Taniela 12:6 - Vakavakadewa Vou kei na iVola tale eso

⁶ Sa qai taroga e dua vei rau vei koya na agilosi ka tucake tu ena uciwai vakalailai ki cake, “A cava na kena dede me sa na qai oti kina na veika veivakurabuitaki oqo?”

Ai Vola Tabu (Vakadewa Makawa Vakavoutaki 2021)

⁶ A sa kaya e dua vua na tamata sa vakaisulu lineni, o koya ka tiko e na uciwai ki cake, “A cava na kena dede me na qai yaco nai otioti ni veika oqo e veivakurabuitaki?”

AI VOLA TABU

⁶ A sa kaya e dua vua na tamata sa vakaisulu laino e dela ni wai ni uciwai, A cava na kena dede me qai yaco nai otioti ni veika o qo e veivakidacalataki?

Vakavakadewa Makawa

⁶ A sa kaya e dua vua na tamata sa vakaisulu lineni e tiko e cake ko koya sa tiko e ra na uciwai, A cava na kena dede me na qai yaco nai otioti ni veika oqo e veivakurabuitaki?

Ai Vola Tabu Ena Vakavakadewa Vou

⁶ Sa qai taroga e dua vei rau vei koya na agilosi ka tucake tu ena uciwai vakalailai ki cake, “A cava na kena dede me sa na qai oti kina na veika veivakurabuitaki oqo?”

Taniela 12:6 Iomraidhean Croise

NA SAME 74:9

Sa yali kece na neimami vakatakarakara tabu; Sa sega tale ni qai vo e dua na parofita, Ka sa sega ni bau dua e kila se cava na dede ni veika oqo.

Isikeli 9:2

Raica, e ratou sa lako mai e lewe ono na tamata mai na matamata ni koro e cake, vaka ki na vualiku, e ratou sa dui taura tu e ligana na i yaragi ni ravuravu; ia e dua vei iratou na tagane a vakaisulu ena lineni, ka tu vua e dua na kato ni yaya ni volavola. E ratou a curu ki loma, ka la'ki tu e mata ni cabocabonisoro parasa.

Taniela 12:5

Au a qai raica e lewe rua tale na tamata ni rau tucake tu, ka rau yadua tu na tai ni uciwai.

Taniela 12:8

Au rogoca na ka e a kainaka o koya, ia au a sega ni kila na kena i balebale. Au a tarogi koya, ka vaka, “Noqu Turaga, ena tini vaka e vei na ka kecega oqo?”

Taniela 8:13

Au a qai rogoca e dua na yalo savasava ni taroga e dua tale na yalo savasava, ka vaka, “A cava beka na dede ni gauna ena yaco tiko kina na veika e raici ena raivotu me baleta na i Soro ni Veisiga, na i valavala ca vakasisila, na vakacacani kei na buturaki ni valenisoro kei na i vavakoso?

Taniela 8:16

Au sa rogoca sara na domo ni kaci mai na uciwai na Ulai, ka vaka, “I Kaverieli, mo vakamacalataka vua na i balebale ni nona raivotu.”

Maciu 24:3

Ni sa la'ki dabe toka o koya mai na Ulunivanua ni Veiolive, e ratou sa qai lako vuni ga yani na tisaipeli, ka kaya, “Ni tukuna mada vei keitou se ena yaco ni naica na veika oqo, ka cava na kena i vakatakilakila ni nomuni lako mai, kei na i vakataotioti kei vuravura?”

Marika 13:4

“Ni tukuna mada vei keitou ena yaco beka e naica na veika oqo, ka cava na kena i vakatakilakila ni ra sa vakarau yaco?”

Efeso 3:10

Ena qai vakayagataka na Kalou na i soqosoqo lotu me vakaraitaka vei ira sa kaukauwa ka veiliutaki ena veiyasana vakalomalagi ni sa ka levu sara na vuku ni Kalou ena kena veimataqali eso.

1 Pita 1:12

A sa vakatakila na Kalou vei ira na parofita oqo ni ra sa sega ni cakacaka tiko ena vukudra ga, ia ena vukumuni, ena nodra sa tukuna na veitukutuku eso o ni sa qai rogoca oqo mai vei ira sa vunautaka na i Tukutuku Vinaka ena kaukauwa ni Yalo Tabu sa talai mai lomalagi. A veika oqo era sa bau gadreva tale tu ga na agilosi me ra kila.

Vakatakila 15:6

E ratou sa qai curu mai ki tautuba ni valenisoro o iratou na agilosi e lewe vitu ka sa tiko vei iratou na ka ni veivakararawataki e vitu, eratou sa vakaisulu ena i sulu lineni vulavula savasava, ka sa vakaioro na lomaseredratou ena i oro koula.

Vakatakila 19:14

Era sa muri koya ka vodo ose vula na mataivalu ni lomalagi, ka ra sa vakaisulu ena lineni matailalai sa vulavula ka savasava.

Vakatakila 6:10

Era sa kaci ena domolevu, “Oi kemuni na Turaga kaukauwa, sa yalosavasava ka dina! A cava soti na kena dede mo ni qai ia kina na veilewai vei ira na tamata sa tiko e vuravura ka totogitaki ira ena vuku ni nodra a vakamatei keimami?”