Taniela 12:2 - Vakavakadewa Vou kei na iVola tale eso

² E vuqa vei ira era sa mate oti era na bula tale. Eso vei ira era na bula ka sega ni mudu, ia eso ena nodra na madua kei na veivakalolomataki tawa mudu.

Ai Vola Tabu (Vakadewa Makawa Vakavoutaki 2021)

² Ia era lewe vuqa vei ira sa moce e na kuvu-ni-soso era na yadra, eso vei ira me ra bula ka sega ni mudu, ka so vei ira me ra madua ka beci ka sega ni mudu.

AI VOLA TABU

² Ia ena lewe vuqa vei ira sa moce e na kuvu-ni-soso ena yadra, e so me ra bula tawa mudu, ka so me ra madua ka beci ka tawa mudu.

Vakavakadewa Makawa

² Ia era lewe vuqa vei ira sa moce e na kuvu-ni-soso era na yadra, eso vei ira me ra bula ka sega ni mudu, ka so vei ira me ra madua ka beci ka sega ni mudu.

Ai Vola Tabu Ena Vakavakadewa Vou

² E vuqa vei ira era sa mate oti era na bula tale. Eso vei ira era na bula ka sega ni mudu, ia eso ena nodra na madua kei na veivakalolomataki tawa mudu.

Taniela 12:2 Iomraidhean Croise

Vosavakaibalebale 12:8

Kevaka o sa vuku, o na vakacaucautaki; ia kevaka o lecaika tiko, era na beci iko na tamata.

Aisea 26:19

O ira vei keimami era sa mate era na bula tale! Ena bula tale na yagodra! Era na yadra cake ka sere ena marau, O ira kece era sa moce tu ena kedra i bulubulu. Me vaka na kena vakabulabulataka na vuravura na tegu, Sa na vakabulai ira Vaka talega kina na sa mate Ena gauna makawa sara na Turaga.

Aisea 66:24

Ia ni ra sa na lesu, era na raica na yago ni tamata mate era sa dau talaidredre vei au. Ena sega ni mate na kedra baca, ka na sega talega ni bokoci rawa na kedra buka; ka ra na ka vakasisila vei ira na tamata kecega.”

Jeremaia 20:11

Ia, Turaga O ni sa totaki au, O ni sa kaukauwa ka qaqa Ka ra sa tarabe O ira kece era vakararawataki au; Era na sega sara ni qaqa. Era na vakamaduataki sara vakalevu Baleta ni ra na sega ni rawa ni qaqa. Na nodra madua Ena sega ni oti rawa Ka na sega sara ni guilecavi.

Isikeli 37:12

Ia o koya oqo, mo ia kina na parofisai, ka kaya vei ira, Sa kaya vakaoqo na Kalou o Jiova: Raica, au na dolava na kemuni bulubulu, ka'u na vakaturi kemuni cake tale mai kina, oi kemuni na noqu tamata; ka'u na kauti kemuni ki na vanua o Isireli.

Osea 13:14

Au na sega ni vakabulai ira na tamata oqo mai na nodra vuravura na mate se vueti ira mai na kaukauwa nei Mate. O iko Mate, sa evei na nomu ka ni veivakararawataki? O iko Etesi, sa evei na nomu dauveivakarusai? Ena sega sara ni'u yalololoma tale vei ira na tamata oqo.

Maciu 25:46

Era na qai lako tani o ira oqo ki na cudruvi tawamudu, ia o ira na yalododonu ki na bula tawamudu.”

Cakacaka 24:15

Na i nuinui vata ga vua na Kalou e tiko vei iratou oqo sa tiko talega vei au, o ya ni ra na tucake tale mai na mate o ira na yalododonu kei ira sa sega ni yalododonu.

Cakacaka 7:60

Sa qai tekiduru sobu o koya ka kaya ena domo levu, “Turaga, ni kakua ni cudruvi ira ena vuku ni valavala ca era sa cakava oqo!” Ia ni sa cavuta oti na vosa o ya sa qai mai cavuka sara yani na nona i cegu.

Roma 9:21

Ni sa tu vua na dautulikuro na nona dodonu me lewa ga na nona vakayagataka na qele me vaka na ka e vinakata; sa rawa ni bulia e rua na kuro mai na dua ga na i buli qele, ka me cakava e dua na kena e sau dredre se dua ga na kena e sau rawarawa.

1 Cesalonaika 4:14

Ia me vaka ni da sa vakabauta ni sa mate o Jisu ka sa tucake tale mai na mate, ena vaka talega kina o ira era sa mate ka ra sa tu vata kei Karisito ena nodra vakabauta; na Kalou ena kauti ira vata mai kei Jisu.

Vakatakila 20:12

Au a raici ira era sa mate oti, o ira sa cecere kei ira na tamata wale, era sa tu ena mata ni tikotiko vakaturaga, ka sa tevuki eso na i vola. Sa qai tevuki talega e dua tale na i vola, ka sai koya oqo na i Vola ni Bula. Era sa lewai na mate mai na veika era sa kitaka me vaka sa volai tu ena i vola.