Taniela 12:10 - Vakavakadewa Vou kei na iVola tale eso

¹⁰ Era na lewe vuqa era na vakasavasavataki ka vakavoui. O ira na tamata ca era na sega ni kila na ka oqo, ka ra na caka ca tikoga; ia o ira na vuku era na kila na kena i balebale.

Ai Vola Tabu (Vakadewa Makawa Vakavoutaki 2021)

¹⁰ Era na lewe vuqa ena vakasavasavataki, ka vakavulavulataki, ka vakatovolei; ia ko ira na tamata ca era na caka ca ga. Ka ra na sega sara ni kila rawa ko ira na tamata ca, ia ko ira sa vuku era na kila rawa.

AI VOLA TABU

¹⁰ Ena vakasavasavataki, ka vakavulavulataki, ka vakatovolei na lewe vuqa; ia era na caka ca ga na tamata ca: a ra na sega sara ni kila rawa ko ira na tamata ca; ia ko ira sa vuku era na kila rawa.

Vakavakadewa Makawa

¹⁰ Era na lewe vuqa ena vakasavasavataki, ka vakavulavulataki, ka vakatovolei; ia ko ira na tamata ca era na caka ca ga: ka ra na sega sara ni kila rawa ko ira na tamata ca; ia ko ira sa vuku era na kila rawa.

Ai Vola Tabu Ena Vakavakadewa Vou

¹⁰ Era na lewe vuqa era na vakasavasavataki ka vakavoui. O ira na tamata ca era na sega ni kila na ka oqo, ka ra na caka ca tikoga; ia o ira na vuku era na kila na kena i balebale.

Taniela 12:10 Iomraidhean Croise

Vakatakila 22:11

O koya sa daucaka ca me ia tikoga na caka ca, kei koya sa dukadukali me dukadukali tikoga; o koya sa vinaka me ia tikoga na caka vinaka, kei koya sa yalosavasava me yalosavasava tikoga.”

Taniela 11:35

Eso vei ira na tamata vuku era na vakamatei. Na i naki ni ka oqo me ra vakavoui kina na tamata ni Kalou me yacova ni yaco mai na i Vakataotioti, na gauna sa lewa oti tu na Kalou.

Osea 14:9

Me ra qai kila o ira sa yalomatua na veika sa volai eke, ka me ra tugana sara ki lomadra. Ni sa dodonu ga na sala i Jiova, ka sa bula o ira na yalododonu ni ra sa muria, ia era sa tarabe ga ka bale sobu o ira na tamata i valavala ca baleta ni ra sa sega ni kauwaitaki ira.

Joni 8:47

O koya sa lako mai vua na Kalou sa dau vakarorogo ki na vosa ni Kalou. Ia, oi kemuni, o ni sa sega ni lako mai vua na Kalou, ka oqori na vuna o ni na sega ni vakarorogo kina.”

1 Joni 5:20

Eda sa kila ni sa lako mai na Luve ni Kalou ka sa solia vei keda na yalomatua, me da kilai koya rawa kina na Kalou dina. Eda sa bula ga vua na Kalou dina, ka sa semati vata kei na Luvena o Jisu Karisito. Sa i koya oqo na Kalou dina, ka sai koya oqo na bula tawamudu.

Joni 7:17

Kevaka e dua na tamata e via cakava na loma ni Kalou, ena kila na i vakavuvuli, se sa lako mai vua na Kalou, se'u sa vosa tiko vakai au ga.

Luke 24:25

Sa qai kaya vei rau o Jisu, “Drau sa sesewa dina, ka berabera ni vakabauta na veika kece era sa tukuna na parofita!

Sakaraia 13:9

Au na qai vakatovolei ira na dua na i katolu ni tamata sa vo, ka vakavoui ira me vaka na vakabutari ni siliva mai na bukawaqa. Au na vakatovolei ira me vaka na vakatovolei ni koula. Era na masu vei au ka'u na sauma na nodra masu. Au na tukuna vei ira ni ra sa noqu tamata, ka ra na vakadinadinataka ni'u sa nodra Kalou.”

Vakatakila 3:18

Au sa vakasalataki iko kina vakaoqo mo mai volia vei au na koula sa vakatovolei ena buka, mo vutuniyau kina. Volia talega na i sulu vulavula mo vakaisulu kina, me ubia na nomu luvawale sa rui vakamadua. Volia talega na i sui ni mata, me sui kina na matamu, mo rai rawa kina.

Vosavakaibalebale 1:5

Na veivosa vakaibalebale oqo sa na rawa talega me vakuria na nodra kila-ka na tamata vuku kei na veituberi vei ira era vuli vinaka;

1 Pita 1:7

Sa kedra i naki ga me vakadinati kina na dina ni nomuni vakabauta ni sa vakatovolei. Ni sa talei vakalevu cake na nomuni vakabauta mai na koula sa caca rawarawa, e dina ga ni dau vakatovolei ena bukawaqa. O ni na qai vakaivotavota emuri ena lagilagi kei na dokai ena Siga sa vakatakilai kina o Jisu Karisito.

Taniela 11:33

O ira era vuku vei ira era na tamata era vakavulici ira e lewe vuqa na tamata. Ia, ena vakalailai mada, era na qai vakamatei eso ena i valu kei na bukawaqa, ka so tale ena butakoci na nodra i yau ka ra kau vakavesu.

Isikeli 47:11

Ia ena sega ga ni wai dranu na wai ki na kena veitikina lolobo, ka qiloni tu; ena biu tu ga me rawa kina na masima.

Vakatakila 19:14

Era sa muri koya ka vodo ose vula na mataivalu ni lomalagi, ka ra sa vakaisulu ena lineni matailalai sa vulavula ka savasava.

Vakatakila 19:8

A sa vakadonui vua na yalewa me vakawati me vakaisulu ena lineni matailalai sa sekavula ka savasava.” (Na lineni matailalai oqo sai koya na nodra i valavala dodonu na tamata yalosavasava ni Kalou.)

Vakatakila 16:11

ka ra sa vosavakacacataka na Kalou ni lomalagi ena vuku ni nodra rarawa mosimosi kei na nodra tauvi vidikoso. Ia era sa sega ga ni vuki tani mai na nodra sala ca.

1 Pita 1:22

Ia oqo, ena vuku ni kena sa vakasavasavataki na yalomuni mai na nomuni talairawarawa ki na ka dina ena kaukauwa ni Yalo Tabu, kei na nomuni sa lomani ira na wekamuni vakayalo, mo ni qai veilomani dina sara kina ena vu ni yalomuni taucoko.

Iperiu 12:10

O ira na tamada vakayago era sa vakadodonutaki keda vakalekaleka ga, me vaka na veika era sa nanuma; ia sa vakadodonutaki keda ga na Kalou me da vinaka kina, ka vakaivotavota ena nona yalosavasava.

Vei Taito 2:14

Ni sai koya ga sa solia na nona bula ena vukuda, me voli keda vakadua kina mai na i valavala ca kecega, me vakasavasavataki keda me da sa nona tamata savasava ka dauguta vakalevu na caka vinaka.

2 Korinica 7:1

Kemuni na wekaqu, na veivosa ni yalayala oqo sa caka vei keda. Sa i koya oqo me da vakasavasavataki keda kina mai na dukadukali kece ni yago kei na yalo ka bula ena bula savasava sara ena noda rerevaka na Kalou.

1 Korinica 6:11

Eso vei kemuni era a vaka tu o ya e liu. Ia o ni sa qai vakasavasavataki mai na nomuni i valavala ca; o ni sa cabori me nona na Kalou; o ni sa vakadonui ena yaca ni noda Turaga o Jisu Karisito kei na Yalo ni noda Kalou.

Joni 18:37

Sa qai tarogi kaya o Pailato, “O iko bagi e dua na tui?” A sauma o Jisu ka kaya, “O sa kaya ni'u sa dua na tui. Au sa sucu ka lako mai ki vuravura oqo ena duabulu ga na i naki, o ya me'u mai tukuna na ka dina. O koya ga sa vakabauta na ka dina sa dau rogoca na noqu vosa.”

Marika 4:11

Sa qai kaya o koya vei ira, “Sa soli vei kemuni mo ni kila na ka vuni ni matanitu ni Kalou; ia, vei ira ga e taudaku, sa tukuni na ka kecega ena vosa vakatautauvata,

Taniela 12:3

O ira na vuku era na qai serau me vaka na rarama ni lomalagi. Ia o ira era a vakavulici ira na lewe vuqa me ra cakava na ka dodonu era na serau tu me vaka na kalokalo, ka sega ni mudu.”

Isikeli 36:25

Au na kureitaka vei kemuni na wai makare, mo ni na qai savasava kina mai na nomuni dukadukali kecega, ka'u na vakasavasavataki kemuni talega mai na nomuni matakau.

Aisea 1:18

A sa kaya o Jiova, “Ni lako mai me da mai veivosakitaka vata. E dina ga ni sa ka kulakula na nomuni i valavala ca Ia sa na vaka ga na vulavula ni wai cevata. Kevaka sa damu vakula, Sa na vaka ga na vutika ni sipi vulavula.

NA SAME 107:43

Na tamata yalomatua me vakasamataka sara na ka oqo, Ka vakananuma ga na loloma tudei i Jiova. A Sere. A Same i Tevita.

NA SAME 51:7

Ni savai au mai noqu i valavala ca, ka'u na qai savasava; Ni vui au, kau na qai vulavula cake mai na uca cevata.

1 Samuela 24:13

Me vaka e tukuna na vosa vakaibalebale makawa, ‘Sa vakasucuma ga na ca o ira na tamata ca’; ia ena sega ni tarai kemuni na ligaqu.

Malakai 3:3

Ena lako mai o koya me mai daunilewa me vakataki koya e daulewa na vakasavasavataki kei na vakabutai ni siliva. Me vaka na nona dau vakasavasavataki siliva kei na koula na daucaka kaukamea, ena mai vakasavasavataki ira vaka talega kina na bete o koya na i talatala ni Turaga, me rawa kina ni ra mai vakacabora vua na Turaga na i madrali e dodonu.