaco mai na ka oqo, Me keimami kaya kina ni sa dina? E sega ni bau dua vei kemuni e kaya e dua na ka e baleta na ka oqo. Ka sega tale ni bau dua e rogoca na domomuni.

Aisea 42:9

Na veika au a yalataka era sa yaco. Ia oqo au sa na tukuna vei kemuni eso na ka vou Ni ra sa bera ni yaco mai.

Aisea 45:7

Au sa bulia na rarama kei na butobuto; Ka'u kauta mai na veivakalougatataki kei na veivakarusai. Au sa cakava na ka kecega oqo oi au o Jiova.

Jeremaia 23:24

Ena sega ni dro rawa na tamata me na vunitaki koya ena dua na vanua me'u na sega ni kunei koya kina. O ni sega beka li ni kila ni'u sa tiko oi au ena veiyasana kecega mai lomalagi kei vuravura?

Jeremaia 33:3

Mo kaci mai vei au, ka'u na rogo yani vei iko, ka'u na tukuna vei iko na veika talei ka veivakurabuitaki o se sega ni bau kila.

Taniela 2:11

Na ka o ni vinakata tiko na tui sa rui dredre ka na sega ni dua e rawata, qai vakavo ga o ira na kalou; ia o ira oqo era sega ni tamata me ra tiko kei keda”

Taniela 2:19

Ia ena bogi tikoga ni siga o ya, a vakaraitaki kina vei Taniela na ka vuni oqo ena dua na raivotu. A qai vakavinavinaka vua na Kalou ni lomalagi o Taniela, ka vaka:

Taniela 2:47

A qai kaya na tui vei Taniela, “Sa uasivi ka kaukauwa duadua na nomu Kalou vei ira na kalou tale eso, na nodra Turaga na tui kecega, o koya sa dau vakatakila na veika vuni.”

Taniela 5:11

E tiko voli ena nomu matanitu e dua na tamata ka tiko vua na yalodra na kalou tabu. Ni a tui tiko na tamamuni, a kunei na tamata oqo ni sa yalomatua ka kila-ka, ka vuku sara me vaka na nodra vuku na kalou. Sa qai lesi koya na tamamuni, o Nepukanesa na tui, me nodra i liuliu na daukilakila, na daucaka mana, na vuku kei ira na dautukuna na kalougata.

Taniela 5:14

Au rogoca ni tiko vei iko na yalodra na kalou tabu, ka o sa matai sara, ka kila-ka, ka vuku.

Maciu 13:13

Sa i koya oqo au vosa tiko kina vei ira ena vosa vakatautauvata, me ra rai tu ka sega ni kunea, ka rogo tu ka sega ga ni kila.

Joni 1:9

Sa i koya ga oqo na rarama dina, na rarama sa lako mai ki vuravura ka sa cilava na tamata kecega.

Joni 21:17

A sa taroga tale, “I Saimoni na luve i Jona, o sa lomani au se segai?” Sa rarawa na loma i Pita ni sa kena i katolu na nona taroga vua, “O sa lomani au, se segai?” A mani kaya vua, “Kemuni na Turaga, o ni sa kila na ka kecega, o ni sa kila ni'u sa lomani kemuni!” A qai kaya vua o Jisu, “Vakani ira na noqu sipi.

Joni 8:12

Sa qai vosa tale vei ira na Farisi o Jisu, ka kaya, “Oi au na rarama kei vuravura. O koya yadua sa muri au ena tiko vua na rarama ni bula ka na sega ni lako ena butobuto.”

1 Korinica 4:5

O koya oqo mo ni kakua kina ni vakalewa e dua na tamata ni se bera na kena gauna. Me tu vakawawa ga na i otioti ni veilewai me yacova na nona lako mai na Turaga. Ena vakaraitaka mai o koya na veika sa vunitaki tu ena butobuto, ka vakatakila mai na i naki ni lomadra na tamata. Ia sa na qai solia na Kalou ki na tamata yadua na veivakacaucautaki sa veiganiti kaya.

Efeso 3:5

Na ka sa sega mada ni bau vakaraitaka vei ira na tamata ena veitabatamata eliu ia sa qai vakatakila mai oqo ena Yalo Tabu vei ira na nona i apositolo tabu kei ira na nona parofita.

Vakarua 29:28

A sa qai tubu cake ga na cudru i Jiova, ka sa cavuraki ira tani kina mai na nodra vanua ena dela ni nona cudru waqawaqa ka viritaki ira yani ki na dua na matanitu tani, ka ra sa tiko voli kina edaidai.’

1 Timoci 6:16

O koya duadua ga sa tu vua na bula tawamudu ka sa tiko ena rarama sa sega ni torovi rawa. Ni sa sega na tamata sa raici koya oti se me na raici koya rawa. Me nona ga na vakarokoroko kei na lewa tawamudu! Emeni.

Iperiu 4:13

Sa sega ni dua na ka me vunitaki rawa vua na Kalou; ia sa laurai ga e matana votu na veika buli kecega, ka sa tevuki vakavinaka sara e matana. Ni sai koya ga eda na vakatusa vua na veika me baleti keda.

Jemesa 1:17

Sa lako mai lomalagi na i loloma vinaka kei na i solisoli uasivi kecega; sa lako sobu mai vua na Kalou, o koya sa bulia na rarama vakalomalagi. Sa sega ni dauveivukiyaki o koya me vaka na kena dau veitosoyaki na i yaloyalo ni dua na ka.

1 Joni 1:5

Sa i koya oqo na i tukutuku keitou sa rogoca mai vua na Luvena, ka keitou sa tukuna yani oqo vei kemuni: ni sa rarama na Kalou, ka sa sega sara vua na butobuto.