Taniela 12:3 - Vakavakadewa Vou kei na iVola tale eso

³ O ira na vuku era na qai serau me vaka na rarama ni lomalagi. Ia o ira era a vakavulici ira na lewe vuqa me ra cakava na ka dodonu era na serau tu me vaka na kalokalo, ka sega ni mudu.”

Ai Vola Tabu (Vakadewa Makawa Vakavoutaki 2021)

³ Ia ko ira sa vuku era na serau mai me vaka na rarama kei lomalagi; kei ira era sa saumaki ira na lewe vuqa me ra yalododonu, me vaka na kalokalo ka sega ni mudu.

AI VOLA TABU

³ Ia ko ira sa vuku era na cila, me vaka na rarama kei lomalagi; kei ira sa saumaki ira na lewe vuqa me ra yalododonu, mo vaka na kalokalo ka tawa mudu.

Vakavakadewa Makawa

³ Ia ko ira sa vuku era na serau mai, me vaka na rarama kei lomalagi; kei ira era sa saumaki ira na lewe vuqa me ra yalododonu, me vaka na kalokalo ka sega ni mudu.

Ai Vola Tabu Ena Vakavakadewa Vou

³ O ira na vuku era na qai serau me vaka na rarama ni lomalagi. Ia o ira era a vakavulici ira na lewe vuqa me ra cakava na ka dodonu era na serau tu me vaka na kalokalo, ka sega ni mudu.”

Taniela 12:3 Iomraidhean Croise

Lako Yani 34:35

ka rawa vei ira na Isireli me ra raica na serau ni matana. Sa qai dau ubia tale na matana me yacova na gauna ka tarava ni veivosaki vata kei Jiova.

Vosavakaibalebale 11:30

Na yalododonu sa vakavuna na bula, ia na i tovo kaukauwa sa kauta tani tale.

Vosavakaibalebale 3:35

Era na dokai ka rogo na tamata vuku, ia ena nodra na madua na tamata lialia.

Vosavakaibalebale 4:18

Na sala era sa muria na yalododonu sa vaka na cadra cake ni matanisiga, ena toro cake tikoga na kena rarama me yacova na sigalevu tutu.

Dauvunau 12:9

Ia sa vuku sara na Dauvunau ka sa vakavulici ira tikoga na tamata ena ka e kila. Sa vulica vinaka sara na veivosa vakaibalebale ka vakatovolea talega na kedra dina.

Aisea 53:11

Ni a oti e dua na bula ni vakararawataki Sa na qai yacovi koya tale na marau; Ni sa kila ni sega ni tawa yaga na nona vakararawataki. Sa i koya na noqu dauveiqaravi Yalo Savasava; Ena colata na nodra i totogi na lewe vuqa, Ka qisi ira me ra noqu tamata yalodina.

Jeremaia 23:22

Ia kevaka era kila na noqu veivakasama vuni, sa na rawa me ra vunautaka na noqu vosa vei ira na noqu tamata, ka vakalesui ira mai na nodra veigaunisala ca kei na veika ca era dau vakayacora.

Taniela 11:33

O ira era vuku vei ira era na tamata era vakavulici ira e lewe vuqa na tamata. Ia, ena vakalailai mada, era na qai vakamatei eso ena i valu kei na bukawaqa, ka so tale ena butakoci na nodra i yau ka ra kau vakavesu.

Taniela 11:35

Eso vei ira na tamata vuku era na vakamatei. Na i naki ni ka oqo me ra vakavoui kina na tamata ni Kalou me yacova ni yaco mai na i Vakataotioti, na gauna sa lewa oti tu na Kalou.

Taniela 12:10

Era na lewe vuqa era na vakasavasavataki ka vakavoui. O ira na tamata ca era na sega ni kila na ka oqo, ka ra na caka ca tikoga; ia o ira na vuku era na kila na kena i balebale.

Maciu 13:43

Era na qai cila na yalododonu me vaka na matanisiga ni Matanitu nei Tamadra. O koya e vakadaligana, me rogoca sara.

Maciu 19:28

Sa qai kaya vei iratou o Jisu, “Au sa kaya vakaidina vei kemudou, ni sa dabe tiko na Luve ni Tamata ena nona i tikotiko lagilagi, ena vuravura vou, dou na qai tiko talega oi kemudou ka muri au voli ena i tikotiko vakaturaga e tinikarua, ka lewai ira na mataqali e tinikarua ni Isireli.

Maciu 24:45

“O cei mada na dauveiqaravi yalo dina ka vuku, o koya ena lesia na nona turaga me lewa na nona matavuvale, me solia vei ira na kedra kakana ena kena gauna dodonu?

Joni 4:36

O koya sa tatamusuki sa saumi sara tiko ka sa kumuna tiko na vuata ki na bula tawamudu; me rau marau vata kina na daukabukaburaki kei koya na dautatamusuki.

Joni 5:35

Sa vaka e dua na cina o Joni, sa caudre ka serau mai, ka o ni a rekitaka na nona rarama ena dua na gauna lekaleka.

Cakacaka 13:1

Era tiko vei ira na i soqosoqo lewenilotu mai Anitioki eso na parofita kei na so na qasenivuli: o Panapasa, o Simione (ka vakatokai Na Driloa), o Lusiu na kai Kirini, o Manaeni (o koya ka rau a susugi vata kei Eroti na kovana), kei Saula.

1 Korinica 3:10

Ena noqu vakayagataka na i solisoli sa solia vei au na Kalou, au sa vakayacora kina na nona cakacaka e dua na daunitaravale maqosa ni ka'u sa virikotora kina na yavu ni vale, ka sa dua tale na tamata sa qai tara cake na vale. Ia na tamata yadua e dodonu me qarauna vinaka na i valavala ni nona tara vale.

Efeso 4:11

Sa i koya sa “solia na veisolisoli vei ira na tamata,” ka sa lesi ira eso me ra i apositolo, eso me ra parofita, eso me ra dauveivakalotutaki, eso me ra i vakatawa, ka so me ra dauveivakatavulici.

Iperiu 5:12

Sa dodonu mo ni sa dauveivakatavulici tiko ena gauna oqo, ia o ni se gadreva voli ga e dua me mai vakavulici kemuni tale ena i matai ni lesoni me baleta na vosa ni Kalou. Sa yaga ga vei kemuni mo ni gunu sucu, ka segai na kakana dina.

2 Pita 3:15

Ni okata na gauna balavu e veivosoti tiko mai kina na Turaga me ia kina na veivakabulai vei kemuni, me vaka na nona volavola yani vei kemuni na noda i tokani lomani o Paula, ni sa vakayagataka na yalomatua sa solia vua na Kalou.

Vakatakila 1:20

Sa vakaoqo na i balebale vuni ni kalokalo e vitu o sa raica e ligaqu i matau vata kei na i tutu-ni-cina koula e vitu: na kalokalo e vitu sai iratou na agilosi ni soqosoqo lotu e vitu, kei na i tutu-ni-cina e vitu sai iratou na i soqosoqo lotu e vitu.

Dauveilewai 5:31

I Jiova, me mate ga vaka o ya o ira kece na kemuni meca, ia me ra serau ga vaka na cabe ni siga na nomuni i tokani! A sa tiko vakacegu na vanua me 40 na yabaki.