Taniela 2:11 - Vakavakadewa Vou kei na iVola tale eso

¹¹ Na ka o ni vinakata tiko na tui sa rui dredre ka na sega ni dua e rawata, qai vakavo ga o ira na kalou; ia o ira oqo era sega ni tamata me ra tiko kei keda”

Ai Vola Tabu (Vakadewa Makawa Vakavoutaki 2021)

¹¹ Ia na ka ko ni sa taroga na tui sa dredre, a sa sega e dua e vakatakila rawa vei kemuni na tui, o ira ga na kalou, era sega ni tiko vata kei na tamata.

AI VOLA TABU

¹¹ Ia na ka sa taroga na tui sa dredre, a sa sega tale e vakatakila rawa e na mata ni tui, o ira ga na kalou, era tawa tiko vata kei na tamata.

Vakavakadewa Makawa

¹¹ Ia na ka ko ni sa taroga na tui sa dredre, a sa sega e dua e vakatakila rawa vei kemuni na tui, o ira ga na kalou, era sega ni tiko vata kei na tamata.

Ai Vola Tabu Ena Vakavakadewa Vou

¹¹ Na ka o ni vinakata tiko na tui sa rui dredre ka na sega ni dua e rawata, qai vakavo ga o ira na kalou; ia o ira oqo era sega ni tamata me ra tiko kei keda”

Taniela 2:11 Iomraidhean Croise

Vakatekivu 41:39

Sa qai kaya na tui vei Iosefo, “Me vaka ni sa vakaraitaka vei iko na Kalou na ka kece oqo, sa sega tale ni qai dua me tamata kila-ka ka yalomatua me vakataki iko.

Vakatekivu 41:8

Ia ni sa mataka mai na vanua, a sa lomaleqa sara vakalevu. Sa qai talatala yani me ra lako kece mai na daucakamana kei na tamata vuku mai Ijipita. Sa qai kaya vei ira na nona tadra, ia sa sega sara ni dua me kaya rawa vua na kena i balebale.

1 Tui 8:27

“Ena rawa beka li, oi kemuni na Kalou, mo ni mai vakaitikotiko e vuravura? Me vaka ni sega mada ga ni se veirauti kei kemuni na lomalagi kei na lomalagi e cake sara, ia me na qai veirauti vakacava kei kemuni na Valenisoro ka'u sa tara oqo?

2 Veigauna 6:18

Ia ena mai tiko vakaidina li na Kalou kei na tamata e vuravura? Raica, ena sega ni rawa me vakarurugi kemuni na lomalagi, kei na lomalagi e cake sara; ia sa qai vakacava sara mada na kena lailai sobu na vale ka'u a tara oqo!

NA SAME 132:14

“Au na tiko ena vanua oqo ka sega ni mudu; Oqo na vanua au vinakata me'u tiko kina.

NA SAME 68:18

A sa lako cake o koya ki na vanua cecere, Ka kauti ira yani e lewe vuqa na bobula ena nona qiqi; Sa taura na i solisoli mai vei ira na tamata. Ena tiko e kea o Jiova na Kalou.

Lako Yani 29:45

Au na tiko voli kei ira na Isireli, ka'u na nodra Kalou.

Lako Yani 8:19

ka ra sa qai tukuna kina vua na tui o ira na daucakamana, “Oqo na cakacaka ni Kalou!” Ia sa lomaqa ga na tui ka sega ni via rogoci rau o Mosese kei Eroni, me vaka na ka sa kaya oti o Jiova.

Aisea 47:12

Maroroya kece tiko na nomu kaukauwa mana kei na daurairai O a dau vakayagataka me tekivu mai na gauna ni nomu gone. De na rairai ena vukei iko ena so na ka, Ka na rairai vakarerei ira na kemu meca.

Aisea 57:15

Oi au na Kalou Cecere ka Savasava, O koya sa bula tikoga ka tawa mudu. Au sa tiko ena vanua cecere ka savasava Ia au sa tiko talega kei ira na tamata Era sa yalo malumalumu ka veivutuni; Me'u kauta tale mai na nodra yalo dei kei na vakanuinui.

Aisea 8:18

Raica oi au kei ira na gone sa solia mai vei au o Jiova keimami sai vakadinadina ka i vakatakilakila ni veika dredre e Isireli mai vei Jiova ni lewevuqa, o koya sa tiko mai na ulunivanua o Saioni.

Taniela 4:4

Oi au o Nepukanesa. Au a tiko vakacegu ka marau voli ena noqu vale vakatui.

Taniela 5:11

E tiko voli ena nomu matanitu e dua na tamata ka tiko vua na yalodra na kalou tabu. Ni a tui tiko na tamamuni, a kunei na tamata oqo ni sa yalomatua ka kila-ka, ka vuku sara me vaka na nodra vuku na kalou. Sa qai lesi koya na tamamuni, o Nepukanesa na tui, me nodra i liuliu na daukilakila, na daucaka mana, na vuku kei ira na dautukuna na kalougata.

Joeli 3:21

Au na cudruvaka na kedra dra, Au na sauma vei ira sa caka cala, Ni sai au o na Jiova, Ka'u sa tiko ena Ulunivanua o Saioni.

Tiko mai na Lekutu 35:34

Ia mo ni kakua ni vakadukadukalitaka na vanua o ni sa tiko kina, ni'u sa tiko kina o au; ni sai au o Jiova ka tiko maliwai ira na Isireli.”

Maciu 19:26

Sa qai rai yani vei iratou o Jisu, ka kaya vei iratou, “Sa dredre sara vei ira na tamata, ia sa rawarawa vua na Kalou na veika kecega.”

Joni 1:14

A sa yaco me tamata na Vosa, sa sinai ena loloma-savu kei na dina, ka sa bula ena keda maliwa. Keitou a raica na nona i serau, na i serau ka ciqoma o koya me vaka ni sa Luvena duabau ga nei Tamana.

Joni 14:17

Sa i koya na Yalo Tabu sa vakatakila na dina ni Kalou. E sega ni ciqomi koya rawa o vuravura, baleta ni sa sega ni rawa ni raici koya se kilai koya. Ia o kemudou ga sa kilai koya, baleta ni sa tiko vata kei kemudou o koya ka sa tiko e lomamudou.

Joni 14:23

A qai sauma o Jisu ka kaya vua, “Kevaka sa lomani au e dua na tamata ena muria na noqu vosa: ka na lomani koya o Tamaqu, ka keirau na lako mai vei koya, ka mai tiko vua.

2 Korinica 6:16

A cava e rau tautauvata kina na Vale ni Kalou kei na veimatakau? Ni sai keda ga na vale tabu ni Kalou. Me vaka e kaya na Kalou: “Au na tiko ena lomadra ka lako voli kina; Au na nodra Kalou ka ra na noqu tamata.

Vakatakila 21:3

Au a qai rogoca e dua na domo sa rogo levu mai na i tikotiko vakaturaga, ni sa kaya: “Raica, sa tikoga vei ira na tamata na vale ni Kalou! Ena tiko vata kei ira o koya, era na nona tamata. Na Kalou vakaikoya ena tiko vata kei ira, ka na nodra Kalou o koya.