Taniela 12:7 - Vakavakadewa Vou kei na iVola tale eso

⁷ Sa qai laveta cake na ligana ruarua vaka ki lomalagi na agilosi, ka vosa yalayala ena yaca ni Kalou Tawamudu. Au a rogoca ni kaya vakaoqo, “Ena tolu veimama na yabaki na kena dede. Ni oti na nodra vakararawataki na tamata ni Kalou, sa na qai yaco na veika kecega oqo.”

Ai Vola Tabu (Vakadewa Makawa Vakavoutaki 2021)

⁷ Au a qai rogoca na tamata sa vakaisulu lineni ka tiko e na uciwai ki cake, ni sa dulaka ko koya na ligana i matau kei na ligana i mawi ki lomalagi, ka bubului, ka cavuti Koya sa bula ka sega ni mudu, ni na dua na gauna, kei na rua, kei na veimama ni gauna, ka gauna e musuka oti kina ko koya na nodra kaukauwa na tamata tabu, ena qai vakayacori na ka kecega oqo.

AI VOLA TABU

⁷ Au a qai rogoca na tamata sa vakaisulu laino e dela ni wai ni uciwai, ni sa laveta ko koya na ligana i matau kei na ligana i mawi ki lomalagi, ka vosavavakini, a sa cavuti Koya sa bula ka tawa mudu, ni na dua mada na yabaki, ka so tale na yabaki, ka dua na tiki ni yabaki; ia ni sa qai rawa na nona musuka na nodra kaukauwa na mataqali tabu, ena qai vakayacori na ka kecega o qo.

Vakavakadewa Makawa

⁷ Au a qai rogoca na tamata sa vakaisulu lineni e tiko e cake ko koya e ra na uciwai, ni sa dulaka ko koya na ligana i matau kei na ligana i mawi ki lomalagi, ka bubului, ka cavuti Koya sa bula ka sega ni mudu, ni na dua mada na gauna, ka so tale na gauna, ka dua na tiki ni gauna; ia ni sa musuka oti ko koya na nodra kaukauwa na mataqali tabu, ena qai vakayacori na ka kecega oqo.

Ai Vola Tabu Ena Vakavakadewa Vou

⁷ Sa qai laveta cake na ligana ruarua vaka ki lomalagi na agilosi, ka vosa yalayala ena yaca ni Kalou Tawamudu. Au a rogoca ni kaya vakaoqo, “Ena tolu veimama na yabaki na kena dede. Ni oti na nodra vakararawataki na tamata ni Kalou, sa na qai yaco na veika kecega oqo.”

Taniela 12:7 Iomraidhean Croise

Jope 27:2

Me vaka ni sa bula na Kalou, O koya sa kauta laivi na noqu dodonu, O Koya sa Kaukauwa, Ka sa vakararawataka na yaloqu,

Aisea 62:12

O ni na vakatokai mo ni Matatamata Tabu ni Kalou Na matatamata sa vakabulai ira o Jiova. Ena vakatokai o Jerusalemi me “Koro sa lomana na Kalou.” “Na koro sa sega ni biuta na Kalou.”

Jeremaia 4:2

Sa na qai rawa mo ni vosa bubului ena yacaqu ena yalodina, dodonu ka savasava. Era na kerei au na veimatanitu kece me'u vakalougatataki ira, ka ra na vakacaucautaki au.”

Isikeli 20:5

ka kaya vei ira, ‘Sa kaya vakaoqo na Kalou o Jiova: Ena siga ka'u a digitaki ira kina na Isireli, au a bubuluitaka kina vei ira na kawa i Jekope, ka'u a vakatakilai au kina vei ira ena vanua o Ijipita, ni'u a vosa bubului ka kaya, Oi au o Jiova na nomuni Kalou.

Taniela 10:5

Au a rai cake ka'u raica sara e dua na tamata e vakaisulu tu ena i sulu lineni ka vauci tu na tolona ena dua na kena i vau koula.

Taniela 11:13

Sa na qai lesu tale o tui Siria ka la'ki soqona vata e dua na mataivalu levu cake. Ia ni yaco mai na kena gauna sa vinaka vua, ena qai kauta lesu tale ki Ijipita o koya e dua na mataivalu levu ka vakaiyaragitaki vakavinaka.

Taniela 12:6

Sa qai taroga e dua vei rau vei koya na agilosi ka tucake tu ena uciwai vakalailai ki cake, “A cava na kena dede me sa na qai oti kina na veika veivakurabuitaki oqo?”

Taniela 12:8

Au rogoca na ka e a kainaka o koya, ia au a sega ni kila na kena i balebale. Au a tarogi koya, ka vaka, “Noqu Turaga, ena tini vaka e vei na ka kecega oqo?”

Taniela 4:31

Ni bera ga ni cavuka na vosa mai na gusuna, a rogo e dua na domo mai lomalagi, ka vakaoqo: “I Nepukanesa na tui, mo vakarorogo ki na ka au na tukuna. Na nomu matanitu sa kau tani sara mai vei iko.

Taniela 4:34

“Oi au o Nepukanesa. Ni sa oti e vitu na yabaki, ni'u a tu ka rai cake ki lomalagi, a qai lesu tale mai vei au na noqu vakasama vakatamata. Au a vakavinavinaka vua na Kalou Cecere ka'u a vakarokoroko vua ka vakalagilagi koya sa bula tikotiko ga ka sega ni mudu. “Sa na tui tikoga o koya ka sega ni mudu, Ka sa na bula tu ga na nona matanitu ena veigauna kecega.

Taniela 7:21

Au a rai tu ga, sa veivala na i leu oqo kei ira na tamata ni Kalou ka mani rawai ira.

Taniela 7:25

Na tui oqo ena vosa vakacacataka na Kalou Cecere ka na tabaki ira sobu na tamata ni Kalou. Ena tovolea o koya me veisautaka na lawa eso kei na gauna ni solevu vakalotu eso. Era na qai bula voli na tamata ni Kalou ena lewa ni nona kaukauwa ka yabaki tolu veimama na kena dede.

Taniela 8:14

Sa sauma o koya, ka kaya vei au, “Ena qai oti ni sa sivi e 2,300 na gauna ni vakacaboisoro ni mataka kei na yakavi, ena qai vakavoui tale na vale tabu ena kena i tutu dodonu.”

Taniela 8:24

Ena tubu me kaukauwa o koya, ka ni vakavuna na veivakarusai e rerevaki, ia na veika kecega e rawata vakavinaka sara. Ena vakarusai ira na kaukauwa kei ira na tamata ni Kalou.

Luke 21:14

O koya oqo mo dou qai vakataudeitaka toka ena lomamudou mo dou kakua ni vakananuma e liu na ka mo dou kaya;

Luke 21:24

Era na vakamatei ena i seleiwau, ka ra na kau vakabobula ki na veivanua eso; ka ra na buturaki Jerusalemi sobu na veimatanitu tani, me yacova ni sa oti na nodra gauna.

Vakarua 26:19

Ena vakayacori kemuni mo ni cecere mai vei ira na veimatanitu kecega sa vakatubura o koya, ka o ni na vakacerecerei koya, ka vakalagilagia na yacana. O ni na nona tamata vakatabui, me vaka na veika sa yalataka.”

Vakarua 32:36

O Jiova ena vueti ira na nona tamata ni sa raica ni sa oti na nodra kaukauwa. Ena yalololoma vei ira era sa qaravi koya, ni sa raica na nodra yalomalumalumu.

Vakarua 32:40

Me vaka ni sai au dina ga na Kalou bula. Au sa laveta na ligaqu ka yalataka

Vakarua 7:6

Mo ni cakava na ka oqo baleta ni o ni sa nei Jiova na nomuni Kalou. Sa digitaki kemuni o koya mai vei ira na veimatatamata kecega e vuravura mo ni nona i yau talei.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.

Vakatakila 12:14

A sa qai soli vua na yalewa e rua na tabana vakaikeli lelevu me rawa kina ni vuka sara ki na nona i tikotiko ena vanua dravuisiga, ki na vanua me la'ki maroroi kina me rauta e tolu veimama na yabaki, ka me kakua ni ravuti koya kina na drakoni.

Vakatakila 12:6

Sa qai dro na yalewa ki na vanua dravuisiga, ki na tikina sa vakarautaka tu na Kalou me baleti koya, ka me na maroroi kina me 1,260 na siga.

Vakatakila 13:5

A sa soli tu na galala vua na manumanu rerevaki me cavuta eso na i tukutuku me baleti koya ka sa vakacacani kina na Kalou, ka sa soli talega vua me veiliutaki me vula vasagavulukarua.

Vakatakila 4:10

era sa bale sobu kecega ena vakarokoroko ena mata i koya sa tiko ena i tikotiko vakaturaga na qase kece sara e ruasagavulukava. Era sa biuta sobu na nodra i sala ena mata ni tikotiko vakaturaga ka kaya,

Vakatakila 4:9

O iratou na veika bula sa ia ga na sere ni vakacaucau kei na vakarokoroko kei na vakavinavinaka kivei koya sa tiko ena i tikotiko vakaturaga, o koya sa bula tikoga ka tawamudu. Ni ratou sa vakayacora oqo,