Taniela 12:4 - Vakavakadewa Vou kei na iVola tale eso

⁴ A sa qai kaya vei au, “Ia oqo, i Taniela, mo sogota na i Vola ka tuki dregata me yacova na gauna ni vakataotioti. Era na veiciciyaki na lewe vuqa ka levu sara na i valavala ca.”

Ai Vola Tabu (Vakadewa Makawa Vakavoutaki 2021)

⁴ Ia ko iko, Taniela, mo maroroya na vosa, ka dregata nai vola, me yaco mada na kenai vakataotioti. Era na veiciciyaki na lewe vuqa, ka na vakalevutaki talega na vuku.

AI VOLA TABU

⁴ Ia ko iko, Tanieli, mo tinia na vosa, ka dregata nai vola, me yaco mada na kenai vakataotioti: ena lewe vuqa era na veiciciyaki, ena vakalevutaki talega na vuku.

Vakavakadewa Makawa

⁴ Ia ko iko, Taniela, mo maroroya na vosa, ka dregata nai vola, me yaco mada na kenai vakataotioti: era na veiciciyaki na lewe vuqa, ka na vakalevutaki talega na vuku.

Ai Vola Tabu Ena Vakavakadewa Vou

⁴ A sa qai kaya vei au, “Ia oqo, i Taniela, mo sogota na i Vola ka tuki dregata me yacova na gauna ni vakataotioti. Era na veiciciyaki na lewe vuqa ka levu sara na i valavala ca.”

Taniela 12:4 Iomraidhean Croise

Aisea 11:9

Era na sega ni mavoa se vakarusai O ira kece era tiko ena noqu ulunivanua tabu. Ena sinai o vuravura ena kila-ka me baleti Jiova Me vaka sa robota na wasawasa na waitui.

Aisea 29:11

Sa na vunitaki vei kemuni na i balebale kece ni raivotu vakaparofita, ka sa na vaka na i vola vivigi sa dregati. Kevaka e kau vua e dua sa kila na wilivola ka kerei me wilika vei kemuni ena kaya ni sega ni rawa ni wilika ni sa dregati tu.

Aisea 30:26

Ena serau sara na vula me vaka na matanisiga ia na matanisiga ena vakavitutaki na kena i serau me vaka na rarama ni vitu na siga ena dua ga na siga. Ena yaco na ka oqo ni sa na vauca ka vakabula na mavoa e a vakavuna vei ira na nona tamata o Jiova.

Aisea 32:3

Ena tadola tu na daligadra ka rai tu na matadra Ki na nodra leqa na tamata.

Aisea 8:16

O ira na noqu tisaipeli me ra taqomaka ka maroroya na i tukutuku sa solia vei au na Kalou.

Jeremaia 5:1

Kemuni e Jerusalemi, Ni vaqaqara mada Ena nomuni veigaunisala! Ni vakararai wavoki! Mo ni raica vakataki kemuni! Ni vaqara ena loma ni veimakete! Ni tovolea mo ni kunea E dua na tamata sa kitaka na ka dodonu, Ka vakasaqara na ka dina, Kevaka o ni rawata, Sa na vosoti Jerusalemi o Jiova.

Taniela 10:1

Ena i katolu ni yabaki ni tui Peresia i Sairusi, a vakaraitaki kina vei Taniela, yacana talega o Pelitisasari e dua na i tukutuku. Na i tukutuku o ya sai tukutuku dina, ia na kena i balebale ga sa rui dredre me kilai. A qai vakamacalataki vua na kena i balebale ena dua na raivotu.

Taniela 10:14

Au sa lako mai oqo me'u mai vakatakila vei iko na ka ena yaco vei ira na kai nomu ena gauna mai muri. Oqo e dua na raivotu vou ka baleta na gauna mai muri.

Taniela 10:21

Na veika vakaoqo, ena dau vukei au duadua ga kina o Maikeli, na nomuni agilosi dauveiqaravi na Isireli, ka sega tale ni dua.

Taniela 11:33

O ira era vuku vei ira era na tamata era vakavulici ira e lewe vuqa na tamata. Ia, ena vakalailai mada, era na qai vakamatei eso ena i valu kei na bukawaqa, ka so tale ena butakoci na nodra i yau ka ra kau vakavesu.

Taniela 11:40

Ia ena kena i otioti ni gauna sa na qai valuti tui Siria o tui Ijipita; ia ena vala lesu o koya ena nona kaukauwa taucoko, ka vakayagataka na qiqinivalu, na i valu ose kei na vuqa na waqa ni vala. Era gumatua vua, me vaka na coka ni dobui.

Taniela 12:13

Ia o iko, Taniela, mo tamata yalodina tikoga ka yacova na nomu mate. Ia ni o sa mate, o na qai tucake tale ena i vakataotioti mo taura na kemu i sau.”

Taniela 12:5

Au a qai raica e lewe rua tale na tamata ni rau tucake tu, ka rau yadua tu na tai ni uciwai.

Taniela 12:9

A sauma o koya, ka kaya, “Mo lako ga, Taniela, baleta ni veivosa oqo e dodonu me kakua ni kilai ka me vunitaki sara ka yacova ni sa yaco mai na i Vakataotioti.

Taniela 8:17

Sa qai lako mai o Kaverieli ka mai tu e yasaqu, ia ena levu ni noqu rere, au a cuva sobu vakatoboicu ki na qele. A qai kaya vei au o koya, “O iko na kai vuravura, oqo na kena i balebale mo kila. Na raivotu oqo sa baleta na i vakataotioti ni veika kecega.”

Taniela 8:19

ka kaya, “Mo rogoca, au na vakaraitaka vei iko na veika ena yaco ena veicudruvi ni gauna mai muri, ka ni na yaco oqo ena gauna sa lokuci ena i vakataotioti ni gauna.

Taniela 8:26

Na raivotu ni vakacaboisoro ena mataka kei na yakavi sa vakamacalataki oti vei iko, e ka dina sara ga. Ia, mo maroroya sara ka vunia, baleta ni sa rui yawa na gauna me na qai yaco kina na dina ni raivotu oqo.”

Maciu 24:14

Ka na vunautaki mada na i Tukutuku Vinaka ni matanitu ki na vuravura taucoko, me i vakadinadina ki na veivanua kecega, sa na qai yaco mai na i vakataotioti.

Roma 10:18

Ia ka'u sa taroga: e dina beka li ni ra a sega ni rogoca na i tukutuku? Sega, e sega ni dina, ka ni ra a sa rogoca o ira me vaka ni a kaya na i Vola Tabu, “Na rorogo ni domodra sa yaco yani ki na veiyasa i vuravura kecega; Sa yaco na nodra vosa ki na i yalayala kei vuravura.”

Vakatakila 10:4

Ena gauna ga eratou sa vosa kina na kurukuru e vitu, au sa vakarau tu me'u volavola. Ia ka'u a qai rogoca e dua na domo mai lomalagi ni tukuna mai vei au, “Maroroya me ka vuni na veika eratou sa kaya na kurukuru e vitu; mo kakua sara ni vola!”

Vakatakila 22:10

A sa qai kaya vei au, “Kakua ni vunia na vosa ni parofisai ni vola oqo, ni sa voleka mai na gauna me yaco kina na ka oqo.

Vakatakila 5:1

Au a qai raica ena ligana i matau i koya sa dabe tiko ena i tikotiko vakaturaga e dua na i vola vivigi sa volai tu e loma, e dakuna talega, ka sa dregati ena drega e vitu.