Taniela 12:1 - Vakavakadewa Vou kei na iVola tale eso

¹ Na agilosi sa daramaka voli na i sulu lineni sa kaya vakaoqo, “Ena gauna o ya, ena qai tucake kina o Maikeli na agilosi kaukauwa ka qaqa, o koya a dauyadravi ira na nomu kawa tamata. Sa na qai yaco e dua na gauna ni rarawa levu, na gauna ni rarawa oqo e se sega ni bau yaco ena dua na gauna mai liu ni se qai tubu kina na veimatanitu. Ni sa yaco mai na gauna oqori, o ira kecega na lewe ni nomu vanua sa volai tu na yacadra ena i Vola ni Kalou era na vakabulai.

Ai Vola Tabu (Vakadewa Makawa Vakavoutaki 2021)

¹ “Ia e na gauna ko ya, ena tucake ko Maikeli, na turaga levu o koya sa totaki ira na luvedra na kai nomu. Ena qai yaco e dua na gauna rarawa, sa sega sara e vakakina mai nai vakatekivu ni matanitu ka yacova na gauna ko ya. Ia e na gauna ko ya era na vakabulai na kai nomu, ko ira kece sa na kune ni ra volai e nai vola.

AI VOLA TABU

¹ IA e na gauna ko ya ena tu cake ko Mikaeli, na turaga levu sa totaki ira na luvedra na kai nomu: ena qai yaco e dua na gauna ni rarawa, sa sega sara e vakakina mai nai vakatekivu ni matanitu ka yacova na gauna ko ya: ia e na gauna ko ya ena vakabulai na kai nomu, o ira kece sa na kune ni ra volai e nai vola.

Vakavakadewa Makawa

¹ Ia e na gauna ko ya ena tu cake ko Maikeli, na turaga levu o koya sa totaki ira na luvedra na kai nomu: ena qai yaco e dua na gauna rarawa, sa sega sara e vakakina mai nai vakatekivu ni matanitu ka yacova na gauna ko ya: ia e na gauna ko ya era na vakabulai na kai nomu, ko ira kece sa na kune ni ra volai e nai vola.

Ai Vola Tabu Ena Vakavakadewa Vou

¹ Na agilosi sa daramaka voli na i sulu lineni sa kaya vakaoqo, “Ena gauna o ya, ena qai tucake kina o Maikeli na agilosi kaukauwa ka qaqa, o koya a dauyadravi ira na nomu kawa tamata. Sa na qai yaco e dua na gauna ni rarawa levu, na gauna ni rarawa oqo e se sega ni bau yaco ena dua na gauna mai liu ni se qai tubu kina na veimatanitu. Ni sa yaco mai na gauna oqori, o ira kecega na lewe ni nomu vanua sa volai tu na yacadra ena i Vola ni Kalou era na vakabulai.

Taniela 12:1 Iomraidhean Croise

NA SAME 56:8

O ni sa kila na levu ni noqu leqa; O ni sa kila na levu ni wai ni mataqu sa drodro yani. Sa sega li ni volai kece tu ena nomuni i vola?

NA SAME 69:28

Me bokoci laivi na yacadra mai na i Vola ni Bula, Ka me ra kakua ni volai ena kedra i vola na nomuni tamata.

Aisea 4:3

O ira yadua sa digitaki ira na Kalou ka ra vo tu e Jerusalemi era na vakatokai me ra savasava.

Aisea 9:7

Ena tubu tikoga na nona kaukauwa vakaturaga; Na nona matanitu ena dautiko sautu tikoga. Ena veiliutaki me i sosomi kei Tevita na tui, Ka yavutaka na nona lewa ena dina kei na dodonu, Mai na gauna oqo me yacova na i vakataotioti. Na gumatua i Jiova ni lewevuqa ena vakayacora na ka oqo.

Jeremaia 30:10

Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Jeremaia 30:7

E dua na siga rerevaki ena yaco mai; Ena sega tale ni dua na siga Me na vakatauvatani kaya. Ena dua na gauna ni rarawa Vei ira na kawa i Jekope; Ia era na bula tikoga.”

Isikeli 13:9

Na ligaqu ena saqati ira na parofita era sa raica na ka wale, a vosataka na vosa mana lasu; era sega ni tiko ena nodra i soqosoqo na noqu tamata, era na sega ni volai ena i vola ni mataqali ni Isireli. Era na sega talega ni curuma na vanua o Isireli; ia o ni na kila ni sai au na Kalou o Jiova.

Isikeli 34:24

Ia oi au o Jiova, ka'u na yaco me'u nodra Kalou, ka sa na turaga ena kedra maliwa o Tevita na noqu tamata; ia oi au o Jiova ka'u sa cavuta.

Isikeli 5:9

Ia ena vuku ni valavala vakasisila kecega, au sa na cakava kina vei iko na ka au a sega mada ni bau cakava e liu, ia ka'u na sega tale ni cakava e muri e dua na ka me rau tautauvata kaya.

Taniela 10:13

Ia sa siga ruasagavulu kadua na nona mai saqati au tiko na agilosi dauveiyadravi ni Peresia. Oti a qai lako mai o Maikeli, e dua vei ira na agilosi liu, ka mai vukei au baleta ni'u a biu duadua tu ga ena matanitu o Peresia.

Taniela 10:21

Na veika vakaoqo, ena dau vukei au duadua ga kina o Maikeli, na nomuni agilosi dauveiqaravi na Isireli, ka sega tale ni dua.

Taniela 11:45

Sa na birika na nona veivalelaca lelevu vakatui ena kedrau veimama na waitui kei na ulunivanua tabu ka lagilagi. Ia, ena mate o koya, ka na sega e vukei koya.”

Taniela 7:10

ka veisebayaki tiko mai kina na yameyame ni buka. Era lewe udolu vakaudolu na tamata era tiko e kea me ra qaravi koya, ka ra milioni vakamilioni era sa tu e matana. A qai tekivutaki na veilewai, ka ra sa cegai tu na kena i vola.

Taniela 9:12

O ni sa cakava na ka o ni a kaya ni o ni na kitaka vei keimami kei ira na neimami turaga. O ni sa vakanakuitataki Jerusalemi vakabibi cake mai na dua tale na koro levu e vuravura taucoko.

Joeli 2:2

E dua na siga vakaturubuto, E siga ni veio butobuto levu! Sa tadu mai na mataivalu qele ni vodre levu A sa vaka na buto e solega na veiulunivanua; E se qai yaco vakadua oqo, Ka na sega ni yaco tale maimuri.

Malakai 3:16

Era sa qai veivosaki vakai ira o ira na tamata sa rerevaka na Turaga, ka sa vakarorogo o Jiova ka rogoca na veika era sa veivosakitaka. A sa volai e dua na vola ni vakananumi ena mata i Jiova me maroroi kina na yacadra vakayadua era sa rerevaki Jiova ka dokai koya.

Maciu 24:21

ni leqa ena sotavi ena gauna o ya ena levu cake sara mai na kena e sa yaco oti, me tekivu oqo mai na i vakatekivu ni gauna me yacova na siga edaidai. Ena sega tale ni vakakina e muri.

Marika 13:19

Ni na vakadomobula cake sara na veika rarawa ena yaco ena gauna o ya mai na veika sa sotava oti o vuravura, me tekivu mai na gauna ka a bulia kina na Kalou me yacova na gauna oqo. Ena sega talega ni yaco e muri e dua na ka me vakakina.

Luke 10:20

Ia mo ni kakua ni reki baleta ni ra sa talairawarawa vei kemuni na yalo velavela, ia mo ni reki ga ni sa volai na yacamuni mai lomalagi.”

Roma 11:15

Ni kevaka sa vakavuna me veivinakati tale o vuravura kei na Kalou na nodra biu tani na Jiu, ia na cava ena qai yaco kevaka era sa vakadonui talega vakakina? Ena vaka ga na bula tale mai na mate!

Roma 11:26

Ia ena vakaoqo na nodra vakabulai kece na Isireli. Me vaka e kaya na i Vola Tabu, “Ena lako mai na i Vakabula mai Saioni, Ka na kauta laivi na ca kecega mai vei ira na kawa i Jekope.

Efeso 1:21

Sa cecere cake kina o Karisito vei ira kecega sa liu, kei ira sa nodra na lewa, kei ira era sa kaukauwa ka qaqa, ka sa cecere cake mai na veiyaca sa dau cavuti ena gauna oqo kei na veigauna e muri.

Filipai 4:3

Au sa kerei iko talega, na noqu i tokani yalodina, mo vukei rau na yalewa oqo ka ni keitou a cakacaka vata sara vakaukauwa ena kena vakatetei na kosipeli, oi keitou vata kei Kelemedi kei ira kece talega na vo ni noqu i tokani dauveiqaravi, ka sa volai tu na yacadra ena i vola ni bula ni Kalou.

Ai Vola I Juta 1:9

A sa sega mada ga ni vakayacora oqo o koya na agilosi liu, o Maikeli. Ena nodrau a veiletitaka tiko kei na tevoro se o cei vei rau me maroroya na yago i Mosese, a sa sega ni bau doudou o Maikeli me vosavakacacataki koya na tevoro, ia sa kaya ga, “Sa cudruvi iko na Turaga!”

Vakatakila 1:5

sa soli vakakina mai vei Jisu Karisito, o koya na dautukutuku yalodina, na ulumatua vei ira na tucake tale mai na mate, ka nodra daunilewa na tui kece sara ni vuravura oqo. Sa lomani keda sara o koya, ka sa sereki keda mai na noda i valavala ca ena vuku ni nona mate,

Vakatakila 12:7

A sa kacabote na i valu mai lomalagi. Sa ia na i valu o Maikeli kei ira na nona agilosi me ra valuta na drakoni, o koya sa vala lesu kei ira na nona agilosi;

Vakatakila 13:8

Ia era na qaravi koya o ira kece sara era tiko e vuravura, ka vakavo ga o ira sa volai na yacadra ni se bera ni tauyavu na vuravura ena i Vola ni Bula ni Lami sa vakamatei.

Vakatakila 17:14

E ratou na veivala kei na Lami; ia na Lami kei ira sa tiko vata kaya, o ira era sa kacivi, ka sa digitaki, ka sa lomadina, era na vakadrukai ira baleta ni sai koya ga na nodra Turaga na turaga kei na nodra Tui na tui!”

Vakatakila 20:12

Au a raici ira era sa mate oti, o ira sa cecere kei ira na tamata wale, era sa tu ena mata ni tikotiko vakaturaga, ka sa tevuki eso na i vola. Sa qai tevuki talega e dua tale na i vola, ka sai koya oqo na i Vola ni Bula. Era sa lewai na mate mai na veika era sa kitaka me vaka sa volai tu ena i vola.

Vakatakila 20:15

Ia o ira vakayadua sa sega ni volai na yacadra ena i Vola ni Bula era sa viritaki ga ki na drano bukawaqa.

Vakatakila 3:5

O ira vakayadua sa rawata na qaqa era na vakaisulu vulavula vakakina vakaoqo, ka'u na sega ni bokoca laivi na yacadra mai na i vola ni bula. Au na vakatusa na yacadra ena mata i Tamaqu kei na matadra na nona agilosi ni ra sa noqu.

Vakatakila 7:14

Au sa qai kaya vua, “Au sa sega saka ni kila. O ni sa kila ga oi kemuni.” Sa qai kaya vei au, “Sa i ira oqo era sa bula mai na veivakararawataki levu. Era sa savata na nodra i sulu ka vakavulavulataka ena dra ni Lami.